快樂．順景

Open Now

Now Closed

「快樂順景」，不是新年揮春句語，也不是佳節的善頌善禱：那不過是每個凡人的普遍願望而已！還有：那是一家位於CB蘭芳道的茶記店名。就因為沒有「茶餐廳」、「冰室」等形容，鄙人一直就走漏了她，直到這一天，另一個未曾計劃的「奇遇」來臨。傳統旺區的小巴總站旁，從來都食肆林立。南與北、一個還沒有來到的年份，是蘭芳道飲食歷史的一個個小段落。在附近一帶想找個至少像樣的茶餐，終於看到了她。應該說，她從來都在眼前，只是到這刻才進入意識！這是兩個「傳奇延續」的其中之一。話說皇后大道東，有兩家相鄰的老店、小店，一家是麵包店，一家是餐室。隨時代的更迭，兩店先後結業了，倒是前者走得比較「轟烈」，連大台都來懷緬一番。後來麵包店在一街之隔「重生」了，又吸引了不少注意力；原來本是鄰居的兩個名字，在這裡竟合體了！那是餅店的第二個搞作。鄙人實在見識少，相信您早就知道了！最初吸引我這個「餓底」目光的，是她的雞髀茶餐：有三個款式，瑞士汁的、炸完再加孜然粉的、還有加上芝士與黑松露的「輕奢」版本。雞髀是同伴的心頭好，所以一「發現」就被鎖定了。雞髀餐配薯條或沙律，十分常見。這裡有一個加兩蚊轉菠蘿油的選項，也不是沒有見過，甚至「免費升級

店名好意頭，其他免問今日年初七人日，梗系搵個旺地食個好意頭餐廳啦！就來左銅鑼灣哩間快樂 順境。味道(1分)瑞士雞比菠蘿油($48)1分— 雞比睇落好大隻仲幾靚仔，食落真系有死實又鞋有無雞味，餐廳做到咁都幾難得。— 以為佢本身系麵包鋪出身，應該吾會差，但菠蘿包面又吾脆，麵包又吾鬆軟，牛油又無味。茶走4分— 茶幾香同滑，舌頭飲完無鞋環境(4分)—感覺舒服衛生(3分)正常抵食(1分)—除了今天正月店名好意頭，其他真系吾值得。最後OK亦因為今日系年初七。

午餐時間行過見冇咩人排隊所以就入去試吓，坐位都幾迫下、但係D伙記都好好禮貌👍🏻, 叫左個豬扒麵餐配菠蘿油，味道正正常常啦！豬扒比較薄，奶茶幾好飲，反而我覺得個菠蘿包麻麻地，不過銅鑼灣區$62食到咁多嘢都算抵啦！ 👍🏻

食物很快，味道可以，送餐速度十分快。已經去過很多次，態度開始越來越差，沒有禮貌。即刻可以感受到港式茶餐廳的不耐煩及呼喝。你唔趕，佢仲趕過你，非常不耐煩。想感受繁忙的氣氛及有輕微被虐的感覺歡迎可以嚟呢度。

聽朋友講咗好耐，佢住粉嶺，都要特登揸車出嚟食，一於嚟親身試吓！地方唔算大，好彩我去到啱啱有人走，唔使等位。正常茶餐廳嘅格局，係要搭枱坐。叫咗佢哋signature 嘅「瑞士汁雞髀」，真係值得讚賞，除咗夠入味，隻雞髀仲好滑，大大隻，啖啖肉😋另外都試咗佢哋嘅菠蘿油，個菠蘿包唔算係新鮮出爐，但係都香脆，飲品就叫咗茶走同埋凍檸茶，正常味道。想講吓佢哋嘅服務，我嘅體驗好好，由於想寫食評，所以啲嘢食到咗都影相，其中一個男服務員仲特登同我講，上埋其他野食一齊先影啦，靚啲😅

曾位於灣仔多年的快樂餅店和順景茶餐廳相相結業，過來回味一下那情懷。真誇張啊...看著快樂餅店2015年由$3一個菠蘿包，加價到現在$10一個。這裡餐牌有多款經典美食，包括快樂麵餅店的忌廉筒、紅豆沙翁、椰絲奶油包...順景茶餐廳招牌沙嗲牛肉公仔麵、焗豬扒飯、生炸雞髀、雪糕紅豆冰...想一次回味兩店的特色美食～所以叫了瑞士汁雞髀配菠蘿油+茶走瑞士汁雞髀夠入味菠蘿油鬆軟有啖啖牛油香奶茶茶底濃厚找到回憶的味道！！都算是合格啦！！見到隔離枱男士叫了 ○蔥油香茅豬扒煎蛋飯，兩塊豬扒完全無食過，淨係食啲飯唔知係咪豬扒太乾硬呢，望落去都有啲乾柴..不過唔好意思問佢好彩冇叫到呢個飯

餐廳環境走懷舊路線，標榜始于1977年，代表對品質有一定嘅保證。食咗一份煎雙蛋配火腿腸仔，提子麥包，味道和質量都好，睇得出廚房同老板都有心做好。今次要講嘅係一個非常”奇葩” 男侍應。事源菜牌上係牛乳炒蛋，我就問男侍應可否換煎蛋，感謝佢即時話無問題。我跟住話要煎翻蛋要熟蛋，男侍應即話咁即係煎蛋白。我話唔係，煎翻蛋熟蛋係煎熟蛋黃嘅意思。男侍應就話：你唔明㗎，行内人都知，煎蛋厨房會把握生熟度，你唔駛指明嘅。為了避免再花時間爭辯，你話點就點。结果煎雙蛋翻蛋但生蛋黄。既然你話行內人都知，咁我就當學多樣嘢。

服務態度既問題可惜咗D嘢食食物質素都算不錯，份量好足，炒蛋好香滑無出水，飯係採用珍珠米好鍾意，基本上食物方面唔係話好好但都超過一般水準，唯獨真係好頂唔順個女店員著恤衫嘅所以我佢估係高級D應該係經理黎。、四眼冬菇頭。佢一隻手4-5碟嘢我知好有型，但大佬你唔得唔好懶有型啦，真係見住上一碟碟底搭住下面嗰碟D炒蛋度，哇你唔搭曬成棟咁抬出來，個款又好似尋仇咁，唉！本身見佢對食客愛理不理咁都算。未食已經睇飽左。

品嚐道地的美食 菠蘿油 口感酥脆的菠蘿油，外層金黃酥脆，內裡柔軟香甜 口感很好。每一口都能品味到菠蘿醬的香甜和麵包的鬆軟菠蘿油的香氣四溢，令人垂涎欲滴呢 菠蘿油的口感獨特絕對是香港早，午，晚餐的經典美食喔！

食物質素不斷下降，叫份雞蛋鹹牛肉三文治，係凍冰冰。杯熱奶茶又係唔熱，唔知係放咗幾耐先拎出嚟。而且奶仲多過茶。一直幫襯開買外賣早餐，就係覺得佢杯奶茶好。一兩次就算，再試但好幾次都發生同樣情況。

餐牌上，早餐是配特色餐包，亦冇再解釋什麼是特色及可轉多士。送到來，問下個侍應，佢話出左冇得改，餐牌有寫。睇左十次，我搵唔到寫喺邊。可以理解出左餐冇得改，但唔需要話有寫，係你冇睇清楚既意思。

搵位度：🌟🌟🌟好食度：🌟🌟🌟🌟抵食度：🌟🌟🌟🌟每朝返工經過都要食佢個菠蘿包咁滯，確實係鬆脆可口。後尾有一次入咗去食佢份早餐發現確實係幾高質，呢個最普通嘅鮑片火腿通粉，出面好多時個湯唔湯唔水咁樣，佢唔會呀，真係做返最傳統港式嘅嗰個湯底俾你，每朝早暖胃又開心。另外值得一讚你就係佢個咖啡都幾好飲，雖然唔係咩即磨咖啡嗰啲，但係啡奶比例做得好，自然香滑。另外一個賣點就係佢餐包係菠蘿包，不過發現佢依期轉咗冇就咁門口買外賣嗰種咁好食。

態度好差越嚟越似澳牛佢應該只做外賣！不過我會叫我附近所有嘅同事朋友都唔好再食呢間啲嘢食幾有特色都冇用如果啲服務差到咁！我坐低加食左都唔夠20分鐘我本身係食得快，但係都唔使講頭講命收曬我啲嘢，搬曬枱，然後特登叫人搭枱搭落我前面（重點有其他食客早過我嚟早過我走所以有其他位），擺明好想趕我走咁，我食得快唔代表你可以趕我走！咁X澳牛不如門口寫限食時間直接趕客走算啦！又要做生意又要咁！！傻的嗎？！

食物難食，兩份菠蘿包同菠蘿油係凍嘅，蛋撻係冧嘅，常餐塊豬扒薄到張tempo紙巾咁，所謂雞白湯叉燒通粉，其實係味精清雞湯，通粉硬又未熟哂，咁樣唔係叫Al Dente, 鴛鴦無茶味無咖啡味， 環境侷促冷氣通風都無乜，出風口直頭污糟邋遢，衛生失佳，侍應服務還算友善，除左收銀個女人，行去埋單見住我企係前面，都選擇打埋個message 先，全程黑面無反應，唔會出聲confirm價錢，唔會問你用咩俾錢，唔會講聲多謝，唔會講聲拜拜。 呢種餐廳唔該唔好再影衰哂香港有心做飲食嘅人，你無心機做唔該執左佢，客人無欠你地的

只需港幣63的常餐、份量很足對香港人來說，兩個人也夠吃的，美中不足就是菠蘿包太硬了…其他還可以！如果可以改善一下菠蘿包的鬆軟度就完美了！火腿也可以煎一下會比較香！