生活好點 (Closed)

同事介紹 呢間便當好食兼健康佢每日都有五款便當想食咩可以預訂因為當日冇預訂去到得返兩三款揀柚子胡椒照燒雞扒拼牛丼個雞扒真係好正 柚子味好出 牛肉份量好多 好似食極都有肉咁飯的份量也不少 係珍珠米佢嘅汁唔算多 成個飯比較乾身便當包埋嘢飲紅茶/綠茶整體來說 我下次會再食

今日吾洗返工喺屋企懶洋洋，天氣炎熱吾想煮飯，早前朋友介紹我英皇道，健康村附近嘅生活好點，售賣的和田便當好美味，充滿和風，叫喜歡日本菜的我試下。港鐵站行大約五分鐘就到， 店員好nice甘問我想食咩，原來每日有唔同嘅便當。我揀咗蒲燒鰻魚同蜜香味噌烤雞扒，每盒配一杯飲品。我加錢加了瘦身美白茶和去濕茶。美白茶呈粉紅色，酸酸地，應該有山渣，洛神花成分。去濕茶就見到有菊花，味道幾清香。2個便當都配大量配菜，例如牛蒡絲，迷你蕃薯，車厘茄，蜜糖豆等，非常健康。鰻魚份量不少，肉質肥美，雞扒烤得夠香 juicy嫩滑好高質🤤

發現公司附近原來有間外賣店🥡，走健康路線🍏，而且係社企黎🏠。⛳️香蒜鮮蝦義大利麵 $66⛳️鹽蔥燒三文魚 $66⛳️祛濕茶⛳️清心去火茶與同事買了兩個外賣返公司食，每個餐配一杯飲品，我們都選了花茶🌼，因為最近我睡眠質素差，所以揀了祛濕茶，而同事心煩氣燥，揀了清心去火茶。兩個餐貌相都很好，鮮蝦大大隻🦐，三文魚大大塊🐠，味道又唔錯。花茶好多花好足料，可以沖好多轉♻️。原來這家店是和田便當的經銷商，每天都會在中央工場送餐飲到店，每日款式都唔同，亦有素食選擇💚。

知道附近開咗間新嘅外賣餐廳，今日就嚟試試，買兩個餐返屋企食晏~ 呢個星期每日都有4款唔同嘅menu，其中一款係素，另外就係一款魚一款雞及一款牛。設計menu嘅都非常細心，完全照顧晒不同嘅朋友，而且就咁睇menu嘅相都覺得好色彩繽紛生薑燒豚肉 ($62)好多時食飯盒，啲汁都會太多太杰而且太鹹，但呢個飯盒嘅汁雖然唔多，但豚肉好入味，而且都唔會覺得好鹹，啱啱好，適合鍾意淡味道嘅朋友。豚肉嘅份量亦都不少，起碼鋪滿晒白飯，一打開盒就覺得，哇又幾足料喎！柚子西京燒石斑 ($72)西京燒通常係銀雪魚，石斑呢個配搭又唔錯喎！估唔到只係個飯盒，連魚皮都有輕輕嘅焦香，而且旁邊有大量青椒紅椒黃椒，好colourful而且感覺夠晒健康！配菜方面仲有小朋友最鍾意食嘅番薯、牛蒡、獅子狗及玉子花茶 (+18)瘦身美白茶有檸檬片、洛神花、山楂及玫瑰花，沖出嚟紅色，好靚！另外都試咗清心去火茶，淡淡嘅花香，飲完好舒服。兩杯茶啲料好似多到會瀉出嚟咁，真係好嘞，可以再沖多幾泡！原來呢度係聖公會聖基道兒童院屬下嘅社企，主要為低技術年青人及基層人士，提供培訓及就業機會。既然係咁，食物質素又唔錯，值得支持！

科技日新月異，見到附近新開左一間便當自動販賣機，熱愛lunch time食便當既我，趁長假期前黎體驗下。雖然小妹公司lunch time時間彈性，但lunch time既peak hour好難避，唔多唔少要等長時間先拎到個飯盒。久而久之會變左食凍既壽司或杯麵，對於熱食祈求殷切。落order我用Whatsapp 落order, 好方便快捷，有定menu揀定食咩令人好期待呀味道共三款食物，當日我揀左韓式炒牛肉，少少辣好惹味。加上烤薯仔等配菜好有日或風味。除左個便當盒間格似中式之外，味道和包裝和日本無異。同事點了份蜜香味噌烤雞扒，雞扒滑一滑，雞皮也很好味。個飯底好軟熟。份量黎講冇中式茶餐廳果d咁大份，所以對OL係岩岩好，都食得哂。便利想生活好點和對自己好點，我加8蚊要了兩份花茶。覺得好值得，因為返office無限加水變左好多杯。花茶除左茶味keep到之外，d花花仲好靚。店員很有heart, 很喜歡光顧此店。