甜入心 (Moved) New Location

甜入心在沙田區都頗為出名長期爆滿生意很好其甜品選擇多樣化能照顧不同食客的需要雖然甜品組合頗為創意但唯獨味道一般大打節扣令不少到訪過的食客都失望而回但想吃甜食的仍可試試

魚肉吐司個皮脆又麵包軟。重點係厚魚肉而且算多份量，起碼1.5口都一定有魚肉。以為魚肉唔飽就錯了，哈哈。因為有芝士同蕃茄粒，所以都幾重口感，味道輕柔d，無牛肉咁重味。牛肉吐司好多用帶d黑辣味，但唔辣既，只係拎嚟出味，香口d。配有蕃茄青瓜就新鮮d，皮本身乾身，但有少少蔬菜加埋就少少汁，幾好食既。內面又有芝士，好味既。桃寶燕窩皇燉奶之補身之選，奶味幾香。算燕窩多，燕窩凍既，好運係燉奶好暖熱，所以中和下凍熱就唔會太留食唔哂。熱辣辣既花膠椰皇子份量大，有好多蓮子，蓮子都無哂中間既苦心，幾粉幾好，唔會太甜。花膠都幾多，厚就算不上厚。但58蚊還可以，花膠做到都唔腥。正正既綠茶心太軟，好多綠茶味係上面，正！一開入面，好多汁留出嚟，加埋雪糕好一流。因為綠茶好重味，所以有雪糕就甜味，一熱一凍。之後再加紅豆食，紅豆好軟身，增加心大軟既口感。小丸子都係增加口感既，點綠茶好食過雪糕，哈哈。

今日黎食木瓜雪耳糖水 以為點都唔會伏喇 點知一飲落去就覺得唔對路 朋友試完都覺得有好大陣餿味 所以我就叫佢換過一碗 佢過左十分鐘之後換左一碗完全無味既比我 原來佢係將原本既水倒左換過d滾水就咁比我 真係超級無良 食左兩啖已經頂唔順 以後我敢再幫襯 真係超級超級超級超級超級無奈lor 態度仲要唔係好 ..............................

難得到沙田探朋友，便同朋友仔到附近甜品店嘆反個下午。榴蓮飄香椰椰皇子（$56）充滿榴蓮香味，椰皇子還配上椰皇味大菜糕，充滿椰香味道，清新可口。風花雪（$46）入面有豆腐花、芒果、雪米糍、椰汁，椰汁味香味突出，味道濃郁，配上一片厚厚的鮮味芒果，非常解渴！綠茶心太軟（$35）原來是新推出的，出了不到一星期呢！心太軟有別於一般甜品店，流心醬汁圍滿心太軟，甚為吸睛。綠茶味道香濃美味，流心緩緩流出，濃郁好吃！峰之戀（$28）味道較淡，驚喜是配上一球雲尼拿雪糕。益力多沙冰（$25）酸酸甜甜，清涼影入口，非常解渴。

昨日中午去沙田食個甜品，都未遇見個待應服務態度差😡😡😡😡😡😡，一口食住野，另一手拎住自己食物，同我落單，態度好似我左住她食野咁，話佢冇禮貌又唔好意思，待應坐低餐桌食野，我想追加多一款甜品外賣，她態度勁差，惡劣😡😡😡😡😡，都不知道誰是客人😡😡😡😡😡😡😡

黑松露吐司粒粒山 $55吐司層層疊，再加上焦糖醬，和cream狀的雲尼拿汁，滿滿的，加上小許玫瑰花瓣，外表相當吸引。黑松露雪糕味道有點像漏煤氣的味，但我個人可以接受，味道很有趣 ，但口感不是雪糕般滑，有小小碎冰，入口即溶，吐司磚外脆內軟，是用黃色麵包，微甜，含蛋香，內裏還有提子乾，提子乾微酸，沾上香雲尼拿味的醬汁再加上焦糖醬，剛好中和了微酸，雪糕冷，麵包暖，脆脆的，十分配搭，值得一試。 

行到攰攰地，見到有間糖水鋪，裝修得幾好又爆場，諗住入去試下啦。我同朋友都嗌左個椰黃燉鮮奶湯圓。一黎到，上面有啲西米唔係西米，爆珠唔係爆珠既野，湯圓有3粒，同滿滿既燉鮮奶。但係，啲唔知乜珠，脆卜卜，嗦嗦聲，冇味既。幾經辛苦清左啲唔知乜珠，但係啲燉鮮奶又杰撻撻，少少汁都冇。啲湯圓就堅喇，厚到好似龍眼肉咁，真係不得了。而呢舊野，索價48大元，係我食過最難食既甜品

之前食過好多次深水埗甜入心十分讚賞，今次中午經過沙田分店見倒$36意粉放題咁得意就入去食個lunch。Set跟一杯飲品，一個主菜加任食意粉，跟一個是日甜品。飲品叫咗一杯朱古力同埋珍珠奶茶，點知奶茶嚟錯杯咖啡，叫佢換過又話冇珍珠，算，剩係要奶茶，而杯朱古力面有點點油; 黑松露魚枊：似係磨菇忌廉湯加點黑松露，魚枊正常；甜品分別加錢轉咗出浴椰皇子同海底椰燉奶。出浴椰皇子：一貫招牌椰青清香，中間仲有幾片椰青肉增強口感；海底椰燉奶：燉奶好滑，奶面放咗啲椰子肉加少少海底椰。食餐之前加咗個黑松露tar, 哩個咸點每次去深水埗都必食，keep得倒水準後記：沙田店甜品一如總店水準的讚，但員工態度是及唔上總店，整體扣分

自助果茶同朱古力噴泉個concept好正唔食得都睇得下係味先!?我食果個公主出巡麻麻地，冇芒果味，奶酪又冇咩奶味，純粹係樣靚😅😅😅唔太鍾意食甜既可以試下。但喜出望外既係個黑松露雪糕蜜糖多士!佢係最後後既，所以我同朋友都各自食左自己個甜品先食佢。果陣已經凍曬咁濟，但依然好香脆，蜜糖甜入心。而且佢冇俾溶左既雪糕整溶，值得一讚!都係果句啦，好食過茶木多多聲，員工又親切。黑松露雪糕幾過癮既，第一次試，不過我都係鐘意佢配咸食多啲!

是日放工後，突然想食甜品。就去叫左2碗甜品返屋企食喇。夜晚（忘記幾點之後）外賣仲有九折TIM！！第一個係芒果小丸椰皇子芒果＆小丸子 好夾 好味 第二個重口味 就一般喇。係芒果涼粉，仲有雪米糍！

我地一行6人係沙田想食甜品,見到呢間都幾多人排隊,係門口攞咗個menu睇下有冇啱食,ok喎,就等下,無幾耐就有位,入面都幾細下,又逼又嘈！不過算啦,見啲甜品同其他甜品鋪ge有啲唔同就試下呢個唔好食！個甜品無味！呢個有雪米滋,不過未解凍,好硬=="同埋椰汁好香,好滑完整ge杯裝心太軟完第一次見用杯裝ge心太軟,個朱古力心都未溶哂,可以話有三種口感-脆脆地ge面,濃郁ge朱古漿同實的的ge朱古力波!呢張望落好吸引,仲切同砌到好似心型咁,好靚現實係咁樣ge,個窩夫皮好燶,入面係士多啤梨味,面頭仲有士多啤梨醬,如果唔係咁燶會好食好多

入秋了, 不單止老一輩, 連我自己也滋陰起來。每當想吃椰皇甜品, 第一時間必想起以椰皇甜品起家的甜入心。  這天, 與契媽在沙田血拼, 順路走過隔離沙田中心吃甜品。長形進餐位置, 位與位之間很親蜜。一如既往的甜入心, 總有免費任吃任喝的朱古力噴泉及英國花果茶。我點了 花膠椰皇子 (熱) $58基本上溫度是偏向熱的暖, 椰皇面鋪有大堆花膠, 花膠軟滑, 膠質豐富, 有點點腥氣； 花膠底下是椰汁膏, 有燉奶般的滑稠質地, 甜度不誇張, 與椰皇肉同吃更顯潤上加潤。一碗的份量足, 分享或自私吃皆好滿足。

行過見到有意粉放題,平平地36蚊,幾得意WOR,見重未食LUNCH咪入去試下兩杯凍朱古力,幾好飲,都幾濃味配料有幾個選擇,原本想叫雞絲,點知話賣晒,叫我轉雞翼.冇所謂,好似重好TIM啦哇....個汁傑到....整撈麵o架?之後拎隻碟去裝意粉有粗幼兩種選擇,粗身o既唔洗講....都已經加o左油...但勁乾勁硬,睇下d色...好似唔熟咁....放棄幼戈款,即係普通意粉....一樣勁硬,但比o左錢....無計...撈多d汁咬多幾啖照食囉....最後有個奶凍做甜品,我就覺得有d酸酸地,朋友就食o左一半,算啦,走人

賣相同我menu 一样，窩夫外脆内熱，一口咬落去感覺好满足。不過食落有些小dry , 我都只係食左一兩件就已經飽。足夠兩人份量。 依個口感好豐富，一啖已經有齊西米露、咖啡味暏喱粒、圓錐形透明帯小甜嘅啫喱。食落芒果剛剛好唔太甜，味道幾清新。

到『沙田中心』買了東西後突然想食甜品，記憶中該商場有一間糖水店。 心想又是一般糖水店，只是什麼什麼『豆腐花』、『西米露』等等，但原來別有洞天 … …小店面積不大﹝只有10張桌左右﹞，但所賣的甜品並不是一般的東西。 期中不少甜品也與『椰子』有關。 我們點了一份『椰皇燉鮮奶加湯圓』。 原隻椰子內全是燉奶再加三點芝麻湯圓。 芝麻十分幼細，味道不會太甜。 加上此甜品本身暖暖的，十分容易入口 (相信如冬天吃會更窩心)。另外她們也主力賣『黑菘露雪榚』。 我們另外點了一客『黑菘露雪榚吐司』。 我覺得此甜品最好是當你正餐只有七成飽下食會十分滿足。 原隻原麵包烤成香脆後厚切成粒粒的吐司山，配上焦糖及煉奶，已經十分好味。 再在吐司山上加上冰凍的黑菘露雪榚，真的令人一試難忘。 一提的是黑菘露雪榚的味道比較濃，(太太更覺得本身黑菘露的味道不是太適合作雪榚 )，我下次可能會改試『綠茶雪榚』。本來想再點一份『西瓜豆花』- 在原隻西瓜內加上豆花 / 雪榚。 我們見有客人點了此甜品。 細細隻西瓜，相信味道不錯。 可惜已太飽，期待下次再試。