幸福川226

Open Now

Now Closed

因為臨近新年，今個星期大部份酒樓都爆滿，本人嘗試來幸福川食中菜兩次，兩次都有驚喜。不過好多都唔記得影相，其中咕嚕肉同埋芥末蝦球外脆內軟，全部食物都好好食。蒸魚好滑，啱啱好。滷水好入味，食完全餐都唔會口渴。糯米飯又軟熟又有料，桃膠糖水好滋潤，唔係好甜。最重要係職員服務好好，態度親切有禮，唔會好似出邊啲酒樓咁西面。食完仲可以坐喺度傾偈，休息吓，環境闊落，舒服。仲有魚缸，植物，書本，board game 可以relax玩吓。個廁所仲要超乾淨又大😂😂。我見到隔籬枱食海鮮打邊爐，啲料都好新鮮，好香。我下次都會試吓

今日去左食有燉湯的餐廳，蒸排骨飯有油菜又有湯飲，今日飲石斛加拿大無激素豬展蟲草花燉湯, 職員話師父用加拿大無激素豬展，又幾滑，平時我都唔食湯渣，今次我都食晒，份量都幾足，個湯最緊要夠熱。yummy for the soup! 我仲點左杯熱薏米薑水，落咗啲薑絲幾好飲。The place is big and comfortable, nice service.午市仲有免費糖水送，幾唔錯的選擇。下次可以同同事嚟試晚餐，好似話有火鍋同埋晚餐set 。

最近同同事再黎食，對上次都好一段時間，依家冬天出左燉湯 依個餐有湯有飯有菜，今次試左個花旗參湯，都幾豐富，做緊推廣價都係$69 👌🏻 坐嘅地方都係一樣闊落，唔使同人迫👍🏻

只係用咗二百幾蚊食到一個質素非常高的火鍋，各種肉類的質素非常唔錯，遠比一般同價位酒樓嘅肉高級好多，最後有個甜品送埋，感覺非常完滿。非常適合各式聚會，亦沒有好短時間嘅限時，一班人去食完嘢再吹水都仲有好多時間。

約左一班FRIENDS想食中餐，大家都在觀塘附近返工，食飯前兩曰search到有呢間，打去問原來有中餐食，因為需預訂，我地訂左個12人餐，好驚喜有原盅燉湯飲，用無激素豬展，唔太濃味，對我呢啲成日無湯水飲既人係好有驚喜，味道剛剛好，又有滷水，又有蒸魚又有黃金蝦，又有雞，又有糖吃水，送12罐汽水，每人除番約＄250有找，有坐得舒服，真的不錯。地方好乾淨。最緊要係無時限，舒舒服服食完飯傾一陣計先走值得再encore!

食過weekend lunch & dinnerSet Lunch 有齊salad, desert, 生果, 當天叫左雞酒湯飯, 味道都十分合適, 香得來不濃不淡Dinner: All you can set 火鍋, 肉質/食材都好好,12個男士食到飽, 如果個鍋再大一點就更好工作人員十分殷勤, 環境有一個家的感覺值得推薦

每次約係觀塘, 牛頭角做嘢嘅呢位朋友, 佢都會帶我週圍食嘢, 去試新餐廳, 嚟咗呢間好特別嘅社企餐廳, 幸福川226.🦐 大蝦沙律蝦肉爽口，配上脆脆的蔬菜，特別適合炎熱的天氣。🍲 一人豬肉火鍋放題午市竟然有一人火鍋, 唔使一百蚊可以食到火鍋放題, 豬肉肉質鮮嫩，火鍋配料選擇多樣，從新鮮蔬菜, 菇類到丸類，都能隨心所欲地搭配。午餐包一人一杯即磨咖啡。當日人不多, 整個 lunch 只有2枱客, 大家要多多支持。

昨晚約了與朋友火鍋聚餐，卻因為濕疹要戒食牛羊海鮮🤔而苦惱具體安排。首先店員為我們安排開揚位置， 與其他客人相距較遠， 方便傾計。值得一讚是店員Jacky特別為我另開了一人前明火小鍋讓我們自由發揮。廚師不單為在小鍋湯底內額外加入蔬菜，店員更首先幫我用旁邊枱頭的電磁爐加速沸騰。貼心細心👍。餐後祈盼飲用中式熱茶，店員超額奉上一壺普洱茶。感動😌❤️服務貼心的社企餐廳，值得支持🤝🫰

有得食和玩（桌遊，飛標等），適合一大班人聚會。今晚只有我這一台客。講番食物質素海南雞餐雞正常，油飯（偏硬）可轉白飯，有幾條菜心，有碗超入味的椰子湯，三色醬（其中的泰式醬有點特別），有前菜（青瓜，桂花榚，密瓜），一杯熱飲（我加2蚊轉了凍飲）台南難忘鹵水物 肉躁飯肉躁（其實係肉碎）飯（有家的味道），鹵水物（金錢肚，牛筋，半隻蛋，豆腐，芽菜底，有前菜（青瓜，桂花榚，密瓜），沙律菜，一杯熱飲共消費$207（已包括加一）食理念，食環境，坐得舒服PS, 之後職員講晚巿，顧客通常食火鍋（講番職員一開始有詳細講有一人一鍋 或 火鍋放題，亞洲美食和歐洲美食選擇）

朋友介紹發現係牛頭角有間性價比高的社企餐廳，所以就去探個究竟😂位於牛頭角商廈裡面的「幸福川226」係由一間推動長者事工、開啟「老有所為」樂齡生活的慈善團體香港天恩中心營運。呢間社企餐廳的加一服務費會全數撥捐泰北天恩孤兒院❤️一人前火鍋・日本A4和牛牛胸 $168包含雜錦丸類拼盤・米飯/米線・飲品午餐都來一個一人前火鍋🥘我地揀選左日本A4和牛牛胸及豬骨湯底🤩，牛肉份量十足🐮和牛牛胸脂肪量較低但分散，口感彈牙有嚼勁😋另外，雜錦丸類拼盤🍥包括有芝士腸、蝦丸及芝士丸，仲有無限添自助蔬菜櫃🥬，非常豐富‼️「醉雞黨」湯飯 $98包含飲品是店家自家製無味精湯飯，每日用上數小時來熬製鮮甜湯頭，藥膳湯底再加上當歸、圓肉、北芪、黨參、紅棗、杞子等藥材熬製，用料十足，不加味精，飲一啖雞湯，相當清甜，酒味稍淡，圓肉味尤其突出🥰。雞湯之中，再會加入雞件即叫即煮，醉雞湯浸著滑嫩的雞肉，酒香全滲入雞肉，相當入味，雞件口感嫩滑，誠意十足👍🏻泰式海南雞配油飯 $88包含飲品海南雞份量頗多，店家都給了雞脾🤩。雞肉肉質嫩滑多汁，皮薄爽滑，雞味濃郁👍🏻；附送的椰子清雞湯味道清甜，椰子味突出；油飯🍚以濃雞湯及香料烹煮，份外香濃但唔

之前一直都冇留意到，原來牛頭角區有一間社企，社企入邊有餐廳，亦都有好多包場嘅設施，例如可以做宴會，生日會或者公司飯局聚會等等。。。而社企嘅食物都有好多種類，有火鍋同套餐，我同屋企人今日就嚟食佢哋比較出名嘅套餐。因⭐泰式滷水豬肘飯(跟椰子清雞湯,油菜,前菜,甜 品,水果,飲品) ☕紅棗圓肉茶(熱) $98⭐泰式海南雞油飯(跟椰子清雞湯,油菜,前菜,甜 品,水果,飲品) 🍵洋甘菊(Camomile)安眠(無咖啡因花茶)壺&爐 $117⭐️鹽酥炸雞炸嘅非常脆口，熱辣辣，小朋友食得最開心套餐份量非常之足料，而且環境氣氛又大又舒服。而且餐廳入邊仲設有小朋友玩樂設施，大人可以放心用餐，小朋友可以自己一齊玩。係一個親子聚會晚餐嘅好去處😃!

朋友介紹發現原來有一間好抵食嘅社企餐廳係牛頭角🌞上到去發現原來係一個工商業大廈入面仲係教會，佢哋推動長者事工關懷長者身心靈，價錢抵員工又好禮貌🌸聽佢哋講原來好多附近返工嘅人都會去嗰度食lunch或者聚會，而且佢哋餐廳嘅加一都係用嚟做善事捐俾泰北天恩難童中心做日常開支🌟可以食飯同時可以做善事真係值得支持✨💫濃厚牛魔王湯飯set入面勁多料，有牛筋、牛肚、肥牛、牛丸、牛柏葉仲有啲芽菜做配料。另外湯底係無味精8小時熬製，真係飲晒都唔覺得口渴，而且係好清嘅牛味唔會油膩。所有set都有油菜、前菜、甜品、水果同飲品，份量又大真係好抵。⭐️泰式滷水豬肘飯set除咗平時套餐會跟嘅食物之外，仲有椰子清雞湯清淡得來會飲到雞味。滷水口感偏甜但係同豬肘好夾。我加咗兩蚊要冷泡花茶非常解渴。

最近同朋友食飯，見到牛頭角商廈有間社企餐廳，覺得幾有意義就去試下。上到去感覺舒服，環境寬敞。職員細心介紹主打食物，餐廳加一會捐俾🇹🇭泰北天恩難童中心，幫助孤兒院小朋友。而且可以購買備用券，幫助長者或有需要人士送上無味精自家製湯飯🥰餐廳有多款食物選擇，有一人火鍋🍲、自家製無味精湯飯、泰式台式都有。朋友點泰式海南雞🐓配油飯，跟油菜，椰子清雞湯。海南雞夠嫩滑，油飯都很香，仲有甜品同水果很豐富。飲品冷泡無咖啡因花茶，係來自南非嘅茶，味道幾特別。我喜歡挪威煙三文魚牛油果醬牛角包🥐。牛角包很香脆，煙三文魚唔太咸，配上生菜蕃茄很清爽。另外仲有沙律水果、甜品焦糖燉蛋🍮 ，面層有脆口焦糖，裡面軟滑很好味。飲品牛奶咖啡，奶味較重，咖啡味唔太濃，少飲咖啡都可以試下。小食炸物拼盤，有日式吉列蠔🦪、蝦🍤、魷魚圈🦑、地瓜丸。每款都很脆口，我喜歡蠔有鮮味，地瓜丸裡面有芋泥餡，唔太甜很啱口味。

要去觀塘見客，諗住喺附近搵定位。商場又冇位，美心集團啲餐廳仲要90分鐘起身！一早都聽過大部份呢區餐廳都係啲工廈入邊，一般都好嘈，之前我試過同個客好似要鬧交咁，都傾唔到偈，想搵間四正見客嘅其實都幾難… 睇評語見呢間餐廳好多嘢揀，居然午餐有火鍋！好吸引，但係呢期好多人病都係清清哋好，餐廳職員話有自家製湯飯，無味精，咁我就嗌咗個湯飯，叫醉藥雞黨。一入口好驚豔！湯底清新帶輕甜，撈上嚟有圓肉同杞子，雞醃得好入味，係花雕酒味！細個阿嫲煮麵會落花雕，好有feel，一入口就認到！我個客鍾意食牛所以嗌咗個牛魔王，有牛肚牛筋牛柏葉仲有好多牛嘢，佢話好味好抵食！我哋每set仲有跟油菜甜品水果嘢飲，有油菜真心好開心，而家好少喺出邊食到菜！成set 咁多嘢，食到飽！呢度環境都唔錯，寬敞得嚟又乾淨，可能地方大，坐滿人都唔嘈，最正係同個客傾得好開心！呢度D客都幾斯文，仲有D靚仔恤衫客。職員話呢度夜晚仲有火鍋放題，搵機會會同男友再嚟。不過呢度有啲難搵，喺棟高級商廈嘅六樓，初初喺樓下㩒𨋢都有啲猶豫，好彩上咗嚟，真心值得試！

舊同事十年冇見，移民回來探親梗係要聚聚，朋友話香港呢幾年來變化好大，夜晚搵嘢食已經難，坐耐啲就更難，有朋友話知道有間冇限時嘅樓上火鍋，開到十點半，真係要試試。間店喺商廈裏面，都真係幾隱世，環境真心舒適，冇油益味，好少有店個樓頂咁高，而且好闊落，我哋vv嘩嘩都冇影響到人。我哋點咗個C餐和牛任食，揀咗個麻辣湯底，有幾款和牛，送海鮮拼盤，原來個拼盤都好豐富，今日有鮮鮑魚和大虎蝦，大元貝，仲有餐前炸物，吉列廣島蠔，炸天婦羅蝦，最正係跟黑松露醬，非常驚喜！麻辣到位，真係越食越辣，最尾係有啲頂唔順。好彩仲有冇任飲維他奶，仲係樽裝，好少見，加埋樽裝可樂，對我哋呢啲滿懷內心香港集體回憶嘅，都算是一份安慰。自助點肉，好方便唔尷尬，唔使好似有啲酒樓入紙追加等到手軟都冇人理，我見一盤盤上，仲有晒label講明係咩部位，唔會食咗乜都唔知，啲肉好厚身，好抵食喎，唔係出邊食嗰啲薄到見碟底。職員好友善，好誠懇，佢講開原來呢間係社企餐廳，咁大地方係為咗發展之後嘅安老事務，又係另一個意料之外，一向對社企餐廳印象麻麻，嘢食飲嘢通常都好麻麻，多數好似求求其其。社企有呢啲有服務水準嘅餐廳係極少有，咁嘅經濟環境咁大地方應該唔易