喜馬餐室

Open Now

Now Closed

係兩日試在喜馬餐廳，食物水準好好味👍💪食得一連裏面擺放食物都好整齊盞外賣包裝，做得整潔整齊冇外漏非常好👍會繼續嘗試其他食物！ 💪✌️值得一讚👍連盒內食物都放得整齊，三文治，炒蛋會分隔👍💪❤️加油，繼續努力。

again點的是外賣，送到九龍塘飛速，好快就到了。點的菜品是麻辣米線，加了牛肉丸肥牛芥菜，總體感覺一般般吧，和學校飯堂出品的米線味道一樣，辣味也是差不多味道….不是很好吃也沒有很難吃

今日就來到天馬苑商場食早餐 卡位坐得都舒服 餐牌大至都係個啲 一個粉麵配兩個餸跟個多士 叫咗沙嗲牛肉意粉 雙煎🍳蛋多士 🍞🍞熱奶茶 個餐都來得快同埋夠熱🔥🔥多士香口熱辣辣 其他野食都係正常味道不過不失 餐廳老闆十分好人 知道我帶住小朋友特別安排遠離風口位置 櫃面姐姐都好好 上野食個時都好小心 同避免小朋友玩食完嘅碗碟都收拾得好快 十分幫忙 溫馨提示所有野食外賣自取都有九折 👍🏻👍🏻大家有機會可以試試👍🏻👍🏻

今日朝早喺deliveroo嗌咗個外賣早餐，但係裝住多士同炒蛋個外賣盒穿咗幾個窿，好似比老鼠咬爛咗咁，非常恐怖，成個外賣即刻揼咗。連外賣盒都可以穿窿，呢間餐廳嘅衛生狀況令人懷疑，絕對唔會再嗌呢間。

Staff attitude varies depending whether you are a regular customer or not 😅. Used to have free Cantonese soup to go with dinner menu but now no longer available! Double boiled soup are charge quite expensively.Overall food is better than my home cooking 😜 and standard menu are good value. They also offered delivery which saved me a mask and changing clothes to go down & eat 😋🥢🍴

首先我喺用foodxxxxx apps落單，點知佢話無法使用現金下單，我就再試左幾次，點知隔左一陣系統話我接左單，幾多分鐘後送嚟，仲要係三單打孖嚟🤦🏻‍♀️，但系統內我的訂單裡就無呢幾張單喺度🙈。然後我打電話去喜馬餐室問，接線員好有耐性咁話無收過訂單，仲好好話幫我打去foodpxxxx服務台查詢,最後係查唔到有，餐廳接線員就話佢地自己送過嚟，我望一望路程都唔近，大約1.7公里😓佢地都肯幫我送👍仲要平過apps叫20蚊最後仲要唔駛20分鐘外賣就送到，嘢食方面係真心好食過樂富商場大部分茶餐廳👍真正要讚一讚呢間餐廳咁遠都肯自己送過嚟

咩都唔想講！炆牛腩酸的太散！蒸排骨一睇就係蒸好耐又係酸。。。好酸，而且2種色仲好柴好乾！粟米魚同肥牛粉丝煲就可以，不過而2個應該無可能整唔好！胡椒豬肚湯味道就非常可口，好味！牛腩要控制好頭水火候，不能炆浸太耐！排骨醃料落完后封油放雪櫃備用，汁不需太多且商用蒸櫃8至10分鐘就好！（看功率）

　家人生日晚飯，決定試下呢間的小菜，一上菜，份量多到個個嘩一聲，每個小菜送埋白飯同熱飲，價錢實惠，味道都唔差：　1. 鮮淮山炸青斑塊 ($82)－－　　鮮淮山好爽口，青斑啖啖肉，　　不過略嫌芡汁太多、太濕滑，　　如果乾身少少會更好。　2. 冰梅焗豬扒 ($69)－－　　沙拉骨間間有，冰梅骨就少見，　　家人最愛呢味，每次見到都即點；　　「冰梅」即係冰糖煮話梅。　　呢碟唔知點解會用蝦片伴碟XD　　總之係惹味之選，　　今日天氣熱最想食酸酸甜甜（無京都骨咁甜），　　好肉、又有超過十舊，　　宜家疫情谷到豬肉貴晒，呢碟堅抵食。　3. 蜜椒腰果薯仔牛仔骨 ($69)－－　　牛仔骨好肉，唔多覺有骨，　　蜜椒我落單果時以為係彩椒，　　點知原來係蜜糖同黑椒，夾埋炸薯仔好香口　　腰果都有廿幾粒，出手又係好闊綽。　4. 海鮮粉絲雜菜煲 ($69)－－　　海鮮有淡菜螺片魷魚，　　雜菜就西蘭花菜心同白菜，　　調味正正常常，又係勝在份量超多。　整體味道係有驚喜，我俾80/100分。好彩我地自備餐盒裝走剩菜，而且無收加一，可謂良心小店，值得支持。　另外，之前有買過外賣晚市快餐：蝦醬通菜炒牛肉 ($48)，都係好味但濕

行完獅子山路過「喜馬餐室」，原本只是想買外賣小炒，在門外看餐牌，侍應邀請入店鋪安座慢慢楝，我看見餐室見客人不多，就進入餐室坐順便休息一下。怎料坐下看餐牌，就想吃埋下午茶。咸牛肉炒蛋豬仔包、黑白西多士、香煎雞扒配薯條，餐茶凍&熱凍奶茶，平均每位消費$33，價錢都合理。香煎雞扒配薯條配餐，熱騰騰就無得輸。咸牛肉炒蛋豬仔包，炒滑蛋很可口，配咸牛肉令口感豐富。黑白西多士，朱古力醬、練奶和牛油又香又甜勁魔鬼，幸好三人分享和分擔！外賣自取（九折）咕嚕生炒骨配白飯$63，味道都可以的。

正在裝修的天馬苑商場，相信假期到獅子山郊遊的都不會陌生，如果落完山見肚仔餓，的確選擇不多，但起碼有間喜馬餐室。論早餐午餐來說，的確有改善空間，但論晚飯小菜，小炒燉湯，火鍋雞鍋，水平真心合格而且令人滿意。鄰近的家庭聚會，或者行山聚餐。是不妨一試那住家味道的餐室，魚香茄子煲，沙拉骨等是推介，而一定要叫的真心絕對是，一窩可以兩份飲的是日燉湯，足料無味精，比自家煲的方便快捷。👅美味: ⭐️⭐️⭐️⭐️/5✨環境: ⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️/5💆‍♂️服務: ⭐️⭐️⭐️⭐️/5

20190628 老婆今朝請病假，叫我幫手叫外賣，因為屋企附近冇咩食，叫左依家喜馬餐室老婆揀咗個餐：牛扒，炒蛋，火腿，茄汁豆，番茄，多士連埋杯嘢飲：$44 簡單是但食個早餐，無咩要求啦

返完夜班，有老公接放工，那那聲返屋企係樓下食早餐就算了。呢間茶記係天馬苑唯一一間的食市，所以好又一餐，唔好又到餐。佢而家轉左新餐牌，本餐牌望落去比以前乾淨左好多我叫左五香肉丁麵 配厚多士同腸仔炒蛋。本身叫左個麵要半生，但當然佢地係無幫我安排度呢度招牌出名係炒蛋，個炒蛋無令我失望，有香滑既蛋汁 配有蛋香味，食落去好嫩滑，唯一淨小小係隻蛋可以再熱d個厚多士麵值得一讚，熱辣辣既麵包配上香濃既牛油，牛油浴左係麵包入面，咬入口，外脆內軟，好味🤭🤭

貴店的服務態度真係差到一個極點！員工還好，老細既嘴臉同個好高既收銀既嘴臉先黑人憎！好似每個客人入黎食野都係乞求野食咁樣！再唔改善下你地既態度，真係好難接受！客人既容忍其實係有限度既！野食同之前前身既和喜比亦都係差天共地！改善下啦！最基本既胡椒粉同辣椒油都冇提供，反而比辣椒醬同黑胡椒粒，認真與眾不同！環境方面其實都係麻麻！個地下長期痴粒粒，天花又簡陋，如果唔係天馬苑係食物沙漠，你地真係搵鬼食啦！都係個句，唔改善最重要既態度，只會慢慢步向結業！客人都唔會buy你呢種態度！重點又唔會平！而係比樂富廣場既貴同難食！

話說同朋友行完山,落反商場見到呢間餐就諗住試下其實只係睇到佢個裝修都已經唔敢有太大期望,之後發現呢間餐廳的服務更加係差到天下第一。問待應攞位,果位四眼待應呀姐黑哂口面大大聲話:滿哂呀你等下先啦!我地當場呆左係度,我心諗而家我得罪你咩我都係想食餐飯。好聲好氣講完之後仲要西口西面座左入去點餐問下佢有間咁的野廳會推介咩野食姐,點知又係黑面係度串我話:見餐牌有咩你咪叫咩囉(下省千字)食物的質素我更加唔識講,叫左個叉燒蛋飯好似食泥咁總括而然呢間咁的野係一間又貴又難食服務又極差的餐廳!

黎過呢間餐廳食過，一定唔可能再黎。 呢一間咁經典嘅餐廳位於天馬苑，午飯時間好多人 ，眼見好多地盤工人入咗去食嘢， 原來呢一個商場因為大裝修嘅關係，得返一間餐廳。  冇辦法冇得揀， 唯有入去食。 侍應服務態度好差，十問九唔應， 有一個疑似老闆嘅態度仲差。 望一望佢menu，啲lunch平均50蚊起計，於是乎我揀咗一個咖哩雞扒飯。 咖哩汁係甜嘅， 相當之唔大眾化嘅咖哩口味，雞扒好大陣雪藏味 ，份量好細 ，拎出嚟好似俾人食過咁。 凍奶茶淡而無味好似溝咗十杯水落去咁。奉勸大家呢一間唔好再去 ，我同我嘅同事一致劣評。