甜蜜蜜甜品專門店 (Closed)

~~甜蜜蜜~~夏天點可以冇糖水🍨呢😎今次就試左系尖沙咀嘅甜蜜蜜，主打：焗炸甜品 例如心太軟🍫，梳乎里🥞 亦有中式糖水等等，但系最特別都系佢地嘅椰皇系列（熱食的）不過因為天氣太熱喇！冇試到😔下次一定要試埋佢！！😤~榴蓮飄雪❄️~食落去滿滿的一口榴蓮肉同紫米，慢慢食到底 竟然食到小小荔枝味同埋沙冰❕❕呢個搭配食起嚟出乎意料的不錯，非常神奇 值得一試👍🏻（當場同對面那位交換了😆）~榴蓮班戟🧇~爽爆了❕❕入面嘅榴蓮肉簡直就好像不用錢一樣，一啖都食唔晒😋不過美中不足嘅系唔夠凍另外表面層皮有點厚，所以我地最後都系撕開層皮淨系食榴蓮肉~黃金夢~相比來説 呢碗較為普通，整體味道一般，芒果🥭唔太甜

對上一次嚟已經係好耐之前（疫情前），記憶中好多人排隊，今次嚟都係好多人排隊，我哋大約9:15嚟到，等咗大約25分鐘先入座！焗綠茶心太軟伴豆腐雪糕 $68⏰需時約15分鐘😋食後感：-實測13分鐘就嚟到👏🏻-賣相唔錯📷一邊係焗綠茶心太軟，一邊係豆腐雪糕，不過我哋有6人，張枱唔係好夠位，唯有打直放😂😂-焗綠茶心太軟好味😋👍🏻濃濃嘅綠茶味🍵裡面暖暖嘅流心綠茶～正🤤 #綠茶控必點-豆腐雪糕好豆腐味😆好味，淡淡哋幾夾綠茶😋👍🏻通常一班人gathering 食完晚餐未想走著，下場就會去食糖水，如果唔洗等太耐呢度都係唔錯嘅選擇😋

呢間好多特色中式甜品，聽講好似六月就結業，值得一去嘅🥺🍫 焗黑白朱古力梳乎里 $65熱朱古力梳乎里，伴凍白朱古力榛子味梳乎里。▪️即整梳乎里熱辣辣超脹卜卜，我係咁打卡，職員叫我即整要快啲食😂，朱古力味都幾香濃，呢個係冇流心，係自己加朱古力醬🍊 焗香橙朱古力軟心梳乎里伴青檸雪葩 $65香橙味梳乎里，内藏軟心朱古力，伴青檸雪葩。▪️個汁同雪葩酸到我懷疑人生，香橙味勁出，入邊係朱古力流心，可以想像成橙味朱古力🥹，唔太岩我口味，我朋友話中意呢個多啲，清新清爽啲。呢間好多特色中式甜品，聽講好似六月就結業，值得一去嘅🥺🍫 焗黑白朱古力梳乎里 $65熱朱古力梳乎里，伴凍白朱古力榛子味梳乎里。即整梳乎里熱辣辣超鬆🍊 焗香橙朱古力軟心梳乎里伴青檸雪葩 $65香橙味梳乎里，内藏軟心朱古力，伴青檸雪葩。個汁同雪葩酸到我懷疑人生，香橙味勁出，入邊係朱古力流心，可以想像成橙味朱古力🥹，唔太岩我口味，我朋友話中意呢個多啲，清新清爽啲。

真係不要輕易相信網上的評論，我今日真係完全明白了這個道理了😢😢星期日夜晚同朋友一齊去食等咗大概15分鐘先有位！🔺焗黑白朱古力疏乎厘 $65平時好少見到甜品店有疏乎厘仲要係朱古力🍫所以二話不說就叫咗呢個黎食！個樣係正正常常的，疏乎厘整個都係朱古力味上面有幾粒朱古力粒😌而旁邊有朱古力醬淋上疏乎厘。第一啖食都ok嘅只是偏甜但越食越奇怪🤔係會食到又鹹又甜😰好奇怪！另外，雪糕係白朱古力榛果味但完全食唔到任何味包括牛奶味！令我嚴重懷疑自己食緊咩😩

厚福街不嬲都有好多嘢食，但一直都係主食冇食過甜品，見到成日都大排長龍所以食完飯就去咗食！叫咗一個芒果嘅甜品🥭個芒果酸到懷疑人生🫠食咗一啖已經食唔到第二啖，而佢嘅配料都係不好食的！完全係大伏。千祈唔好去食!!!!!!

尖沙咀嘅甜品店真係好少所以就去咗這間甜品店，今次係第一食但同時都絕對唔會有第二次，係完全冇可能，免費都唔會去食!!!!平時都好鐘意食窩夫🧇所以就叫咗一個窩夫黎食，唸住窩夫應該唔會伏得去邊🥲但係我真係太天真啦🥹窩夫好薄而且係硬度好似塊餅咁😤又冇蛋味咩都冇，完全唔知食緊咩🫥配料叫咗芒果🥭哇！酸到喊，食咗一啖已經果斷放棄了！朋友食完講咗句我好似食咗檸檬🍋真係不得了仲要唔平！呢個係要$70，真心唔好去食！

係尖沙咀同朋友食完飯本身滿心歡喜揾間甜品去食飯後甜品同埋傾下計😎見到甜品店都有好多人排隊😗以為會冇事啦，點知就大錯特錯了😢🔹焦糖焗蛋布丁伴脆皮雪糕 $65有得揀熱或者熱，我揀咗涷嘅點知黎度係熱嘅😫但係都算啦，費事再換啦😤但是焦糖燉蛋係超級無敵難食，真係第一次食咁難食🥶焦糖燉蛋完全冇蛋味又唔滑，完全冇雲呢拿籽，講唔出係未味但是超級怪！上面嘅焦糖好厚好硬，係會食到苦嘅！食咗3分一已經就放棄了🫠好彩雪糕正常嘅，就係雪呢拿上面有朱古力脆皮😌

星期六晚上食完飯， 9:00來到甜蜜蜜，舖頭外面排長龍，好彩排咗唔使好耐，就有位入座甜品種類多，有熱有凍，有水果又有雪糕又有焗酥皮，樣樣都想食🥰，最後揀咗焗椰皇、疏乎厘及焗栗子酥，各有特色，同行朋友都食得好滿意💖

太耐無返來香港，係尖沙嘴吃飯附近有呢間甜品鋪，這是我第二次幫襯呢間食店，第一次已經係起碼7、8年前的了。葡入餐廳，就被那個大嬸級的阿姐安排了一個非常擠逼的連拍卡位坐，那個時候店內並非非常多人，我們2人問阿姐能否選另外一個位置，她說呢度唔係餐廳唔係自己揀位，我們所選的位置係四個人坐，結果未都可以分拆兩個人的台，但係作為食客被吆喝心情感到很不愉快。食物價格、質素打開餐牌，價錢也是貴了很多，上來了一個芒果河粉和面面俱圓，芒果河粉味道正常，但不能說是非常好吃，果肉太少。面面俱圓我朋友說味道不錯服務質素臨走留底一支普通水追出來說我地唔幫你抌垃圾嘎，唔該拎走，傻眼！不會再去吃的受氣甜品鋪

冰火交替係幾頂癮，即整要等20分鐘。粟子香甜熱辣辣，爭啲辣親嘴，仲食到粟子粒，配埋雲呢拿雪糕fresh啲，可以中和返個批嘅熱同無咁甜無咁漏，都幾夾。係啲哈密瓜九唔搭八左啲唔知做緊乜，個味就唔太夾啦，不過唔係主角，都唔緊要😂。佢仲有好多比較特別，或者出邊少有嘅中式糖水/中式甜品，下次係尖沙咀搵甜點都會想再試佢其他嘢，唔怪之得平時次次尖沙咀食完飯經過呢間舖門口都咁多人排隊，次次驟眼睇佢啲甜品價錢都偏貴，但人流絡繹不絕，食完之後就知點解夠膽賣呢個價錢，尖沙咀加上厚福街呢個地段其實都差唔多，加上方圓幾里之外，好似都冇乜食到中式又特別嘅甜品舖，呢間感覺幾用心。

星期六夜晚出開尖沙咀，想搵間糖水舖坐多陣，10點幾去到又唔算好多人，今日佢嘅是日精選糖水有腐竹雞蛋糖水，係我嘅最愛。碗糖水就正正常常冇咩特別，不過出面真係好多人等，店員確實好忙，同埋都唔坐得耐。

見到門口好多人排隊，諗住應該唔差掛…叫左3樣野，真係冇一樣好食💩個棉花冰淡到好似水咁，一d綠茶味都冇，d小丸子痴埋一舊，一樣係冇味，成碗野最有味係舊雪米糍⋯佢個名係改得啱嘅，真係有冰火嘅感覺，杯嘢算係打卡-able，但係食落口感好怪，上面焗蛋白係暖嘅，中間芝士蛋糕(?)凍到用匙羹都整唔開，個底d木糠係熱嘅⋯真係唔知點形容-仲有一個西瓜湯河粉，相都冇影，因為見到都唔開胃，d湯好似食完西瓜剩低嘅水咁，仲要「杰」嘅⋯-最後買單食左差唔多200蚊，真係冇下次🤢

同朋友放工去食甜品 ，見到鮮芋仙好多人等，但隔離甜蜜蜜唔洗等，於是入去坐低叫左個楊枝甘露，味道普通。大家食住傾左一陣計，收銀姐姐突然衝埋黎趕人叫食快啲，話呢度係食糖水唔係餐廳。要坐去餐廳坐！。 態度極惡劣，以後唔會再幫襯！

今日早咗搞掂哂工作提早收工一齊走咗落去尖沙咀食個甜品做下午茶好無去過厚福街嘅甜蜜蜜就去嗰度啦！我哋貪心又鍾意食甜品，兩個人叫咗5個甜品好多地方整嘅心太軟都係好漿口而呢間甜蜜蜜係我推介心太軟嘅其中一間。咁耐無唻，水準依舊食落唔會漿口而且無話食完成個之後個口好甜膩嘅感覺。每次唻我都會食糖水就唔多講。另外點咗兩款，焗酥皮栗子批拌雪糕、焗香蕉卷拌雪糕。呢兩款我都係第一次試，因為之前幾次想試嘅時候咁啱無貨栗子批好食，不過就唔似酥皮，似普通嘅批皮，勝在味道不錯。至於香蕉卷呢，如果你食過佢哋嘅炸芒果卷就會覺得好普通，香蕉卷好失色，就一條香蕉包咗塊薄餅皮焗一焗，普通咗啲。甜蜜蜜水準依舊，一直係我推介嘅甜品店之一

店鋪係尖沙咀開咗多年，咁多年嚟，係附近返工已經幫襯過好多次。隔咗一段時間再嚟，見到價錢都加咗不少，明白尖沙咀鋪租貴亦可以理解。但食物質素差咗好多，直頭難食😅！叫咗個「面面俱圓」-$65，個椰皇偏苦，入面啲芋圓浸到冧晒🤢另外叫咗個「焗香蕉卷伴雪糕」-$70，我地食得快，所以幾分鐘就食完個「焗香蕉卷伴雪糕」。點知就即刻俾店員趕走，純粹傾計咁同收銀姐姐講返個情況，反而俾收銀姐姐話😅「係咁嫁啦，繁忙時間食完就要走！」其實我地坐低咗，連埋食都唔夠15分鐘，「面面俱圓」未食晒已經叫我地快啲走🫠🫠🫠🫠