東喜茶 (Closed)

月頭戈陣上網登記參加左chanel係中環既活動，玩完出黎條街熱到喊💦，當然要搵d野飲Search完見中環新開左間東喜茶就即刻衝去💨以前有係其他分店飲過芝士綠研,還好. 今次就一於同朋友試下芝士水果系列:芝士芒芒 and 芝士黑提芒果好香好甜，同芝士都幾夾下，仲會飲到清新既綠茶味 店內收銀員話黑提岩岩入左貨，係期間限定，❤期間限定❤哩個詞一出就當然要試下. 估唔到出奇地夾芝士，茶味會重d, 好fresh, 好少飲到黑提既飲品，好特別!2杯都鍾意，下次要再試埋其他芝士水果😋

知道中環開左東喜茶後，勁期待，諗住以後返工可以成日飲。今日lunch食完飯就去左幫襯，仲唔洗排隊添！叫左一杯桂花烏龍，頭一兩啖飲落係唔錯嘅，但係好可惜行左出門口行幾步已經feel到啲奶蓋溶緊了，好快就成杯野變到奶水咁之前飲過旺角同觀塘分店都唔係咁，我諗係分店問題，好失望！

I know it is lame but after going to the Swedish National Day celebration. We all had made some floral head crowns which I thought would look nice with the flower background hence went here for a selfie and got a drink from here.The Tea Queen I had was basically green tea just like the ones you get at sushi restaurants from the tea bag with a strong grassiness.

今天有同事試過這間東喜茶, 說和深圳好出名那間很似，香港的叫做東喜茶。那麼今天順路便去試試吧～很高興，因為不用排隊，但店舖的味道有啲怪怪二話不說地，叫了一杯芝士芒芒，另一杯叫了超級水果四季春首先講講，呢杯芝士芒芒先，芒果味道很重，好足料，因為冰塊同生果打成一片，非常好。芝士味很濃，很好味道，很香。另一杯，超級水果四季春，這杯我揀了少甜，但是味道很奇怪，茶味不夠足，水果味不夠甜，還帶點酸。我吃了西瓜和蘋果，其他的生果，真的不夠膽去嘗試，因為酸味很強。2杯飲品，價錢都是42蚊，只能用現金付款。如果可以用八達通，會比較好一點啊…

最近天氣咁熱，日日食完飲都想買杯凍野飲下。中環來來去去都係個幾間台式飲品店，今日終於俾我發現擺花街開咗間新嘅台式飲品店！就係東喜茶！成日都聽到人地講話佢地嘅芝士飲品都好出色，終於都有機會一試。一係唔飲，一飲就當然叫最邪惡嘅Oreo芝士可可。因為我個人本身比較怕甜，所以店員建議我可以點‘’無糖‘’，因為佢地本身自己煲嘅可可都已經有D甜味。呢杯Oreo芝士可可嘅芝士好creamy, 加上Oreo碎同埋濃郁嘅可可味，成杯野嘅味道同口感配合得剛剛好！非常好飲！可能因為揀咗‘’無糖‘’，飲完又唔會太漏！如果鐘意飲朱古力嘅話，呢杯係十分推介！雖然佢啲茶價錢可能俾天仁或者其他台式飲品店貴少少，不過我覺得物有所值！會再幫襯！

素有翻版喜茶之稱的東喜茶 終於開到中環～ 位置不在最旺的街道，要走少少斜路～ 可能新開既關係～唔洗排隊 ～ yeah 👏🏻👏🏻👏🏻🤩芝士火火 $42～ 紅色火龍果好 sexy 😍 店員話 45 度角飲喎～ 先喝一口，飲到芝士鹹香，再來是火龍果的青甜 ～ 味道好夾～ 炎炎夏日，立即消除悶熱 😍 yummy ～  雖然未試過正版，價錢唔平，但呢個芝士火火絕對收貨啊 🤣走下又影下～大家覺得邊個背景靚啲？ 😎飢point : 9/10#hungermarch #飢詩 #非飢詩

原來公司附近開左東喜茶 中上環人恩物啊！好彩多數系茶類飲品 就算唔系都有糖份選擇 對OL黎講好重要呢Haha 今次叫左布蕾奶茶 （邊做野邊飲住提神）茶味都幾出 仲有cream起裹面 鐘意食cream既人唔可以錯過呀 唔錯唔錯！

天氣炎熱，最好就係飲番杯凍野，最近知道中環開左東喜茶，同同事快快食完lunch就衝去買黎飲😆，去到見到好多人排隊，但好彩d員工夠快手，唔係等左好耐身為抹茶控，當然要買杯芝士抹茶，抹茶夠滑同夠濃，唔會有粉末，最怕飲抹茶飲到成口粉，配埋芝士都唔會膩😍，之前飲過一間d芝士好鹹，呢間剛剛好，值得一試同事叫左杯芝士金鳳茶王，呢杯真係值得推介，茶味真係好香，同芝士好夾，有芝士味又有茶香，冇叫少甜都唔飲得出唔算甜😋下次要再試其他系列

茶味好香 同芝士好夾 又唔會搶左茶味 正！lunch hour黎有啲多人 等十分鐘左右 都算ok! 拎既時候有教點飲系最好 要45度角 咁就可以飲晒茶同芝士 原來我之前一直飲錯 之前其他地方飲都冇人教既！

今曰同fd子係中環周圍行下，影下相，經過見到呢間野飲好似唔錯. 即管入去試下，橫掂天氣咁熱，都要飲杯凍野🌞🍹見到芝士芒芒 & 芝士火火既圖好似好靚咁，所以就一於叫呢2杯同fd share飲.芝士芒芒: 本身自己都好鐘意芒果😍飲得出係綠茶加好足份量既新鮮芒果肉打成沙冰，仲有芝士奶蓋，我初頭有d驚好漏，但配埋一齊一D都唔漏，仲好夾!!!芝士火火: 火龍果配芝士奶蓋聽落好似有D怪，但飲落去都唔錯，都係有綠茶底既，好fresh既感覺，唔會太甜不過我自己飲完2杯都係最愛芝士芒芒，太正啦❤我會得閒再番嚟飲架😎P.S. 員工好有禮貌，抵讚👍

之前有飲過旺角果間東喜茶，同喜茶有d唔一樣但都係好飲！所以知道中環都開左東喜茶就即刻去試！朋友在門口見到佢個超級水果茶，個圖超吸引！水果多到去杯底，雖然要成$42一杯，都決定要試一試！點知出到黎我同朋友都呆左！成杯只係得一片紙咁薄既蘋果，同一粒檸檬，同佢既圖片完全係兩件事！雖然圖片只供參考，但係實在差太遠！水果茶重點係鮮果！但佢完全無鮮果！其實只係綠茶加一片蘋果同檸檬，味道就係綠茶，但竟然要$42蚊一杯！真係有種被騙既感覺！另外既奶蓋茶，奶蓋比起旺角果間少左一半，佢個杯本身有條線位，係指示奶蓋同茶既比例，但佢既奶蓋只係得一半，味道亦好淡！真係好失望！完全唔值呢個價錢！一定唔會再買👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

身為芝士fans見到東喜茶芝士奶蓋當然要試下，今日點左芝士火火（火龍果）10分鐘就有岩晒吾鐘意等既我，芝士口感濃滑，好有芝士味，果汁真材實料，無叫小甜但甜度適中，感覺係生果自然既甜味，芝士同火龍果都好配合，無揀錯。鋪頭有d遠，要行上擺花街，但鋪內乾淨整齊，感覺比貢茶sharetea高檔，最好就係可以係鋪裡面等野飲，吾洗企係街咁熱👍🏻，店內職員會講解點樣飲最好飲，服務吾錯，唯一價錢有點貴。下次再試下芝士茶🤘🏻🤘🏻

自從在旺角的東喜茶飲過第一杯芝士奶蓋後就忘不了那美味，在不同的台式飲品店也點了芝士奶蓋系列，有的還可以，有的無芝士味，試了好幾次後，還是喜歡東喜茶的味道。現在東喜茶已多了很多分店，排隊沒那麼可怕了，是晚在中環店就完全不用等。點了四季春芝士奶蓋無糖，一向飲開玉露茶后，同事話四季春也很不錯，又平少少，就給他一試吧。不知是否新店開張，看得出店員並不熟手，但態度誠懇，感覺還不錯。芝士奶蓋很豐厚，鹹鹹地跟回憶中味道差不多，但四季春茶味較濃，濃得有點蓋過芝士味，個人還是喜歡玉露多一點。先用45度角飲茶及奶蓋，飲到咁上下先攪混來飲，兩種口感，兩種味道，就是好喝不解釋。35蚊杯其實都幾貴，但真係好好飲，一試難忘，已經導左好多同事入坑，哈哈。