開心菓園

Open Now

Now Closed

之前試過幾次都係「牛油果鮮奶」好香蜂蜜味🍯唔係普通糖水沖，好似飲milk shake咁 好香滑今次試左「薄荷美式咖啡」都幾特別，天氣熱路過都買佢地黎飲我朋友試左「芋泥生椰拿鐵」，佢話芋泥好好食，鍾意芋泥既人都可以一試

自從轉左手之後，少左水果肉，多左好多冰，（已叫少糖少冰）都好多冰，要大杯果時都倒唔滿得8成-9成），我買牛油果奶，佢連牛油果核都搞碎來賣比我，飲飲下要吐吐吐。。。還境清潔轉手後好了少少，服務都差不多，

第n次黎呢間飲沙冰。我記得之前唔係呢個呀姐整，轉左手就加價，之前$29，宜$31，又多冰，唔好味😓朋友介紹我地黎飲，愈整愈差，佢之前話飲到肚痛，佢話唔會再幫襯。。。今次真係好失望，我都唔會再幫襯之前唔係呢個呀姐整，轉左手就加價，又多冰，唔好味😓失望，唔會再幫襯

今天和朋友到了慈雲山一間鮮榨果汁小店，他只提供外賣沒有堂食，店舖不太難搵。之前都有飲過幾次，覺得幾抵飲，而且用的是新鮮水果👍店鋪果汁選擇種類非常多價錢很便宜只是20多元🤤🤤而且有不同新鮮水果例如香蕉牛油果火龍果等等，每天可以轉換着款式喝👍今天選了香蕉鮮牛奶，夏日炎炎飲到它真的很fresh!用了香醇牛奶加兩根香蕉，fresh得黎又唔會太甜🍌,好好飲！ 之前都飲過木瓜鮮牛奶，都好飲！之後可以再試下牛油果鮮奶🥑

呢一間店差唔多到開咗10幾年，都係一間以經濟價錢提供真材實料飲品店👍🏻👍🏻.🥤牛油果鮮奶💰$26（大杯）呢個簡直係必叫之選💕每次都望住佢落差唔多半個牛油果，再加鮮奶，攪拌而成🥤仲可以揀甜度，我每次都揀無糖，本身牛油果、鮮奶嘅甜味已經好足夠牛油果出面買都10幾蚊一個，然後一杯就落咗起碼半個以上，先收你20幾蚊，簡直係良心店鋪飲落去勁濃郁牛油果味，夏天買個外賣再加呢一杯牛油果鮮奶，返屋企慢慢嘆，超正

好食，味道好粉漿家製，可以選擇多醬，可以選擇脆身啲，即叫即做 ， 製作需時 ， 耐心等候。店員姐姐親切有禮 。身為格仔餅愛好者的我，這檔首推。問姐姐邊款果汁當造 ， 推薦芒果椰汁西米飲，試過果然有料到，值得一試。

☟非專業最真實食評☟𝙂𝙧𝙖𝙙𝙚 𝘼：粒粒芒椰珍珠係啊無睇錯，真係$23蚊～～最上層芒果汁，到椰汁，再落芒果汁再加埋珍珠！足料得尼勁夾🔥🔥而且口感100分！𝙂𝙧𝙖𝙙𝙚 𝘼：紅豆鮮奶係我最愛嘅紅豆～～紅豆奶係真係落紅豆蓉去整，紅豆味好出好香！但佢就無粒粒紅豆喇～～（我落單果陣同店員姨姨講想要多紅豆，佢比左勁多我，打完出尼成杯紅豆奶昔甘🤤🤣）❀超主觀推薦度❀（5分為滿分）：5+5！

位於毓華街的鮮果汁店，屹立慈雲山10多年，以前中學放學一定會去買一杯。店舖的種類很多，鮮果沙冰、粒粒芒椰、鮮果汁等等都應有盡有。佢嘅果汁唔係溝出嚟，你真係見到佢將啲生果擺入榨汁機。另外之前想嗌一個果汁飲，老闆娘會好好心咁講，嗰款生果唔係當造，叫我揀其他。門面飲品種類，希望影得清晰。之前通常都會飲粒粒芒椰系列，呢款的確係最好，基本上好多人都會試過呢一個。我亦都有飲過奇異果沙冰，佢唔係死甜，有一種好Flash嘅感覺。今次我嗌左季節限定，鮮水蜜桃西米，飲飲下你會飲到水蜜桃核，證明佢真係新鮮榨。而且唔會話好甜，夏天飲真係一流。特別如果唔想成日都飲珍珠奶茶，不妨黎試下。

Every time boyfriend and I go to Tsz Wan Shan, he always stops at this small takeaway juice shop. And he only orders one drink. Menu is in Chinese only. There is no 10% service charge. It's your basic takeaway fresh juice shop and you can choose whatever fruit you want and they will blend it for you upon order. But what he gets is this: a mango smoothie with coconut milk and nata de coca ($24). This time he got me one and it was big! And very very good. No wonder he gets it. The mango is fresh a

中學幫襯到而家，老字號成十年鋪屹立不到誠意真心推薦，比傳統甜品店既飲品有過之而無不及。推薦粒粒芒椰椰果，足料既芒果肉同椰果，內有芒果汁，椰汁再加沙冰。 飲左咁多年，每次經過都要飲返一杯

個人最鍾意飲佢嘅芒椰西米，芒果粒同西米嘅份量都幾多，有幾香嘅椰子味，平平地咁好抵飲。試過飲佢嘅荔枝椰果，係得荔枝味，冇真嘅荔枝，椰果都唔算好多，重點係唔知佢係咪落得太多糖漿，成杯嘢都超級甜，飲咗一半就冇再飲，以後都係會飲返芒椰西米。

呢間鋪頭以前中學幾乎日日都嚟充滿中學回憶💯。其實我諗佢味道其實都OK，但唔係真係話頂級，但係就回憶使其滿分。通常我都係飲珍珠奶茶或者粒粒芒果椰汁珍珠。咁其實珍珠奶茶我就略嫌佢嗰個茶底較為薄嘅同埋有陣時都會太甜咁你可能叫返少甜。而我最鍾意佢嘅珍珠，非常好好煙韌同埋都俾得好多。我以前最鍾意就係食佢呢度啲珍珠好有咬口零舍好味。同埋佢個芒果唔係用化學同埋其他即開嘅果汁。佢真係加冰同埋新鮮芒果粒打出嚟再加上新鮮椰汁係面係超新鮮！同埋我嗰種新鮮度係無可取代。嗰種新鮮芒果打出嚟嘅味道真係無可取代！係好新鮮鮮味。你會隨即愛上！咁佢呢度有分大中細三個份量我覺得都幾好可以悉隨尊便。呢啲小小嘅鋪頭畢咗業之後都有一排冇去，都驚佢會唔會已經比時代嘅洪流衝擊但係好彩佢依然屹立不倒，呢啲小店我哋真係要多啲支持！俾多啲人認識等佢發揚光大！

台式飲品店開到成行成市，亦有唔少名店受到粉絲追捧，不惜大排長龍去幫襯但其實仲有一部份本地薑飲品店都十分出色，兼且平靚正，絕對唔會差過各間台灣過江龍，講緊嘅就係呢間開心菓園聽同事講，呢間飲品店似乎已經訖立多年小小店舖，貼滿各式飲品名稱、大中小杯及售價，有健康天然嘅純鮮搾果汁、珍珠奶茶、蘆薈、西米等等，一目了然之餘，又花多眼亂，有選擇困難症嘅朋友，大概又會「病發」，哈哈當時肚餓嘅我，掙扎一輪後，揀咗中杯鮮蜜瓜西米睇住店員由雪櫃拎出蜜瓜塊直接放到攪拌機內，加少少水少少糖漿，就開機打汁，算得上原汁原味，打完後再倒入已經裝有近三份一杯西米嘅膠杯當中，雪到涼浸浸嘅蜜瓜打成汁後，唔駛落冰已經夠凍，非常好，唔會俾冰溶後整到成杯飲品淡晒又凍過頭蜜瓜夠甜，打成汁仲有少少果肉咬口增添口感，西米份量好足，飲每一啖都食到好多西米，更加令人開心嘅係，一杯真材實料嘅鮮搾果汁，竟然廿蚊有找，今時今日，簡直少之又少！咁抵嘅價錢，咁好嘅質素，我一定會再幫襯試飲其他款式嘅飲品~

開心菓園應該冇咩慈雲山人唔識，可以話係伴隨著我成長既一間飲品店。佢既飲品款式多到數唔曬，可以話係你講得出既飲品佢都整得到既程度呢幾日實在太熱啦，唯有買杯沙冰消暑我嗌左一杯柑桔檸檬沙冰，而朋友就嗌左西瓜沙冰。可惜既係我杯柑桔檸檬沙冰過份地酸，已經唔係覺得飲落去會好爽既程度，只係覺得酸。相反，朋友杯西瓜沙冰就真係極之消暑啦！甜度剛好，亦都飲得出係比較新鮮既。*柑桔檸檬沙冰 $13**西瓜沙冰 $13*夏天黎到，有時唔想飲珍珠奶茶呢啲咁飽滯既飲品，可以試下呢啲清爽沙冰

慈雲山呢一間果汁店，住係呢頭附近既朋友一定唔會陌生。但對於我第一次黎飲嘅人就絕對係驚喜。啱啱食完個飯，有啲口渴，朋友就介紹間果汁舖頭。佢極力推薦芒果是但一樣搭芒個都好好味呢杯咁大杯只係＄15咋，但好味嘅程度絕對比X留山好得多喺呢度果然係做街坊生意，呢啲糖嘅價錢都係比小朋友買老闆都好好人，好親切