廢茶 (京瑞廣場2期)

Open Now

Now Closed

店𥚃廣告學生優惠3元，學生穿校服，手拿作業，店員話睇唔到，唔知佢係學生，仲要推卸責任，話學生唔講，（作為一個小四生，會唔似學生），收了錢又說不能退，已經不是第一次了，如果貴公司不願意給優惠，就不要搞優惠啦🙄🙄🙄

🌟餐廳：廢茶📍地址：沙田沙田石門安群街3號京瑞廣場2期地下G36號舖💰價位：～$50⏰營業時間：星期一至日 12:00 - 20:30 📱電話：3460 4348難得今日放假就陪媽媽去石門行下，順便買埋野食返屋企慢慢歎~經過京瑞廣場2期，就比呢一間「廢茶」門口既樹懶公仔同裝修吸引住，超得意呀~我地就一於買返兩杯野飲慢慢歎下先~———————————————————🔹芝士奶蓋伯爵茶芝士奶蓋伯爵茶，甜度及冰量可按個人喜好調製，夠窩心~伯爵茶既茶味好香醇，搭配鮮奶及上層既芝士奶蓋，入口好綿滑濃厚，好夾~———————————————————🔹特濃黑糖珍珠咖啡拿鐵主打飲品，必試!黑糖珍珠煮得岩岩好，帶點煙韌有口感，食落黑糖味好豐富~重點就係咖啡拿鐵用上espresso，咖啡味好香濃突出，飲落既提神又香甜，大推~———————————————————😋味道：4/5🏢環境：4/5💁🏻‍♀️服務：4/5💵價錢：4/5🤟🏻性價比：4/5———————————————————👅整體小總結呢間茶飲小店裝修好得意，門外及牆身都擺滿各款可愛造型既樹懶公仔，令人好想入去買返杯飲品抖一抖，chill下先~飲品方面，

石門呢間餐廳除左有飲品之外仲有甜品食,呢間餐廳既裝飾好得意有好多樹懶耍廢既公仔同埋用樹懶既圖案做主題既餐廳,我地叫左一杯香芋奶茶加左珍珠,珍珠彈牙,甜度仲可以自己選擇,可以少糖又可以少冰,岩晒D唔鍾意咁甜既朋友,另一杯叫左MOCHA加左仙草好有咬口,咖啡味香濃,甜品選擇左2款唔同味既窩夫,綠茶紅豆窩夫好濃綠茶味加埋紅豆粒同CREAM好正,仲要一份有4塊咁多,另一款黑糖珍珠窩夫都好特別,黑糖珍珠加埋落窩夫好夾,窩夫好香脆加埋CREAM同熱辣辣即叫即整小編推介。

行過石門，突然發現開咗好多新店舖。其中一間好特別嘅就係廢茶，因為有好多樹懶。睇過zootopia後我哋成家都好鍾意樹懶，懶洋洋好得意。今日天氣回暖，熱熱地好想飲沙冰。我揀咗黃金上網，估唔到最頂層仲有一層奶蓋，好Creamy。而且沙冰打得好幼滑，芒果味好重，好鮮甜。另外，我叫咗杯黑糖珍珠厚奶俾阿仔。唔知佢用咩牌子嘅鮮奶，但係好似好滑好香奶味而最重要嘅就係佢啲珍珠煙煙韌韌同夠甜。亞仔話下次一定要再encore呢杯。

咁啱去開石門想買杯嘢飲，經過呢一間茶飲店，見到有好多樹瀨公仔、精品等等，好可愛😍呢間茶飲店有多款不同嘅台式飲品，我哋揀咗黑糖珍珠咖啡拿鐵、黑糖珍珠厚奶。▶️特濃黑糖珍珠咖啡拿鐵$36呢杯甜度固定，我揀咗熱飲。黑糖味真係好香濃，而且珍珠有咬口，咖啡味都幾突出。飲品大杯幾好飲！▶️黑糖珍珠厚奶$35呢個揀咗凍，飲糖到及冰度都係固定。呢個黑糖味都係好香，而且厚奶唔會太「杰」口感唔錯。黑糖及口厚奶味道好夾。

我同妹妹2⃣️個都係珍奶控🧋成日都買珍珠奶茶飲，連帶兩個小朋友都好鍾意飲😆石門呢間新開嘅 癈茶以樹懶🦥做主題，又放置左大大小小嘅樹懶公仔，真係好cute💕 由於小朋友唔適宜飲太多茶，我哋就點咗一杯黑糖珍珠厚奶比佢哋share。黑糖珍珠夠煙韌又入味，香滑鮮奶加上濃厚嘅芝士奶蓋，口感更加creamy味道更加濃郁。我哋大人唔知飲乜好，所以就點左杯由調茶師發板嘅廢事諗奶茶😆本身呢杯飲品就會係有桂花珍珠同仙草凍做配料，配以不同口味嘅奶茶，而今次我哋嘅係鐵觀音奶茶。兩款配料令口感更加豐富，清甜嘅桂花珍珠配上同樣味道清香嘅鐵觀音，唔會互相搶味，係唔錯嘅配搭👍🏻Btw, 真係幾鍾意佢句Slogan👉🏻跟樹懶學耍廢爽爽人生不白費 ‼️我都好想🉑️以耍下廢呀🤣🤣，

聖誕節出去行街食飯，出街必定飲杯台灣茶飲😋。經過見到呢間好多樹懶公仔，好可愛～～～😍😍，望個menu 都幾吸引鐵觀音奶茶加桂花珍珠：本身好鐘意桂花，見到佢有桂花珍珠，出面好少地方有，所以唔使諗一定要加桂花珍珠😍一入口好香茶味，奶味唔會蓋哂d茶味，兩者都平衡得好好👍🏻而桂花珍珠，好煙靱，一咬充滿桂花清香😍黑糖珍珠厚奶：黑糖珍珠好彈牙、煙靭，唔會過淋同硬，充滿黑糖味又唔會太甜😋而啲鮮奶都好濃奶香😋👍🏻我覺得相比其他外面嘅黑糖珍珠鮮奶都算出色👍🏻

今日同同事經過，見到新開 同同事試飲買咗三杯 😤其中大呷芋頭奶茶 好淡。 冇咩味。 黑糖珍珠奶茶，同事話飲咗一啖已經唔想再飲 冇茶味冇奶味 只有好大陣黑糖味。好甜好甜。可能啱我哋口味

冇入石門一段日子，今日入來做野，順便行吓，見石門都改變左好多以前嘅店鋪有好多已改變左，而且多左好多茶飲店，噤啱有d囗渴，找吓有邊間值得我去幫襯先最終被呢間茶飲店裏面嘅公仔吸引左埋去睇吓有乜好飲好多間茶飲店嘅茶飲都比較甜，但呢間就有好多茶飲都可以選擇冰度和糖度，但我選擇左試原味，就選左一杯：特濃黑糖珍珠咖啡拿鐵和黃金香芒特濃黑糖珍珠咖啡拿鐵：份量幾大杯杯內幾多黑糖珍珠，珍珠咬落煙煙韌韌幾濃黑糖味，咖啡拿鐵入囗醇滑香濃咖啡味黃金香芒：即係（芒果奶蓋沙冰）未入囗已經聞到好香芒果味，入囗更加香甜沙冰口感冰涼舒服，加埋芝士奶蓋鹹鹹地，感覺軟軟滑滑店主都好有心思，用樹懶做店鋪icon，另人一想起樹懶就想起店鋪名，而店鋪裏面還有擺放好多得意嘅樹懶精品俾人打卡和售賣添

🦦🦥【 廢茶 】🦥🦦⋄ —————⧫♟⧫————— ⋄之前想飲「廢茶」一定要去葵涌廣場，依家終於可喺沙田石門飲到喇🤎😍店面依舊擺放咗佢地最招牌嘅樹懶公仔，超得意，影相打卡一流。仲有售各式精品、家品。除咗手搖飲品，佢地仲有賣雞蛋布丁、台式吐司等，不過今日冇試。⋄ ┄ ┄ ┄ ┄ ❖ ┄ ┄ ┄ ┄ ⋄▪️◾️芝士奶蓋◾️▪️🧋黑糖珍珠厚奶（$35）雖然呢一款係糖度固定的，但可以話係完美比例，唔會太甜，抵讚👍🏻 而且奶香味濃郁，珍珠Q彈滋味，上面仲有選用法國忌廉芝士製作嘅濃濃奶蓋🧀 好正❣️▪️◾️雪山沙冰◾️▪️🍫特濃可可（$34）朋友點的特濃可可雪山沙冰都好吸引，佢大讚可可味濃郁，沙冰有粒粒碎冰口感，冬天飲都幾刺激😆⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：沙田沙田石門安群街3號京瑞廣場2期地下G36號舖⋄⋄

之前收到了來自 @heaha.hk 的$50 free credit作為給我的farewell禮物🥹剛巧我很想試但錯過了的桂花愛玉凍又回歸啦🥳於是就在臨走的前一天趕緊去買💛到店看到除了桂花愛玉凍還有古早雞蛋布丁杯😃有我最愛的紅豆味欸🫘那就必須要試試啦😍想到兩個都是甜品類就加了一杯熱無糖水蜜桃烏龍茶（比較不guilty🤣）拎到家就快快開動😚桂花愛玉凍不僅顏值高味道也很好，好濃桂花味之餘又Q又滑又不甜👍古早雞蛋布丁杯上面厚厚一層紅豆🫘本紅豆控看到就覺得好滿足😁吃起來紅豆粒軟硬適中有紅豆香，少少甜，跟下面的雞蛋布丁一起吃就正好，也是很有誠意的一款甜品啦👍水蜜桃烏龍很大杯，果味和茶味平衡得不錯，喝起來覺得超健康der😋台式桂花愛玉凍 7.5/9古早紅豆雞蛋布丁杯 7.5/9熱無糖水蜜桃烏龍茶 7.5/9OVERALL 7.5/9雖然是很感謝，但覺得只用free credit心裡有點點過意不去？🫣畢竟良心店要好好支持呀～於是就買了很有趣的樹懶化妝袋當手信，也超感謝石門店的店長，爽快允許我把本身是陳列品不外售的帶廢茶logo的樹懶公仔買走做紀念🦥所以現在這隻樹懶（店長）就陪我一起來加拿大啦💛

經過見到石門新開咗間珍珠奶茶店，諗住買兩杯奶茶試下，點知收銀個女仔極無禮貌又眼超超，買杯奶茶要求少冰好正常，問多兩句串串供，仲叫人點再幫襯！仲有杯黑糖，奶多到好似叫左杯鮮奶咁！杯「廢事諗奶茶」真係係好難飲，仲話係招牌奶茶⋯⋯⋯茶無茶味，奶又極淡，仲有⋯ 請問癈事諗係咪有茶渣？一條條茶渣，唔敢吞落肚，唔消化到架！冇下次！唔會幫襯！大家唔好比隻公仔氹咗去買，極難飲又服務差！真心未飲過咁難飲既珍珠奶茶🧋

冬天咁凍梗係要飲杯熱茶咁啱去開石門見到佢地新開新開無耐已經有好多人排隊見到佢哋有薑茶於是就決定去試下雖然等嘅時候比較耐但係佢哋嘅黑糖薑母茶幾好飲黑糖味濃郁而且配埋暖暖嘅薑茶冬天飲就最適合不過

跟樹賴學耍廢，爽爽人生不白費😆 很可愛的樹賴公仔佈滿【廢茶】真係非常吸引，一於order 佢的推介廢事諗奶茶和青黃檸檬紅茶。🥰太多選擇唔知點揀，叫杯廢事諗奶茶就最方便，由店長随心之選再加珍珠和仙草，俾個surprise 自己。😆青黃檸檬🍋紅茶，內有多舊泰式青檸檬和黃檸檬調配，俾你睇到真正係100%真檸檬，夠哂fresh原材料又滿滿的檸檬🍋味，可以配不同茶底如原味紅茶、茉香綠茶、古早味冬瓜茶等等 ，非常醒神清新。😋

石門呢排商場大變身，多左好多野食同茶飲店，今日黎食完野行街飲左呢間，性價比幾高。。🍴大甲芋頭鮮奶$33糖度冰冰固定，另外加$6加左桂花珍珠，本身芋頭鮮奶唔算太甜，仲有粒粒芋頭幾足料，桂花珍珠真心正，咬落Q彈彈牙，仲要有清新桂花味，創意十足。.🍴特濃黑糖珍珠咖啡拿鐵$36珍珠配Latte幾特別既配搭，黑糖珍珠甜左少少，但都可以接受，因為襯埋咖啡☕️意外地夾，咖啡幾香濃醇滑。.唔錯既茶飲店🧋仲有幾好得意既樹懶🦥公仔好可愛😂