囍運冰室 (樂富廣場)

Open Now

Now Closed

職員態度非常惡劣，好似欠佢錢一樣，可能係我入去食嘢阻住佢咁，入到去無人理，叫嘢食無人理行咗去就算！職員眼神目露凶光🤬🤬🤬🤬🤬🤬🤬🤬嘢已經唔係好食🤢🤢🤢🤢🤢🤢，加上職員態度奇差，一定唔會再幫襯🤬🤬🤬🤬🤬👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

本身諗住幫親開都唔過隔離間新開茶記，D職員咁既態度，真係好難有心情消費。唔怪之得D人返晒大灣區，都唔留港消費。自己煮都好食過佢，仲要比佢鬧。總評：態度差，食物味道一般

今日因為避難，我就去左樂富行下，諗住進行思想沉澱，本來諗住去陸號食野。 點知個侍應要我同個阿伯夾卡位，我隨即揚起瀟灑的手指表示拒絕，行左去隔壁囍運冰室。好啦，嗌左碟三絲炒米，盛惠64蚊。 侍應就問我，加野飲嗎?其實我留意到，3蚊熱飲、5蚊凍飲。由於碟野我覺得有點小貴，於是再度拒絕。我一路食，一路就同我既摯愛談論人生大事。一直談到兩人都覺得傷心欲絕，講返呢碟三絲炒米，味道ok啦，不過不失。當我成功咁呢碟炒米收埋左係我個肚腩之後，我抬頭，即見到一個黑影跑過冷氣機喉。噢，原來係米奇表演緊走喉管……

前日7/4/2024，一行五人來樂富逛街及搵食，見這食店好多人，便試下這間茶記。點了五個下午茶餐日本醬油滑蛋叉燒飯，叉燒及蛋份量足，蛋很滑，但飯無咩醬汁，賣點係日本醬油，但見唔到有又食唔到。乾炒牛河，河粉味淡，牛肉滑但無咩味，麻麻地。懷舊熱狗*沙律，沙律唔錯，個包好乾，條腸就麻麻地好食。廈門炒米，好夠味，好多五柳菜，宜家好少茶記可以食到，料都很足。南乳雞中翼*方塊西多士，南乳雞中翼同炸普通雞中翼無分別，無南乳味，方塊西多士還可以。

味道很咸十分之咸，又貴又唔好食早餐塊丹麥多士又油又凍，好明顯放左好耐，問樓面阿姐可晤可以幫忙焗熱，悔氣話無呢個服務室內射燈處處有，每盞燈都射住食客，成個感覺耀眼又不安，令食客十分不適室外晤夠冷氣，好焗

今日同朋友經過樂富，去囍運冰室食下午茶。下午茶時間不太多人，2個人都可以坐卡位。我叫了炸雞翼配薯條，凍檸茶。炸雞翼有南乳味，香脆好味。薯條係粗薯條，灑上少少紫菜粉，幾香口。

今日下午休閒假日！想話未試過依間、就入去試吓！睇咗下午茶餐牌、10款有多選擇！真係唔知揀邊款.！本身鐘意食炸嘢多！就叫咗2款下午茶☕️ 炸雞髀薯條、叉燒炒蛋飯試吓點樣個日本醬油😝相對食物賣相吸引🤩但整體食物質素一般！ 雞髀冇味、炸粉太厚！食落唔新鮮！叉燒炒蛋飯食唔出個日本醬油！感覺係加豉油打底！ 飯唔太熱！飲品最好味🤤可能我叫嘅食物唔係師傅需要展示廚藝、晚餐戓炒嘢會好食呱 ！下次有機會會試吓炒嘢食！

早餐到樂富試了一間連鎖茶餐廳，點了一個A餐，配雙蛋+丹麥多士，飲品方便可惜沒有即磨咖啡，點了一杯奶茶，整體環境算大多位，餐廳整潔一般，坐左近廚房那邊，常常嗅到有一程怪味，價值算一般。

咁啱經過樂富見到一間新開仲係試業中嘅冰室。於是我膽粗粗入去打大佬，首先叫咗個五香肉丁撈出前一丁公仔麵，再叫咗個杞子豬膶米線，最後試埋個咖喱雞飯。。茶餐廳座位非常闊落，侍應亦都非常之多，點餐到食物上枱時間係5分鐘內。非常之快服務亦都非常之好，而食物嘅質素係偏好食。。五香肉丁撈公仔麵佢比嘅肉丁非常之多，另外豬膶米線嘅份量亦都非常之大碗，值得一提嘅就係個咖喱雞飯，咖喱有少少辣之餘亦有好香嘅椰汁香味，唔似坊間嗰啲咁偏鹹，整體上呢間餐廳值得一試

文苑飯莊食到樂富，囍運冰室除咗個名好，佢嘅龍蝦湯餐肉粒通粉仲好好味，原來呢區餐廳都開好早，呢間新開過嚟夠大好光猛，電梯上落容易迷失，鋪頭位置係 A 區 1 樓美食坊，食完仲可以去領展可持續未來館。龍蝦湯餐肉粒通粉濃湯味道突出，肉粒爽脆，大碗夠熱，拌通粉入口零舍醒神熱奶茶奶同茶味道鮮明唔使落糖跟餐煎蛋、丹麥多士，唔記得咗走牛油餐牌總結早餐係好緊要，Zone B 仲有 UNY 生活創庫，或者直接樂富街市揀食材 DIY 適合熱愛入廚人士一遊。

囍運冰室 (樂富)樂富聯合道198號樂富廣場1樓1119-1120號舖下午茶，超級失望，平時食早餐都覺得一般，同旺角分店冇得比。$49乾炒牛河細細碟，成碟先得3塊牛肉，我唔食洋蔥嘅，都發覺佢成碟嘢先得一條洋蔥😅冇鑊氣，唔明點解可以炒出黎都唔熱，懷疑一早炒好晒擺喺度。服務態度一般，老細喺度啲阿姐先會好少少，一到繁忙時間多人就唔想理你咁。

而家香港茶餐廳已轉型為冰室。這間食店經常排長龍，星期日的中午，見未需要排隊，自己一個人去試。講左會搭枱，所以也給我一人坐卡位，感覺舒服得多，若不是卡位，我就未必食了，因為有啲擠。有數款午餐，今日是牛扒、炒飯、焗魚等。主餐牌食物款式繁多，有飯粉麵同漢堡飽等。我個人很欣賞這，因為一家人各有不同喜好，來這也可以選擇所好。我揀了午餐焗黑松靈魚柳意粉。份量不少，魚柳也大大片。黑松露味不要想多，始終五十幾蚊，又不是西餐廳。意粉軟硬適中，味道偏淡，我鍾意，可以自己加其他調味料。凍啡，少冰，但最後飲完都有超多半杯碎冰粒。味道不錯，搭枱的叫了熱啡，我嗅到很香。正因為這裡食物選擇多，今次唔太鍾意，下次還可以試別的。

今晚同朋友去試一下佢晚餐，先黎個頭啖湯飲飲下有蟲仔。職員話比過碗我，我都唔敢飲，所有朋友停哂手，3碗羅宋蟲蟲湯倒哂！再黎主食咸到一個點，叫左餐牌2個小菜肉有肉咸，重口味朋友岩哂之後再試埋個星州炒米！個炒米咸個level ,係咸香炒米多過星州炒米！再黎埋個雞肉農夫包，個包入面塞滿哂飯，我都係第一次見識呢個做法！包入面得飯同埋一塊雞扒！無汁之餘，包皮乾到食唔到！係包有包食，飯有飯食，雞扒再分開黎食，絕對無問題！無下次 ！呢餐飯失望到爆！

厚切豬扒麻辣湯米線厚切豬扒變薄切，米線分量極少，5啖食完。咁嘅價錢寧願去食譚仔。差評，真心唔建議！朱古力漏奶西多士冇朱古力，奶未，好似朱古力溝水！舊西多士仲好似翻叮…. 呢一餐食到一吐氣！

樂富商場最近開了一間茶餐廳，每次經過都會大排長龍。今日竟然無人排隊，可直行直過，附近街坊熱情己過…哈哈！鳳城水餃河河粉質感比較粗嚡，沒有滑溜感。水餃皮厚，餡料尚算不錯，餡料足。套餐包菜一碟，飲品一杯。菜心綠悠悠，都幾大碟。奶茶芳郁，有絲滑感。茶味香濃。