Happy Toast (Closed)

新店黎, 本來想試芝鰻牛, 但驚唔夠飽, 所以叫左鰻魚腸粉, 好普通LAW, 只是炒腸粉+ 鰻魚, 份量都唔少, 不過都是腸粉多, 熱辣辣就幾好GE, 腸粉唔怕咸, 反而帶少少甜, 鰻魚就是一般蒲燒鰻魚GE味道, 普通左D

聽聞藍田同葵廣都有焗啡菇食，藍田平點，但既然順路葵廣就來試左呢間先。鋪面，就簡單的一張細細收銀枱同飲品櫃。去到時無咩人排隊，反而對面的手捲同貓麵多人排。因為即時整，要等十分鐘。$30 芝士牛油果啡菇新鮮整，梗係熱辣辣既。焗既時間幾好，但看落有點單調。其實不是我故意要翻出來，只是我「凌空」把他一開四時它自己反出來的。幸好菇算稔，「凌空」震震下咁都切得開無打翻。我諗就咁用叉都叉得開。（枱仔都無一個人食呢類食物會幾雞手鴨腳）啡菇夠厚，唔會焗得太乾，上面芝士都焗得剛剛好。啡菇同牛油果本身就係好食又易夾既，所以呢個產品都唔會唔好食，個味夾埋係match既。美中不足係一切開就果菇芝士分離。個薯蓉是咸味的，但就只有落左鹽既咸味，單調得來同牛油果及啡菇其實唔夾。連調配薯蓉都懶唔值呢個價。講真自己都整到，好易被取代。下一站藍田

呢間舖有幾種啡菇食法，今次食佐牛油果啡菇。啡菇均一價$30，配薯蓉。啡菇size對比價錢嚟講好細，牛油果係真係幾有料，唔係行嗰幾片仔了事，而係一粒粒咁。每4分1件菇大概有兩粒牛油果。不過可能因為芝士重，咸香蓋過佐牛油果味，唔係好食得出薯蓉不少少太咸，不過個味都ok ge

行過呢頭，又好肚餓，見到呢間幾吸引，如是試吓！芝士流心蛋啡菇 配手打薯蓉($30)大大隻厚肉多汁嘅磨菇上面有一隻流心蛋，上面再舖滿燶燶哋嘅芝士，睇見已經好吸引！一切開啲蛋汁流晒出嚟，再浸滿薯蓉，天啊好好味呀！！！雖然菇的確冇乜調味，但軟滑芝士味夠濃，勝過一切！口感非常好，食到最尾係唔捨得食晒嘅！芝士磨菇牛角包 ($20)晏咗啲食，但個牛角包都唔算變得好淋，質感都仲幾鬆軟，仲有牛油香添；一打開就係舖滿芝士及磨菇片，雖然有好多芝士，但係磨菇片比較少喎！雖然食落口感都OK，但比起上嚟大磨菇就好食啲了

幫襯過呢間兩次，一次食XO醬粉腸粉$2x! 以為好重味，但鼓油味太勁，冇乜XO醬味。飽係飽但唔好味，食返傳統混醬腸粉仲好！另一次食佢主打，朱古力棉花糖多士$23。主打都，棉花糖用低價嘅貨色！朱古力醬都係！店主真係要加油！

趕住入戲院前jap jap,終於發現左呢間烤菇店，離開場仲有15min,先問問製作時間幾耐先！ 收銀姐姐話7min就ok,夠晒時間邊食邊往戲院。豈知13min後再追問仍然未見影，收銀姐姐入左去製作，最後終於出返黎。菇的底部有薯蓉，成隻菇都熱辣辣，先切開四份，輕嚐一口完全沒有牛油果既refresh感覺，成個菇又無外加任何調味料，淡而無味，又膩又飽，真的好後悔為了等它錯過已開場的戲。

我喺為左食佢個紫薯牛角包而黎，可惜幾失望，同中環Selfit Salad Station個個差勁遠，但兩者價錢其實相近。紫薯薯泥還可以，但唔算濃味，但牛角包唔鬆軟，所以口感麻麻，個cream醬冇乜味。整體唔係話難食嘅，只係比較下較失望。除此之外，比較多人叫係佢個棉花糖toast，雖然賣相ok，不過我覺唔難整，屋企有焗爐嘅話，自己都可以整到~