童樂壽司刺身專門店

Open Now

Now Closed

整體言過其實，呢個價錢可以好多好多選擇，重點要等兩個幾鐘，食到啲咁嘅水準就真係….唔知點講好，整體就係唔新鮮，沙律都可以出水，唉…魚又無味…想講其實好劣。。。。。

隱世壽司外賣店壽司價錢大約由$10/2件至$15/1件左右，算係有好多選擇，亦都有火炙壽司同埋軍艦，仲有全日套餐、午餐及下午茶餐壽司質素都好高，份量亦都唔細，尤其三文魚壽司好厚切！火炙壽司質素亦都非常之好好可惜當日三文魚腩同埋油甘魚售罄，呢兩日係我最想試嘅嘢另外嘗試咗軟殼蟹手卷$20及拖蘿蓉手卷$30呢個價錢嚟講材料都非常之足料！Lunch Set: 海膽三文魚蓉丼 $50份量都算正常，不過男士未必夠飽，三文魚蓉份量合理，可以鋪滿壽司飯，仲要有一大塊海膽，海膽鮮甜唔腥CP值高，質素亦都好滿意，唯獨等候時間有啲耐，大約需時20分鐘，不過應該全部即叫即制，為咗食好嘢都唯有等耐啲啦！

呢間外賣壽司店，我平均一個星期就幫襯一次，因為真係超好食，好過出邊好多中價位壽司店！😚（完全冇誇張，你地試下就知！）所以呢間舖頭嘅壽司，係超級高性價比！我食得最多嘅係珍寶壽司拼盤（真係超級好味！）同埋圖片大家見到嘅黑松露三文魚加吞拿魚蓉丼$80送一個紙包飲品。佢啲刺身係超級新鮮，個水準係keep到，每一次幫襯都超級好味，好鮮甜。☺️可惜佢唔係一間餐廳，出邊得幾個位，所以大部份人都係選擇外賣。希望呢間餐廳可以一直長做長有🙏🏻🥳🥳

第一次幫襯 有驚喜！外賣嚟講絕對高質，比起好多大型壽司店堂食更好食，仲好抵食 ！ 好足料又大大份，真心推介 三文魚腩同鰻魚壽司，好食！ 有機會下次一定會再幫襯，支持本地小店

上星期阿女生日，生日party話想食壽司，於是幫襯咗呢間喺大圍嘅壽司小店。早上打電話點定嘢食，下午指定時間pick up，我哋order咗勁多手卷😆，喺小朋友嘅至愛，入面舊炸軟殼蟹、炸蟹柳同埋紫菜，仲係脆架😋三文魚籽手卷有勁多三文魚籽，撕開塊膠紙真係要好有技巧先得😂雖然話啲壽司主要係點俾小朋友食，但係我覺得炙燒芝士玉子壽司同蟹籽三文魚炒飯都好好食，叫得一碗炒飯，唔夠分啊😂我哋叫咗少少刺身for大人食，刺身都好新鮮👍🏻肥美嘅三文魚腩啊🤤仲有，呢度可以order日本生蠔自己開嚟食，今次小朋友食為主，冇訂到，下次一定要再幫襯！總體嚟講，呢間鋪嘅嘢食好食又抵食，感受到師傅嘅用心製作，係一間好值得幫襯嘅小店！推！

叫左下午茶餐有4件壽司+芒果炸蝦手卷 食落仲脆同暖身好味 又可以散叫其他壽司 整理都唔錯$35有埋自選紙包飲品同汽水揀 再叫多兩款壽司沙律三文魚腐皮壽司同蒜香火灸牛肉壽司$10 兩件都足料好味😋值得支持小店！

新開張，隔離做野夠方便就試下，電話外賣落單，幾分鐘就有，試左個4色飯同三文魚炒飯，4色飯啲魚生都好厚身，飯份量夠多，同事個炒飯都好大份，價錢又唔貴，同埋包埋野飲，可以再試