Have A Date

Open Now

Now Closed

呢間餐廳位於行去灣仔會展嘅天橋下面雖然個名改得幾浪漫 但都係一間茶記🤣✨星洲炒米$60✨第一次食呢間唔知食乜好諗住望下其他人食乜一望見到幾個都食緊星洲炒米😂一於試試佢😜 的確係幾好食最欣賞佢唔算好油 同埋唔會好辣係咁乾身既情況下都炒得幾香幾好味👍🏻✨珍珠筍惹菌汁西冷牛扒$64✨首先塊扒味道係ok既不過好明顯用左鬆肉粉而且偏薄個汁就真心一般…又唔香又唔熱同珍珠荀味道唔係好夾有幾粒珍珠荀總酸酸地總要冇乜汁 所以個意粉都一般整體黎講 我覺得野食一般般不過勝在餐單選擇多 而且價錢親民凍奶茶都幾好飲 係d位比較少同窄下次可能再黎試下其他野食再分享比大家聽🫶🏻

可能少出街復食早餐，次次都是去食麥記個薯餅，食到成了指定動作。去食早餐，便自動行去麥記方向。今次難得早晨留留去行下灣仔，可能因為太早，沒有什麼店舖開了，行下行下，看看有一間個名字幾有趣的。Have a date Haha，難道是隱示我下次要帶個date 來，「諗多咗」個多士是這店的名物不要好似我咁去影，要它一來到，快快速的食了它，才會有又熱又香的牛油味，這才是誠意湯意是香港特色，而這個沙嗲汁十分正宗，好有香港特色，可以説是好過不少茶記的出品。這次彩蛋是人情味，老闆記得街坊的名字，好七十八十年代的香港。有d《香港84》feel

近排想食得健康啲，記得呢度嘅麥皮食配吞拿魚三文治，所以特登過嚟麥皮好大碗，好飽肚，唔甜，配粟米片食冇咁寡，吞拿魚三文治成份上，餡料好足，除咗吞拿魚沙律仲有青瓜同蕃茄，兩樣都新鮮，杯奶茶都唔錯，茶底夠濃呢度店員有禮貌，食物份量足，幾抵食

返工前想食份豐富嘅早餐醒一醒神，就入嚟試下，店員好殷勤好有禮貌，店面唔大，但光猛乾淨企理，座位密得唔唔逼好坐，點咗五香肉丁通配火腿奄列同蒜蓉牛油多士，飲茶走通粉好大碗，多到食唔晒，五香肉丁份量足，啖啖通粉都食到五香肉丁，火腿奄列好夠火腿絲，奄列亦煎得唔錯，件多士整得好有心機，全件多士都搽滿牛油同蒜蓉細，烘得又熱又脆，食落好香口，茶走甜度啱啱好，茶底夠濃，飲落幾香滑，雖然食材本身唔係咩特別嘢，但餐廳整得好用心，所以好食

係灣仔要搵間性價高嘅餐廳話難唔難話易唔易，但當我lunch 諗唔到食咩就會諗起依間餐廳。平時都唔洗點等位，好多人都係買外賣，依間餐廳最好嘅地方就係一個人食都唔洗搭枱。星州炒米即刻炒起，辣度適中。配料有蝦、青椒、紅腸、叉燒......份量好足夠。熱檸水正常水準，啲嘢食都夠哂食，多到食唔哂，大大碟男人食都夠飽。餐廳仲有好多選擇，之前食過佢嘅全日早餐，又係份量多又好食，冇嘢可以挑剔。好多打工仔都會去買外賣，我自己鍾意堂食多啲，算係坐得幾舒服

喺灣仔食開早餐，呢間都係第一次去，有啲驚喜，商業區鋪仔預咗啲位會密啲，但好在枱櫈都夠大張，坐落都算舒服我哋點咗一份午香肉丁通粉，配多士同火腿奄列，飲茶走，另一份沙嗲牛肉公仔麵，配腸仔炒蛋，飲熱奶茶碗午香肉丁通粉好大碗，啖啖都食到午香肉丁，通粉幾乎多到食唔晒，火腿奄列正常發揮，火腿絲都唔少，沙嗲牛肉都好夠味同唔少，公仔麵唔會淥得太淋，炒蛋算滑，腸仔唔係普通廚師腸，幾好味，不得不讚嘅係佢件多士，唔止搽足牛油，仲有好香嘅芝士味，好好食好特別，茶走同熱奶茶都好好飲，茶底濃滑，值得推介！