甜入心 (好運中心) (Closed)

現甚少外出吃飯，間中外出吃飯又快速趕人，再到甜品店又是翳氣的。我那個熱的綠豆沙加湯圓，其實味道不差，綠豆沙亦都算杰算濃，多料，底下的綠豆亦都不少，以這種新式年輕人蒲點的甜品店來說，個個甜品都動輒要$30-40 ，甚至$50 ，這個綠豆沙+2粒湯圓只售$26 ，已經算是比較便宜的選擇。但其實，一碗綠豆沙，自家製，應該成本非常低，因為本人先前才在長沙灣有一間粥店，吃過一碗大大碗的凍綠豆沙，內裏又有臭草，又有海帶，其實都只是$14。進店態度友善，一吃完便秒收，見你沒意慾走便立馬問「食物到齊沒有」，明確指示你快點離開🤯不過這都是甜品店一向的做法，因為細細碗糖水，即使索價$40 ，賺你20多元，可能一蚊你都要做很多台客人，才能夠負得起昂貴的租金。🤷🏿‍♂️跟住試多次下午茶，看見下午茶有個鹽酥雞大碗飯。

住附近既表姐極力推薦呢間甜品店皆因沙田甜品店唔多，好食既更加少之前行過呢到佢地會派口罩俾老人家良心鋪頭，又好食一定要支持下👍🏻👍🏻上網訂位有折好抵食Lunch ser無折但佢本身已經好抵一個燴飯包飲品先四十蚊南瓜忌廉雞肉燴飯呢個價錢有呢個入量真係超出預期而且睇相都見到餡料好足入口味道比賣相好，奶香味幾香濃有淡淡南瓜香，仲有清甜既粒粒南瓜燴飯調味幾好，飯粒煙韌分明雞肉份量唔少而且都幾大舊，肉質正常跟餐既伯爵檸檬茶伯爵菜味道幾香濃，甜度自己調較焦糖香蕉比利時窩夫窩夫份量唔少切落去好鬆脆，入口外脆內軟幾香窩夫麵粉味，配埋楓糖漿一絕👍🏻欣賞佢既焦糖香蕉🍌燒到外層有薄脆配埋軟糯香蕉好正！仲有雲呢拿雪糕好香甜，唔係香精味焦糖布丁椰皇子呢個比想像中細但入面非常足料，焦糖布丁好香甜蛋香味好足，入口滑溜椰皇入面有椰子🥥啫喱、椰肉、椰汁等等非常清新香甜，食得出係天然椰子無添加非常欣賞🥰一定會常常幫襯👍🏻👍🏻👍🏻

.👣甜入心沙田橫壆街1-15號好運中心地下L8F號舖沙田區想食甜品, 本身就唔好抱太大期望, 但都好想闖一闖, 點知一切只係幻覺....🔸戀上椰皇子 $53呢個甜品鋪對改甜品名係花左D心機既, 不過當名字唔配合味道, 一切既幻想就會破滅, 樣子很討好, 有芋圓小丸子同埋湯丸好足料, 但襯埋一切就好一般, 加埋燉奶直頭係太膩....🔸烏豆桑寄生蛋茶 $29料少厭貴, 用烏豆烏豆煮看似好健康, 但味道一般, 變左好重涼茶味, 呢款中式甜品本應係好家常, 唔會想用呢個價值再翻炒多次....明白限眾令同1.5米的限制, 但此店既環境不太,加上4人枱要2人2人搭枱坐, 中間仲要加FOAMBOARD, 坐得極度唔舒服...SOSAD.食物好味道：4/10環境舒適度：4/10整體值回頭率：3/10

喺火炭食完飯就轉場去食甜品，今日有沙田友帶路嚟到呢間甜入心，門面都幾靚。入面嘅裝修都算花咗啲心思，睇嚟店主對於裝修設計都有啲要求。餐牌都有好多選擇，而且圖文並茂，而呢度嘅主打應該就係佢嘅椰皇甜品。見到佢喺鋪入面嘅招牌力推呢個焦糖布甸椰皇子，睇嚟呢個應該係必食，就急不及待揀咗呢個先！果然呢個係性價比最高嘅甜品，椰皇入面底層係椰汁味啫喱，淋上椰奶，然後再放上焦糖布甸，好有層次感，而且每一層都散發出唔同嘅香味，味道又好夾，呢個果然係鎮店之寶有個朋友超級好榴槤，所以就叫咗個榴槤椰皇子，望落去都好足料，而且仲有真材實料嘅榴槤肉，鍾意食榴槤嘅朋友就好推介，不過我唔食榴槤，所以講唔到俾你聽係咩味咯其實呢個都係椰皇子，不過店員話椰皇沽清，所以轉為用普通甜品碗上，佢哋都好有誠意嘅，每樣食材都加大碼，彌補番冇咗個椰皇，都OK啦！呢個嘅底層就係椰汁布甸，都好香好滑，好似食緊帶椰香嘅豆腐花咁呢個沖繩海鹽冰淨係個賣相都已經💯，非常吸睛，藍色嘅棉花冰上面舖上水果、芋圓、棉花糖同埋雪糕，真係相機食先之選！呢間甜品店雖然唔算話好平，不過佢嘅出品都真係幾唔錯，覺得佢哋製作都幾有誠意，即刻將佢放入我嘅encoreable

呢排少左好多出街食，食少左正餐之餘，甜品就更少。呢日止不住口痕，好想食個甜品令自己開心啲。.呢個甜品，食完超超超滿足，好足料，好似食左個正餐咁飽！ .點解會咁飽，因為一個椰皇入面有三樣食得嘅嘢，分別係椰子肉、用椰子水整嘅啫喱同焦糖布甸。.焦糖布甸椰皇子$45焦糖布甸蛋味濃郁夠滑溜，椰子水啫喱有啲似大菜糕嘅口感，食到有椰子水嘅清甜，椰子肉亦同樣非常清甜。.呢個價錢黎講，我覺得幾抵，平時食個普通嘅燉椰皇甜品，都差唔多$50起跳，仲要冇呢個咁多配料。大愛！推介！😁😁

同男朋友食完飯，未夠飽，就去搵下糖水食。沙田真係好少糖水舖，好不容易先搵到依間鋪頭細細，裝修精美，以粉紅色為主，少女心爆發啊。未入嚟之前，我已經睇定左要食椰皇布丁。我喜歡它味道清香，布甸軟滑，椰皇新鮮有咬口，我又刮晒啲椰子肉嚟食㗎！不過就唔建議同一啲濃郁嘅甜品一齊食，因為食完男朋友嗰個，我依個會瞬間變得無味.....男朋友是芒果迷，選擇了芒果味的雪花冰，味道相對濃郁，芒果就有啲甜有啲酸，加上不同配料，好大杯好抵食😋

甜品好難食廚房個呀嬸唔識整甜品就唔好整啦味道差全部配料味道差一放入口，好明顯食得出係是但起雪櫃攞出嚟，再加冰撈埋一齊水果又無味好難食成世人都無幾可試過樓上有間執左好多分店的許留山都好味過佢唔好以為派口罩就引到人食我就係俾你門口寫住派口罩派完先俾你呃到以為係良心食店入嚟食點知入嚟食垃圾唔識整野食就執左去啦！

叫了蕃薯糖水配湯圓，糖水裹有數大塊的蕃薯，有桂花在面，湯圓是芝麻餡的，還有些小丸子，整體感覺十分飽肚，温度微熱，適合冬天食用，但環境比較狹窄，大多數共用一張長枱。

口淡淡，走左入去甜品舖食個甜品，呢間舖唔算大，但座位都唔會太迫，坐得幾舒服。甜品方面都好多選擇，中式同西式都有，見到推介係椰皇甜品，就點左個咖啡布丁配椰皇試下佢。第一啖試左椰皇啫喱，好清香嘅椰青味，唔太甜，咪道清新，再試埋個咖啡啫喱，好濃郁嘅咖啡咪，好正，一個清新，一個濃郁，加埋一齊好夾

首先，佢哋乜都用透明膠碗上，真係勁唔環保，又勁唔健康！熱燉奶都係就咁用個膠碗放入微波爐叮返熱，但又唔夠熱，少少暖又有啲啲凍，個燉奶本身又唔好食。其實燉奶真係好難唔好食佢個鎮店王牌係椰皇燉奶又有啲coconut jelly 咁。真係好失望，真心難食，其實呢啲真係好難整到難食，但佢哋做到呀！相信係呢區冇乜糖水舖所以至生存到。另外，紅豆沙同芝麻糊又係用透明膠碗裝，味道一般，未叫難食，但唔可以叫好食，個湯圓就最好食，哦，原來係寧波湯圓來貨。個中年女店員

與好姊妹食完lunch，二口同聲都話未食飽，不如去食甜品 (真係大食，哈哈🤣🤣)。沙田區的甜品店不多，我只記得好運中心有間 "甜入心"。甜入心有數間分店，是間新式的甜品專門店。黑糖芝士奶蓋吐司配網紋瓜🍞🍯🍈~ 被門口張poster吸引，標榜《超人氣》，令人心動。~ 甜蜜蜜的黑糖吐司，外酥內軟。~ 黑珍珠放在吐司表面作裝飾，再加上雲尼拿雪糕球，給我不一樣的口感享受。~ 網紋瓜，瓜肉色如晶玉，香甜多汁。店內以粉紅色為主，充滿朝氣。服務員態度差劣。

點了個風花雪 即是椰子冰鋪上綿綿既豆腐花 再加新鮮既芒果 真係冇得頂 仲有2粒雲尼拿雪米滋🤤 平時食開豆腐花加黃糖 冇諗到椰子冰加豆腐花呢個組合意外地合拍 啲椰子冰冇咩碎粒所以好錦滑 而且好重椰子味 絕不馬虎 同時芒果就算唔係當做季節但都好甜 所以整體都幾好食 食哂成碗簡直冇問題有時候想健康養生一點可以叫熱既腐竹雞蛋薏米小丸子 小丸子好有咬口 而且份量都唔少 又唔會過甜 有時食飽咗想跟朋友邊食甜品邊傾計 又唔想食到好劑 叫這個傳統中式甜品就最適合了～

一講到甜品，我一定奉陪到底，在多位朋友口中聽過「甜入心」甜品滿好食，所以今日沙田一日遊滿期待的去試試。進入店子入面不多客人，見到三、四張大長方形粉紅色枱和深粉紅色膠椅子，對於本身討厭粉紅色的我，就特別的頭痕有點想離開的衝動，只怪自己來前沒有上網搜索了解一下了店舖設計十分簡潔光猛乾淨，周邊都有假綠色植物佈置下。餐牌上的甜品價錢大眾化，最具特色應該是椰皇子系列，但我覺得還是食期間限定，加上我愛食哈密瓜.黑糖芝士奶蓋吐司配網紋瓜伴雲呢拿雪糕🍦上枱賣相不錯，吐司暖烘烘香脆，沾上黑糖再加點冰凍的雲呢拿雪糕味道還算不錯，蜜瓜好甜，芝士奶蓋較為膩，黑糖珍珠稍為硬了點。

住左沙田咁耐 宜家先知原來有間甜品舖 真係好失敗🤣🤣仲要開到12點🥰⚠️食物：⭕️黑糖芝士奶蓋吐司配網紋瓜 $58吐司上面加上黑糖珍珠後，令我有種飲緊珍珠奶茶既錯覺。兩件厚吐司烘焙得不錯，好鬆軟。當你食得漏漏地，配一口雲呢拿雪糕/網紋瓜，口中立刻變得清新。⭕️心太軟 $48一切開，朱古力融化出黎，一口朱古力，一口朱古力，正🤤⚠️環境：小店格局偏粉，位置相對地近，不過好在不算多人。⚠️價錢：合理，味道亦不錯，會再黎！

甜入心去左甜入心試左個朱古力心太軟+朱古力雪糕（$48）、風花雪（$36）、士多啤梨比利時窩夫（$59）。整體非常滿意，因為係下午去人少、服務質素好好、serve客人既態度唔錯、心太軟係好多間整完都唔太流心，但呢間甜入心時間控制得幾好，朱古力醬加糖霜都唔會太甜。風花雪既椰汁濃、豆腐花就唔太滑，芒果一半，整體配合唔錯，唔會比椰汁搶哂芒果味。士多啤梨比利時窩夫（$59）望到個配料好驚喜，估唔到有藍莓，抺茶粒粒同花生粒粒同楓糖。士多啤梨比利時窩夫唔會過哂火候，剛剛好，又唔會焦。配埋雪糕，一啖窩夫一啖雪糕非常正。