韓屋

Open Now

Now Closed

環境有霓虹燈既燈好靚，呢間餐廳係韓國街附近其中一間飲湯既餐廳，主打人蔘雞湯，人蔘味濃郁，湯底味濃，湯入面仲有紅棗，人蔘，糯米等等，雞肉好嫩滑，湯好多料，幾惹味好養生。餃子王係好大粒好似手掌拳頭甘大，入面好多涵料，另一粒係泡菜餃子，泡菜涵料勁多仲有粉絲響入面幾有咬口。另一碗叫左牛骨湯，牛肉湯底加埋辣胡椒粉清得黎又幾香胡椒味，牛肉片薄片同軟腍。韓屋 - 尖沙咀地址 : 尖沙咀金巴利道69-71A號美園大廈地舖

放假同朋友去尖沙咀搵食，朋友喜歡食韓國菜，決定去金巴利道韓屋食，餐廳地方不算大，但裝修時尚新潮，由韓國大廚班底主理，主打韓式熱湯、石鍋拌飯及餃子。鮑魚蔘雞湯：滾熱辣上枱，石鍋內小雞的腹中放入人蔘、大棗、板栗、松子仁、糯米、大蒜等食材後經長時間熬煮而成，人蔘香氣和雞肉融合的香醇美味。真的是滋味無窮，是韓國傳統的夏季養生飲食。加咗彈牙嘅鮑魚，更顯名貴。炒豬肉石鍋拌飯：熱辣辣的石鍋拌飯香氣撲鼻，紫紅米飯配以炒豬肉、芽菜、脆肉瓜、菠菜、蘑菇和蘿蔔絲等相當豐富，鍋底的飯焦亦非常美味，加入醬汁後更加美味。餃子王：餃子是由韓國直送，一籠一隻，即叫即蒸，餃子大大隻，餡料飽滿，味道真的不錯。泡菜餃子王：餃子饀加埋泡菜，辣辣哋更惹味。

尖沙嘴金巴利道有發現⋯⋯🫣原來有好多間韓國料理小店我和朋友揀左呢間韓屋🇰🇷裝修風格明亮環境舒適❣️蔘雞湯韓國料理必食之一，湯頭香醇濃郁，雞肉燉煮得十分軟嫩，輕輕一撥已骨肉分離，加上吸飽湯汁的糯米飯，真的讓人忍不住一口接著一口，連一滴湯汁都不會剩下把它吃光光😋❣️醬炒牛肉石鍋芝士拌飯熱辣辣的石鍋飯，配料豐富有豆芽、菠菜、肥牛等，加入微辣特製醬汁，再將所有材料攪拌均勻，米飯軟糯，啖啖芝士香🧀❣️餃子王用迷你蒸籠裝住，比平時的餃子稍大，外皮薄餡料充足，滿滿的豬肉和韭菜粉絲內餡，食完一個已好滿足❣️泡菜餃子泡菜口味微辣，仲意重口味的朋友可嘗試～餃子充滿肉汁，泡菜味突出，味道香濃值得一試

🎪 韓屋 (尖沙咀)尖沙咀金巴利道69-71A號美園大廈地舖🌟薯仔排骨湯 $168天氣一凍，沸騰翻滾的石鍋湯是不錯的選擇。入面的材料包括：薯仔、牛小排、蘿蔔、芽菜、洋蔥和大量黑椒。排骨非常嫩滑，容易脫骨，份量不少，軟綿的薯仔煮至軟爛，澱粉充足～🌟原味石鍋拌飯$108選擇了一個最簡單的石鍋拌飯，飯用紫米，將翠玉瓜、紅蘿蔔、芽菜、菠菜、紫菜等撈勻，加上石鍋底上有香脆的鍋巴，口感豐富，味道呈微微辛辣，經典菜式之選～🌟醬牛小排餃子$88餃子只有五隻，肉饀經特別醬料醃製，肉質偏向實淨，牛小排味道濃郁，又含豐富蛋白質。

最近陪朋友試婚紗，經過尖沙咀的金巴利道，看到一間光鮮亮麗的韓國餐廳，櫥窗上貼滿了韓國菜單，讓我們忍不住進去探探。店員非常友善，安排座位時還介紹了幾道招牌菜，讓人感覺挺舒服的。我們點了三款菜： 香辣牛肉湯這碗湯味道香濃，辣度剛好，喝下去真的挺開胃。牛肉煮得很軟滑，搭配的蔬菜也不少，健康又好味。不過，可能對不太能吃辣的人來說，會有點刺激。醬炒牛肉石鍋拌飯一上桌，賣相真的不錯！牛肉、胡蘿蔔絲、芽菜等配料都很豐富，韓式紅米飯也很營養。拌上他們的甜醬汁，讓人食指大動。不過，個人覺得醬汁稍微偏甜了點，如果能再平衡一下就更完美了。韓式煎餃子這裡的餃子特別推薦，餡料真的很足，香味四溢。外皮煎得香脆，吃起來口感不錯。不過，裡面的醬汁稍微多了點，吃的時候有點滑手。總的來說，「韓屋」是一間很有特色的餐廳，無論是鍋飯、湯還是餃子，味道都很出色。下次再來的時候，我會試試人參燉雞，聽說也不錯！不過希望他們可以在味道上再精進一下，會更吸引人。

俾女朋友話d湯似一包包倒出黎上菜 肉又少 咁就幾百蚊 又唔包麵同飯。 加一個都20蚊。 本身個湯得一碗咁少 裡面d肉得幾塊。仲要係cereals咁細塊。你話死唔死。 個飯百幾，d肉又係得幾塊。 到餃子啦，以為好大舊，頂你得兩隻男人手指咁大隻。 88蚊得個5隻, 又唔大隻，留翻88不如去大圍食蟹黃包啊蟹黃餃子啦。 如果仲有下次俾我真係食隔離個d遊客餐廳算。 e間真係搞唔掂。 d錢攞去食牛大人仲開心

最近天氣轉涼成日都想食韓國嘢暖笠笠，嚟到尖沙咀韓國街搵嘢食，呢間主打石頭鍋同埋牛湯，餐牌選擇幾精簡~牛膝骨湯($148)以牛膝蓋骨附近的筋與牛膝骨等為主食材，成碗湯都係滿滿嘅牛筋~ 充滿骨膠原🫶🏻覺得女仔好啱飲，湯頭亦好香牛骨味! 最衰我冇配飯食，其實佢好送飯🍚炒豬肉石鍋拌飯($128)石頭鍋飯嘅配菜都好多蔬菜，而且最特別係用咗紅米飯，而且佢另上嘅韓式辣醬都唔會好辣，甜味偏多，都啱香港人口味😁蒸餃子($78)原味餃子，啲肉同菜比例適中，相比起泡菜，牛小排等嘅口味清淡嘅~

🐓 鮑魚蔘雞湯（$198）雞湯好濃郁鮮甜而且好足料，入面有原隻雞、人蔘、紅棗，大棗，松子仁等等；雞肉煲得軟腍，輕輕一咬就已經骨肉分離，而且經過長時間熬製嘅緣故，骨頭一咬就碎；鮑魚好鮮味彈牙，適合呢排涼涼地嘅天氣飲暖身；而且仲有醃蘿蔔做前菜，口感爽脆，香辣惹味🍲 炒豬肉石鍋芝士拌飯（$138）豬肉片配上芝士、紫菜、菠菜、大豆芽、紅蘿蔔，豆皮，翠玉瓜等豐富配菜，加上紫紅米飯同韓式拌飯醬，放系熱辣辣嘅石鍋撈勻一齊食，芝士有拉絲效果，豬肉片肥瘦均勻，整體味道層次美味豐富又飽肚🥟 韓式煎餃子（$78）餃子外皮煎得金黃香脆唔油膩，入面包左豬肉餡同韓式粉絲，就咁食味道比較清淡，蘸埋餐廳自家製醬汁一齊食就啱啱好🥟 餃子王（$18）餃子王用蒸籠裝住，上到枱仲係熱辣辣，有拳頭咁大隻，而且外皮薄餡料足，餡料係滿滿嘅豬肉餡，韭菜同韓式粉絲，食落口有滿滿嘅韭菜香味，而且佢適合唔食辣嘅朋友🥟 泡菜餃子王（$18）同餃子王一樣有拳頭咁大隻，外皮薄，入面包有泡菜，豬肉同粉絲做餡，同餃子王比較清淡嘅味道唔同，泡菜餃子王香辣惹味亦有開胃作用

今日行過尖沙咀嘅時候見到一間好搶眼嘅螢光粉紅韓國餐廳，裝修都係小清新風格，就入嚟試吓，結果真係有驚喜！首先呢度嘅配菜係韓國kimchi raddish，好脆口，超級正，坐低就要咗罐韓國啤梨果肉汁，朋友就要咗罐diet coke。睇完餐牌之後就每人要咗一款湯，我要左牛膝骨湯，佢係經過長時間熬製嘅健康食物，有豐富嘅鈣質同骨膠原，係女士最鍾意嘅，呢個湯都好啱小朋友、婦女同埋老人食，算係地道嘅滋補湯，呢種湯加埋飯一齊食會更加美味，因為會令到成件事更加Creamy！薯仔豬排骨湯呢種湯喺韓國嚟講用嚟解酒一流，令到Hangover都冇咁犀利，係不折不扣嘅醒酒湯，呢度嘅味道都同韓國嗰邊一樣，濃郁得來都夠清甜，豬排骨亦都好嫩滑，薯仔亦都令到成件事更加濃郁，好全部湯汁嘅薯仔亦都好入味，當然湯入邊嘅蔬菜亦都令到成件事清新咗，加咗啲口感。

尖沙咀最推薦的韓國菜🇰🇷由韓國廚師主理👨🏻‍🍳所以食材不含味精及防腐劑相比傳統 更健康 沒有太大油膩感讓食客能品嚐出原食材、正宗韓國「家」的味道 🏠🐂牛膝骨湯呈雪白的湯頭帶乳滑感完全不油膩牛筋口感Q彈 滿滿骨膠原🤍長時間熬煮而成味道濃郁香醇每一口都能品嚐到牛肉的鮮味🐮🥟餃子王與拳頭般大👊🏻！皮相當薄而煙韌餡料飽滿味道意外地輕盈帶清香韮菜味🥬🍚醬抄牛肉石鍋芝士拌飯面上滿滿芝士🧀搞拌時呈拉絲效果相比起傳統石頭鍋飯選用紅米既健康又沒有油膩感底下充滿飯焦香

餐廳播放住一首首嘅韓國歌，店員亦都好友善~ 🍲炒豬肉石鍋芝士拌飯 $138熱辣辣嘅石鍋飯，配菜有芝士、紅蘿蔔絲、豬肉片、腐皮、菇、紫菜等。攪拌後，芝士會有拉絲效果，食落去真係好好味！飯粒係紫色嘅，底部有香脆嘅飯焦，口感層次豐富。🍛炒豬肉拌飯 $118同石頭鍋飯嘅配料一樣，不過無芝士同埋唔喺石頭鍋上。飯粒都係紫色嘅，咬落去煙煙靭靭，味道亦相當唔錯。🥟帝皇蟹膏蟹肉煎餃子 $88有五隻煎餃，外皮香脆，餡料豐富，蟹膏嘅味道非常鮮美~🫓泡菜餃子王 $18用迷你蒸籠新鮮出爐嘅大大隻蒸餃，裡面有滿滿嘅泡菜，熱辣辣，好開胃。

呢間係尖沙咀韓國街入面嘅韓式餐廳之前朋友介紹話個雪濃湯好出色，今日終於有機會試吓🤤。泡菜蘿蔔夠大份又夠入味，酸酸甜甜咁唔會太辣。雪濃湯 $148近排天氣轉涼飲完呢份雪濃湯真係成個胃都暖晒，湯底用牛肉牛骨煲到變雪白色，入口清新不膩之餘保有濃厚嘅牛骨香味，底料牛肉亦煲到腍晒超入味。炒豬肉拌飯 $118紅米飯、豬肉同其他配料連埋醬汁撈勻一齊食，口感層次豐富又夠惹味，醬汁甜甜哋咁好開胃。帝皇蟹膏蟹肉餃子 $88口感煙韌，蟹肉蟹膏口味算突出，點埋辣醬一齊食更好味。韓屋 (尖沙咀)尖沙咀金巴利道69-71A號美園大廈地舖

#cassiegotst -肥編今次要推介一間連韓國人都幫襯嘅韓國餐廳。餐廳位於尖沙咀韓國街附近。餐廳菜單選擇唔算多，但係啲餃子真係好吸引。肥編同朋友揀咗一款蒸餃一款煎餃，食唔停口。餃子口味都有好多款選擇，我哋最鐘意就係牛小排餃子。🐮-另外我哋仲叫咗蔘雞湯，好重嘅人蔘味，加上口感嫩滑嘅雞肉，冬天食一流，食完成個人暖翻哂。餐廳大廚係韓國人，所以食嘅期間都好多韓國人嚟光顧，大廚都強調所有食材均不含味精和防腐劑，希望顧客食到「家」的味道。🇰🇷-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 韓屋 (尖沙咀)📍 尖沙咀金巴利道69-71A號美園大廈地舖-

位於尖沙咀金巴利道的韓式餐廳 「Hanook」，主打人蔘雞和蒸餃子。餐廳環境光明簡潔，臨近聖誕節，餐廳更佈置得色彩繽紛，充滿節日氣氛✨鮑魚蔘雞湯 （$198） 和韓國傳統一樣，廚師會在雞腹中釀入人蔘、大棗、板粟、松子仁、糯米等食材。讓入口感覺非常豐富，人蔘雞湯非常濃郁，滋補又養生。同時亦可加（$20)追加韓國紅米飯，紅米飯口感煙靭，與人蔘雞湯非常配合。餃子王（ $18/1pcs)菜肉餡鮮甜美味，皮薄餡靚，一個蒸籠一隻餃，打卡一流！醬牛小排餃子（ $88/5pcs)餃子充滿肉汁，牛肉味突出，不禁令人一口接一口。韓國蜜桃梳打（ $27 ）清甜的蜜桃味，有氣又不會太甜，清新解渴。📍 韓屋 (尖沙咀)尖沙咀金巴利道69-71A號美園大廈地舖@hanook.tst #人蔘雞湯 #韓式餃子 #韓國餐廳 #尖沙咀 #尖沙咀美食 #蒸餃子 #koreanfood #ginseng #dumpling #dumplings #hongkongfood #hongkongfoodie #hongkongfoodies #hongkongfoodblogger #hkfood #hkfoodie #hkfo

今晚放工去韓國街揾好嘢食，亂打亂撞入去韓屋試吓。一入到去，服務員講明一定人頭一鍋，唔緊要明白生意難做menu 上野食選擇唔多，諗住叫一湯一鍋加餃子，叫海鮮湯鍋無，轉左辣湯牛肉，百幾個湯仲係無飯要加$20心諗都感覺伏伏地。。。決定止蝕，唔叫餃子🥟前菜每人兩小件carrot ，仲帶少少苦澀味，食韓國嘢未試過小菜少得可憐。牛湯正常發揮～最好已經係石頭鍋飯，起碼芝士拉到絲～全程一杯水都無，仲要叫加一到此一遊