東喜茶 (Closed)

最近天氣咁熱，日日食完飲都想買杯凍野飲下。中環來來去去都係個幾間台式飲品店，今日終於俾我發現擺花街開咗間新嘅台式飲品店！就係東喜茶！成日都聽到人地講話佢地嘅芝士飲品都好出色，終於都有機會一試。一係唔飲，一飲就當然叫最邪惡嘅Oreo芝士可可。因為我個人本身比較怕甜，所以店員建議我可以點‘’無糖‘’，因為佢地本身自己煲嘅可可都已經有D甜味。呢杯Oreo芝士可可嘅芝士好creamy, 加上Oreo碎同埋濃郁嘅可可味，成杯野嘅味道同口感配合得剛剛好！非常好飲！可能因為揀咗‘’無糖‘’，飲完又唔會太漏！如果鐘意飲朱古力嘅話，呢杯係十分推介！雖然佢啲茶價錢可能俾天仁或者其他台式飲品店貴少少，不過我覺得物有所值！會再幫襯！