甜入心 (Moved) New Location

一個人走去食甜入心，見到個榛子窩夫，賣相幾好！咁就吸引左入去食！ 座位之間有d迫⋯ 等左大約20分鐘，又靚又大既窩夫出場啦！ 食落口感有d硬、只能說ok⋯相比咖啡弄個個淋d軟身d蛋味重d

五月八日同豬仔行沙田，佢行經望到依間甜品店，就想試下，其實店面唔大，全以粉色裝潢，但望落非常舒服我地嗌左三美人$65，蕉朱古力酥卷 $45，同埋朱古力窩夫48個落單姐姐同我地講返，我地嗌果三樣都制作需時，要等二十分鐘到，橫掂我地都打陣機，絕對等到我個三美人幾好食，最重要係好有彈力，我食之外仲係咁拎黎彈，俾豬仔鬧朱古力窩夫，個雪糕好味，窩夫暖暖地，同埋好香焦朱古力酥餅，依個個皮好脆口，但塊香蕉竟然蓋左朱古力醬既味食時感覺朱古力味好少。。。ps:依度有自助免費花果茶提供，可惜我地食到飽飽，唯有下次試啦

同朋友行完街食完飯，岩岩經過呢間甜品店，見到d甜品都幾靚，所以入去試下。真係喜出望外。首先我地叫左兩個椰皇甜品，一個入面係芒果為主，另一個係焦糖布甸為主，好好食，最正係裡面有層椰皇果凍，入口即溶，好鮮甜。整體食落去好正。跟住再點左份榛子窩夫，外脆內軟，一上台就已經好香，加埋榛子醬一切食，正！！！

甜入心係沙田開分店，之前經常去深水埗店今次就黎新店試下啦環境唔錯喎 四周圍都係粉紅色為主坐落去感覺舒服又熱鬧 比起深水埗店更colourful點左個楱子朱古力窩夫，大約20分鐘就有得食沙田店採用Movenpick牌子雪糕相對價錢會比深水埗貴一點窩夫好香好脆 配上楱子醬+楱子粒 味道好正 真係會食極都唔會厭喜愛食朱古力的你 這個是必食 推介沙田店整體唔錯 水準keep得到會繼續支持

食完飯周圍行消化下, 發現有間新開既甜品店 - 甜入心, 係門口睇左陣MENU, 見到D甜品都係用椰王做主打, 突然有個男人同我講: 依家做緊試業, 入尼試下! 一望入鋪頭都幾乎坐滿, 我心有懷疑有點想試, 唔通呢度椰王特別好味?!  最後, 膽粗粗一個人入去試下!! 睇見個MENU, 除左椰王做主打,  仲有其他芒果系列, 即時覺得呢間甜品店同某甜品店-X記甜品相似, 沒有一樣有衝動想試, 看完一輪, 餐牌上有寫"入心" 呢兩個字, 就係店主推薦, 所以點了一個芒果小丸子椰王!!位坐得很逼, 枱子很小, 幾乎跟旁邊的人坐到膊頭惦膊頭, 很想快些食完就走, 芒果小丸子椰王到了, 一咬落舊丸子很有嚼口, 但芒果很酸, 可能不是季節吧  !! 椰王入面有JELLY, 跟水一齊吃下很甜, 好像加了糖漿,甜到漏 真想飲杯水, 但是人太多, 叫了侍應拎杯水都等了10分鐘都未到, 最後決定埋單走了 !!!!

同中學同學係附近食完野之後,有D意猶未盡,決定去睇下有咩甜品鋪啦!知道呢頭有一間,搵下搵下,原來原本果間冇左,開左呢間,試下啦!位唔算多,要係向商場外果邊攞位,行左個大圈!入到去都幾擠擁,路好窄唔易行,枱與枱,位與位之間好近,坐得唔係好舒服!食甜品都係想hea下relax下吹下水,坐得逼真係扣分!講返甜品,叫左芝麻糊加杏仁露!賣相ok,一黎就聞到好強ge杏仁味!熱熱地唔錯,份量適中!芝麻糊同杏仁露係各一半左右!不過可能我本身唔太好杏仁味,所以一開始聞果幾下咁勁有少少抗拒,但係食落都ok!mix埋一齊食都幾滑口!不過價錢以沙田區黎講就貴左少少,下次都係試過第二間啦!

行過沙田廣場見到新開左間甜品店（甜入心），就同老公入去試下，㸃左芒果雪花冰及芒果小丸椰皇子，見到個賣相好似幾好，但味道就⋯芒果雪花冰完全沒有味⋯⋯沒有芒果味更連甜味都沒有，好似只係食緊黃色既冰 極度失望！！另外個芒果小丸椰皇子，呢個味道ok，但係佢寫係凍食，不過碗甜品係暖既，食到尾先至有DD凍既感覺，本身一個凍食既甜品就變左和暖，個口感⋯⋯有D怪！其實間鋪比較細，D枱好迫坐位好窄，坐得唔舒服，一食完就要走！服務差，侍應落單落錯左枱號，不停把食物放向我張枱，3次比錯左，更大大聲講左3次話係我地轉左枱，根本從未轉過枱，令到我地有點尷尬！

對於Heart's Dessert有着一份無可形容的感覺還記得早在半年前，慕名找上總店、手持google導航，撥上兩次跟店子通話跟進也找不上正確位置，最終報已放棄．．．至今．終於開至自己熟識之地，可算不負有心人 店子細細，幸而平日下午沒有遇上人多、不然坐得甚為濟迫要上一個焦糖布甸椰皇子$42. 碰一吓椰皇暖暖的、入口當然也是一樣(暖暖)口感焦糖布甸口感尚算糼滑，而且不感太甜、椰皇水做之啫喱椰皇，口感依然滑滑不同的(滑滑)口感，盡收於一個椰皇身上、頗特別 加上了$6.要來小丸子做配角，但質感上較為稔了一點點烟韌度略欠，如果在火力上掌握好一點就更為理想