囍源古早蛋糕 (Closed)

係上星期睇到直播，聽到上星期五（23/4）有臻子朱古力味巨無霸做優惠，我就即刻訂左一個啦，佢係用平時既骯髒朱古力味蛋糕再加臻子朱古力醬落去整的！我一直都未有機會試這個朱古力味，今次有機會試啦，好期待究竟有幾好食呢？點解會係佢哋嘅皇牌呢？這是我第五次買佢哋既蛋糕黎試啦，每次都有驚喜，試過既味都有幾款啦，（杏汁杏仁味，擂沙黑芝麻味，紫薯芋泥巨無霸，黑糖腰果，臻子朱古力巨無霸，以及之前寫食評贏左個特別版既芫茜，蒜蓉，羗味蛋糕），今次我都係一如既往咁叫佢哋同事黎送去地鐵站俾我，佢哋真係好貼心咁攞落俾我架，我返到屋企食完飯即刻切左黎試吓，大家都以為朱古力味蛋糕睇落會好甜，但一試之下一啲都唔甜呀，對於我係一個朱古力腔黎講，朱古力味唔夠濃，臻子味唔夠出，反而雪凍左似莎莉蛋糕，朱古力味就出返黎，夠濃味喎，好正，正到連手指都啜埋呀！而且佢面頭有彩色嘅裝飾，無論小朋友同大人睇到成個人都開心哂啦，下次要試佢本身果個骯髒朱古力味會唔會個朱古力味會濃啲呢？跟住星期六（24/4）去攞我中獎既蛋糕，你無聽錯，佢哋真係會送蛋糕架？我都係第一次贏蛋糕，一直都好期待佢會送既蛋糕係咩味呢？其實一直都唔知會係咩味？就算去攞時

想試呢一間古早味蛋糕好耐終於試到，一次過買咗佢出嘅三款特別版巨無霸😍😍😍仲要買三個送咗一個特別版俾返我哋試，超級正😋😋😋買咗三個分別朱古力奶黃巨無霸，班蘭芋泥巨無霸同兩層肉鬆巨無霸。朱古力奶黃巨無霸我個仔超鍾意食，好啱小朋友。而且上面又有好多彩色嘅朱古力同Cereal，小朋友見到勁開心。班蘭芋泥巨無霸超香斑蘭味，唔好以為佢咁深色就係色素，佢係用超靚嘅斑蘭葉整，所以又綠又靚又香，蛋糕身好濕潤👍🏻👍🏻👍🏻鍾意食班蘭味嘅一定要試吓😍肉鬆味巨無霸就一定冇得輸，平時中間只會夾一層肉鬆，宜家夾咗兩層喺入面加埋面嗰層total3層肉鬆喺入面，真係好食到早午晚都要食一件😂😂簡直就係我嘅至愛🤤🤤可惜巨無霸唔係成日有，所以一見到有就要即買😂😂😂或者睇吓佢有冇得訂🤣🤣最後嗰一個係肉燥味嘅古早味蛋糕，呢款係特別版，係佢上次做promote買三個巨無霸送嘅。拎到返嚟超香啲肉燥味好正，有少少辣嘅香味，但又唔係辣喎😉😉小朋友都食到👍🏻蛋糕身一樣咁濕潤好食😋希望佢有機會擺埋上佢嘅餐單上面😋😋雖然佢已經有N咁多種味🤣🤣🤣下次再有機會一定再買，最緊要嘅係佢個蛋糕少油少甜，蛋味香濃。食多幾件都唔怕👍🏻👍🏻👍🏻同埋最重要係佢

嘩！四層，係四層！咸蛋肉鬆真係古早蛋糕嘅特級變奏版！之前已經試過芋泥、芝士、擂沙芝麻和朱古力，對於囍源嘅出品真係有信心保證。本身唔諗住試，但見期間限定又未見過、未試過四層，就抱住人一世、物一世，試吓嘅心態！結果，真係今生無悔！超級好味道！但我一邊食一邊覺得自己似食緊台灣既早餐，蛋餅之類！總之這個叫四層咸蛋肉鬆巨無霸，食，絕對可一可再！做，係咪唔出架勒？！少甜少油少糖，蛋味又香，加埋肉鬆咸蛋，四層巨無霸，唔知幾時再有得賣呢？

從來未食過一件古早蛋糕會係有2層料係入面，所以一次過買左3款味黎食3款口味各有特色都令我食完想再食，事關3款口味好味之餘仲要少糖少油，拎上手完全唔油令我罪惡感減少好多咖啡紅豆味-個陣咖啡味香濃入口就好似入緊咖啡咁，但覺得紅豆味唔夠出如果再濃多D紅豆味就更好肉鬆味既蛋糕第一次食，食落超有驚喜，有少少甜甜地既蛋香味仲帶到肉鬆既香味，以為係咸點其實係甜點👍🏻👍🏻從來 未食過一個黑松露蛋糕既黑松露味係咁濃，一打開盒已經係黑松露味散到成盒都係，一入口仲有芝士既香味，對於黑松露+芝士控既我完全係愛不釋手🥰🥰

我好少寫食評，今次推動我寫食評嘅原因就是Carol 同 Ming 哥兩位嘅人情味！當然重點係佢地嘅古早蛋糕真係好好、好好食！我無意中喺社交平台見到有朋友分享「囍源古早蛋糕」仲要見到有好多唔同口味，於是就Like左個Page......原來佢地會不時做直播去介紹蛋糕口味同徵詢大家意見去創新不同口味嘅古早蛋糕，我覺得佢地真係好有誠意。終於喺阿太（Ming哥太太）生日嘅依日，我試左佢地嘅巨無霸班蘭芋泥古早蛋糕！雙層蛋糕係從未在其他鋪頭試過，好期待！返到屋企就慢慢拎出黎睇下，的確好重手又好靚！切開左都好實淨，以為唔太軟熟......點知.......嘩！鬆軟無比！唔係講笑，食既時候真係有淡淡芋泥嘅味道，完全係同古早蛋糕嘅蛋味好match嘅味道。唔識形容！又軟又鬆又香，好正囉！我後悔我只買左一個咁少，下次真係要買多個！我一家四口，秒殺左個班蘭芋泥古早蛋糕囉！囍源古早蛋糕的確令我對古早蛋糕有新嘅體會，有古早蛋糕嘅味道，同時又加入左創新嘅元素⋯⋯期待下次試試其他味道！後記：其實我本身想預訂咖啡紅豆古早蛋糕，點知十五分鐘就訂爆左！提提大家，Like and follow 社交平台 page 係為咗追蹤

一個星期冇食囍源蛋糕個心囉囉攣😆😆忍唔住今日又要跑去買🤣 松露芝士同班蘭咖吔， 個蛋糕真係好香黑松露味 ， 芝士一定好未唔使講㗎喇😋😋 仲有個班蘭咖吔味道夾到無械可擊😋😋😋同埋我要好多謝2位老闆Ming哥同carol姐， 見我身水身汗仲攞埋枱櫈畀我坐低喺門口坐低請我飲粒粒橙汁抖下， 又送兩盒護膚品畀我🥰🥰🥰 呢份心意真係唔知點樣感激🤩🤩 我亦要好好向佢地學習一下👍👍👍 多謝兩位老闆🙏🙏🙏期待星期六試個骯髒奶皇巨無霸👏👏👏#囍源古早蛋糕

所以話記得睇直播 仲要設定直播通知先會有「叮」一聲叫醒你唔會錯過呢個機會限定版巨無霸 3層榴槤夾心 / 雙層紫薯芋泥 呢個機會真係「叮」一聲就冇咗㗎啦肉鬆鹹蛋黃味唔怪得真係王牌 個蛋糕又好滑軟林林 啲鹹蛋香到不得了再加埋啲肉鬆成件事好似食緊中式蛋糕咁 榴槤都真係唔使講 囍源古早蛋糕 點會比Cheap野我地食啊 ，成個蛋糕重到個紙盒嘅底都跌埋落嚟🙈「都係果句我都係鍾意雪凍黎食」 紫薯芋泥 果然係新鮮嘅材料真係食落口係唔同味㗎至少唔係有「死假甜味」嗰種感覺 完全係食到啲紫薯芋泥啲粒粒同纖維㗎 #出開去買多幾個都唔怕 #用保鮮紙包兩層放落雪櫃真係可以一星期個蛋糕都識彈#囍源 #囍源古早蛋糕 #紫薯控 #榴槤 #純天然#不加香料 #正宗古早蛋糕 #少油少糖

低溫烘焙、黃金邊、黃金底、低糖少油，我講緊既係囍源古早蛋糕!囍源有成60幾款口味揀，正宗古早蛋糕無燶邊無燶底，無論觸感定口感都鬆軟濕潤，充滿濃厚蛋香，真正真材實料!班蘭味古早蛋糕青綠色澤吸晴，蛋糕表面平整，唔會有皺皮、裂紋，無燶邊蛋糕底好靚，蛋糕質感相當輕盈綿密，入口鬆軟有彈性，淡淡清香班蘭味道，甜度剛好，清新滋味。特級骯髒古早蛋糕蛋糕面層鋪滿彩色朱古力粒，色彩繽紛岩哂小朋友~中間夾雜爆餡朱古力醬料，低糖少油配方，甜度適中，蛋糕底同樣鬆軟無燶邊，口感香鬆綿密有彈性，真正做到入口即溶!食唔哂可以雪返入雪櫃，凍食別有一番滋味~第二朝想整熱做早餐，店主提示用電飯煲焗十分鐘，蛋糕口感依然濕潤綿密，好正!

成日經過都聞到好強勁既蛋香味，今次撞岩出爐時間，即刻買返兩件古早味蛋糕試下！我諗囍源都算係香港最多口味選擇既古早味蛋糕店，足足有成六十幾款口味！-榴槤味古早蛋糕 $𝟾𝟻一打開個盒已經聞到好濃既榴槤味，蛋糕呈金黃色，濕潤鬆軟，好sᴏғᴛ，仲食到一絲絲榴槤蓉(*´∀`)~♡-斑蘭味古早蛋糕 $𝟽𝟶本身見佢咁深色都有啲疑惑，但店主話係靚既斑蘭葉先會咁既色🌿～難怪斑蘭味咁清香！口感仲好綿密(´∀`)

近年古早味蛋糕愈開愈多 呢間古早味蛋糕好多款口味！每日蛋糕口味都唔一樣 要睇吓嗰日舖頭有咩口味🤔今次揀咗原味同咖啡味☕️原味古早蛋糕食落好香蛋香味🥚食完仲有餘香留係口腔之中 蛋糕口感軟熟鬆軟 入口濕潤唔會黏口 蛋糕體較挺身 冇凹陷情況出現👍🏻👍🏻咖啡味蛋糕體鬆軟 質感濕潤採用UCC咖啡豆製造 咖啡味道較濃郁！咖啡味道同蛋香味比例調配剛剛好絕對係真材實料🙌🏻我比較鍾意雪凍後食 咖啡味更突出👅☕️下次試埋其他口味先👍🏻

好耐無寫過食評啦！今次遇到比較特別嘅古早味蛋糕都想寫吓。米妮早訂左流心芝士🧀味（其實好想試榴槤，可惜取貨當日無，話說款式日日不同，大家可以去社交平台睇有咩款）。囍源古早蛋糕係深水埗港鐵站附近，同周邊舖頭有啲格格不入，尤其出面攤檔俾人好雜亂嘅感覺，而囍源就好似別樹一格咁，別緻的骰🥰門口仲放埋蛋糕樣板，好吸引😍可惜我收工去無蛋糕出爐，感受唔到果種撲鼻嘅香味😌講返蛋糕，返屋企打開發現件蛋糕同樣板相符，呀唔係，係樣板同賣出嘅蛋糕一樣咁大件咁靚，仲要好香，本身仔仔話要扮生日切蛋糕🎂，我諗住切少少試下先，試完就忍唔住再切多啲黎食，最後到仔仔影相剩返2/3😅 蛋糕好鬆軟彈牙，濃香蛋味，芝士係好似一層醬咁夾係中間，食得出用左唔同款芝士製作，下半層有芝士味滲入，味道似日式芝士蛋糕，上半層就似原味蛋糕，一個蛋糕兩款味道，真心唔錯，但個人偏向鍾意下半層多啲😋蛋糕邊同底都無燶，無苦澀味，食過就想encore！期待下次再試其他味！

最近見到電視播‘香港原味道’介紹 @囍源古早蛋糕 ，原來佢哋係做最正宗嘅古早蛋糕-咁吸引😍，我呢個胃食豹媽點會放過，就去深水埗一試！地點好近地鐵，一下就揾到了！見佢話有近30款口味，真係好surprise🤗🤗去到原來真係會做咁多款味道，每日都會揀10多款味道比客人揀，如果有客人訂造的話，都會做客人所訂的口味！而我去到就揀咗小朋友一定會喜愛嘅「古早原味」額外request要骯髒（加少少錢）同「紅豆蓉」。原本我想要「陳皮紅豆蓉」，但太搶手，最後一個比個熟客姨姨買左！佢哋嘅陳皮有成30年歷史，夠晒香濃！而且老闆話會打磨到陳皮同紅豆蓉唔好有渣，我食落係冇粒粒同皮，好滑嘅紅豆蓉！而骯髒古早原味，小朋友就最喜愛喇！夠colorful 又有不同層次嘅朱古力粉，仲有彩色嘅sparkle 真係開心到啲小朋友！要講到食正宗真係非佢莫屬！相信好多人都會誤解咗正宗嘅古早味蛋糕係點～而「囍源」話比大家知！正宗嘅係：黃金邊➡️唔燶邊嘅❗️黃金底➡️係唔燶底架❗️佢嘅古早味蛋糕，係濕潤軟綿綿，入口即溶！✅底糖✅少油❎無添加！ 日日都新鮮出爐，食過你必定會翻尋味🤤買完閃過，見到佢仲有湯丸買架，我呢個湯丸迷當然要入番盒，大大粒

去深水埗玩具街買玩時，行行下好多人，原來都係等古早蛋糕出爐。囍源古早蛋糕有大概六十多款口味，每日新鮮製作，而且用左正宗古早方法。我要左奶皇古早味蛋糕同檸檬柚子古早味蛋糕，奶皇味有蛋香味，蛋糕呈現黃色邊同黃色底，無燶邊，焗爐特別訂製，蛋糕鬆軟，食落唔會有苦味。檸檬柚子味有微微既柚子味，清新唔膩，而且蛋糕濕潤軟綿綿，店主主張低糖少油，都好健康喎。店鋪有時會有新款限定，不過想指定口味，要預早一星期落訂了。

放假同朋友去深水埗食完野👩🏽‍🤝‍👩🏼，經過小巷見到呢間囍源古早蛋糕 。媽咪好鐘意食古早蛋糕，呢間鋪有好多款口味🤩多達六十幾款，例如有雷沙黑芝麻、紫薯、榴槤、陳皮紅豆蓉等...睇到我花多眼亂，最後揀左港式口味🤔奶皇同埋芋泥。古早蛋糕主要材料係雞蛋🥚，未食已經聞到蛋香。食一小口，口腔亦持續陣陣蛋味。蛋糕低溫烘焙，光澤濕潤，口感鬆軟綿密，低糖小油，食多左都唔怕😹。奶皇同平時食奶皇包餡一樣，陣陣奶香。芋泥餡料用左泰國芋泥打蓉而成，口感綿滑。我覺得可以再多啲餡，芋泥香味同口感會更突出。當晚食唔哂，放左落雪櫃第2日早餐，凍食口感似莎莉蛋糕😬童年回憶！下次再試其他味先💗

2021年3月13日 星期六今日老婆需要閉關工作，為咗唔好騷擾佢，我唯有一個出街周圍行吓，第一個想去嘅地方當然係深水埗，因為係電腦遊戲同模型嘅集中地，可以慢慢行唔使俾人催行到咁上下見到有呢一間舖頭，寫住正宗古早味蛋糕，喺香港唯一嘅正宗做法，覺得好好奇，就企咗喺度睇咗一陣，見到門口擺咗好多蛋糕嘅模，見到真係黃金邊蛋糕底，同平時食開嘅古早味蛋糕好唔同，呢個時候店員就出嚟加以介紹店員話一般食開嘅古早味蛋糕都係會燶邊，而且睇到底部會焗到燶晒，再加上做法未必正宗，而佢哋呢間舖頭就一定唔會咁做，賣俾客人既蛋糕一定唔會燶，既然講到咁樣，就決定試吓再睇吓款式，原來有好多味道可以選擇，比較少見嘅例如有榴槤咖吔、陳皮紅豆蓉、擂沙黑芝麻等等，不過全部味道未必每日都供應，所以店員話最好嚟之前打電話詢問一下，又或者事前預訂，見到今日預訂嘅話聽日就可以拎到，都幾快手，最後我就要咗兩份蛋糕返屋企同老婆一齊食臨走嘅時候店員仲送咗張卡俾我，原來每買一個古早味蛋糕會有一個印花，儲齊12個印花可以免費換領原味古早味蛋糕一個添，所以我就拎咗兩個啦返到屋企已經急不及待咁打開，發現蛋糕佔領晒成個盒，好夠份量，而且仲係微暖既，呢一