開心鍋 (Closed)

我同啲朋友諗住一齊去BBQ點知變左「爐端燒」其實話「爐端燒」都高級左實情只係係檯上放一個有火嘅爐隻手仲要調高咁燒椅子好似平時中學操場椅子室內又熱又焗野飲又係一大支裝要自己針得好少BOARD game 可以玩可以玩嘅都好似好舊咁樣班FRIEND一路燒一路滴汗見到都辛苦食物就一般啦，零特別所以個性價比真係好麻麻本身係有朋友好想BBQ先BOOK點知變成咁完全無晒癮真係無下次如果大家真係好想冒險試試嘅話都建議可以上去睇睇個環境先咁你俾錢都俾得心甘命抵多謝晒（第一次打食評。。真係無辦法唔打唔想再有其他人受苦了）或者俾返餐廳老闆REVIEW返點解會令到我expectation有落差如果一早話定俾我聽，可能我會覺得反而係良心餐廳

今晚經朋友介紹試咗一間新開嘅bbq餐廳, 一入到餐廳裏面覺得好有地中海情懷, 全店係藍色同白色嘅設計, 因為相信係新餐廳 所以所有設施都好新。我哋一行20人選擇咗餐廳裏面最高級嗰個極上燒烤套餐. 食物出嚟嘅質素好好 有龍蝦尾，好大盤海鮮 ，同埋最近好多燒店都有嘅大熱日本蟹蓋， 再加上二三十款其他肉類及蔬菜食物。 真係睇落都覺得大陣仗。 店員安排我哋有室外及室內嘅位置，方便我哋喺裏面嘆一度嘆冷氣一度食。 而且室內亦有一啲遊戲board game畀我哋玩 ，好! 經過四個幾鐘頭嘅食玩, 全班朋友都好開心，咁就結束咗今晚嘅聚會

性價比極低訂座時send 到啲相嚟影到環境幾好，所以大家去試下，但完全冇send 到爐啲相俾我朋友（懷疑係専登），去到先知佢係4-5個人share 一個gas 爐！個gas 爐大概係A4紙咁大，而且係室內，得幾部窗口機，冷氣亦唔夠，可想而知幾熱。食物好一般，丸呀，腸呀，但收2百幾蚊仲要加一。有啲board game ，麻雀玩但感覺上好污糟。洗手間仲要冇水洗手。整體而言，呢個價錢呢個模式，大家可以去食啲好好嘅韓燒。