半熟工房 (金馬倫道) (Closed)

喺尖沙咀打完邊爐，個口㷫烚烚，最啱你黎杯雪糕降下溫唔想食麥記咁頹，行到地鐵站附近，見到半熟工房有雪糕賣，仲要係Fatbrown 都幾鍾意嘅草莓味，一於試下半熟工房除咗出名嘅芝士蛋糕之外，依家仲多咗好多唔同嘅食物賣，有麵包、雪糕同其他口味嘅蛋糕<九洲草莓雪糕$38>啲雪糕都幾大杯，夠兩個人share食九州草莓雪糕草莓味幾重，仲可以食到草莓粁粉紅色嘅外表吸睛之餘又好味雪糕上面仲插左一舊朱古力同埋半塊蝴蝶酥，幾有心思威化筒係脆餅，唔係頹廢威化餅，脆脆地甜甜地，真系幾好食咖

半熟工房芝士撻每十二分鐘就會出爐一次，而芝士撻賣相非常討好，當然要係熱潮未減之前食返個啦。芝士撻：撻面金黃，內裡有半溶芝士，而撻底就用了曲奇皮。食落去簿簿嘅芝士味當中亦帶丁點酸味，而撻皮鬆化香脆，整體都ok。

邪惡既野食，通常都會食過返尋味😈以前要排幾廿分鐘等出爐，依家就可以輕輕鬆鬆進店買，可以話係香港人貪新鮮既優點🤣雖然唔係新鮮出爐，依舊保持水準，暖暖地，皮脆餡香，入面半熟既芝士好軟滑，唔會太甜。雖然好邪惡，但間唔中口痕想食下都ok，仍然會keep住幫襯！食黎食去都未食到🍫朱古力味添🙄下次真係要試！🍵半熟(京都十宇治)抹茶芝士撻$22 🧀半熟芝士撻$22

我同朋友係店出面經過剛好見到有一底新鮮出爐所以就比佢吸引住話要試試啦佢既店唔大 只有一張企既桌比人係店到食不過周邊放左紙巾 都有幾細心今次我就叫左個剛出爐既芝士撻(22蚊)第一口 入面既熱辣辣芝士味吉士係錦流出黎第二口 牛油皮用上好多牛油 好實在好香兩者真係好夾 融為一體 真係好正~要再食多個先!

下午三點三，最好停一停，抖一抖，來一客下午茶點敍一下。平時經過半熟工房，總會聞到香噴噴既cheese tart香味。今日終於買左個半熟工房既半熟芝士撻試下，芝士撻熱辣辣，大大個，未入口已經聞到香噴噴既芝士香味，中間既軟綿綿流心芝士忌廉，帶着濃郁既芝士味，饀料厚厚的，美味而且細滑，但又不太膩感，撻底係脆脆既曲奇餅乾底，$22 一件不算便宜，不過好味指數不低，喜歡芝士既人一定吾可以錯過!~ 甘好味既芝士撻，配反杯咖啡真係一流!~

平時係附近番工，都有試過食半熟工坊的芝士撻，好香好食！ 今次就新嘗試佢既蛋糕。蛋糕分三層，各有特色，底層是脆脆的曲奇餅底，中層是軟滑的芝士夾層，上層是木槺，三層味道很夾，會再去買！

✨半熟工房🧀流心藍莓芝士撻✨不留係半熟工房忠粉！無論係芝士蛋糕定撻都咁正😍今次試下藍莓芝士撻（$22）一切開芝士同藍莓流哂出黎😆面層芝士香濃 加藍莓粒粒有口感撻皮有牛油香 不過藍莓味有d蓋過芝士都係原味同抹茶味冇得輸！.

係尖沙咀反工，成日經過”半熟工房”都會俾佢既香味所吸引。有時，無忍住就會買個黎食。 芝士撻真係好好味，勁濃既芝士味。食完仲有濃濃的罪惡感，但真係好好好好好好好好味。蛋糕都吾錯，但有時溶得唔夠，個心就會好似有啲結冰甘。 但都好食的！

今日岀尖沙咀行街經過半熟工房🤩半熟工房其實普遍已經好多分店攤位鋪但攤位鋪無熱食的！尖沙咀呢間係地鋪所以有熱食就衝入左買招牌芝士撻😍未入去已經聞到好香芝士味新鮮熱辣辣岀爐，買左4個原味芝士撻($22/1)曲奇餅皮好香脆！芝士餡半流心狀態！好重芝士味🤤食哂一件係唔會覺得’溜’另外買左一盒5件裝芝士蛋糕$8810件裝是$160 首先芝士味濃唔洗講重點佢係好有層次感食得岀一層香滑芝士同海綿忌廉質感🤩喜歡佢設計細件有時係屋企口痕又唔想食太飽食呢個蛋糕就啱哂👍🏻一向不愛吃甜既媽媽都讚好好食👍🏻

每次下午茶時間路過半熟工房分店，都有衝動買番個芝士撻食下，過下口癮。今日終於忍不住，見有綠茶味就買一個食下，做飯前小食。因是堂食的，店員只會用紙巾捧著一個撻給我排隊付款，可能因為前方的客人買太多的關係，店員見我是付現金，等了一下就收了我的款項不用再排隊了，很細心喔。不過美中不足的是綠茶撻不是熱的，暖也談不上，完全影響了口感，雖然綠茶味還是濃濃的，但這種撻要是熱食的話必定是將享受提升至少一倍！希望半熟工房可考慮keep warm出售，或提供加熱服務。

唔該改善下個袋！買咗六盒，俾咗一個大紙袋+1個細紙袋，行左20分鐘到，係部電梯成大袋跌晒落地！非常狼狽，好在自己有個環保袋，但要眾目睽睽在西鐵站好像自由行一樣喺地下執返重新放落自己環保袋，何等尷尬！個袋嘅設計非常差，磅個列穿過去非常容易斷！唔該檢討下，你們的電話熱線長期唔通，想同你地講叫你地改善下都講唔到！除此之外，我喺店舖企左2分鐘，店員就已經極力遊說我買果樣買果樣，又話套餐抵啲，好煩！想自己睇下都唔得！

好耐冇食過半熟工房嘅鮮奶撻啦！行過就入去買個黎食啦，點知可能因為時間關係，都係夜晚6點鐘，個撻一啲都唔熱，唔好講話熱，暖都唔暖，係有啲失望嘅，但都未至於唔好食。

#半熟工房 (尖沙咀)尖沙咀金馬倫道6A地舖-----半熟工房ge半熟芝士蛋糕好多人都食過 但係原來除左半熟芝士蛋糕之外🥰佢其他蛋糕都好好味 無論半熟木糠芝士系列 定係圖入面ge半熟芝味二重奏系列 都一樣芝味濃郁 奶油打得香濃幼滑 蛋糕濕潤又軟綿綿🤤每一啖都有幸福ge感覺～除左細件左d 亦唔係特別平 b仔食完覺得有d唔夠喉之外 無咩好挑剔😂大家有閒錢而又路過的話不妨試下😂～-----B仔整體評價：9/10個👍🏻B仔抵食程度：7/10個👍🏻B仔環境評分：外賣B仔味道評分：9/10個👍🏻B仔回頭機會：9/10個👍🏻-----#ig:swallowhk跟住我一齊吞食香港啦！#swallowtst

一般人買散水餅都係xx堂的西餅，今次估不到同事買來半熟工房大大個（手掌大）的蛋糕🎂，推介：朱古力和綠茶（竟然唔係芝士味，咖啡味都係一般）$32個，得體又好味！😋😋

朋友仔生日，臨時預備蛋糕，碰巧見到半熟工房有小件原個蛋糕，在雪山之戀系列中左選右選，最後選了士多啤梨原味。最初以為有芝士在內，但原來只是普通的海棉蛋糕。雖然有點小失望，不過海棉蛋糕鬆軟，而面層的士多啤梨CREAM不會太膩，適合吃完晚飯，再要吃蛋糕的我們，不用撐到個肚脹一脹，嘻！*店員很有禮，亦願意提供小蠟燭。