井茶

Open Now

Now Closed

平時星期六都會喺番美孚食早餐，不過，今日就跳出美孚，嚟到長沙灣，因為陪老婆拎啲電器去深水埗嘅「綠在區區」收集站，所以，就喺富昌邨街坊商場「南昌薈」搵食，十幾年無落到咁深嘅位置，已經又唔同晒。晌個商場上下兩層兜咗一個圈之後，原來呢度都有幾多食肆，不過，都喺茶記「井茶」最啱我哋心水。餐廳採用開放式鋪面，所以，喺外面都睇到晒裡面喺點，地方都幾大，裝修光猛，樓底有夠高，仲有揀呢間嘅原因喺因為見到比較人氣啲，同埋最鍾意喺二人枱相對多，可以減少搭枱嘅風險。早餐有4大版，選擇非常之多，平貴都有，豐儉遊人，而呢度落單比較傳統啲，就喺搵侍應手寫落單。餐紙、簡單調味包已放咗喺枱面，餐具就喺旁邊嘅拉櫃中，都喺茶記嘅慣常設定。香煎豬扒米餐 $39雖然老婆喺偏素者，不過，偶爾都食吓肉，頂多喺一星期食一次，佢近期就比較想食炸豬扒，所以揀咗呢個大碗香煎豬扒米粉。雖然佢個餐只得一碗米粉，但份量幾足，有兩大件炸豬扒，而且，醃得夠入味，炸得夠香口，咬落又鬆化，而米粉亦都無過硬或過腍嘅問題。皇牌沙嗲牛肉麵餐 $42小弟就繼續試唔同茶記嘅沙嗲牛麵，而呢個餐都幾抵，除咗一大碗沙嗲牛肉麵之外，仲有火腿、牛乳炒滑蛋配牛油厚多士。啲

交收完到咗南昌薈的井茶食個下午茶，餐牌都幾多嘢揀，價錢都唔貴。⭐日式雞扒炒烏冬叫咗個炒烏冬，賣相ok，上枱時熱辣辣都有炒過嘅，仲諗住會有塊雞扒，但嚟到就見唔到啦，食咗幾啖烏冬，見到下面有幾舊雞球雞肉咁嘅樣，應該就係所謂嘅雞扒。烏冬望落好深色，但食落其實冇乜味，加咗一包辣椒油感覺好啲啦。⭐熱檸茶正正常常嘅檸檬片加熱紅茶，而家啲茶餐廳仲會畀珍檸檬係咪要感恩？😂咁嘅價錢ok啦，冇乜招呼亦唔會趕客，一試無妨。

今日是時候去南昌站了。大家如果有看過我之前寫的食評，便知道我鍾意不時會回詢之前去過的食市。而今次便是看看這裡和之前去時有什麼分別了。（果然有分別了）上次食過這間，感覺良好，所以都會再來的。今次食招牌咖哩牛腩飯加太陽蛋。咖哩汁有層次，有加不同的香料，不錯不錯 而太陽蛋方面，有相有真相，大家見到的。想不到的是今次食的飯我反而有一點想寫，我平時食開不是金象便是袋鼠米，所以不會太多意見。但不知為什麼，飯有一種食到渣的感覺，奇怪，奇怪。

炸西多士麵包磚配炸雞髀西多士麵包磚外脆內軟，甜味適中，牛油配蜜糖🍯，搭配炸雞髀，雞肉外脆內嫩🍞🍗 金黃香脆，色彩對比鮮明，令人忍唔住想即刻品嚐。🤤💛四十零蚊食到個茶餐，呢個份量其實當晚餐都得啦🤣。

金磚西多士配邪惡炸雞髀🍗$43，加$3凍檸茶都係$46！抵食得嚟都好味！！先講炸雞髀，肉質嫩，醃得夠入味，炸嘅程度都適中，外皮脆卜卜，係有少少肉炸得太乾，但都可以接受。金磚西多士正常發揮，個蛋漿炸得幾好，唔會炸過龍。檸茶仍然有新鮮檸檬，相比所謂冷壓鮮檸檬汁，新鮮檸檬無得輸，但個茶底麻麻哋，雖然唔澀，但就無乜茶味。餐廳環境就舊啲，所以都顯得唔夠乾淨，不過茶記嚟講都ok啦！服務方面，安排入座同點餐都快，雖然自助拎水，但店員見我想要水，都主動拎畀我，幾好👍🏼

第一次去，見門面唔錯諗住試下，一個人去攞位，當時午飯時間，餐廳內都多人既，但仲有幾枱空枱，外面冇其他人等位，個四眼收銀阿姐問我幾多位，我話4位，咁佢帶我入去，行到半路佢指住張圓枱示意坐呢張枱，但同時又問我人到齊未，我話另外三位剛剛泊完車行緊落嚟，我心諗佢一直都係見到我一個人，點解佢一早唔問？我答完佢，佢就冇反應，自己行返出收銀位置，咁我咪問佢係咪未人齊就唔入得？以為佢聽唔到，我再問，如是者我問咗三次，佢企返係收銀位完全一眼都冇望我，唔答我，我真係要爆喇，我話：未人齊唔入得咪出聲囉，呢度大把餐廳，我可以去第二間食，唔洗受你氣成個過程發生咗大約三十秒，我離開餐廳時剛好另外三位都嚟到，我哋即走。呢個時勢仲係呢啲咁既服務態度，執粒真係有原因㗎

呢間野越嚟越難食。個咕嚕汁好似純糖漿咁，甜到喊。件魚柳一咬落去，唔講我知係魚，我真係以為食緊猪扒，又硬又柴，仲要攝牙罅😵‍💫仲要34度氣溫下，完全冇冷氣。真係搞唔掂。。。真係唔會再返頭食。。。。

剛入到餐廳坐低叫人落單見到員工忙緊都明白，我老公就嗌多一次叫落單，條病態員工就過嚟落單………..😡就態度及語氣好差都算，最難頂係加埋落單時指手畫腳我地都算😡😡😡之後張單據夾住 folder掉落枱面，嘩嘩嘩嘩依個行為👉不得了👈立即令到我老公都👉跳埋掣👈兩個就鬧交起來互相駁火全場震撼，事發突然立即安撫我老公唔好唔嘈唔好嘈知我怕尷尬都算唔同條病態員工嘈，但最離譜嘅令到我喺OpenRice寫呢件事嘅導火線唔係鬧交係之後喺個場所有員工好似👉烏蠅的行為👈不斷喺你身邊係咁講👉單單打打👈連同肥經理一齊講😡😡😡😡一路食一路背脊骨落😡我都冇點食就走啦😡重點：1）員工以為我哋吹佢落單過嚟就好晦氣2）員工落單點解要指手劃腳？3）員工點解要掉個folder 落枱面4）員工仲要喺客人身邊單單打打5）經理沒有控制員工重要搧風點火以上問題其實可以處理

呢排鍾意据扒，但發覺唔係好多西餐廳有扒据，就算有都一般般。今次呢間又係，唔係貪「南昌薈」泊車免費（消費$150，可泊三個鐘未必去）西餐廳主打係小菜，又係無西湯得中湯。其實，無西餐嘅扒餐就真係扣分，仲有侍應唔問「幾成熟」，啲扒餐就靚極有限🤷🏻‍♂️不過「井茶」就出名係平，牛嘅款式得牛柳，西冷都無；不過唔緊要，佢份量多到食唔晒，牛柳餐 $108， 但雙拼牛拼豬/雞 就 $98 我問個侍應牛柳個份量係咪多啲？佢竟然話唔係，原來雙拼份量嘅牛柳都有三件，真係抵食到唔信😁三個人，叫左個雜扒 $78， 牛豬拼 $98，牛拼羊 $118。其實叫兩個餐三個人都夠食。溫馨提示，唔好叫蒜蓉汁，無蒜味仲要係甜味，叫黑椒好食好多👌🏻👌🏻

【深水埗區】【井茶】本身我就冇諗住嚟呢度食嘢嘅，我時間夠多可以入元屯天呢啲我比較少寫嘅地區搵食。之但係約咗皮蛋哥、東海棠過大海同何生攞啲錢用，咁皮蛋哥話元屯天會比較難兜我，我咪去南昌食，最後咪又係夠時間，都多餘嘅。我都幾討厭呢種被人用把口霸住啲 timeslot 嘅生活，不過一次半次由佢啦，咪喺南昌搵嘢食囉。喺 V Walk 真係諗唔到食乜，過咗對面南昌邨個領展商場望吓，可能會有啲比較市井啲嘅選擇，比較啱我呢啲窮肥矮毒嘅 foodie 喎。喺呢間同泰國嘢之間，我揀咗呢間，我食過佢哋嘅屯門分店，大概都知道佢哋嘅食物質素。叫咗份下午茶，係 $43 嘅「粒粒金磚西多士」配「炸雞髀」，西多係粒粒都夾咗花生醬嘅，所以都唔錯，雞髀就正正常常冇乜特別咁。餐飲我叫「熱奶茶」，正常茶記質素，好飲。由於我知自己會坐好耐，所以叫多個下午茶，揀咗 $37 嘅「芝士炒蛋潛艇」飲「熱好立克」，個包本身有啲求其，但咁整又幾好食。最後坐咗足足三個鐘先等到人，埋單 $80 都抵嘅。。。（地址：深水埗西邨路19號南昌薈地下G24號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰

食咗佢年幾早餐，個早餐份量越嚟越過分，尤其係早餐加六蚊變豬扒，可以對比其他食評，之前的相片，由一塊變為兩件，越嚟越差，水吧佬仲要大聲講，不嬲都係咁，如果嗰個講話 份量少我咪好得閒，其實會唔會係你個水吧佬做嘢好求其

無障礙座位不給坐，竟說留自家員工用膳用。次次全程無人坐，次次想坐也阻止。地面又濕仍要長者行入去更入位置，明明有方便位又不給用。全體職員好齊心唱，朝朝共怨不夠人手叫客等等等。

今日有時間可以慢慢食午餐，去到南昌，有個南昌會商場，間井茶看似不錯，可以試下。上次在金記食牛排，食到一肚氣。有興趣知發生過什麼事，去·我的食評慢慢看。其實我都食過不同地方的金記，都無上次的其差經歷。今次這間，好得多。最小我會説是不錯的選擇。剛剛好是星期二，有牛排餐。今次第一件事便是看看d菜，是否烹過。好彩，是正常的煮熟了。（唔明的，可以去我上次金記食評，便明白了。）明明是寫黑椒汁的，有好多黑椒，不過好多蒜片，勁garlic 味，好辣的，小心。不是個個人都鍾意的。

以前食午餐都有例湯送！而家連例湯都唔俾！侍應話改咗制！要我二選一！要飲品就無例湯！聽到左右隔離客都咋型！分明就係趕客！無例湯送我唔會再食囉！都唔知佢係咪好生意得滯！連餐具無晒都唔得閒加！

行 V walk 發現有室內天橋行到對面“南昌薈”有街市/有超市/有食市見到 “井茶”類似茶餐廳環境舒適但好多人應該吾差試個下午茶送餐飲吉列魚柳餐（超大件外脆厚肉吾腥）炒雞蛋（好香好滑比美 敏華/華星）