半熟工房 (金馬倫道) (Closed)

食過咁多間芝士撻都係鐘情呢間，市面上多假味芝士，呢間牛油撻皮金黃色夠香口夠脆，主角芝士既味唔會太over，又唔會太甜，話明半熟，咬開入面好軟滑，入口慢慢化開。不過我個人嚟講食兩件已經好漏啦，少食多滋味嘛~

芝士tart既shop越出越多 我今次就想試(應該係)始祖🤔🤔🙉 食番個半熟芝士tart先！表皮焗到金黃色架🤤🤤🤤聞落勁香芝士味 食落都好芝士！又有半熟軟腍腍既texture！不過都有d漏😮食一個都幾濟😵😵

早幾天媽媽表示於親戚家吃到一個芝士蛋糕頗為美味，問及她是什麼品牌，她當然沒有留意未能答出；再要她形容一下蛋糕的模樣，大概想得到或許是這家的，便給她圖片讓她確認一下，終於知道確是此家出品無誤。既然媽子喜歡，有一天放工路經此處，便買來一盒給媽媽再次回味，順道讓自己也能品嚐一下。一盒半熟芝士蛋糕($80)有五個，一件10多元，其實價格不算低，故且再看看質素如何。蛋糕拿上手有一定重量，聞下去香氣十足，蛋糕質地豐盈軟熟，芝士味香濃軟滑，底層是綿密鬆軟的海綿蛋糕，不要看它小小一件，吃下去相當有飽肚感，絕對是足料的!不論芝士撻，布蕾，半熟芝士蛋糕，生日蛋糕都吃過，味道確實很不錯，希望如繼續推出新產品質素能繼續保持著。

我係付近番工既，貴店營業時間寫話11至9。每朝11點半打後都未見開門。。但係突然間又有兩日夜晚十點見佢開緊又買到。之後我每晚9點半前趕黎買你地又拉左閘究竟係彈性上班時間還是賣晒收工呢確實令人困擾。想每日幫襯都唔係咁易.......

早輪喺facebook見到有個"估味道送蛋糕"遊戲, 所以知道會出呢款"半熟茶味芝士蛋糕"~ 我本身鍾意飲茶又係芝士控, 當然有參與啦~ 不過最後估錯咗嬴唔到.....但因為係期間限定所以我上星期五都有去買嚟試~~呢款茶味暫時剩係見有5件裝, 每隻茶味有1件~分別係: 焙茶, 玄米茶, 綠茶, 麥茶同埋烏龍茶! 每盒$98, 比原味嗰款貴少少, 不過1盒有5個味道都幾令人期待!結果都冇令我失望~5個味道各有特色~我自己好少飲焙茶, 所以都唔知道實際焙茶味道....但焙茶嗰件係有陣烘焙既香氣同埋比較濃味~玄米茶嗰件既味道就較清幽, 都食到啲炒玄米既米香味~綠茶嗰款之前都出過同埋試過, 綠茶味好香濃又唔會苦澀味~麥茶嗰件我自己最鍾意!麥茶味好突出..好香~烏龍茶味道就冇麥茶咁突出, 但都有烏龍茶香~5款除咗茶香, 都有保留住香濃芝士味, 兩個味道都平衡得好ok~而口感就同原味嗰款一樣咁軟綿幼滑, 一啲都唔膩! 正~~

半熟工房既半熟芝士撻，成功帶出另一撻潮出左唔少其他味道既半熟撻但有時原味，先係最令人回味嘅感覺剛出爐既芝士撻香氣濃郁，做到半流心效果芝士味再加上撻皮都唔會膩，但芝士味就唔夠突出

今日我朋友去尖咀呢間半熟工房買左五個呢隻"布雪", 請左一個芝士味我試下~ 初頭我以為成舊都係芝士味黎既, 食落先知原來面同底係兩塊甜甜地既蛋糕黎 (上面白白地色果D我估係糖粉?)~兩塊蛋糕雖然係冇芝士味, 但就食到濃濃既雞蛋香, 同埋質地比一般蛋糕軟熟好多! 咬入口既口感好鬆軟而且唔會乾爭爭~ 而中間夾住既忌廉餡先係芝士味~D芝士味幾濃郁, 食到芝士既鹹香, D忌廉質地好幼滑, 口感同味道兩方面都唔錯呀!

早幾日和男友去到尖沙咀買野，行過見未有人用店面張企位枱，於是就入去買兩個撻過下口癮。我地買了一件原味半熟芝士撻和一件半熟抹茶芝士撻，兩款撻既撻皮都是曲奇皮，焗得好香脆，硬度適中，賣相黎講就一定係原味優勝Ｄ，外層金黃色漲漲既樣子好吸引，而抹茶撻外層就比較深色亦都冇咁漲。不過論味道既話就各有特色了，真的要視乎你本身是不是抹茶控。先講原味半熟芝士撻，咬開後看見芝士餡都好足料，芝士味道好濃郁而且不會太甜，呢一間既半熟芝士餡大概係半凝固狀既，同我食過既其他芝士撻口感好唔同，呢種口感好綿密軟滑，入到口內緩緩化開咁樣。。個人而言，味道和口感都係在香港食過最值得再食既一間。而半熟抹茶芝士撻，抹茶味幾夠重，食多兩啖仲有Ｄ抹茶回甘，與芝士味亦都頗融合，我覺得兩個味道都平衡得唔錯，唔會淨係食到抹茶味或者芝士味。個餡既質感就同原味差不多，都係軟綿綿好滑溜咁，只係由奶白色變成綠色，當然味道就多了份抹茶香啦！吃完跟男友比比分，我自己鍾意原味撻多Ｄ，男友就鍾意抹茶撻多Ｄ，各有喜好啦。

芝味停不了原來半熟口感超正(!)半熟芝士撻 $22暫時係我最好食既芝士撻！真心我可以一次過食三個皮薄餡多 芝士味超香超濃郁 但又吾會好膩嗰種 半熟呈軟之狀態又不會過分流心 口感軟綿綿 讚喔而撻皮都近乎完美 寫用高級法國牛油焗製而成 食落牛油味吾會過重 反而小麥香好突出 口感香脆 難得一遇既好撻成個撻甜度適中 食過番尋味$22個好肉赤買6個平啲$120 但我未食過吾敢一次過買咁多 點知咁好食信我就買六個返屋企開心share 好好味寫魔鬼的誘惑真係形容得無錯！ps.我是常溫狀態吃另外店員態度可以做得更好 去到想睇下其他產品時感覺好像很不耐煩但那時店內是沒有客人的

前排流心芝士撻咁hit,我都忍唔住要去買黎試,呢間gei芝士撻好多人推介,所以見到唔多人排隊立刻走去買去之前我已經好期待,比起主角流心芝士撻我反而更有興趣綠茶芝士撻(其他店無嘛)入到去見到一個個剛焗好的芝士撻,發現佢同另一間店賣的有D唔同,首先佢撻size 比較大,而且撻面是塌的,顏色都偏深色味道方面,佢芝士味都幾濃,但我覺得蛋味弱左D,甜味都唔係好勁,而且撻身好硬=0= 唔知係咪放太耐先食 已經沒流心效果=[[至於綠茶我都有少少失望,雖然綠茶味濃,但我覺得佢同芝士不太搭,入口感覺係2件事,味道好分離呢個綠茶撻個撻身仲硬,好似咬石頭咁=0=最大問題係賣相真係唔吸引,太燶太黑,正路呢D芝士撻新鮮出爐應該會有陣陣香氣,但佢又無wor不過佢係相對抵食,但我就覺得普通,同我期待的有太大差距,我會覺得另一間店D芝士撻好食D其實佢仲有賣芝士蛋糕,我試食過,老實講,蛋糕好食好多XDDD

半熟工房由寄賣開始已經有試過佢嘅質素而家開了數間分店, 實力當然有番咁上下! 瘋魔香港人嘅芝士撻, 早前如果想要被一個芝士撻起碼要等想數十分鐘或者半個小時以上才可以買到. 不過依家已經唔需要排隊了... 一來芝士撻已經在香港開得太多了, 二來香港人嘅追隨態度沒有台灣或其他地方耐, 可以話香港人總係中意一窩蜂咁去嘗試, 而呢種熱情嘅態度亦都好快冷卻...芝士蛋糕或者係芝士撻對我來講都有種誘惑, 難得今日在屋企樓上看到半熟工房開了一間流動Pop up Store, 佢嗰種難以抗拒嘅魔力令我一見到就乖乖攞出銀包🙈 一口氣買了兩盒因為流動商店關係所以沒有芝士撻, 不過半熟工房嘅芝士蛋糕質素依然係有保證！買咗兩盒返屋企同屋企人慢慢品嚐一盒五個芝士蛋糕, 雖然蛋糕唔算太過大件, 但係如果作飯後甜品的話呢個分量剛剛好👍🏻口感綿密鬆軟, 口腔內帶來陣陣芝士香, 因為蛋糕需要雪藏關係, 令到Cream cheese帶來一陣涼快口感, 炎炎夏日喺屋企嘆番一舊的確係透心涼！媽呀! 真係超香超好食😋

凱施餅店太子爺旗下的半熟工房, 幾年前偏要早過bake開屬半熟芝士撻, 也有份炒起半熟芝士的熱潮, 但在芝撻來說, 口感和味道都是bake更勝一籌至於這半熟芝士蛋糕, 用上特濃的奶油芝士和鮮奶油製作而成, 蛋糕質感幼滑有緻, 綿密細膩, 奶油芝味頗濃厚但不算很膩口, 味道是不錯也好吃, 一次過吃掉個兩三件也完全不是什麼難事, 因為這件蛋糕的size, 是接近一口的份量。所以個件小小的半熟芝士蛋糕, 一盒5顆份量不算多, 但定價一盒$75元, 就CP值而言就不算太高。

very mouth watering desserts when i got there ... and very nice and welcoming staff, very much thank you to this shop for granting all my craving ..😊more blessings to this company..😊😊😊

係遠處都聞到好香好香嘅焗芝士味，咁就沿住D香味行，搵到半熟工房。我同男朋友都選擇左半熟芝士撻，因為知道半熟芝士撻係呢度係最出名嘅，所以就叫左兩個黎試，唔洗爭餐飽。咁落左單咁岩要等一陣，等佢焗D新嘅半熟芝士撻。熱辣辣，香噴噴，絕對適合形容半熟芝士撻。一咬開個半熟芝士撻，濃濃嘅芝士即刻流出，真係流心傢。好正。同埋行街行到悶真係適合食一個撻如果經過一定要去試試，不過個人認為唔好一次叫太多件，因為食到未其實覺得有D膩。

與好久不見的友人聚舊後，途經半熟工房，又想起佢地出品的半熟芝士蛋糕嘴饞的心，如何抵擋得住店內裝潢光猛，以黃色作主調，看著餅櫃內，一件一件精緻的蛋糕，叫人如何抗拒？店內一個客人都沒有，於節日前後實令人奇怪。甫一進店，店內2名員工只瞧你看一眼，「歡迎光臨」的客套話亦欠奉。我看了餅櫃一會，就只買了一盒10件裝的半熟芝士蛋糕，付了錢就走出門。過程店員只跟我說了一句話「$135」感覺著實有點難受，希望店家可以做點訓練包裝依舊精緻，回到家立即品嚐。味道水準保持得好，有濃郁的芝士味。蛋糕底是海綿蛋糕，中間夾著creamy的芝士，蛋糕表面烘至金黃色。層次豐富，一口咬下去，嚐到不同層次的口感！貪吃的我，一口氣食了三個，正常人食一個就飽了🙈喜歡芝士又愛甜品的一定要試試！一盒可以Keep3-4日，另有5個裝