喜馬餐室

Open Now

Now Closed

話說同朋友行完山,落反商場見到呢間餐就諗住試下其實只係睇到佢個裝修都已經唔敢有太大期望,之後發現呢間餐廳的服務更加係差到天下第一。問待應攞位,果位四眼待應呀姐黑哂口面大大聲話:滿哂呀你等下先啦!我地當場呆左係度,我心諗而家我得罪你咩我都係想食餐飯。好聲好氣講完之後仲要西口西面座左入去點餐問下佢有間咁的野廳會推介咩野食姐,點知又係黑面係度串我話:見餐牌有咩你咪叫咩囉(下省千字)食物的質素我更加唔識講,叫左個叉燒蛋飯好似食泥咁總括而然呢間咁的野係一間又貴又難食服務又極差的餐廳!

黎過呢間餐廳食過，一定唔可能再黎。 呢一間咁經典嘅餐廳位於天馬苑，午飯時間好多人 ，眼見好多地盤工人入咗去食嘢， 原來呢一個商場因為大裝修嘅關係，得返一間餐廳。  冇辦法冇得揀， 唯有入去食。 侍應服務態度好差，十問九唔應， 有一個疑似老闆嘅態度仲差。 望一望佢menu，啲lunch平均50蚊起計，於是乎我揀咗一個咖哩雞扒飯。 咖哩汁係甜嘅， 相當之唔大眾化嘅咖哩口味，雞扒好大陣雪藏味 ，份量好細 ，拎出嚟好似俾人食過咁。 凍奶茶淡而無味好似溝咗十杯水落去咁。奉勸大家呢一間唔好再去 ，我同我嘅同事一致劣評。

住天馬苑樓下唯一茶餐廳真係有得揀都唔會揀佢.. .見天氣熱，又唔想行唯有食啦間餐廳係換咗個老細嘅，見啲老細係後生嘅.. .應該會做得比之前嗰間更好.. .自己都好開心，終於有新嘢食後來發現佢哋啲侍應態度差冇眼睇.. .不過算啦...我都係買嘢食... .都唔會係佢哋餐廳度食嘢，都係買返屋企食今日落樓下買嘢食，我企起個收錢位度叫嘢食，咁個門口就係我隔離，個侍應居然叫我幫佢”山”返隻門.. .果下真係o咗嘴幾秒，但係我都有幫佢”山”番埋隻門 ... .因為果下我真係好肚餓，我驚我同佢嘈佢，係我啲嘢食到落野-當時個餐廳起碼有五個侍應，企喺度.. .餐廳都勁少客人.. .收錢嗰位待應都係門口隔離-一嚟佢唔應該叫客人做呢啲嘢，你話如果間餐廳勁忙我都算... 順手幫忙，仲要幫佢”山”唔該都冇聲以後我寧願流哂汗都要落樂富食嘢，都唔會再幫襯!!!基本禮貌都無，就算啲嘢食幾好味都冇用，食到一肚氣.. .重點啲嘢食真係普普通通，真係樓下冇嘢食先，先唯有食..

一間完全不能接受的餐廳天馬苑唯一有野食的餐廳，完全冇選擇下也只好入去食,本人已試過哂早,午,tea同晚餐!都係同一個評語,有得選擇都不會再去!說說正題:今天下午去食tea,tea要1430先有,我早咗入去,佢都比我坐下先叫,都好!點知夠鐘,想叫野食,我自問算係客氣既人,但佢一句冷淡冇情的(等陣啦)！叫咗另一個人幫我落單,算,為食野者跟著叫個星米,黎到都算熱既,但成個星米全冇 咖哩味,仲要淡到冇味咁,tea都算係細碟,好彩杯凍OT是正常貨品但一個咁既餐,要成42元,真係.....太過火了!食之冇味,棄之可惜都係果句,有得選擇,我都唔會再去!

前身嘅"和喜"真係難食到冇朋友，所以喜馬開業前班街坊都冇乜期望，仲話同大X樂平手要去還神😂 終於開業喇！早餐嘅雪菜火鴨絲米好吃，米粉軟滑比樂富間瑞士好得多，味道亦唔錯！菠蘿油焗得熱辣辣好好味😋 奶茶正正常常好感動！(以前和喜嘅奶茶真係喝不下，仲有洗潔精味...) 午市吃過肉絲炒麵亦唔錯！剛開業落單出餐有些混亂，人手亦不足，但看得出老闆有心做，一定會繼續幫襯，希望越做越好！

新開一試屬日冇煮飯,就落樓下試試新開茶記入到去人唔多,地方都ok,同仔仔去叫咗一個餐(咸蛋肉餅)咸蛋都唔到有咩特別,肉色較深,肉較實,汁都可以我想講的是,一個餐要7x元,加個白飯,12元共8x埋單,我覺得比較貴,我去酒樓都得啦！唔多化算