Have A Date (Moved) New Location

每一次去完會展, 都係求其去揾間茶餐廳食個飯就算. 唔知係咪灣仔D 租越來越越貴, 食個焗飯加杯野飲, 閒閒地都過百.今星期去完 Art Basel , 諗住去謝斐道求其揾間茶餐廳食, 見到南記對面呢間 Have a Date 晚餐價錢合理, 一行六人入咗去試. 見餐牌上的 "石燒" 餐幾吸引, 我地每人叫了一份.首先, 蒜蓉法包 加 餐湯, 有龍蝦湯 和 什菜湯, 龍蝦裡面有大量蘑菇，$68-88 一個餐, 用料駛唔駛咁足呀?  再加上牛油法包，一般女仔來講已飽了3成.  輪到主菜了, 我們叫咗 什扒/牛尾/牛扒/三文魚扒, 主廚親自出來介紹個石燒餐之餘, 仲為我們倒燒汁 (黑椒/洋蔥). 主廚...原來只有廿來歲 , 但他的樣子卻非常非常的認真. 這個我可以肯定, 在灣仔任何一間相類似的餐廳, 也看不到這種真誠 (突然想起了日劇..天皇的御廚).首先, 什扒石燒, 駛唔駛塊塊到差不多有完整一塊, 疊高了成...4層 之後, 係紅酒牛尾石燒, 難以置信地好味, 又"淋"又入味 , 仲竟然有咁多舊!!!跟住係, 澳洲西冷牛扒石燒, 塊牛扒真係...大到覆蓋成塊石板  最後是

同朋友到灣仔聽講座 係附近搵間餐廳食飯 行行下發現呢間Have a Date，價錢正常，裝修精美，而且都有不少客人，所以就入去試下！餐牌上有鐵板餐($7x-$8x),亦有意粉飯餐($6x),我地兩個都揀左鐵板餐！首先有龍蝦湯配包，龍蝦湯有少少龍蝦味，但沒有龍蝦肉，只有一些蘑菇，這個價錢沒有龍蝦肉也應該正常，麵包烘了，好香牛油味，幾好！ 之後上鐵板，朋友叫了雜扒餐配薯條（有牛雞豬扒各一，腸仔加蛋），由於她不吃牛，店主給了兩塊雞扒！豬扒沒有煎到乾身硬身，雞扒 煎得好香，雞皮不肥，薄身所以煎得帶少少脆，好味！ 而我叫了蛋黃醬牛柳配薯條，一共有三塊厚牛柳，要7成熟，但不會煎過火而變硬，juicy！蛋黃醬整得好好，加了洋蔥，連我平時不吃洋蔥都吃了所有洋蔥 飲品方面，我地加$8叫了荔枝紅茶和熱情果綠茶，原來有果d爆珠，不過我地兩個都唔鍾意爆珠感覺好奇怪！ 仲食緊鐵板既途中，店員就已經放了兩個甜品在枱面，結果放左好耐先食，不過甜品不好吃，我都不知道係咩黎，店主要改善一下甜品！最後結賬每人$83!真係茶餐廳價，水準都幾好，會再去食！

今晚與男朋友到灣仔覓食， 行行下見到呢間餐廳。雖然店舖小小， 但食物味道不俗。餐廳裝潢亦見心思，而且餐廳團隊全都很年輕,充滿活力。今晚點了兩個套餐。一個是鐵板豬扒，另一個是鐵板牛柳。首先來的是龍蝦湯配芝士脆飽。芝士脆包烘得很不錯，芝士味十分香。龍蝦湯亦夠香濃，夠滑。主菜為鐵板豬扒及牛柳均配以黑椒汁連一客薯條。豬扒好有肉汁而且煎得剛好不韌，牛柳熟度亦剛好，可見到一半熟一半帶有少少血紅色。總括而言， 食物素質不錯，價錢合理。雖然小店座位較擁擠，但等候時間不長。下次有機會會再來的。

行行吓倦倦哋，最好坐低飲杯下午茶，見到這間茶餐廳的格調不錯，價錢也不貴，便內進試試吧！餐廳的佈置、餐具的選擇，簡約中可見餐廳對於每個經營細節都有花心思。叫了一個薄牛扒辛辣麪餐，一碗麪加一杯餐茶，都只是$26。牛扒都幾大塊，煎得恰恰好，沒有太多調味，所以能保留牛的香味。一般快餐店的公仔麪，不是煮得太淋、就是只把整個麪放在碗中，完全不入味。這個辛辣麪麪質彈牙，軟硬度高適中，加上湯底辛辣味十足，嗜辣的我也能感受到辣味。朋友叫了一個瑞士汁干炒牛河餐，一碟牛河加一杯餐茶，$37。炒得幾夠火喉，不算油膩，不像一般炒河，吃罷碟底仍佈滿一盤油，恐佈。河粉炒得都幾爽口，色澤均勻，牛肉不算入口即溶，但也不韌，而且不會吃得滿口油油的，感覺都幾良好。

是日，原想去南記粉麵吃麵，因未到七點半，慘吃閉門羹。茫然不知所措時，見對面街新開了一間Have A Date餐廳，決定一試。餐廳地方不大，裝潢與附近茶記餐廳不太相同，別樹一幟，店主確花了一番心思。從裝潢佈局，餐牌設計，以至侍應服飾，足見餐廳欲走中檔路線。一看早餐餐牌，定價較貴。凍檸茶(+$3）水準之作，茶色茶味俱全。火腿奄列拼熱狗$34，火腿奄列份量挺多，蛋炒得香滑而不太油膩，內仍有香濃蛋汁，且夾雜鹹香富咬口的火腿切條，甚是好吃。熱狗的水準也不賴，麵包夠鬆軟且具彈性，腸仔外脆內嫩，甚有嚼勁，香口而不太鹹，配上適量沙律菜和酸香沙律醬汁，十分開胃醒神。