甜蜜蜜甜品專門店 (Closed)

尖沙咀多款式甜品小店喺尖沙咀食完煎炸熱氣野想食返冰涼糖水消暑解膩。呢間餐牌寫住主打焗烤甜點，餐牌有多國語言，款式有很多。小店環境細小座位逼夾，繁忙時間要等位～#焗香橙朱古力軟心疏乎厘 $62製作需時約15分鐘，伴酸咩咩的青檸雪葩點甜甜的芒果糖漿幾開胃～軟綿綿的香橙疏乎厘不錯，流心朱古力有點甜和多餘😂小心燙口#鮮雜果黑白配 $54涼粉冇乜味，椰汁糕幾香幾好食～茶雜果有密瓜🍈西瓜、酸草莓、甜芒果、提子等～喜歡他的爆珠服務質素：6/10環境舒適度：5/10ᶘ ᵒᴥᵒᶅ個人口味評分：7/10

1. 榴槤班戟2. 爆爆珠芒果戀曲3 鴛鴦戲水琴晚食完晚飯，隨即就食甜品，係openrice搵到呢間，等左唔洗5分鐘就食得我地叫左以上3樣，我食爆爆珠芒果戀曲，賣相幾好，中間仲有個雪糕，爆爆珠有口感，而且小丸子好煙韌，是朋友就叫咗個鴛鴦戲水，佢話唔錯。重點我哋叫咗個榴槤班戟分嚟食，裏面好多榴槤肉，好香榴槤味而且佢個綠色嘅被都好有咬口，好煙韌，旁邊仲有個小小嘅士多啤梨擺設，睇得出師傅好花心思而且等嘅時間都唔耐，應該生意好好所以師父熟能生巧了

經過厚福街呢間甜蜜蜜甜品店好多年，想食嘅時候就要排隊，所以從來未試過呢間。咁啱今次早食完飯，見甜蜜蜜有位入嚟食。個人就覺得甜品選擇唔係好啱口味，價錢亦都偏高，咁可能係因為喺尖沙咀嘅關係啦。叫咗兩個甜品食，除咗用普普通通嚟形容都諗唔到其他。

同朋友係附近食完晚飯 大約8點半 仲有d時間 所以walk in 左呢間甜品店 全間鋪大約有廿檯 唔洗排隊就入到去 店員仲特登同我哋講 入面冷氣大啲 喺入面會舒服啲🤣🤣🤣我地叫咗個豆腐雪糕加抹茶心太軟 製作時間要15分鐘 玩吓手機時間好快過心太軟個顏色係鮮綠色 平時見到嗰啲通常係墨綠色 感覺上有啲奇怪 但食落口又幾好味豆腐雪糕就更加唔使講 超級好味 但唔可以散叫另外朋友叫咗個焦糖燉蛋 店員仲特登俾個鐵匙羹 去敲碎佢 脆卜卜好好味😋

喺尖沙咀食完飯都總會想食個甜品，但又好難搵到間價錢ok又好食嘅，甜蜜蜜喺厚福街咁耐都穩陣既，以前試過記得ok嘅今次試d以前冇食過嘅野炸芒果雪糕班戟$65外層係炸班戟皮，好脆，好熱裡面係超冰凍芒果雪糕及芒果真係凍到超硬，cut唔開，cut左起碼5分鐘但味道都幾好七星伴月$62原本呢個甜品係配芒果雪糕加唔同嘅珠珠但因為啱啱先食完超冰凍芒果雪糕所以呢個轉左朱古力雪糕呢個一黎到覺得好冇味，因為我地先食左個咁甜嘅班戟，而呢個本身都比較淡口d, 再加上配朱古力雪糕原來係好難食嘅，好唔夾架所以你地千萬唔好咁轉雪糕，同要食呢個先，否則就會好冇味好似飲緊朱古力奶咁啦

當日行街食完晚飯，想食個甜品，就同朋友黎左呢間舖頭。環境普通，但入夜都幾多人，要等一陣位～🌟焦糖焗蛋布丁伴脆皮雪糕 ($62)焦糖略嫌太厚，有少少甜到偏苦🧐 不過燉蛋布丁都幾嫩滑🍮 同埋都幾大個! 脆皮雪糕都係甜品店比較少見，算特別～🌟 椰皇海底椰燉鮮奶蛋白 ($62)海底椰超足料，蛋白奶味香濃甜度適中，而且非常滑！推介！🌟鮮芒果玉露伴青檸雪葩($62)非常足料，夠兩個人食。整體黎講算唔錯，雖然人均六十幾蚊，不過甜品都好大份😋

開完會，食完飯。突然甜品引發作，附近逛逛，其實成條厚福街，就得一間甜品店，之前經過，經常都見大排長龍，今日既然有時間就陪佢等一等。類近嘅爆珠芒果甜品，真係成行成市間間有，但係佢呢個《爆爆珠芒果戀曲》，芒果汁底真係做得非常唔錯， 唔會死甜嗰隻，有新鮮芒果香味，各類爆珠亦都均勻，如果要彈可能價錢偏高小小，分量就偏細小小。《焗冰火芝士木糠布甸》這個不是回頭吃的程度，直情要介紹朋友過來食的Level， 冰火冷熱感覺特別不在話下， 芝士味冇搶出，但又有存在感，食時最好將每一層都混在一起，多層嘅口感加冷熱程度，可唔可以講話，有如來回地獄又折返人間。『外觀美。內涵足』， 雖然等時間內一啲，絕對值得您等待。當你以為佢因為市場冇競爭，所以有人排隊，試完就知係錯，可能佢真係太有水準，嚇怕行家都唔敢喺度開舖同佢一較高下。～～～～～～～～～～～～～～～～～～～～～～～食物賣相＝(滿分20) 18食物味道＝(滿分20) 19服務質素＝(滿分20) 15裝修整潔＝(滿分20) 15性價比率＝(滿分10) 6回頭指數＝(滿分10) 10總評分 ＝(滿分100) 83分

食完晚飯再過嚟呢邊食甜品 之前都食過幾次覺得呢一間嘅心太遠同埋窩夫味道比較好 今次再試埋其他～🍫焗朱古力心太軟配雪糕朱古力採用香濃朱古力 味道濃郁 好味～再配一球雲呢拿雪糕 一冷一熱搭配一齊食好過癮🥭勁爆黃金俠勁爆原因係因為有一啲爆炸糖 不停爆爆爆💥💥💥芒果雪糕底下仲有芒果布甸 酸咪咪⋯⋯呢個普通🥥熱椰皇海底椰燉鮮奶蛋白試咗朋友一啖 上面個海底椰感覺幾得意鮮奶蛋白都係鮮奶蛋白咁嘅味囉🤣總括嚟講其實比較建議食返心太軟 想飽嘅就食窩夫😄😄

唔係講笑 依間必食綠茶梳乎厘唔會太甜 味道岩岩好芒果果個脆脆卷就仲正即整暖粒粒 個脆皮同芒果勁夾睇番menu睇到原來師傅本身係五星級酒店做難怪甜品咁有水準👍🏻👍🏻👍🏻

和友人相約吃飯撐檯腳, 吃完飯竟偶遇在隔壁街吃飯的另外兩個友人, 變成是四人吃甜品, 除了世界真細小小小, 真的是不知要如何形容此情此景。本來想試厚福街新開的某芋仙, 但奈何排隊的人太多, 就還是選擇了任厚福街其他舖頭如何變換但感覺一直都在的甜蜜蜜。老實說雖然這裡裝修比較舊了, 但甜品價錢還是不便宜的, 而且也需要小小的排了一下隊, 份量和味道來說是不過不失的。 不過似乎店家很希望可以加速翻檯, 一看到我們有空碗出現就立馬收走, 感覺壓力山大, 好在旁邊桌的客人走了之後一直還沒有進來新的客人, 在還有空桌的情況下我們也沒有被趕, 就是時不時地感覺到店員投射到我們身上的關切的目光。

尖沙咀食甜品淨係諗到厚福街呢到於是就係果到求其搵左間甜品店坐低講真我第一次食一間甜品店係咁足料真係要比個讚世外桃源 $64我見好耐無食椰皇 又想食下桃膠呢款真係岩哂我入面有海底椰 桃膠 杞子 桂圓肉睇圖都知有幾足料👍🏻焗冰火芝士木糠布甸 $62最頂層焗蛋白 中間係芝士 呢層芝士都幾硬最底係餅底賣相好靚食落口 一冷一熱 撞埋一齊 感覺好得意但厭佢太甜黃金夢$50裡面有芒果粒 海藻珠 大菜絲多料到爆之餘 芒果仲要好甜三款之中我就最中意呢款甜品喇

在尖沙咀食完晚餐就轉場黎附近食甜品～榴連飄雪 $59椰奶冰溝紫米露，上面加上榴連球和小丸子，想不到這個配搭好好味😋心太軟 $62太耐無食過，一食開心到暈，太好味，朱古力味濃郁，配上雲呢拿雪糕冰火口感，正！

飯後想食下甜品就揾左lee間成日都好多人等位嘅糖水舖熱椰王桃膠燉蛋白份量正常，蛋白都好滑桃膠普通都誦有椰子肉食不過我覺得個椰子比起去其他糖水舖食嘅要細整體ok店舖比較細，所以d位都比較迫衛生ok

同女友食完晚飯去咗呢間甜品店，老闆態度都好友善。我點咗勁爆黃金俠，女友點咗芒果之吻。等咗一陣兩個甜品就到抬，我個黃金俠裡邊有幾片芒果，不過D芒果係酸嘅。女友個甜品裡邊有柚子，不過係苦嘅。我覺得D生果應該可以試下先整俾客人食，話曬係食甜品，而家好似變咗食中藥咁苦嘅，我就每件芒果都食到皺眉頭，好酸。間店係勝在喺尖沙嘴旺區，喺附近食完晚飯就比較方便就腳，不過食物質素就真係麻麻地，價錢唔平，埋單要$114，我應該就唔會再幫襯，覺得如果有心機做嘅話係應該好好多

食完個牛肉麵之後，覺得要食返個糖水，先至有完美既句號，是但經過就入左黎。爆爆珠芒果小丸子 $50小丸子質感都 ok 既，芒果都算甜，芒果爆珠亦係出面普通既爆珠，始終都應該係叫貨成罐黎果種。芒果汁底都幾既，起碼個味道唔假。宇治金時綿花冰 $62透明果 d 珠珠係爽口既，雪米糍都係叫貨果種，正常味道。紅豆同小丸子都係正常味。而個綿花冰既質感都 ok 只係佢個抹茶味唔夠出，味道上係比較淡 d ...兩樣野，埋單 $112整體感覺偏貴，可能因為覺得個質素馬馬