東喜茶 (Closed)

鮮奶靜岡抹茶.HK $25HK $20 👈🏻 岀示全日制學生証八折.抹茶味濃郁，奶味重。.岀示學生証會有八折。.東喜茶 Heeretea地址 : 觀塘開源道63號地下A6號舖(港鐵觀塘站 B2 出口, 步行約3分鐘)電話號碼 : 64814645營業時間星期一至日 12:00 - 21:00.

行過見到點會唔黎試下。呢間岀名飲奶蓋🥤見咁多人話好飲都有興趣試下...黎到都多人排隊 都等左陣。見到紅火龍果咁特別就叫呢樣！佢啲芝士奶蓋微咸 都滑既 但有啲似豆腐味野飲點左微糖 杯野火龍果味較淡 唔知係咩微糖關係

係觀塘行街突然諗到附近有間好出名嘅東喜茶，朋友飲過話好正，就點左杯水果茶之前係台灣試過一芳嘅水果茶，價錢記得係大約港幣20蚊內，覺得好好飲，而東喜茶就盛惠42蚊，諗住咁貴應該會對得住佢嘅價錢，試左第一啖覺得好淡，無咩茶味又無咩生果味，開頭以為佢無搞混，點知飲哂成杯都係淡，而水果方面有百香果、西瓜、蘋果同橙，食落都係無味...一杯水果茶又無水果味又無茶味，好失望...

老婆好喜歡喝奶蓋類飲品，只要有連鎖飲品店係附近而佢又口渴嘅話就一定會飲，相信各大連鎖店既奶蓋佢都飲過，看來我應該封佢做〈奶蓋達人〉。今日經過觀塘的〈東喜茶〉，佢又沖左過去了。。。明明佢上次先話好失望。除左〈芝士莓果〉，仲有好多時令推介飲品。失憶既她等左大約十分鐘就飲品到手。淨睇賣相都唔差，奶蓋範圍大(但其實較稀)。不過最失望就係所謂既莓果，只係d有莓味的糖水，極其量的係有莓籽的糖水。絕對無果肉，一！粒！都！無！雖然poster無標榜過話會有，但你收我成42蚊杯，係咪應該有少少良心呢？腳腳亭30蚊，貢x22蚊， 東喜茶你當所有人都係傻的嗎？？！

之前都無飲過芝士奶蓋，一直都驚太「漏」，怕食唔落其他嘢。但係觀塘行到熱熱哋，朋友又想飲下，咁就試下啦～一去到，撞正放工時間，門口都有十幾人，等拎嘢飲嘅人多。由於想試啲清少少嘅，但一場嚟到又好想試佢特色嘢，所以叫咗綠研（綠茶）加芝士奶蓋。原價$33，但學生有8折，折咗之後$26。等嘅時間唔算耐，大概5-8分鐘就有了。拎嘢飲嘅時候，女店員問我飲過呢款飲品未，我話未，佢就好細心咁解釋，話唔好用飲筒飲，一開頭會飲到芝士奶蓋，飲飲下倒斜少少就飲到綠茶。到朋友拎啦，個男店員淨係講咗一句「就咁飲得啦」，哈哈唔同人真係會有唔同待遇～第一下飲入口，芝士味好濃，而且打到好綿滑，唔係死實實的。再飲，就飲到綠茶，啲綠茶好清，中和返好濃烈嘅芝士味～

收工10點經過觀塘，見到平時排到人山人海既東喜茶竟然唔駛排隊！ 就決定去買杯嚟試下究竟有幾好飲，睇下點解賣要成$28 /杯咁緊要！我點左杯芝士奶茶，杯茶鋪滿濃濃的芝士，特別在唔駛用飲管，個蓋有特別設計，要打斜45度，先可以品嚐到芝士加奶茶融合在口中的味道！第一啖入口會係酸酸甜甜既忌廉芝士，呢個時候千祈唔好放低杯，繼續打斜多一陣，香滑既奶茶就會隨之而來！我覺得芝士混和奶茶的味道好特別，令本來茶味香濃既奶茶變得更滑，嗰種口感真係好難用文字形容！ 留在口中既茶香亦久久不散！非常過癮！最後我相信只要飲過既朋友，都因為芝士鋪滿茶面，一定會變成聖誕老人既樣子！平時d手摇飲品飲到有d悶的話，一定要試試這個！

閒日無無聊聊的時候，又剛好經過茶飲店，便會忍不住買一杯飲料慰藉一下自己。其實我的身體並不需要那杯飲料，只是‘口痕’而已。常常‘口痕’的我，基本上已經把所有開在香港的連鎖茶飲店都試過一遍。當中品質與味道各有不同。在我心中，的確是有覺得它略高一等的茶飲店，但也只是略高一等而已，還未讓我心動到要刻意蹺遠路也要喝的茶飲店。這天，跟朋友在工廈吃完午飯後，閒逛著剛好發現了這間飲品店。同行友人突然激動的說，這間飲品店超好喝的！雖然我半信半疑，但因為剛好上一頓飯沒有點飲料（因為有點貴），當下還真想喝一杯冰涼的飲料。既然價錢比旁邊的店貴上一倍（部分產品），品質應該也差不了那裡去吧！飲品選擇有最普通的清茶，珍珠奶茶，還有這裡獨有的水果茶，芝士奶蓋飲品等等。因為本身是草莓控，又聽友人說這裡的芝士奶蓋超好喝，所以點了芝士莓果。雖然這杯飲料花了我42個大洋，但光看外表，就讓人非常有‘飲欲’！大大杯不說，下層是用真材實料的草莓，藍莓加冰塊打成的果汁，上層是濃厚的芝士奶蓋。單是用料的成本價也起碼比普通的茶飲店貴一、兩倍了吧！雖然很忙碌，但店員還是細心的告訴我飲用方法。先打開黑色小蓋子，把小蓋子放在前面的白色凹位，然

今日去做facial ,經過東喜茶，可能有部份人新年未開工，又時間尚早，所以唔駛排隊，立即買黎試試先買左芝士奶茶，入口香濃芝士味，微咸，滑滑的，好味唔怪得平日咁多人排隊，值得推介

今日同個friend 去觀塘行街見到有個地方排隊排長龍就好奇睇下，點知原來係內地喜茶嘅分店叫東喜茶，因為網上好有名，本來都打算上大陸去試，但而家香港有，咁我哋就諗住試下。我哋試左金鳳茶王同芝士莓莓，但佢哋只有芝士桑莓，咁我哋只好試芝士桑莓，當試左後我先知道點解咁會有咁多人，因為真係好喝。價錢可能有少少貴，但我覺得值得咁貴，因為真係好喝！ 而且收錢嗰個哥哥好好人，會問我哋喝過未，我話未，佢就教我點喝，真體貼！

東喜茶一直出名於排長龍，難得開始進駐香港，梗係要去打下卡！今次去試左佢一杯夏天特飲，芝士火火，因為全果汁嘅關係所以都要成四十幾蚊一杯， 但生果野係咁上下㗎啦，其實個LINE我又唔覺得出色過其他鋪頭，但係叫做試吓囉，如果我想飲果汁我都會再買嘅。

其實點為之一杯好飲既台式野飲？見仁見智。平時都有飲開珍珠奶茶同埋鮮泡果茶，價錢都係20蚊左右，而呢間東喜茶，第一次黎既時候，睇完價錢我即刻講左句粗口，點解可以貴到咁？但朋友講到真係好好飲，又咁多人等，我信佢一次，第一次比左錢飲一杯同lunch一樣價錢既台式野飲(佢係中國...)第一次飲滿杯紅柚，佢真係充滿紅柚肉，啲味唔係用糖水沖出黎，好清新，貴都貴得叫有價值既。飲左一似，好飲係會返轉頭，今次更貴，挑戰芝士！呢杯係芝士莓莓(右)，下面係有d似草莓沙冰，上面係芝士奶蓋，呢個唔可以用飲管，要打斜飲先可以一次過飲到芝士同草莓沙冰，哇，一入口，啲芝士超濃，口感一啲都唔水唔稀，個層次同下面夾得超好，係我係台式飲品入面飲過最好味既芝士！飲完幾日，好想又再飲過

己經係第3次飲呢間野啦，果個位突然開左好多飲品啊，甜品舖我其實都好少特登去買呢類飲品佢真係幾貴既但好飲過d乜乜台式飲品今次我飲呢杯要成$35 靜岡抹茶杯野無左奶同芝士就唔好味一定要聽佢講45度角飲如果唔係試唔到兩隻味如果唔係咁貴會比好皮既，平多$10就差唔多覺得唔值得成30幾蚊杯囉而且好大杯，兩份飲試下都夠但不得不講前面一有7,8杯以上就等勁耐囉，上次見得兩個人等，點知果兩個人order左10杯，等左半個鐘先有

經過🔻東喜茶🔺見到有珍珠奶茶，當然要一試🔥珍珠奶茶 | 熱 | 少糖 | HKD25奶茶其實並唔係好熱，只是稍暖，而珍珠卻太過冧，一啲咬口都冇，而且無乜味，煮得有點過了而奶茶因爲少糖，飲到茶澀好香，但奶唔夠，飲吾到奶既順滑🥛或者試翻佢主打既果茶可能更好

嗰日觀塘東喜茶新店開張，有折扣優惠，毫不猶豫咁同朋友買咗一人一杯！我朋友介紹我飲芝士奶蓋加oreo曲奇，飲法非常特別之餘，味道亦都好特別，真係好過癮㗎！從來都冇飲過咁好飲嘅芝士奶蓋，值得再試!

聽身邊朋友就大陸的喜茶很正!可惜笨媽很久很久沒返大陸😞一直都嚐不到...觀塘的東喜茶, 經過很多次, 但人流太多關係都沒有等今日拎起心肝, 等一次吧！看看水牌, 有純茶🍵, 有加奶的🍼, 有加芝士, 有加水果的🍋!我最好選了 超級水果綠妍 $42！等了15分鐘以上😌😳見到職員切切水果, 感覺很正😊超級水果: 甜橙🍊, 檸檬🍋, 西瓜🍉, 百香果及蘋果🍎加上綠茶底, 的確不錯!!如果價格可以下調一下更好😉評分: 5⭐最好食物: ⭐⭐⭐⭐環境: ⭐⭐⭐⭐價錢: ⭐⭐服務: ⭐⭐⭐