濠客蒸氣海鮮 (Closed)

雖然最近疫情未完結，但鐘意打邊爐的都唔理得咁多，事關朋友請我食好野，就係元朗的蒸氣海鮮火鍋。第一次來到呢度食海鮮，雖然係小餐廳，麻雀雖小但五臟俱全，但令我印象深刻的係老闆娘十分熱情同服務態度超級好，令到有賓至如歸的感覺。我們點了鑽石套餐$398一位，有好多好野食，有菲律賓頂角膏蟹半隻，澳洲龍蝦半隻，美味鮑魚一隻，南非貴妃㕩1隻，北海道元貝一隻，台灣聖子一隻，深海龍躉片一片，海蝦兩隻等等，還有雙拼蟹棗丸，墨汁墨魚丸，新鮮蔬菜籃，和瑤柱粥底，真的好豐富。這裡的海鮮還非常新鮮，蝦和鮑魚都還會動的，真的讓我很驚訝，沒想到一家小的蒸汽海鮮餐廳這麼用心經營，用的都是新鮮的食材，下次一定要帶更多朋友一起來吃。

因為呢個疫情😑😑已經有個幾2個月無出街食飯，終於忍唔住喇，唸住近近地，早d食，少少人，心💕…覺得舒服點，而且可以放鬆一點之前已經好想食呢間蒸海鮮，但成人都好多人👫👨‍👩‍👧‍👦👨‍👩‍👦‍👦，最終無試到，今日試吓上網訂位，俾我訂到，就人少少，試吓啦😍😍係門口望緊餐牌，老闆娘已經好親切，慢慢介紹，我話未齊人，佢都唔緊要，俾我坐低慢慢唸，可能係小店，同理心😍😍，好有愛💕有1、2、4人餐，已介紹後，2人餐已經晒抵食，又多款食物，可以每款試d，而且一定夠飽(申報:大食肥妹仔🤭🤭)龍蝦🦞~非常新鮮，又有蝦膏，肉質彈牙😋😋😋鮑魚~非常彈牙，唔硬身，而且鮮甜又乾淨，食得勁大聲😂😂元具~雖然蒸熟後，有點縮水，但都好鮮味海蝦🦐~一食就知道係好新鮮嘅海蝦，仲想叫佢加單🤭🤭象拔蚌仔~都算大隻，而且剛好，QQ😋😋帶子~平時對帶子麻麻，太硬，但今次時間剛好，唔硬之餘，仲多左一份鮮甜味北寄貝~有點過熟，可能北寄貝，習慣食生😅😅聖子~聖子相對其他海鮮有點細，比較失色，但咪味道還可以龍躉片~龍躉蒸得有點熟😅😅奄仔蟹🦀~膏比較軟身，味道較濃，肉質較甜。膏蟹🦀~膏比較硬身，肉質比較實。本人其實唔太識分，但試過試晒2隻之後

食海鮮乾唔乾淨同新鮮真係好重要, 呢個蟹, 睇個色澤都知佢新鮮到暈佢一開始未蒸既時候全部生上黎, 都唔會聞到腥氣, 果真FRESH!勁多蟹膏, 而且多肉, 超正呢個貝殼類大拚盤, 係當造既海鮮, 有油貝, 黃貝同赤貝~ 全部都好好味呢! 口感好好, 爽口~ 又唔係韌, 好味!D貝流曬油咁架, 真係好清甜~最後食D蔬食, 呢餐都好健康, 因為話曬都減緊肥, 成餐都好多protein, super healthy!位置係雞地, 好方便, 西鐵站5分鐘即到!

黃金套餐288，吾錯，想在元朗食，但又想食海鮮🦞，同朋友兩個上網搵，就唸住試吓先，試左又幾好😎，間鋪吾系大，但坐得舒服，可能因為疫症，個個都吾想出嚟食野，所以吾系好多人，我哋可以傾下計，老板娘不斷介紹反，都幾熱情❤️

疫情之下大家都好焦慮 ，好多人都唔敢出咁多街， 盡可能都唔想浪費口罩， 不過今日要慶祝一個朋友生日，所以我哋幾個一齊去咗呢間蒸海鮮嘅火鍋店食 ，雖然打邊爐家族嚇怕了大部份香港人唔敢再去打邊爐 ，不過我哋訂枱嘅時候老闆都話我哋個時間應該冇人 ，所以我哋決定照去!!💪💪我哋幾個人食得唔多嘢所以叫咗最平嗰個黃金套餐$298， 雖然係最平但係材料已經好豐富，有龍蝦、鮑魚、 象拔蚌 、奄仔蟹等等， 呢度啲海鮮全部都好新鮮， 我覺得最好味嘅係奄仔蟹 全部都爆膏 蟹肉實淨鮮甜 ，雖然食蟹好麻煩，但係我哋都清曬，食到停唔到😄當然， 食咗成晚海鮮嘅精華，全部滴曬落去鍋底嗰煲南瓜粥嗰度，簡直係完美❤p.s. 老闆全程會幫手蒸海鮮同計時 ，所以好方便， 唔使擔心D海鮮蒸得唔夠熟或者熟過頭，讚👍👍

同幾個朋友試咗呢個$298嘅黃金套餐， 我覺得物超所值!!呢度係食粥底嘅蒸海鮮 ，一開始老闆娘會加啲生米、 水同埋南瓜喺鍋底煲粥， 之後就會逐樣海鮮幫我哋蒸，老闆娘會幫我哋計埋時，好方便， 總之坐喺度等食就得㗎啦! 一開始先食龍蝦， 龍蝦肉好爽 ，而且龍蝦個頭好多膏， 跟住就食咗鮑魚 ，鮑魚佢幫我哋拆咗啲內臟出嚟，感覺有洗過好乾淨👍 在跟住就係食蝦同埋貝類食物 ，全部都好鮮味， 跟住到主角出場呀就係奄仔蟹， 係今日最驚喜嘅一個海鮮， 蟹肉好甜 ，啲膏爆曬出嚟， 有朋友平時唔多食蟹嘅都食咗好多!! 之後就蒸埋啲蔬菜類最後最後當然係集合全晚所有海鮮精華嘅粥啦， 老闆娘幫我哋加埋菜脯同埋沖落去一齊煲， 呢煲海鮮粥味道夠曬完全唔使再調味 食埋就啱啱好飽肚!!滿足 !😄😄

蒸蒸粥底火鍋真係好好味, 見到屋企附近, 仲唔即刻去試下~叫個黃金套餐先! $298有咁多海鮮, 好期待啊! 個擺盤仲好靚咁, 因間佢就會一個個放入去蒸, 正啊~叫得做粥底, 一開始梗係有粥, 吸引下D海鮮精華啦....一黎就係個龍蝦, 蒸左一陣就食得, 呢個套餐竟然有龍蝦, 其實都幾意外~ 龍蝦好新鮮好多肉, 又juicy, 鮮甜到唔洗點D咩特別醬, 已經好出色, 蒸果然係唔同D, 因為海鮮既鮮味真係表露無遺! 蟹so far黎講係我最喜愛既一道菜, 我地一人有一隻蟹, 蒸左大約7-8分鐘左右, 就食得啦~ 蟹膏多到流出黎咁, 而且啖啖肉。肉質好嫩滑, 烹調時間都拿捏得非常之好, (餐廳會有人幫你放入去, 極好服務!)仲有大蝦, 鮑魚同扇貝! -鮑魚好厚身, 味道濃郁, 唔會咬唔開, 好滋味-大隻又彈牙，仲要冇黑頭, 十分Fresh!-扇貝都好鮮甜, 而且大大粒, 一咬入去係個口度熔化左咁

過年前緊係你食好d，唔係點對得住辛苦左成年既自己，坐底冇耐就有碟小食，係拍青瓜雲耳，食落酸酸辣辣咁，非常開胃呢個係未煮好既南瓜瑤柱粥，而家係會有d生米，陣間蒸海鮮既時侯就會煮熟d米，仲會有埋海鮮既鮮味添精美既海鮮拼盤終於到啦，價錢都只係$298，就有澳洲龍蝦半隻、奄仔蟹一隻、鮑魚、帶子、北海道元貝、南海貴妃蚌、大蝦兩隻、澳洲青口、 新鮮蔬菜籃，全部海鮮都非常生猛，放落個蒸籠嘅時候仲跳下跳下，望住佢哋被蒸熟真係有啲唔忍心澳洲龍蝦肉較實，食落會係啖啖肉估唔到奄仔蟹嘅蟹膏會多到滿寫最後蒸完晒啲海鮮，粥就煲好啦，非常鮮甜美味

係凍天氣，聽到蒸氣都想行埋去！仲要係蒸氣海鮮！搵個屯門牛朋友去元朗搵食，search到間蒸氣海鍋好似唔錯就去試下。叫左個$298黃金套餐，8款海鮮，另加菜籃、瑤柱粥底同一人一杯熱既雪耳糖水。一開始就倒左生米同南瓜碎落去，等一陣啲海鮮精華滴晒落去整海鮮粥底火鍋 😍奄仔蟹好多膏呀！但我想即刻食，冇整落個粥度，膏好鮮甜，好多肉。蚌同象拔仔都好有口感好鮮甜，店員幫我地 set好啲時間咁就唔會老左，好好服務 👍🏻 最後要講個龍蝦🦞 大大舊肉好爽口，最好係好易拆 😌食完晒啲海鮮其實已經好飽😂 但仲有個甜粥一定要食返兩碗先！因為今晚啲海鮮既膏都俾我食晒🤣 加上有膏都係白色，冇咁深色，所以粥底唔係好黃好濃，落左南瓜真係甜好多👍🏻

天氣又開始轉冷，當然要去食返Ｄ暖笠笠嘅野，蒸海鮮就係一個唔錯嘅選擇，亦都比打邊爐同燒野食健康同鮮味。店員先會放好瑤柱粥底,再係上面放一個間隔慢慢蒸海鮮，咁樣粥底就會有上高海鮮嘅鮮味。一人一份海鮮拼盤 第一樣蒸嘅係龍蝦，蒸嘅時間啱啱好，肉質新鮮彈牙，講開蒸嘅時間岩岩好，都係全因為店員幫我哋決定每款海鮮要蒸幾耐，夠鐘就會幫換另一款海鮮，服務無得彈呀奄仔蟹都幾大隻，而且好多糕，多到爆出黎，Ｄ膏仲好鮮甜ＴＩＭ鮑魚亦都新鮮彈牙。北海道元貝爽口有鮮味。象拔蚌仔和貴妃蚌都幾大隻。海蝦肉好結實，非常新鮮。蒸完海鮮再蒸蔬菜，均衡返個飲食先最後食埋個精華鮮粥就飽飽啦。同場加映雪耳雪梨水，雪耳勁大舊超足料呀~

🔎濠客蒸氣海鮮 (元朗)📍元朗鳯攸南街3號好順景大廈地下13號舖-最近又好掛住蒸氣海鮮 今次搵左間都係係元朗 呢間開左都無一年 地點近西鐵站都相當方便🔸黃金套餐 $298 🔹當季奄仔蟹(1隻) 🔹澳洲龍蝦 (半隻) 🔹美味鮑魚 (1隻)、海蝦(2隻) 、北海道元貝(1隻)🔹北寄貝(1隻)、象拔仔(1隻)、貴妃蚌（1隻）海鮮都新鮮 蟹多膏 龍蝦都無得輸 鮑魚夠爽口 海蝦清甜 整體都幾好味 樣樣蒸得剛剛好 材料亦處理得好好🔹新鮮蔬菜籃 就咁蒸菜都好甜 可以encore多份菜🔹瑤柱粥底 最後加菜脯、蔥同芫荽撈埋就食得啦每人兩碗KO d水份岩岩好 個粥好綿好鮮全部都會由店員幫你蒸 計好哂時間 食完一轉蒸下一轉時間岩岩好🤭好彩唔洗自己蒸 一陣蒸到過哂龍 建議book位 坐位唔多 假期晚市特別易full

一直都好鐘意食海鮮，尤其係蒸海鮮，因為好鮮甜又無咁油膩。叫左個黃金套餐($298)包八款海鮮加蔬菜同粥底！本身係包汽水，但老闆娘話自己煲左雪耳杞子糖水，比左我地試，好好飲，係無落糖自然微甜！依間餐廳好細，職員會每枱幫手set時間蒸所以好爽淨係坐住食！首先係龍蝦！超大舊肉，而且好鮮同好滑，真係蒸得岩岩好。跟住就食元貝，鮑魚同海蝦！鮑魚同元貝已經切好咗一夾起就食得，方便又好食。尤其舊鮑魚鮮甜又彈牙之後就食啲貝類海鮮！每隻都超多汁，而且餐廳已經將唔食得嘅部分清走左，可以放心成隻啪落口之後到我最期待嘅奄仔蟹！！個蟹膏真係又滑又香，蟹肉都好甜。最後就係食充滿海鮮甜味嘅粥，老闆娘推介加南瓜會令個粥更加甜！依餐真係好豐富，鐘意食蒸氣海鮮火鍋嘅真係要試下！

今日同朋友過嚟呢間蒸氣火鍋度試吓新菜，事關又唔想出過去市區咁遠，又唔想食太貴，於是我朋友就話過嚟試吓呢個簡簡單單$300有找嘅蒸氣火鍋！到你間舖都算唔錯，雖然只得30個座位，但看到呢間鋪頭真係好有心做，老闆娘親自過嚟同我地去細心咁樣解答唔同嘅問題，於是我哋就叫咗呢一個黃金套餐！第一道菜係呢一隻波士頓龍蝦，龍蝦真係好多膏，食落去好有V面嘅感覺！值得一讚來到之後就係貝殼類，老闆娘話佢哋係親自去自己攞貨，新鮮不在話下，而且質素也是超班！特別係嗰隻蟹嘅蟹膏真係好多架！而且啖啖肉，真係食完再想再食！食完海鮮類當然係要食下啲菜嚟啦，呢一度啲蔬菜都幾新鮮㗎食完之後真係一啲都唔覺得熱氣啊！而且我哋下面亦都有一個湯底唔係應該係一個粥底，我哋食完之後就試吓呢個粥啦！今次呢個足底好有了，唔單止吸收晒海鮮嘅精華翼有蔬菜嘅香甜味，再配上新鮮嘅蔥花，同埋一小小嘅菜譜，真係唔錯架！食完我哋真係覺得飽飽啦！

濠客《將豪氣獻給客人》近日天氣回暖，想打邊爐又覺太熱，不如試試元朗一間新開嘅蒸氣海鮮吧。濠客似是家庭小店，格局雖小，但每枱空間甚大，倒也坐得舒適自在，枱旁放一個架子，方便擺放一碟碟新鮮海鮮。濠客有唔同海鮮套餐，今次先每人要個黃金套餐試試，驟眼看已覺種類頗多，吸引！等待上菜期間，店員會拎辣椒同蒜比客人添加，亦會先擺放粥底，仲會問你要唔要加入南瓜同粟米，好貼心嘅服務。新鮮海鮮好快就送上，打頭陣嘅係龍蝦，完全唔需要動手同思考，店員會自動幫放上蒸爐同計時，估唔會龍蝦新鮮到仲會係架上郁動，即時拎手機出嚟影吓相，旁邊店員一邊笑一邊耐心等候我影完再冚蓋，一啲都無唔耐煩，果然喺小店嘅人情味。計時器一響起，店員就會過嚟開蓋，提示客人可以進食，用店家提供嘅濕紙巾抹抹手就立即開動了！龍蝦上手超熱，一時之間無從下手，需要稍等一下再用工具輔助進食，心急又嗜辣嘅我即刻將龍蝦肉沾上剛才調配好嘅辣椒豉油進食，肉質爽口彈牙，口感無敵！突然諗到食海鮮應該食其鮮味，下一啖試試唔沾醬料，發覺剛剛自己實在太錯，因為龍蝦本來就非常鮮甜，清蒸方式將原汁原味鎖住，新鮮海鮮唔洗任何醬料已經好好味了😋喺我哋雙手食緊龍蝦嘅同時，遊走嘅店員

一直好想試蒸汽火鍋，見到呢間有100幾個like，於是過來試，點知真係一試難忘，食得好唔開心，唔會有下次：d龍蝦，海蝦同蟹，蒸熟後仲係痴殼的，一般新鮮龍蝦應可以成舊用叉叉出來，呢間斷開一絲絲，食入口仲係霉的⋯⋯啲蟹第一次蒸起食落口，水狀好核突，第二次都係咁，蟹鉗上面有黑色癃，得d殼裡面無肉，掉都掉唔切⋯⋯d海蝦蒸完出來係皺皮而唔係光滑飽滿的⋯⋯再來啲元貝，殼同肉都係完全分離的，一般新鮮的理應會連住一粒類似貝柱大小的部位吧⋯⋯因食到呢度已經食得唔太開心，所以之後的細節已無再記上心：已無期待⋯⋯點知最後的粟米又令我精神一‘震’：睇到都唔係幾想放落口，大家睇相吧⋯⋯粥裡面的粟米⋯⋯可以俾個建議佢：罐頭粟米豆好過佢⋯⋯只可以講，雖然無揀最貴果個套餐，但一個人都唔平啦⋯⋯睇唔到有咩誠意。最後總結，唔知點解咁多人俾like，我心感懷疑，又或者可能得我地唔好彩遇到d唔新鮮海鮮吧⋯⋯