好湯好麵

Open Now

Now Closed

成為openrice會員多年，第一寫食評，今日兩點幾到沙田店用膳，喺門口排隊期間，有個大約162cm高嘅，戴眼鏡男職員嚟落單， 當時叫咗一碗海龍王湯，唔要陽春麵，加錢轉烏冬， 另一碗都係海龍王湯，要返原本嘅陽春麵，再另加十蚊要多個烏冬， 點知呢個職員呆一呆， 唔明白加十蚊加一個烏冬嗰部分， 於是我先生好有耐性，再慢慢解釋畀佢聽我哋嘅意思，結果擾攘咗一兩分鐘， 佢明白之後，對我哋講咗句：「你講extra咪得囉！你哋簡單複雜化！」， 我好詫異點解呢個人可以咁樣態度同我哋講嘢，我唔明點解唔可以講「加十蚊要多個烏冬」， 一定要講"extra", 喺度食咗幾年嘢，一真以嚟，其他職員聽到我哋咁樣落單， 佢哋係完全明白，我哋唔需要作任何解釋， 呢個男職員話完我簡單複雜化之後，仲搞到好似係我哋嘅問題，令佢聽唔明， 如果真係我哋嘅問題 ，點解每次我哋咁樣落單，其他職員都明白， 唯獨佢唔明我哋講乜，仲要話我哋簡單複雜化， 跟住仲用英文同我講嘢，我心諗 一睇你就係中國人，操純正廣東話，講英文特別有優越感嗎 ？ 平時去有外籍侍應嘅食肆，我都會用英文同佢哋溝通， 但係我冇諗過對住一個中國人樣，操純正廣東話嘅人，

成日聽人講到好好食，今日專程去一試究竟，擔心要排隊所以選擇過左午市時間去，可以即時入座無需等候！見到其他客人都係食海皇湯麵所以都不作考慮直接落單，上菜速度快！即刻試啖湯先！事實上湯係好味，濃厚蝦味只不過個麵同其他餸就好普通，蝦好明顯係急凍蝦而且處理得唔好連腸都無清除，帶子老左少少感覺只係白灼而無經過煎煮欠缺風味，廣島蠔就的而且確係急凍廣島蠔帶住淡淡蠔腥味，最後個陽春麵完全同個麵脫離左關係，食落去係淡而無味。整體而言只係得個湯好味，有失好湯好麵嘅招牌而且並不值得專程去食更何況要排長龍嘅話更加唔會考慮。

今日天氣有點轉涼，想搵間食麵暖下果胃，最後揀咗大圍既好湯好麵🤭可能唔係lunch time,所以不用排隊😃北寄貝配柚子醋漬青瓜-北寄貝很新鮮，加上配上柚子醋，非常清新，越食越開胃😋潤牛麵-湯底很濃郁，飲得出豬潤同牛肉煲出來，熱辣辣非常好飲。牛肉不是用普通鮮牛是用牛小排，食材優質。最驚喜是法式鴨肝，入口即溶，很好吃，但最可惜只得一塊。海龍王湯麵-湯底食得出係用蝦煲，有蟹肉，虎蝦，魷魚🦑，蠔🦪同埋帶子，食材非常之新鮮。很好很好食😋還有一樣野值得讚👍🏻就是虎蝦有殼，一上麵時會比埋濕紙巾，非常細心🥺總括而言食材優質新鮮，湯又好飲，飲完又唔覺得口渴。我下次都會再來食🥰

一直聽朋友話呢間好正好好食所以今日特登坐車過嚟食聽講呢間餐廳做外賣係俾個面你返去自己煮因為擔心質素唔好個面吸晒啲湯所以要食嘅話，就要過嚟堂食試食我好鍾意食蝦，所以食左佢個海龍皇湯麵呢個湯麵係用濃蝦湯仲有蝦同蟹肉湯頭好濃好香，好夠味應該用啲蝦頭蝦殼煲咗好耐蝦同蟹同好食，唔會冇晒味啲面亦都好掛湯食完之後店員仲會俾張濕紙巾你抹手總括嚟講味道好好，係間店舖有少少焗，唔多通風下次想再黎試下迷你佛跳牆或黑口黑面

這間不錯，嗌了兩個餐試不同的味道，最喜歡他們面底的質感，新鮮清爽，整體也是好味的，如果想提出改善地方，湯底可以再濃一些🙏🏼🫶🏻湯麵上的配料新鮮好味，這個價錢來說這間也是不錯的選擇，環境也舒服，兩個人傾吓偈幾個鐘也可以！整體CP值還好，環境舒適的餐廳！❤️

Order 了海龍皇湯和好頭好尾海龍皇湯湯正夠濃,但麵太林pat pat, 如果麵身煙韌d便會更好D海鮮也非常一般好頭好尾個湯都正牛肉也足料,麵差d可以一試嘅但不會再去

一心黎呢到係想食自己😏🤣即係黑口黑面點知換左餐牌 些少失望但反而可以試到新野🤭整體質素幾好 係幾好食但我又覺得定價過於進取講到尾 都係一碗湯麵ja值得一讚既係👍🏻湯頭非常非常夠溫度⍥ 蟹皇豬豬 ❙ $108湯底唔知乜料 幾有鮮味懷疑係關龍蝦事🤣濃郁而不油膩 好自然會想飲多兩啖湯有4-5片黑豚五花腩肉 😆咬走肥膏 仲有少少肉食 好味！面頭好多蟹肉同豬肉碎 同扁陽春麵一齊食都幾唔錯！食到尾仲要撈下仲有冇被遺留既蟹肉😌⍥ 雙冬羊肉 ❙ $108好冬天feel 有支竹又有冬菇 係羊腩煲既料😂聞落無咩臊味 食落就有少少啦雖然我唔食羊 但都（好似）接受到我覺得唔洗沾（腐乳醬？）都OK🙂‍↔️最正係支竹索晒汁 冬菇入味夠晒稔⍥ 芝麻醬雞絲粉皮 ❙ $49比我想像中細份得多🤫粉皮係我食過最最最煙靭既我就麻麻地鍾意個質地

第一次嚟食，估唔到咁好味。叫咗個迷你佛跳牆同埋蕃茄蛋牛麵，湯底非常濃郁，料非常足，迷你佛跳牆係真係食到花膠海參，個碗蛋牛麵，湯底好濃蕃茄味，牛肉又夠真，非常推介。

呢一間餐廳都食過好多次，餐廳嘅質素亦都毋庸置疑我諗大家都試過，成日都要排隊嗰啲一間餐廳今日竟然唔使排隊，咁啱經過同朋友經過大圍有啲嘢做就決定揀咗呢一間餐廳入去食🙈 今日就食咗佢嘅迷你佛跳牆，都試過佢好多唔同嘅湯麵，不過未食過呢一碗，咁我就決定try try🙈價錢嚟講唔算太平，不過就真係非常足料，覺得都係物超所值嘅，一嚟到已經見到有鮑魚，鮑魚雖然唔大，但係口感都非常好，再加埋海參魚肚，成個面嘅presentation 好high class, 湯底亦都非常濃郁，絕對冇任何味精可言，亦都非常掛湯，係我最鍾意嘅陽春面配搭，正！成個配搭好完美！🙈🙈

憑着真材實料和米芝蓮光環，好湯好麵不但受街坊歡迎，更吸引了不少區外客專程慕名而來。雖然一直是排隊熱店，但亦有不少人認為定價過高，物非所值。———————————————————————餐廳其中一款最受歡迎的是海龍皇湯。湯底聽說是用了海蝦🦐蟹🦀等多種海鮮熬煮而成的，海鮮味濃郁而不腥😋果然名不虛傳👍🏻麵底選用了陽春麵。麵條雖然掛湯，但烹煮時間未免太長，令麵質非常淋，入口有漿口的感覺🤢另外還配有幾款海鮮，全部肉質都算爽彈鮮甜，但份量略嫌不足，每款都只有一小件🤏🏻未算太對得上這碗麵的價錢🤑另一碗則選了棉花雞🐥湯底雞味非常濃郁，而且有膠質，喝得出是用了大量雞經長時間熬整而成的👍🏻配菜方面，雞件肉質過老😅有點像湯渣👎🏻魚肚花菇質感正常，非常入味。但麵質同樣太淋，不是本人所喜歡的口感🥲———————————————————————好湯好麵湯底出色，「好湯」方面是絕對不容置疑。如果還能做到「好麵」和「好餸」的話，相信能得到更多食客的青睞。

認識這店 源自網上的介紹 一直都覺得很吸引 想去試經開大圍 就去試一試 到門口 已經有7.8個人排緊隊服務員安排登記 同埋落埋單 因為我一個人 2樓有一張單人枱所以唔洗等 就可以入場 上到2樓 空間很細 細問題不大但2樓非常熱 店舖已經放左幾部風扇 但沒有用 一樣很熱 我唔知係冷氣唔夠定係無冷氣 但體感就係無冷氣途中有一對食客 上到黎2樓 就表示不行 實在太熱 要落返去地面我因為純粹想試一試 所以熱就熱 照食最重要 湯底 可能佢係真材實料 但同預期唔一樣 味道唔濃 很淡既海鮮味湯底顏色睇就好濃 質感因為味道唔濃 所以質感不錯 似湯 唔會似汁蝦 好食 肉質夠實 唔會梅 其他海鮮 全部都好普通 無論係味道定係口感個麵 鐘意食淋麵既就OK 佢無咩彈性同口感 就係夠淋 未到爛整體黎講 唔難食 .........仲叫左罐可樂 要$19..........其實 以一間小店 叫左碗過百蚊既麵 加罐汽水要19蚊...... 賺得盡過頭

去之前聽大家吹捧呢間餐廳所以好期待 揀左閒日12點就到餐廳門口先唔洗排隊 (餐廳12點先開) 店內位置唔算多 價錢中等 如果唔係叫花膠湯底就都可以雙位數埋單 湯底係飲得出都足料 完全冇落味精 真材實料咁熬出黎 似食緊養生麵個種感覺 食落係舒服嘅 不過就比想像有少少失望

路過大圍，知道有間米芝蓮推介，一直都想試下， 雖然價錢偏貴，但發現係真材實料，都算物超所值~去到唔駛排隊，店員亦服務周到，叫海龍皇會有毛巾比你抹~留意一下鋪頭只收現金~要禁定錢啦~❣️海龍皇 🍜海龍皇湯底濃郁既海鮮味，配料有兩隻蝦、北海道帶子、藍蟹肉、廣島蠔、魷魚加上蝦油味，蝦同蠔都幾大隻，彈牙好食，蟹肉都鮮甜，麵底係陽春麵，覺得好食過扁陽春麵~🩷棉花雞 扁陽春麵配有日本雞肉、雲腿絲、魚肚、花菇。雞肉肉質結實，唔會好老，好滑，魚肚索哂高湯既精華，而湯底濃郁雞湯味，唔算太油，可以當湯飲🤪

🍜 今天與朋友的探尋美食之旅來到了「好湯好面」，一家以多料湯麵聞名的餐廳。我和朋友期待已久。🍲 餐廳的服務尚可，坐下後提供了水，但整體表現尚待提升。菜品方面，雖然用料豐盛，但面食的水準有待改進，吸滿湯汁後有點糊，影響了整體口感。⏳ 在等候時間上，我們在周末晚上等候約5分鐘，相對合理。地理位置離地鐵站步行約需10分鐘，稍嫌遙遠。🍵 我們品嚐了迷你佛跳牆和海龍皇湯，湯汁濃郁，料足，但因為麵糊了影響湯品口感。總結：可以一試，但不會再去了

呢間好湯好麵位於大圍積存街20號地舖，朋友話之前想食呢間好耐，今日終於約到！裝修簡單，因位過左食飯時間，所以就清淨左好多！都幾舒服！呢間主打就係無添加！全部都係真材實料！米芝蓮推介！蟹黃豬豬$108，呢個推薦，賣相簡單，湯甜鮮味濃，可以飲得出係足料熬製出來噶！蟹肉係新鮮拆出來噶，唔係用預制噶！睇得出好用心！扁陽春麵有勁道，每啖麵配上高湯，簡直係一種享受！已拆好噶蟹肉配豚肉，啖啖都係幸福！迷你佛跳牆，湯噶火腿同菇味都好出，材料都好多，鮑魚，素翅，魚肚，帶子等等，全部都好新鮮！真係一分價錢一分貨！今日2條友滿足了！