HASH CAFE (Closed)

間野開左幾年都無坐低食過下野平時有買外賣飲品都ok嘅你以為間鋪靚靚仔仔啦點知坐低食野完全出哂事d野飲連茶記都不如普普通通叫杯凍華田同凍柚子蜜杯華田一嚟到已經勁淡色心諗唔係下話，試下佢啦一飲淡到嘔，用粉沖姐唔使咁慳呀？杯柚子蜜都係，都可以淡到冇味，慘買包維他都開心過佢叫咗個肉醬意粉，下午茶$46依個價錢同天奴差不多咁都叫下午茶仲要個肉醬意粉又係淡到冇味間嘢勁垃圾完全冇下次食完睇到d負皮先知自己睇得太遲

嗰晚岩岩收工 同男朋友諗住搵個地方坐低食飯行過見到e間嘢 環境都唔錯 諗住入去試下 估唔到入面會係咁恐怖間嘢營業時間去到10點 一入去個女侍應已經好似唔想做生意咁同我地講 9：45要清場 叫我地諗到食咩好快d嗌 我地入去嗰時大概係9：10左右 諗住都食得切 坐低拿拿聲嗌左個喇沙豬扒米線同咖哩牛肉飯等左2-3分鐘d食物黎齊曬 賣相都算ok點知一擺入口 boom💩 顛覆我既想像d米線係硬既 係仲未煮熟嗰隻 個湯底乜味都無 d粉唔知受過咩殘酷對待 無一條完整既 食左一啖已經無想繼續食落去既感覺個咖哩飯亦都一樣唔適合地球人食用男朋友話淨係食到辣油味 薯仔無味好似泥膠咁 d牛肉應該係老人院捉返黎既 韌到吞唔到成個餐得杯嘢飲係正常最後我地頂唔順走左去隔離頌富市場道買嘢食我諗乜鬼嘢大家樂大快活 都好食過佢起碼都叫適合人類食用就算攰或者趕收工 都唔係攞d咁既嘢比人食掛 話曬都打開門做生意不如唔好做好過啦或者可能攞去外星或者饑荒都會有人覺得好食既

首先要讚 短頭髮姨姨同收銀長髮姨姨服務態度好 對話聽落好舒服但有一個哥仔好差！一個媽媽帶住2個小朋友非繁忙時間掃code入座佢原本叫我去一張4人枱行緊埋去突然有個阿姐自己坐咗落去佢竟然唔喺叫個阿姐排隊唔喺叫阿姐坐返隔離有張吉嘅2人枱而喺叫我哋照坐落去疫情期間唔喺好想咁樣搭枱佢就面口好差叫我出返去等但.......其實我排先 阿姐一個人點解喺要我哋出返去嘅.....食物好食 推介粒粒金磚西多士下午茶蕃茄通都好啱小朋友

咖哩薯仔牛肉飯with太蛋！！價錢合理 連飲品及湯。飯有dd硬，咖哩少辣，飯量中等。如果坐卡位應該幾舒服。整體 唔錯 , 可一可再。 物有所值！奶茶都ok !湯都幾好。不用等位。

住喺天水圍嘅我，見到<井茶>開咗幾年，但我一次都未幫襯過！今日約會朋友，咁啱我哋都決定入去品嘗吓先！我哋兩個都同樣叫咗個特濃蕃茄湯系列，我嗰個就跟原條吉列魚柳，朋友嗰個就跟惡魔雞髀！🐟原條吉列魚柳.蕃茄濃湯通粉原條吉列魚柳size真係有手掌咁長，切開尚算脆，但唔熱，有啲凍咗！蕃茄濃湯通粉顏色較為鮮紅，入面仲有好多蕃茄蓉同薯仔粒，真係用料十足！蕃茄湯入口酸咗啲，但我接受到！薯仔粒口感都幾粉，唔錯！我最欣賞北海道3.6牛乳炒滑蛋真係好滑，仲有牛油多士屬於厚切，而且牛油搽得夠多，夠滋味😋🍗惡魔雞髀.蕃茄濃湯通粉惡魔雞髀炸到金黃色，表面灑咗啲七味粉，切開好脆，味道夠惹味😋而且無油溢味同羶味，食落都幾邪惡😝由於我哋坐張細枱，枱嘅面積緊緊夠我哋放嘢食，期間店員好細心，幫我哋拎走餐具筒同紙巾盒放喺另一張小童櫈上，方便我哋進食！雖然食物整體上係屬於OK，但服務態度好好，我好欣賞！希望keep呢份細心😍

雖然我成日會經過呢間鋪頭。但都係第一次食佢，因為同個朋友吾知食咩好，甘啱又路過，見冇咩人，就入咗去住低，其實見佢嘅餐牌好似幾吸引甘價錢適中，選擇困難症既我，揀左蕃茄湯通心粉（佢有隻雞髀+炒蛋多士）好豐富，仲有杯熱飲，個雞髀好脆，系蕃茄湯有少少酸，總體都可以，炒蛋都好滑

今日首次嘗試了外賣自取$30有一個蕃茄通粉配炒蛋及多士，其實都好抵食有兩款口味午餐肉或牛肉午餐肉充滿驚喜大大粒好正，牛肉也很大片而且湯底是香濃蕃茄感覺不錯炒蛋有留心效果多士烘得好香，真心這個價錢外賣自取抵讚

半個月前約咗人喺度食晚飯隔咗一排今晚又嚟食啦食飯時間，7點左右，好彩餐廳暫時仲未坐滿人，所以唔使等就有位之前來過幾次，我都係食漢堡包同埋薯條雞髀嘅輕食，今次就試下佢嘅焗飯啦我嗌咗焗豬扒飯，朋友嗌咗咖哩豬扒飯分量好足夠，好大碟哈哈 熱辣辣嘅飯， 迎面而來香噴噴嘅焗豬扒飯香味呀真係聞到人食指大動佢啲豬扒焗得啱啱好，唔似大家樂嗰啲焗到燶曬，而且基本上佢都幫你切好一塊塊份量亦唔會偷工減料，有好多塊豬扒都食咗5，6塊左右而且佢啲豬扒好腍，啲肉又唔會太過韌 食落去口感啱啱好，因為好驚食到啲鞋十十嘅豬扒，但佢唔會鞋十十或難切開啲飯亦都好多，其實一人晚餐份量嘅話啲飯會食唔曬，同埋知點解食焗飯會好容易食到好滯，不過佢啲飯都做得好好 一啲都唔比大餐廳輸蝕，因為飯是精華呀！佢啲蕃茄，我覺得係煮得最好食嘅 我平時麻麻地鍾意食蕃茄但係我都食曬啲蕃茄，好爽口有少少焗過嘅味，口感更加好呢個焗飯都幾高質，唔錯唔錯！唯一唔滿意嘅係味道比較偏淡 不過感覺上都幾健康咁囉～唔會話食味精咁嘅感覺，同埋佢有一啲芝士，食嗰陣會有啲芝士嘅拉絲我超愛芝士，所以真係好正佢啲凍檸茶都好好飲，因為我冇叫少甜所以佢就係正常嘅甜味 一邊食焗豬扒

已經第n次嚟呢度食，貪佢夠近而且性價比十分之高，平靚正呀咁啱今晚約咗朋友嚟呢度食飯 所以我哋六點零七點咁上下就到但係已經坐滿咗八成人，好好生意由於太肚餓，我地好快就點咗餐我哋兩個一樣都食熱氣嘢，哈哈我叫咗個炸髀配薯條，配香濃凍朱古力朋友就叫咗個炸吉列豬扒咖哩飯薯條就正常水準啦，不過都炸得幾好味略嫌有少少偏淡，所以點番茄醬食都ok嘅炸髀就真係好好食，炸得好香口，勁脆而且炸到金黃色咁，賣相好靚只係個雞髀size有少少細因為我以為係好大件嗰啲不過我個人比較細食，所以份量都剛剛好嘅如果好大食嘅人，食呢個髀應該唔夠食～唔知佢灑咗一啲咩粉落去有少少辣椒，有少少胡椒咁之類嘅調味粉所以都幾惹味，啲雞肉入面醃得夠味道出面都有依啲調味粉嘅香味，所以好好食朋友嗌嘅依個，吉列豬扒咖哩蛋飯都好好食佢啲豬扒唔會話炸得好韌切唔開亦唔會食落好厚粉， 賣相亦都好靚 金黃色一大塊豬扒，好正呀出面好鬆脆 好香口，入面啲肉就好嫩熱辣辣脆卜卜食落真係perfect撈埋佢啲咖哩汁更加係錦上添花 朋友都話佢知咖哩汁好好味食落同平時d餐廳會用到嘅咖哩醬料感覺上有分別㗎！佢呢度啲咖哩汁唔知加咗啲咩香草，又或者呢調味料入去呢食落真係唔同

我已食過兩次，第一次有一隻死了及幾隻活躍的蚊滋與我共進午餐，令想獨處的我感到困擾。今天因到處爆滿諗住比多次機會哩間嘢，叫咗個正價特餐「忌廉雞湯·蒜香豬扒。配北海道3.6牛乳炒蛋·火腿·牛油多士」凍奶茶少冰少甜說好的忌廉雞湯不見了，但蚊滋依然常伴我左右。說好的北海道牛乳流失了，由鑊撈補償，真係抵。他們為了食客的健康飲品少甜變走甜。永遠不回頭，回頭都唔入去，永別了！

話說見到井茶既menu幾靚，就想試下點一杯焦糖咖啡飲下。點知去到俾錢，就俾左38蚊，但價錢牌寫34蚊，個職員就話個牌係舊既。😨甘都算啦，等左陣，咖啡到了，個杯係茶記包裝，同menu完全不同，我都忍。諗住味道會唔差，點知飲落去仲差過普通咖啡，真心麥當勞咖啡都好過佢。呢杯焦糖咖啡，焦糖味都冇。所以真心勸大家唔洗浪費錢試，飲完一肚氣。

之前這間餐廳很貴，中間有一個很漂亮的鳥籠可是佔用了太多地方現在價錢都合理化而且更善用地方，一個早餐$36合理，味道正正常常，份量足，而且炒蛋是用日本牛奶，誠意十足。午餐肉粒正，厚身！杏霜沖得淡，奶茶夠香。

唔該搞搞天水圍間鋪啦 d野真係好垃圾 豬扒濃湯烏冬加凍ot 50幾蚊個餐 個烏冬淋到好似食緊米粉緊 完全唔彈都算 個烏冬係扁既咩事？ 唔洗慳到咁呀？我以為我食緊伊麵喎 個湯完全冇味 同水唔係差好多 得幾粒栗米 舊豬扒我就唔再形容有幾難食 大大舊骨唔去都算 舊骨大d塊扒唔會好食d架喎 自己睇圖 用呢d廉價到冇得再廉價盒裝唔係問題 問題係你將塊豬扒放埋入個烏冬上面 我點夾下面d烏冬呀？ 餐具又唔包x 我想斯文d食個扒都難 仲要遂個盒收番我1蚊 ok 以後都唔會再食

瞓到黃朝百晏都要食個飯嘅兩點幾落去餐廳已經有下午茶餐了但我很餓所以都係叫個飯食飽啲今日係星期二我叫咗個咖喱薯仔雞翼飯午市套餐會送一個湯呢個羅宋湯都好飲入邊有啲紅蘿蔔蔬菜呢個就係個咖喱薯仔雞翼飯蛋煎得幾好係流心蛋佢放隻蛋喺啲飯上邊咁啲蛋一督穿嘅時候蛋汁就可以流落啲飯度一滴都唔浪費.咖喱呢坦白講佢唔係我鍾意的咖喱因為佢冇乜椰香味純粹係辣的我鍾意會帶啲甜味嘅咖哩.雞翼我麻麻哋唔係話難食但皮唔脆身軟林林的我飲涷華田好有味 唔淡

琴日特登openrice 一下 睇下頌富t town有咩好野食睇相 同裝修 俾佢成功吸引到又有黑松露意大利粉 又雲石枱於是對佢抱有期望係門口等位時 順便望下個餐牌咁似大家樂燉奶佬啲fd 見個fd又無岀聲話食第二間好 ！ 就試試佢事關我無食lunch既關係 又想食飽少少 所以無叫下午茶叫左個焗飯 加杯凍飲半價 半價都要10蚊黎到時 服務員叫我小心熱我真係本住小心熱既心去食Ok 係唔燙口既 唔洗吹凍先食得😂😂😂從表面傷痕望落去 唔覺得係焗😂😂😂𥚃面既飯 都算係有啲誠意 係炒飯黎既開頭我都有啲擔心會浪費食物因為焗海鮮飯 多數都有魚 但我唔太鐘意食魚好彩既係 佢係無魚既到底係好彩定唔好彩？😂😂😂😂𥚃面既海鮮有魷魚 蝦 蜆叫做正正常常 海鮮唔會「梅」其實間餐廳係正常茶餐廳水準 可能係我抱得太高期望 以為真係西餐無期望無失望