東喜茶 (Closed)

某天在深水埗的黃金/高登看電腦，口乾乾的大家當然要買杯野飲。而就在電腦商場外的街道，是食肆、小食店同茶飲店林立的地方。當日，心中想著的，是一杯珍珠奶茶啊。當然，街知巷聞的品牌店一定有，但當中，我們見到一個新名字叫《東喜茶》。當時會心一笑，幾時連大陸既 "喜茶" 都來一個翻版。見新開，見名字有點意義，決定一試。他們的珍珠奶茶做特價啊! 咁就一杯珍珠奶茶啦。這其實是一杯好普通的珍珠奶茶，好的是茶味比較濃香，不好的就是奶味不夠好。奶的味道是有的，只是入口沒有奶香而已。如果他們用的奶可以改善一下，相信會更好。具體說，這是一杯好普通的珍珠奶茶。雖普通，但其茶味正，又幾好的。佢抽 "喜茶" 水，來一個 "Don't 喜茶" 又幾好玩。雖然，都係大陸品牌，但出現得比 "喜茶" 更香港，更親切。

深水埗搵黃店好似掃緊街咁😂🔹芝士黑提 $27🔸香芋珍珠奶茶 $23朋友嗌嘅芝士黑提好飲！芝士好濃厚，攪勻飲有啖啖芝士香，黑提飲得出有果肉～至於我嗌個杯就不了，唔係我想像中嘅芋奶，一飲就知係溝出黎，不過珍珠都幾大粒同好咬，當醫下肚先。下次可以嗌返芝士奶蓋類～ps出示學生證有半價有放pepe有memo紙但已不是前身不知是否還算黃的店臻茶 (前身是東喜茶)深水埗福華街132-134號貴華樓地下C2A號舖

今日去深水埗買d電腦零件，咁啱經過東喜茶有特價珍珠奶茶，所以買杯試吓，d珍珠好彈牙，奶茶味道都ok,奶茶味好濃郁，以18蚊一杯都算好抵，下次可以試埋其他款式，其他奶茶類都有9折。

落左幾日雨 哇今日熱到傻一杯冰凍既飲品真係可以降溫幫到唔少～但熱辣辣唔想飲奶茶、奶蓋怕會好滯經過“東喜茶HEERTEA”勁多人排隊喔～今日有優惠：所有奶茶系列7折/芝士水果系列第二杯6折岩曬～毫不猶豫買水果系列東喜茶個feel同喜茶激似 又係賣同一類型既野 價錢相約 連飲品名都似到十足唔知真係分分鐘誤會左mix up兩間！買左“芝士芒芒”（$42）同”芝士哈哈”($42)兩杯芝士夠厚 味道飲落似乳酪多過似芝士～芒果同哈蜜瓜沙冰好refreshing 消暑一流唔會甜到飲唔出果味 不過整體既味道屬偏淡⋯⋯我飲開喜茶 東喜茶第一次幫襯 所以一飲就有比較但每個人口味唔同 好似同行既妹妹就幾鐘意～哈哈！一人一票！打和！

自從上完深圳飲過喜茶後就愛上左佢個芝芝芒芒🥭🥭🥭🥭由於香港既喜茶實在要排隊等太耐今次就試下東喜茶既芝芝芒芒睇下可唔可以同喜茶比美東喜茶既芝芝芒芒不比喜茶便宜要$42一杯💲💲💲外表上同喜茶既芝芝芒芒無異但飲落就確實有好大既分別！！！喜茶既芝芝芒芒係有好濃既芒果味之餘 仲可以食到新鮮芒果果肉但東喜茶既芝芝芒芒 芒果味比較淡而且冇新鮮芒果果肉層次冇咁豐富只係飲到芝士加芒果汁有點兒失色.....

今日去左深水埗探朋友的寶貝兒子，點知落雨😊又無攞🌂😢，避避下🌧️竟然見到有間東喜茶！真係估唔到深水埗都開左間東喜茶了，因為落雨關係天氣都有小小涼，但係做為東喜茶的忠實fans梗係要幫襯啦😋見到好多人都買芝士乜乜⋯⋯但我怕肥最後都係揀左琥珀珍珠奶茶＄30蚊，有得飲有得咬避雨就唔怕悶喇😆等了大概6分鐘有了！黃黃的珍珠好有咬口且甜甜的好好味😋啲奶茶又好滑⋯⋯不知道是不是因為靚女關係⋯⋯店員服務態度真的很不錯以後再過深水埗一定會再幫襯你哋

琴日經過深水埗福華街行街，突然口淡淡，買咗一杯凍－桃子小姐，價錢雖然貴咗啲＄39等了5、6分鐘🧐~有桃肉加沙冰好有口感~味道很清新，值得一讚👍😋😋😋😋

今日下午與朋友在深水埗lunch，路經東喜茶,經職員介紹後就買咗杯芝士抹茶。價錢雖然唔平，但係飲後發現抹茶唔苦澀夠香濃，的確有驚喜。下次要再去揾佢哋介紹下仲有乜好嘢

2018.11.21等人無嘢好做～咪買杯嘢飲囉～經店員介紹～花樣石榴同芝士石榴~最後我揀左花樣石榴＄39食物新鮮程度🌟🌟🌟🌟🌟即叫即製食物適合溫度🌟🌟🌟🌟夠哂冰凍，應該都要吖最重要既係食物有驚喜，最驚喜佢無浸糖水，個杯仲好靚～店員服務態度🌟🌟🌟🌟🌟重遊指數🌟🌟🌟🌟🌟原因下次我要試下芝士石榴係唔係都係咁好

最近俾東喜嘅芝士火火洗版，個個都話好好飲，究竟芝士同火龍果有幾夾，飲過至會明白～～ 芝士火火＄42首先個杯就落足本，厚硬身既膠杯，杯蓋上既洞口有個黑色小蓋，未飲完可以先蓋返可以防漏。上面既芝士奶蓋非常棉滑，係真芝士味，唔係粉開㗎，好正下面係火龍果汁，甜度剛剛好，估唔到同芝士奶蓋味道好夾，仲好足料店員又好有耐心咁講解點飲會更好飲～

東喜茶竟然喺深水埗開店，真係有啲受寵若驚。之前睇過餐牌，都唔平呀，都要30蚊以上。見一杯野閒閒地都40幾蚊。見好多區都有開，又喺屋企附近，放工就去買杯最簡單嘅珍珠奶茶試下。點知……珍珠奶茶超難飲，仲要賣30蚊。我過隔離買黑糖珍珠鮮奶都冇咁嬲！珍珠硬到似橡膠，一啲都唔好食！呢杯野似喺茶餐廳買多啲。呢間店，相信做得唔長。飲品貴之餘仲有好多競爭，唔係抱住試嘅心態，相信都唔會買。其實30蚊買杯咁嘅野，真係好唔值……我知佢地喺Yahoo有做團購，不過咁樣，我連團購都唔想買。

雖然唔係喜茶, 見新開張都買黎試下咁....芝士金鳳茶王 <<<  正常..茶味唔算突出...但芝士味都唔會太鹹...味道簡單舒服芝士石榴<<<  石榴加少少奶加少量冰打到稀奶昔咁上面加芝士...口味好夾, 石榴沒有好假的甜味... 但所用的外賣杯蓋同茶王的不一樣,無咁方便飲到芝士....夏天飲唔錯超級水果綠妍<<<  呢個好麻麻, 可能係香港靚的水果都係貴貴地,所以睇得出,杯中水果都係平價貨, 做出黎的味道自然..真係唔算好味......水果茶我都係中意一芳的

我本身不太喜歡飲珍珠奶茶的，有日路經深水埗東喜茶，見有杯芝士芒芒，也聽過朋友讚不絕口，於是便決定一試，果然很’正”,芝士夾芒果味道很夾，芒果很甜，飲一啖已經覺得與別不同，因為是新鮮生果打的，價錢雖是比一般貴，但包裝，新鮮生果，加埋這個好味芝士，我覺得這個價錢值得，期待下次再幫襯😋

一望menu，感覺貴！試營業期間都係覺得貴！飲品茶味都冇，芝士又一般！又唔照順序做單出單！杯蓋設計又唔好！飲品又冇咩口感！唔想再買第一次！冰又化的快！叫小冰同走冰冇咩分別！

幫襯左幾次，感覺上旺角那間味道較好。上次點了杯芝士茶熱飲，極難喝，不知道在喝甚麼。今次點了杯芝士火火，即是芝士火龍果，顏色好靚，影相一流。可能是小甜的關係，是無味的.....