濠客蒸氣海鮮 (Closed)

今年蒸氣火鍋越來越受歡迎，元朗有一間濠客蒸氣海鮮，地點方便，而且座位闊落，又有專人幫你蒸埋啲海鮮而我哋叫咗黃金套餐$298首先店員會先將瑤柱粥底放喺蒸鍋最下層，然後會分開蒸海鮮，呢個海鮮拼盤真係好正，奄仔蟹裏面全部都係爆羔，以下一個嘅顏色亦都會變成深橙色，非常吸引然後就到澳洲龍蝦，龍蝦肉質爽甜，成個手板咁大隻之後就到海蝦、元貝、鮑魚，海蝦嘅蝦頭都有蝦膏，另外鮑魚好爽口，元貝一定要飲埋整出嚟嘅元貝水！最後再把其餘的貝殼類一齊正，貝殼類無沙，因為最怕就係食到有沙嘅蚌同蜆！最後連蔬菜都係蒸嘅，特別健康最後重頭戲登場，就係集合海鮮精華嘅瑤柱粥底，因為粥底吸收了海鮮的精華，因此特別鮮甜！總括嚟講依家蒸海鮮嘅海鮮質素非常新鮮，而且老闆娘非常親切，絕對會帶小朋友再嚟

今日同朋友仔兩個嚟撐枱腳嚟到元朗嘅濠客蒸氣海鮮顧名思義呢度專門就係食蒸氣火鍋呢度嘅海鮮十分新鮮唔怪得吸引到一班熟客幫襯啦嚟到呢個時候已經係全院滿座呢度仲有電視可以一路睇一路食晚飯分別有幾個套餐可以叫黃有二人餐同四人餐而我哋就選擇咗黃金套餐黃金套餐有當季奄仔蟹澳洲龍蝦美味鮑魚及北海道元貝南海貴妃蚌象拔仔海蝦澳洲青口新鮮蔬菜籃瑤柱粥底一人一罐汽水未上菜前我哋當然係試吓呢度嘅青瓜前菜開胃先啦醬料選擇都非常之多喎先講當季奄仔蟹~外型十分大隻起馬超過6両重，煮熟後肥美多膏，咬落啖啖肉。店員仲放低鉗同鉸剪俾我哋自己拆蟹食其他貝類嘅海鮮同埋鮑魚都好鮮甜呀用蒸氣火鍋完全能夠逼出海鮮嘅鮮味其實唔使點豉油都已經好好味啦！最後食埋個蔬菜籃瑤柱粥底~這個可為是全餐的重點所在經過2個小時煮海鮮的過程後，所有的海鮮精華已完部完全融入了在粥內食落之美味甘完全不是其他粥店的出品能媲美的，絕對能為粥下一個全新的定義。下次叫多啲朋友一齊來食四人餐

同朋友仔來到元朗覓食見到晚市時間濠客呢度好多人我地選了最基本的黃金套餐黃金套餐入邊有：當季奄仔蟹澳洲龍蝦，美味鮑魚及，北海道元貝，南海貴妃蚌，象拔仔，海蝦，澳洲青口，新鮮蔬菜籃，瑤柱粥底，一人一罐汽水有幾樣特別好吃的澳洲龍蝦簡單清蒸數分鍾後不需任何調味，已聞到陣陣的龍蝦鮮味咬落肉質十分彈牙爽口美味得很完全保留了龍蝦的完汁完味。鮑魚及北海道元貝這两道菜一般在酒樓的煮法都是用蒜蓉蒸但清蒸煮法一般較少。這次首次在餐廳嘗試以清蒸感覺非常清新完全感受到貝類的鮮味，可見餐廳食材之新鮮。瑤柱粥底~這個可為是全餐的精華所在，經過2個小時煮海鮮的過程後，所有的海鮮精華已完部完全融入了在粥內食完為這餐畫上完美的句號

踏入十月閨蜜生日月， 當然要帶去食鍾意嘅嘢啦😚 佢鍾意食海鮮，踏入秋季🍁，最好食蟹，咁就帶去食原汁原味蒸海鮮啦😌鳳攸南街這間海鮮店， 價錢實惠、材料新鮮，於是齊齊嚟嚐鮮， 擦🦀啦餵🤩我哋叫咗兩個奄仔蟹套餐， 另外散嗌咗龍躉片同台灣大蟶子， 老闆娘好好，因為隔離枱都叫咗，即時畀我哋參考， 唔講得笑真係非常之大隻， 實在好驚喜，因為好耐都未試過啦， 一份才不過68蚊，我哋食完緊唔住一再encore😋🤩👩‍⚖ 所有海鮮都非常鮮味清甜， 龍蝦大隻、奄仔蟹爆膏，蟶子彈牙大隻， 食得非常滿足，正呀😋😋😋

秋風起，又係到食蟹嘅季節,約埋朋友一齊大擦肥美海鮮😊去咗喺雞地一家蒸海鮮食店，此店之前食過，覺得好新鮮👍老闆娘話食材日日新鮮運到， 價錢也非常合理，就諗起佢😚鍾意食奄仔蟹，所以叫咗這個套餐，另外店員介紹今日台灣聖子好大隻，咁就一齊散叫埋龍躉片各一份，所有海鮮好鮮甜， 奄仔蟹味鮮爆膏👍蟶子好耐都未食過咁大隻，果然冇界紹錯，非常爽口，鮮味大爆發🤩最後食埋充滿海鮮精華，材料多多嘅南瓜瑤柱粥，確係非常滿足😁

幾年前去台灣同朋友食過蒸氣海鮮一次，返左香港之後都好似無食過。今日同my dear💗入元朗yoho行街，記得以前中學👭果時成日係雞地果邊消磨時間，發現呢一間食蒸氣海鮮火鍋，就入去回憶一下呢5年既生活。我地叫左$298果個套餐，始終第一次黎呢間食， 試下先。😋😋龍蝦膏🦞唔係話好多。但係D肉真係好甜! 用隻叉一撩D肉就即刻起，咁多款入面我最欣賞就係呢一樣。再黎就係鮑魚，元貝、貴妃蚌之類。平時係出面食都係撈左豉油，因為呢度係蒸既，所以食到佢地既鮮味，而且全部都洗得好乾淨，完全無沙，值得加分！當我地食得愈耐...位置上既蒸氣就愈多，影出黎既相都開始充滿蒸氣！😝隻奄仔🦀真係好多軟膏，心急的我一口咬落去，食到成嘴都係，my dear話我個嘴又紅又綠，抹左佢又好浪費😂因為成餐都係蒸既，所以全部海鮮既鮮味都食得到☺食完一輪海鮮，最後就食撈左海鮮精華既粥啦!My dear落左菜甫， 成個粥都好鮮甜🤩，不過可能我地食得慢，滴得太多精華落去，水左少少，對於2個女仔黎講，呢個份量係岩岩好，食埋粥就太多了。

今日係一個大日子，因為我終於見到呢位相談甚歡嘅公主，可以同佢坐低食餐飯。因為大家都喜歡食海鮮，所以就揀左呢間蒸海鮮。蒸海鮮最主要係食佢嘅鮮味，因為乜嘢調味都冇落，食返海鮮本身嘅原汁原味。今晚最好食係個龍蝦，蒸到岩岩好，雖然佢個膏唔係十分多，但係個膏好甜。另外我其實好鐘意食蟹，所以今晚個蟹係第二主角，佢啲膏好多，啖啖肉，好滿足。然後第三樣喜歡嘅係佢個象拔蚌仔，又係蒸到岩岩好，好鮮甜。最後就係海蝦，啲海蝦好鮮甜，食得出係新鮮，因為好彈牙。但係啲貝類就差左小小，因為佢同蝦一齊蒸，變左時間過長，老左。食埋個菜，最後重點就係呢個粥底，佢係瑤柱南瓜粥嚟，吸收晒蒸海鮮啲汁，好清甜。全程都係由職員幫你蒸埋，基本上你都係坐啖度等食就可以了，但佢閒日係不收加一的👍🏼

元朗雞地不嬲都多美食，今日同屋企人出嚟食飯，佢哋非常鍾意食海鮮，唔想去酒樓，所以就帶咗佢哋呢濠客蒸海鮮到食靚海鮮啦！以咁多海鮮黎講，呢個價錢絕對合理！尤其係每樣海鮮都好新鮮！黃金套餐 奄蟹仔嘅膏都勁多！蒸熟咗就更加吸引啦！啲精華滴哂落去啲粥到！超期待煲粥！呢隻膏蟹未蒸熟都已經超吸引！啲膏多到爆出黎！蒸熟咗超吸睛！老豆都忍唔住嘩咗一聲！啲膏好香好實，勁新鮮！廚師好好咁幫我地分開咗蟹殼同蟹身，好易食！蒸龍蝦肉質結實！鮮甜！加少少鼓油已經超好味！各種貝殼類海鮮蟶子好甜呀！ 象拔蚌好味到連唔鍾意海鮮嘅男朋友都讚不絕口呀！元貝熟成度啱啱好，侍應一站式服務，連時間都控制得好好唔會浪費咗食物嘅新鮮美味！海蝦其實都好好味，好彈牙，不過比起其他海鮮真係被比下去了收尾仲有蔬菜籃！奇怪嘅係其他餐廳對最後上嘅蔬菜唔會太在意，但呢間嘅蔬菜真係樣樣都新鮮，好味！搶住黎食紹菜！最後重頭戲係瑤柱南瓜粥，所有海鮮嘅精華都跌晒落煲粥到，唔使加調味已經正到暈呢間值得冇屋企人去食！每蒸一樣野都好似有驚喜咁，又唔擔心啲海鮮熟得濟！正過去酒家食！

是日同親戚一齊食晚飯，佢地喜歡吃粥底海鮮，朋友介紹左呢間係元朗既濠客蒸氣海鮮，有質素價錢唔會太貴又食得飽飽，岩灑佢地既口味！呢度舖面雖然唔算大，但勝在乾淨企理,坐得幾舒服。我地4個人,嗌左3個黃金套餐,1個鑽石套餐黎呢度食海鮮既最大好處係呢度有人服侍，唔使睇火，而且所有海鮮都開好晒，洗乾淨晒，我地淨係坐定定等食就得有澳洲龍蝦，貴妃蚌，鮑魚，蟶子，青口，海蝦，象拔蚌，蟹等等,，仲有個蔬菜盤同埋個南瓜粥底。澳洲龍蝦啖啖肉，仲要好彈牙，正之後就係鮑魚、青口、象拔蚌，海鮮絕對係新鮮多汁，淨係點少少豉油都非常鮮甜。然後係蟹，黃金套餐係奄仔蟹，鑽石套餐就係頂角膏蟹，其實兩隻都好多膏好肥。呢到有埋食蟹嘅工具比你，可以慢慢挑嚟食，非常貼心最後就個粥底啦，啱啱海鮮嘅精華流曬落嚟，食落個味道啱啱好

要食蒸氣海鮮鍋唔洗出去市區嘅，元朗都有間CP值高嘅鋪頭🤤🤤最平個個餐都唔洗兩舊水，今次食豪少少，試下個黃金套餐D海鮮睇落都幾新鮮🤪🤪店員會幫手逐樣逐樣放落去蒸，重計埋時間，我哋只係坐喺度等食第一樣係龍蝦。龍蝦肉好彈牙，好鮮甜，一人得半邊龍蝦，完全唔夠喉😭😭跟住就係貝殼類，包括元貝、鮑魚、青口元貝同青口都好肥🤤鮑魚有少少韌，但整體都唔錯再接住就係貴妃蚌同象拔蚌仔，呢兩個超級鮮甜🤤🤤差d想encore 嚟多份之後就到奄仔蟹，一人一隻，唔洗爭。呢到有埋食蟹嘅工具比你，可以慢慢挑嚟食👍🏼食左咁多海鮮，緊係要食d菜balance 返啦。南瓜蒸到熟曬，好甜，口感似食緊薯蓉咁最後就緊係要食埋個粥底啦，啱啱個d海鮮嘅精華流曬落嚟。本身重驚會好咸，食落個味道啱啱好，加d菜葡落去更加有口感

同朋友到雞地搵食，初試蒸海鮮嗌咗$288中價餐，有龍蝦、蟹、鮑魚、元貝⋯超豐富，食餐豪嘅！海鮮個樣好新鮮元貝同青口睇樣都知肥美第一味菜就係龍蝦，肉質鮮甜彈牙，啖啖肉貝殼類一次過蒸，鮑魚彈牙，清蒸完全食到每樣海鮮嘅鮮甜原味唔沾醬料都好味粒粒飽滿，最緊要係完全冇沙！雖然未到食蟹最佳季節，冇咩膏，不過蟹肉都ok，係今年食嘅第一隻蟹最後一味係蒸雜菜，出奇地好食，尤其係南瓜同娃娃菜！清甜必食南瓜最後店員會問粥底加唔加菜圃同蔥，加咗口感好d，粥底本身係清甜，配埋菜圃食會甜中帶d惹味連食咗3碗真係超級飽同滿足海鮮夠新鮮，粥底有驚喜

今晚想食得簡單啲, 就去左鳳攸南街既濠客蒸氣海鮮食晚餐, 一行二人各點了一個海鮮套餐, 價錢暫時賣個關子, 講下食啲乜先...一個海鮮拼盤, 當中有半隻龍蝦, 龍蝦超過我一隻手掌, 蒸6分鐘烚到好處, 爽口彈牙, 鮮味盡在不言中, 為這餐晚餐打開序幕。之後再一人一隻奄仔蟹, 膏多肉厚, 鮮甜美味, 食完隻蟹已經好有滿足感, 之後就是貝類, 包括厚肉青口, 爽滑鮑魚同埋鮮甜帶子, 味蕾既大滿足！然後就係以海蝦為中心, 配以貴妃蚌、象拔蚌仔等海鮮, 令我覺得好滿足！之後再加蔬菜拼盤, 南瓜甜, 冬瓜片清, 紹菜爽甜, 絕對係清下口腔的好選擇。最後配上所有鮮味精華既瑤柱粥底, 份量足足夠每人3碗, 完全係完美既一餐, 值得一提就係醬油好鮮甜, 配上蔥蒜辣椒等配料, 更能帶出海鮮嘅鮮甜味, 絕對係鮮味中錦上添花！

尋晚預早同男友食中秋節飯～之前喺雞地經過一間蒸海鮮店已經好想試今晚啱晒，中秋節食海鮮，食好啲！Book咗6:00pm, 未到食飯時間，靜靜地坐得舒服呢個青瓜超醒胃，酸酸甜甜一開始店員會先將米飯放入鍋內，米飯入面有南瓜，瑤柱，未食都覺得甜一人一份海鮮拼盤超豐富呀～～～你睇吓隻小龍蝦～～爆膏㗎問咗店員原來係澳洲龍蝦仔一份海鮮餐有半隻，我同男友加埋就有全隻啦蒸～蒸～蒸～有專人照顧我哋，話比我哋知每款海鮮要蒸幾耐，仲會較埋timer, 夠鐘就幫我地上碟服務100分OMG真係爆膏！！啲膏好鮮甜，龍蝦肉質肥美，彈牙。龍蝦既鮮味甜到完全唔需要點任何醬料呀真係超正！！之後呢round到貝殼類食物，蝦，貴妃蚌，鮑魚帶子同鮑魚嘅熟度啱啱好夠鮮味又彈牙，都係無點任何醬料都好好味重頭戲～～～～我最愛嘅奄仔蟹呀又係好多膏，啲膏多到跌晒落啲粥度蟹肉好鮮甜，證明隻蟹非常新鮮！！全城期待食晒所有海鮮，終於可以試下個粥啦估唔到短短一個鐘，個粥已經煲到好綿味道非常甜，因為有南瓜，瑤柱，加上咁多海鮮嘅精華我個人口味比較重，所以嫌淡，加咗少少鹽同胡椒粉，味道一流

看過餐牌，所有套餐都包括每人一罐汽水，可選可樂、雪碧、忌廉或橙汁。然後選好調味料。旁邊有計時器，不怕食物蒸得過時，而且從頭到尾都有姐姐親自服侍，不用自己處理，服務非常體貼。我們選了黃金海鮮套餐。首先吃的是澳洲龍蝦，蒸了6分鐘，龍蝦肉很厚，肉質爽口彈牙。當我們在吃龍蝦之際，姐姐便幫我們放當季奄仔蟹去蒸，約8分鐘便可以了，奄仔蟹非常厚肉及多羔，味道鮮甜。然後是北海道元貝、澳洲青口、鮑魚，蒸3分鐘便可以了。還有南海貴妃蚌、象拔蚌、海蝦也是蒸3分鐘，每樣海鮮都肉質爽口，味道鮮甜。最後蒸的是新鮮蔬菜籃，當中包括南瓜、冬瓜、粟米及娃娃菜。南瓜及粟米很甜，冬瓜及娃娃菜青爽。壓軸登場的還有瑤柱粥底，粥底是蒸海鮮前就放進去煮，吸收了蒸海鮮的精華，可自行加入菜莆和葱，令粥底更色香味俱全，更能帶出粥底的鮮甜味。粥底份量很多，吃完後非常滿足。

同家人食飯，有人建議火鍋，我聯想起呢排流行蒸氣火鍋，所以搵到呢間。四人海鮮餐，有兩款蟹，馬刀貝，扇貝，蟶子，質素好高，十分新鮮，肉質鮮甜，爽口彈牙，絕對推介比各位。最後食既粥更加係集合所有精華既所在，唔洗任何調味，都被鮮甜兩字弄醉。此外，店員服務一流，酒水免開瓶費，免費提供冰桶，十分讚！