囍源古早蛋糕 (Closed)

一去到舖頭就見到打緊蛇餅，原來啱啱出爐左一底原味蛋糕！再望一望餐牌，更加係眼花撩亂，多得店員推介，先揀到今日呢兩隻味！一隻甜，一隻鹹。（非常欣賞店員嘅熱情）👍🏻芝士肉鬆👍🏻特級骯髒蛋糕底超級鬆軟，絕冇燶邊！兩款口味都能夠做到入口即溶嗰種古祖味蛋糕嘅特色。而且餡料非常多，芝士同肉鬆非常之夾。甜蛋糕方面就算叫咗朱古力味，甜度都唔高，因為舖頭選用左少油少糖嘅配方。切開後，朱古力醬仲爆瀉哂！💡店舖可以打電話落訂，咁就唔使去到排隊。

之前已經知道深水埗北河街囍源古早蛋糕係正宗古早做法，而且有不同嘅味道，所以今次專誠再去買其他味道比屋企人試。今次揀左黑芝麻及骯髒2種味道。 顧名思義， 黑芝麻味道古早蛋糕入面有一層薄薄但均勻嘅流心黑芝麻醬喺中間，食落去蛋糕會特別滑而且每一啖都有濃濃嘅黑芝麻味道特別香。而骯髒味即係朱古力味，但係面層鋪滿比利時、意大利及台灣嘅朱古力粒、朱古力粉及朱古力碎，絕對係小朋友嘅至愛。彷彿去咗唔同嘅地方食勻唔同嘅朱古力味道。值得一提既係呢度嘅古早味蛋糕係正宗做法，每一個蛋糕都比較長時間，用上數小時先整到一底，而且係黃金邊黃金底，比較濕潤仲可以放三日都完全唔會有變形。老闆仲親自教我點樣切古早蛋糕先為之正確切法，而且店員介紹左唔同蛋糕嘅味道及口感，份外親切。

古早蛋糕好多地方都有得賣，但想買到正宗台灣風味嘅真係唔容易! 比我係深水埗發現呢間製作正宗嘅小店.......💥正宗古早風味💥囍源古早蛋糕.老闆遠赴台灣學藝深研製法採用零添加的精選食材低糖少油，夠曬健康別具一格的黃金邊、蛋糕底.⭕每日新鮮手工現烤⭕保證入口鬆軟綿密，充滿蛋香.我試左呢2款.💫特級骯髒朱古力蛋糕見蛋糕面點點彩色朱古力粒粒，已夠吸引，加埋多款純朱古力粉，中間夾心純朱古力醬。蛋糕軟軟綿密，少甜少糖，大人或小朋友都好鐘意食。.💫芝士肉鬆蛋糕面層鋪滿係香脆肉鬆，中間夾日本芝士醬，鹹香加上蛋香，配合香軟口感嘅蛋糕，一啖接一啖食唔停口啊！..如果食唔曬可冷藏3天，使用電飯煲約十分鐘就可以食喇。

近期台灣古早味蛋糕當道，蛋糕店開到成行成市，但要找到正宗的原味道，絕不易事。較早前看過一篇飲食報道，介紹一間位於深水埗，上年才開業的創意古早蛋糕店，深深吸引Bookmarked 著。今星期途經深水埗，終於可以買番兩款蛋糕和家人試試😆😆小店的古早蛋糕現有多達60款口味，例如有：芋泥、肉鬆、榴槤、咖吔、流沙黑芝麻、陳皮紅豆蓉等等等等.....夠曬創新，款款都十分吸引🤪知道店主啊Ming 對古早蛋糕熱誠十足，專程到古早蛋糕的起源地台灣學師，一次又一次嘗試和改良，做到這正宗又健康的古早蛋糕。囍源店內自設工房，用懷舊手法每日新鮮即製蛋糕，以3小時#水浴化 製作，用上日本麵粉及雞蛋烤焗。店主堅持低糖小油，真材實料，全用天然原材料，絕不加化學味精味粉。整出來的蛋糕表面全沒爆裂變形，仲能做到金黃的邊底，好靚仔😍口感鬆軟綿密，而且濕潤感充足，入口即溶，食落一點不會口乾乾，難怪咁多老友記都好支持囍源的蛋糕！要將整個蛋糕一口氣食晒絕冇難度🤣🤫1. 芋泥用料講究的囍源用上新鮮原隻芋頭磨成泥，淡淡芋頭甜香，入口香滑再多上粒粒的芋頭，好有質感。2. 肉鬆兩種不同的肉鬆，分別加入蛋糕的中間和表面，酥酥的肉鬆口感大大

叫得小蛋糕梗係鐘意食蛋糕啦，近期好hit 食古早蛋糕，究竟真正嘅「古早味」又係點？ 你食梗嘅又正唔正宗呢？今日黎到深水埗一間全港最正宗古早蛋糕店，見到佢地店內有超過60種唔同味嘅古早蛋糕，好多味都係期間限定架，唔想失望而回記住上網或電話預訂定啦。今日就帶左兩款人氣口味杏汁杏仁同班蘭味番屋企慢慢嘆，切開蛋糕見到蛋糕底同四邊都係黃金邊，有別於坊間嘅燶底燶邊，唔止賣相唔好睇，食嘅時候仲有苦澀味，影響蛋糕嘅原味道。食落鬆軟有蛋香，杏仁味同班蘭味都好香，入口即溶，濕潤綿密，食完唔口乾，健康低糖小油，減緊肥都唔怕食，想試真正古早味嘅朋友快啲黎黎試下啦。囍源古早蛋糕.#囍源古早蛋糕 #正宗古早 #黃金邊#低油少糖 #蛋糕愛食cake #Annielittlecake

台式古早味蛋糕🤩 已經唔係新鮮事，但係要搵正宗，落足心機去諗唔同口味嘅👉🏻只去位於深水埗🥰《囍源古早蛋糕》《囍源古早蛋糕》全港唯1️⃣做出一間黃金✨邊（唔燶邊）黃金✨底（唔燶底）古早蛋糕。佢採用低糖少油，仲自家研發出達6️⃣0️⃣多種口味，供客人選擇，例如：榴槤、核桃、芋泥、檸檬🍋柚子、特級骯髒👽等等， 以「陳皮紅豆蓉」及「擂沙黑芝麻」最獨特☝🏻佢款式咁多，我都揀咗好耐🤪，尤其想試「陳皮紅豆蓉」及「肉鬆芝士」 😋古早蛋糕果然係軟綿綿，入口👄即溶，蛋糕底同邊都一樣鬆軟，唔會烤燶咗。 原來「陳皮紅豆蓉」係用上2️⃣0️⃣年陳皮加紅豆蓉做成，難怪陳皮味特別甘香， 配上甜絲絲的紅豆蓉， 味道難忘🤤。至於「肉鬆芝士」，未打開盒，上層肉鬆肉香撲鼻，而芝士就選用2️⃣種，日本🇯🇵芝士及意大利🇮🇹馬蘇， 所以好軟滑， 唔乾身，同蛋糕嘅鬆軟好夾。

相信古早味蛋糕最近依然係香港係一個熱潮😍周圍都會見到古早味蛋糕嘅店舖越開越多。咁我今次就嚟到深水埗呢一間台灣正宗古早味蛋糕，呢間古早味蛋糕位置方便，喺深水埗A2出口一出直行就可以見到㗎喇，仲要好近文青街-汝洲街。店舖嘅古早味蛋糕係「黃金底、黃金邊」同坊間一般嘅古早味蛋糕唔同😛店員好熱情，同埋好樂意介紹唔同嘅蛋糕口味，甚至可以畀我摸吓佢哋個蛋糕質感添！因為佢嘅蛋糕質感同一般嘅古早味蛋糕唔同，比較鬆軟。而且有成五十多種口味，真係咩都有，見到有咖吔味或者陳皮紅豆味☕️ 另標榜「低糖少油，我嗰日就揀咗鹹蛋芝士味啦同埋芋泥味蛋糕～鹹蛋流心拉絲芝士古早味蛋糕 $75一打開已經聞到好大陣蛋香味😋 店員當時有教我切蛋糕嘅方法，正正因為呢個蛋糕有餡係入面 佢就建議我係中間開始切🔪 將把刀，就好似拉小提琴一樣咁切，咁就可以保持彈性，蛋糕唔會塌曬😍😍 而且亦都唔會影響到佢本身嘅餡料 我跟住咁切，的確切原係好靚！原味蛋糕本身蛋味好出，聞落又香。而且非常特別嘅地方係 - 相比其他一般嘅古早味蛋糕，佢更加鬆軟、濕潤，甚至有啲似梳乎厘pancake咁，真係老人家同小朋友都一定啱，食落去又唔會哽喉或者口乾。至於味道，我

因為上堂原故，固定於深水埗出沒~之前已聽講這呢間香港最多口味嘅古早蛋糕，順路就去睇下~門面就見到好多蛋糕放左出黎✨因為口味有幾十種，每日會提供十幾種味，你想食嘅不一定有😅~我就啱啱好最想試嘅兩隻味都有。個盒一黃一紅非常醒目☺️🥢朱古力🍫作為朱古力控，只要有朱古力味就一定揀朱古力味🍫，今次就見到即揀，舖頭強調少甜少油👍，原先會怕太甜，而家經調節之後係啱啱好😋，食得到朱古力嘅味道又有蛋嘅香味。🥢芋泥聽到老闆講，因為前幾個星期芋頭唔靚，所以芋泥味冇做幾個禮拜，啱啱呢幾日泰國芋頭好靚👍，今日就做咗呢個味~我就做咗幸運兒！中間一層薄薄嘅芋泥，整得好幼細又好滑😌，呢個都係少糖少油，所以唔會太甜，絕對係健康人士之選✨，因為可以食好多都得。📍整體而言，蛋糕嘅質地好軟滑🥚，又有彈性，相對其他古早蛋糕，這個蛋糕的水分多一點，但絕對不是濕~食落口感有啲似日式芝士蛋糕😆，一樣係綿滑有彈性，不過呢個古早蛋糕更加輕盈一啲。鋪頭仲有榴槤同芝麻等等好多口味，下次可以再試下其他！🤔

囍源古早蛋糕 網址: 地址: 深水埗北河街123號地舖電話: 26699888===================源自台灣的古祖蛋糕，在香港已流行了一段時間了。口味眾多，價錢約$50元起，唔同口味輪住出爐，想食到人氣大熱味道是要計岩時間黎。在前幾個舖位前己傳來出爐的蛋糕香，用上了大量雞蛋，加上麵粉，糖同油就是這人氣古中蛋糕的基本原材料啦。因為探朋友仔而他家中有兩個小朋友，就買了兩個小枕頭般形狀，鬆軟氣孔平均，就是入口彈綿的因素。且沒有收腰，是爐溫控制得好才會美美的。就算降溫後仍然是彈彈的，用手用力按下就像海綿一樣，一放手立即回復原貌。低糖低油仲用低溫焗，所以唔會有燶邊燶底,成個都鬆軟唔會乾身。芝士呀，一層芝士有點鹹香，半溶化芝士片又甜甜地，大大啖咬落直頭有幾個層次食到。原味最能嚐到蛋香，唔太甜比老人家同小朋友食健康好多，加杯牛奶做早餐。下次買要提早打電話訂，仲有印仔卡儲滿送一個原味古早蛋糕。老闆對老人家好好，有婆婆買蛋糕但未到出爐時間，比櫈仔同水婆婆坐住等，有愛心蛋糕又好食，一定要再幫襯。

一向都好鍾意食台灣古早蛋糕㗎☺️朋友介紹我如果想食正宗嘅台灣古早蛋糕，就要去深水埗 囍源古早蛋糕買，所以我今日收早就即刻出去買😍.囍源嘅古早蛋糕喺用水浴法造㗎～所以佢哋個蛋糕邊同底都唔會燶～而且仲超鬆軟添！真喺超好味啊！總共有60幾款味道，可以早一個星期預訂喜歡嘅味道，蛋糕面可以印不同嘅印章，就算喺訂做生日蛋糕都得㗎！.食蛋糕都好講究㗎，要喺中間先切一刀，再切成一粒粒咁樣食，好似鋸樹咁樣鋸開，唔好一刀過咁切～咁先可以保持到蛋糕夠鬆軟同口感唔會變☺️頭一晚食唔曬可以室溫保存，第二晚先放雪櫃可以放多三日～🔸特級骯髒朱古力超過10款不同國家嘅朱古力配料喺蛋糕上面，食落每啖嘅口感都好有層次😋而且所有古早蛋糕都喺低糖小油，所以就算喺減緊肥都可以放心食～非常健康！.🔸班蘭自家做嘅班蘭精華，就好似平時喺泰國食嘅班蘭千層糕一樣顏色咁，所以佢哋做嘅班蘭蛋糕喺精華嘅綠色，唔似出面嘅淺綠色，因為出面好多都係用緊班蘭糖粉嚟做，所以顏色就會唔同，你哋記得一定要試吓！

屋企人話朋友介紹話呢間好好食，叫我過去深水埗幫手買。今日正正係爸爸嘅生日，而爸爸都好鍾意食古早味蛋糕，咁就買咗兩個返去當係爸爸嘅生日蛋糕。🤣一去到老闆娘就好用心咁介紹古早味蛋糕正宗做法，佢地係用低糖少油去整個蛋糕，好健康，岩曬我屋企人食！👍原來佢地仲要係每一日都有唔同嘅味推出，想食咩味就要提早預訂。🤤我嗰日去到就有腰果肉鬆，肉鬆，朱古力，杏汁杏仁，拉絲芝士，芝士肉鬆，紅豆陳皮容。咁我就揀咗杏汁杏仁同埋朱古力味。😍杏汁杏仁 （$60）一攞個蛋糕出黎，就見到成個蛋糕係金黃色，好吸引。🤩一d燶都無，好勁！杏仁好爽口，而且個蛋糕非常軟熟！坊間好多賣古早味蛋糕都做唔到咁軟熟，食過咁多間，我覺得佢算係口感最好的。加上個突出既杏汁味，令到你唔會覺得食得dry，真係好香！👍😋朱古力 （$65） 我自己本身係超喜歡食朱古力，所以我自己都偏心買了個朱古力味黎試！🤣蛋糕質感唔洗多講，都係咁軟熟！我好鍾意佢喺中間夾咗一層朱古力醬，朱古力味都夠濃！ 掂！我覺得呢間店舖最勁嘅地方就係佢整到個蛋糕皮係超級超級靚，真係做到去嘅黃金邊蛋糕底，欣賞。另外勁嘅地方就係佢做到超級多嘅味道，都有50款左右既味道俾你揀，真係總

正宗古早蛋糕最近很喜歡吃這家的古早蛋糕。他們用新鮮材料以低溫兩三小時製成可以保持食材的原味，蛋糕又鬆軟濕潤放了兩天都不乾朱古力古早蛋糕： 蛋糕是即埸加toppings！非常新鮮。朱古力用不同國家、不同濃度的朱古力100%可可，不加糖，甜度有層次而不太甜安心給小朋友吃.肉鬆芝士古早蛋糕 ； 軟綿綿的蛋糕中間加入了日本芝士跟意大利拉絲芝士上面有一層鬆軟的肉鬆鹹甜兼備，非常特別紅豆古早蛋糕 ： 蛋糕一點都不甜甜度減少，可以吃到濃濃的蛋香跟中間的紅豆蓉味道都非常配合

自從係台北淡水初試古早蛋糕之後，一直都記住果種鬆軟口感同埋香甜味道。估唔到係香港都搵得返呢種味道，呢間店堅持製作低糖少油，健康古早蛋糕，而且材料都係即日製作，限量供應，絕不隔夜，睇得出佢地真係用心製作架！骯髒朱古力：朱古力香濃，面頭鋪上六層朱古力粉，滿口都係朱古力呀！原個薑汁：每啖都有清新薑味，口感鬆軟綿密，入口即溶，最難得係完全無燶邊，係真正「黃金邊古早蛋糕」去開深水埗，要去試下喇！深水埗一間全港最正宗古早蛋糕店有超過60多款口味，或自訂古早蛋糕

近年大熱既台灣古早味蛋糕開到周街都係，之前試過幾間都唔覺得特別好食，一係就太甜，一係就唔夠蛋香，一係就又塌又燶邊…不過有日去深水埗，喺地鐵站附近見到有間古早味蛋糕行埋去睇竟然有超過60隻味!! 店員超細心介紹，呢度既古早味蛋糕係邊度主張低糖少油同黃金邊底 (即係唔燶邊唔燶底)，門口仲有真既蛋糕做display 結果忍唔住要試充滿空氣感既古早味蛋糕真係無燶邊，鬆軟既口感，濕潤既質地同出面乾爭爭既都好唔同😱 肉鬆味 $70面層同中間都鋪滿肉鬆，蛋糕好軟熟，而且唔油膩，肉鬆唔會過鹹，食完都唔覺得特別口乾。 斑蘭味 $70有清香既斑蘭味，用既係斑蘭油而唔係香精，無色素又唔會有好假既感覺，甜度適中。店員話可以放3日，仲教我用電飯煲既保溫功能就可以加熱，結果真係食唔晒放到第3日，放入電飯煲，仍然係好鬆軟綿密，好似新鮮出爐咁。呢度既蛋糕真係食過番尋味🤤不過雖然口味好多，但一啲特別口味都建議提早打電話預訂☎️如果唔想等，就要留意下佢地既每日款式啦~

宜家啲古早味蛋糕開到成行成市但你又識唔識得食呢～今次經朋友介紹 就幫襯咗呢間喺深水埗嘅古早味蛋糕再買多個比爸爸試下老闆娘好有心機解釋古早味蛋糕嘅細節～咁仔細嘅做法造出嚟一定好有水準～順帶一提呢間鋪頭有成六十幾隻味揀！仲可以提前預訂㗎揀咗兩隻味買返屋企食睇下～連個盒都特別過人㗎～好有記憶點肉鬆味～特登揀比爸爸 佢話鹹鹹香香好鍾意！肉鬆係乾身鬆散嘅 唔會痴住一舊舊！抵讚我就揀咗個榛子朱古力咖啡味古早味蛋糕同好不妨一試