Have A Date (Moved) New Location

食過早餐午餐晚餐，全部都一個字！正！早餐既芝士多士好香，午餐晚餐都好好味今晚去食個陣仲請左我地食雞翼雖然鋪頭唔大，但睇得出好用心經營，入面幾個staff都著smart casual，仲要勁有禮貌無得輸，cp值最高既小店！早餐我推薦食扒餐，大大塊既牛扒，好香既薯餅同埋芝士多士，超正！牛扒煎得好香又唔油夜晚推薦紅酒牛尾同焗豬扒飯！兩個都勁好食，不過飯唔係好多，記得嗌加飯！ 鐵板扒餐都好正，扒夠大夠靚，cp值勁高

今日行開呢邊，就同男朋友搵下有咩食，雖然都係灣仔，不過好少嚟呢邊食嘢。見到呢間餐廳好似幾多人食，價錢都算幾平，就吸引左我哋去食啦。我今次終於記得影menu，款式話多唔多話少唔少。最後我揀左雞翼辛辣麵，佢個辛辣麵煮得幾好食。麵嘅質感偏硬但又唔生，唔會好似平時食嘅好腍。雞翼都煎得好香，一咬落去仲有啲肉汁同埋好嫩滑。男朋友點嘅瑞士汁炒牛河就比較普通，唔會覺得特別好食，河粉略嫌炒得過腍，相比之下辛辣麵比較好味。呢個紅豆冰本身係我點嘅，不過我嫌佢嘅奶味太重，所以最後我男朋友飲左，佢就話好好飲。除左奶味有啲過重之外，佢嘅紅豆煮得好好食，好腍好粉。整體而言，如果我係附近工作應該會成日去食，因為都性價比都幾高。不過又不至於會推介到刻意到灣仔食。

今日難得去左灣仔，當然要搵D未食過的餐廳試下。經過見到D間餐廳都好多人等，應該可以試下~ 好彩唔係等左好耐就可以入坐。餐廳有少少窄，坐滿人都有D逼，但都乾淨企理。睇完餐牌好似都係 Set Lunch 抵D，所以都係叫左個泰式紅咖喱雞飯，仲有杯餐飲送。泰式紅咖喱雞飯 - 整個分量都算做唔少，紅咖喱唔算太辣，味道反而偏淡，但送飯仍然好香~雞肉雖然係話好有雞味，但唔會有好多雞皮，啖啖肉都唔錯，係個配菜比較一般。整體而言，係灣仔來講都算係唔錯，如果係外賣就更抵食啦。

間唔中忙起上黎，真係無時間慢慢食晏。不過灣仔都有唔少可以速食嘅餐廳， Have a Date 就係其中一間。呢間餐廳鋪仔好細，只有大約10張4人檯，一眼睇哂。12:20左右去到，已經要等位。不過其實都係等5分鐘左右就有位。就黎有位嗰陣，職員已姓會幫你落定單。當我一坐底，我杯熱餐飲已經送到。使唔使咁快呀⋯⋯到我食完，杯野飲咪凍哂？跟手碟飯都黎埋。味道不過不失啦。$49碟飯，灣仔黎講算平均。不得不提，座位好迫。職員會完全搭檯搭滿四個人，檯與檯之間係背貼背。（想唔快食完都唔得，咁唔舒服）。不過明嘅，租貴，要圍皮。香港就是這樣。

在湾仔实习，中午和同事一起落外卖。随便点个set，回去之后打开还开玩笑地说像“飞机餐”。但是！入口口感简直惊艳啊！酱汁的味道不记得在哪里吃过，但是却有似曾相识，陌生但又亲切！说不清是上学时的味道还是妈妈的味道。米饭粒粒分明，水分刚刚好，很普通的大米，但是火候掌握精准！简直精准！还有冻柠檬茶啊！！！感觉在香港读书三年多从来没喝过这么正的柠檬茶啊！味道浓郁但是并非浓郁得让人难受（如维他柠檬茶），而是刚刚好，如小家碧玉般的清新。强烈安利湾仔附近的上班族来这里一试啊！我觉得其他的菜肴味道也不会差，因为老板真的是走心的。

人大了，不容易將心底話向別人說出口，交心的知己也買少見少，而我和這位老同學特別投契，他常將我看代為小女孩一般，我們時不時會傾電話，間中也會見個面吃個午飯。新年假期下午三點三，又再相約吃個下午茶，傾訴一下工作和家庭的不如意，藉此互相鼓勵一下。記得之前來過一次吃晚餐印象不錯，今次再來這裏感覺一樣舒服，店舖的裝修用木色為主，地板用小有的綠色地磚，感覺像給客人一種暖綠草地的舒服，餐廳還有一部電視播放着新聞方便忙碌的都市人。牆上也用了不少特色的裝飾品，而我特別喜歡小牆燈下的一塊牌，寫著一番共勉之的說話。"Success is getting what you want. Happiness is wanting what you get." 看着下午茶餐牌，供應時段為星期一至五下午2時至6時，星期日及公眾假期下午12時至6時，普遍價格由＄20至＄40不等。而全日早餐由每天早上7時至下午6時供應，價格也只是＄50，包括有西冷牛扒/豬扒、雞肉腸、火腿、煎蛋、脆薯餅、牛油多士、雜菜湯通粉，配熱飲一杯。首先要讚一讚這塊牛油多士，外脆內軟；這碗雜菜湯通粉，蕃茄味濃郁令雜菜入味，通粉質地軟硬適中；豬扒味道不

相約朋友吃飯，想找個靜的地方傾偈，看此店食評不俗，於是來這裡一試。已訂枱7點，客人數目只有三張枱共五位，還有四張吉枱。我和朋友二人，選了兩個餐分享。餐湯及餐包(跟扒餐)：龍蝦湯是加忌廉造成的，稠度和鹹度適中。餐包多士金黃的色澤幾靚，但略嫌不夠脆。香煎三文魚扒配意粉($75)：三文魚扒非常大件，肉質美味，調味適中不過鹹。汁料可選黑椒汁或蒜蓉汁，我選了黑椒汁，很香亦不過鹹。意粉是加了橄欖油的，爽焾適中。焗牛脷意粉($58)：很多茄汁鋪滿面，酸度適中。牛脷有三大件，有兩件夠焾，有一件有點筋位所以不太焾。意粉爽焾適中，吸收了茄汁味，很好吃。柚子蜜(跟意粉餐)：柚子蜜甜不膩，還配了一片檸檬，清新甜美。埋單$133，不用加一，以西式晚餐來說，價錢十分相宜。店內環境寧靜，十分適合兩三知己靜靜地談天傾偈。店員很友善，我們不知這裡是營業至9點，一直坐到9點10分，店員也沒有趕我們走。我們後來看門口才知道營業時間，真的十分不好意思啊！

今日朋友生日就諗住搵間西餐廳食飯 search到呢間睇餐牌都唔貴Book左位先比較好 因為位較小我就叫左dinner set既姬松茸卡邦尼煙肉意粉($68) 凍飲+$3店員好好 原本冇包餐湯都每人送左一碗👍🏾有羅宋湯同龍蝦湯揀份量夠大 配料唔算多 有芝士粉俾你加朋友叫左鐵板燒扒餐 汁唔夠味 質素同花園餐廳差唔多另外 服務態度真係好好 我地要求多多都完全冇黑面一定會再去!!

未到一點就同男朋友坐低左，下午茶個餐牌寫住2:30開始，咁我地就放返低啦，之後個侍應話星期日下午茶提早開始嗌左碎蛋沙律麵包配薯條($26)同埋照燒雞扒炒公仔麵($37)，兩個都有野飲，兩個都係下午茶餐蛋沙律麵包好多餡，食哂成個都唔會覺得好"溜"同好肥薯條份量唔會話太少，下午茶份量黎講算多。照燒雞扒炒公仔麵就真係超級好食!!唔會話好重蒜味，洋蔥甜甜地，雞扒唔會話好細舊。另外地方唔算大，不過裝修幾精緻，好岩同朋友食住吹水

係金鐘工作要搵平既下午茶好難，搵又平又抵食既更難! 所以經常要走到灣仔食飯/下午茶平均返飯錢。今日行到謝斐道，好多茶記既一條街，考慮左一陣入左呢間個樣冇咁茶記feel既餐廳，因為係門口見到餐牌都幾多種類選擇。小小既店舖，環境有d迫，睇左陣揀到喇!揀左蜜糖雞翼西炒飯，熱檸茶蜜糖雞翼有兩隻，炒飯份量適中，味道唔錯，最重要係呢區黎講，依個價錢有咁既質數好好架喇!

星期日中午時間來到have a date已可點選下午茶套餐，品味便宜fusion 菜。瑞市汁炒牛河，河粉粗幼適中，入口柔滑，爽口，河粉表面亮身，但並不油膩，牛肉鬆軟。馬來咖哩撈麵，公仔麵煮得略為淋身，配上大大件豬排，醬汁味道有別於一般咖哩，與公仔麵混為一體，給人清新感覺，值得再次光臨。

謝奜ˊ道整條街都是茶記,星期六收下午想食D特別少少的嘢。這間餐廳由門囗已經覺得好似ㄧ間cafe,心諗應該都是飮咖啡為主;竟然是茶記食品!!!環境內面裝修得似歐陸風格,加上比較暗淡的燈光。真係幾有情調照片可能光猛,實際整個氣氛都是暗淡牆上掛滿不同的二畫及slogan.味道:下午餐有好多選擇,又有中式炒粉面又有西式full breakfast真是各式其色我選擇在9号蝦多士拼沙律加紅豆冰皮炸得不錯,蝦肉不多,不過幾彈牙。沙律分量頗多,蝦多士就細左DD紅豆分量非常少,只有十分一杯分量,整杯似飲奶多過紅豆。價錢:29蚊加5蚊有杯紅豆冰都算平總結整體環境有特色,食物算數尚可,見槅離枱碟full breakfast 都好大碟，有機會可以試下。想有D特色,比茶餐廳坐得舒服;可以試下。

今日揀左have a date食個lunch雞排米線，雞排有煎過先放喺米線面，淋左湯感覺無咁熱氣，炒蛋放喺多士面，略嫌多士烘得唔夠脆，個炒蛋無炒全熟，有啲蛋汁好好味仲有杯熱奶茶，奶唔夠香，茶唔夠濃，只能說一般

兩份鐵板餐，雜扒和厚切豬，埋單$151。什麼？！晚餐價哩！還附送龍蝦湯、熱厚多士（微香cheese cream味）、餐飲、甜品、親切笑容、周到服務、舒適空間、閒靜客人、高效上菜及埋單等....什麼？$151？ 我只係覺得好大件扒、一下子吃太多肉，有點滯（人和胃皆滯），後悔冇點個三文魚扒⋯⋯值得欣賞的還有那「店主的堅持」吧，就是薯條、飯、意粉另上。唔介意多洗一件器皿，讓薯條保持應有嘅質素，很貼心，讚！最後提一提甜品、紅豆布丁，香滑不太甜，份量小小已很滿足

之前午餐試過，味道不錯，今日趕在6點前再試試下午茶。這裡下午茶款式很多，有炒粉面，湯面，焗飯及多士，沙律等，全部很吸引，而且價錢三十多上下，不貴。還是鍾情煎炸物的我選了豬扒咖哩撈面面是即食面，超熱騰騰的面依然彈牙，沒有過軟，而咖哩汁是東南亞風味，帶辣甜，惹味。咖哩汁很充足包裹每條面條之餘又不會水汪汪，拿捏很好。豬扒也沒有失望，帶骨的，香口而保留水份。吃到一半被椰香咖哩膩了咀巴，幸我聰明點了熱檸水中和，吃飽飽又是時候趕上夜課。