喜悅皇宮

Open Now

Now Closed

屋邨商場被大財團易手、轉營再轉名，此位置多年來已有數間不同名字的酒樓經營。最新名字為 - 喜悦皇宮👏都是一般酒樓格局，因為只是開了 / 新裝修幾個月，所以各部份仍是十分亮麗😃一行7人，各人都同時對”皇子鮑翅宴”感興趣，大扺是大家都”費事諗”，套餐內每道菜也沒有特別意見，又包汽水/啤酒6罐、鮮橙汁2酌、茶芥及加一。半席全部減半，就叫半席吧，不夠也可另加小菜。🥢🍚脆皮乳豬🐷半席上半頭，巧均真👍上湯伊麵 - 鮮蝦爽口彈牙，伊麵經高湯處理，夠入味！軟殼蟹 - 沒有回鍋反炸，所以剩油並沒有迫出來，仍保留在粉漿中，所以咬下油份重兼夾不夠脆口😔中間伴有芝麻醬伴生菜🥬口感清新這個做得不錯，全碟都很爽口，且份量夠大碟！其實唔使用魚翅囉，雖然我見唔到有（或者我嗰碗冇、有份量都好少好少）咁不如update D skip咗魚翅會好好多。湯頭都係咁啦，冇咩特別！但係㷛入面D雞比人食晒！條魚蒸得幾好🐟剛熟，呢個size最好，容易處理，肉質嫩滑🤗OK, 玻璃生菜🥬仲有6隻小鮑🙂隻雞真係做得唔錯，舊舊都皮脆肉嫩😋荷葉飯 - 都OK吖，色香味都可以（但同行者話冇味喎）桃包真係麻麻，饀料唔綿，唔係平時食開嗰種軟綿饀，偏乾

今日黎到香港仔探朋友，朋友鍾意飲茶所以就去咗佢樓下嗰間酒樓度飲喇，呢間酒樓我同朋友都係第一次幫襯，聽朋友講呢間酒樓新開無耐，唔怪得內裡啲格局都幾新同幾乾淨。點心種類唔係話好多，連港女餃 (灌湯餃) 都冇賣，有啲失望 😔 😔 不過有幾款點心就外面啲酒樓都未見過，而且小食種類價錢亦好平，每碟都只係 $38 蚊。紅油抄手 : 呢碗真係伏到無朋友，啲餡料口感同味道好奇怪，而且個醬汁味道都好怪，完全好似係啲罐裝辣椒醬到倒出嚟咁。 (伏名指數 : 👎🏻👎🏻👎🏻👎🏻👎🏻)紅米鮮蝦脆網腸 : 雖然用紅米會健康啲，但係味道始終都唔及普通腸粉皮果隻咁好食，而且啲紅米腸粉皮又整到厚身得濟，所以話佢好食又唔係，話佢唔好食又唔係。(伏名指數 : 👎🏻👎🏻👎🏻)椒鹽脆魷魚鬚 : 魷魚鬚肉厚啖啖肉，而且味道僅次於大排檔水準，呢個幾好唔錯，如果以酒樓既小食黎講，呢個幾抵食。其他點心就普普通通，不過同朋友食食下都覺得點解好多點心都好似差唔多一樣味咁。😢 😢