HeSheEat (白布街) (Closed)

荃灣嗰間HeSheEat已經食過好多次原來旺角呢間有個特別限定嘅英式下午茶早幾日就打電話嚟book定同閨蜜一齊食旺角店分上下兩層店內裝修冇荃灣嗰間咁新淨但係裝修有啲細節位俾人打卡個tea set原來有啲驚喜位上層放咗個器皿入面有啲乾冰一倒熱水，就會湧出霧氣，睇得人好開心，又啱晒打卡tea set有4鹹點、5甜點，仲包2杯特色飲品🟠鹹點意式番茄多士、蟹肉蟹子酥皮盒唔錯多士香脆、酥皮鬆化🟠甜點我比較鍾意芒果拿破崙、迷你芝士餅拿破崙有口感、芝士餅唔會太甜，餅底又好味🟠熱情果菠蘿沙冰、士多啤梨Mojito賣相colourful多details好靚，飲落解渴清涼，不錯！$268一個tea set嚟講，食物質素不俗每件鹹甜點細細件好精緻，唔會溜同過份飽濟感又有得舒服坐下，真係性價比高！

之前去過HeSheEat嘅銅鑼灣分店👀記得食物嘅質素都唔錯👧🏻今日經過旺角分店👉🏻再次俾個Menu吸引住🙊於是決定帶朋友去試吓😝黑松露薯條（$52）薯條用上連皮薯仔🍟炸得金黃香脆有薯味🎉沾上味道濃郁嘅黑松露醬一同入口🤟🏻相當滿足💛單骨蜜糖芥末雞翼（$55）單骨雞翼外層酥脆香口🐔內裏肉嫩多汁👏🏻蜜糖芥末醬嘅味道亦相當突出😽令人再三回味💥扒虎蝦芝士汁鮮蛋意大利麵（$95）扒虎蝦新鮮爽口🦐意大利麵彈牙有嚼勁🍝富有蛋香味🍳而且相當掛汁😃除咗有香濃滑溜嘅芝士汁加持🧀麵上更鋪滿切片雜菌🍄口感同味道絕不單調💕白酒牛油汁蜆肉扁意粉（$102）蜆肉鮮味十足😋而且份量絕不欺場💫牛油味香而不膩🧈配搭較為硬身嘅扁意粉💁🏻‍♀️正正符合我鍾意嘅口味同質感🙌🏻誠意推介😻士多啤梨奶昔（$38）賣相夢幻吸引🦄士多啤梨味相當濃郁🍓奶昔上更有幼滑忌廉✨同乾果脆脆豐富口感💋味道清新香甜🎊值得一試😎Oreo奶昔（$38）奶昔柔順綿密🎀每啖都充滿曲奇碎🍪感覺有啲似食緊cookies and cream雪糕🍨令人難以抗拒🙆🏻‍♀️

尼間既CWB分店幾年前已經有食過, 旺角尼間就真係第一次, 事隔幾年再食返,覺得水準依舊!係旺角有咁多間食肆選擇, 尼一間都值得過黎一試~1️⃣單骨雞翼 – 炸得好香口, 面頭既芥茉醬令到成件雞翼提升哂水準, 即刻由普通既炸雞翼變做惹味雞翼2️⃣朱古力梳乎厘班戟 (含橙酒) – HeSheEat既梳乎厘班戟口感鬆軟係一定嫁喇~但佢尼款既橙酒更係重點, 淡香橙酒味未配上朱古力, 味道一流3️⃣蜆肉意粉 – 入面仲有泡菜, 碟意粉超香, 又吾會辣, 只令你覺得開胃惹味4️⃣盧魚 - 皮脆肉嫩其實當中仲有D野食未影相, 仲要好失敗咁今次吾記得影餐牌, 搞到有D食物名打得吾詳盡, 只好大家睇相啦~~🥲最後3個人埋單總共600幾, 食到大家都好飽好滿足!!

想平平哋食個下午茶，打下卡影下相、呢度係一個唔錯嘅選擇。平日去一入就坐喺門口附近，好方便。$268/2位 呢個價錢真係坐下都抵～一上檯賣相幾靚，仲有乾冰效果，打卡唔錯！❤️咸點:巴馬火腿伴哈蜜瓜、意式蕃茄多士、蟹肉蟹籽酥皮盒、海蝦黑蟹籽配自家製蕃茄汁巴馬火腿伴蜜瓜擺盆幾靚，哈密瓜🍈幾fresh, 巴馬火腿咸咸地。意式蕃茄多士芝士味濃，多士好脆口！海蝦係玻璃蝦，幾晶瑩。❤️甜點：海鹽藍莓奶凍配芝士雪糕、迷你芝士餅、芒果拿破崙、朱古力慕絲、抹茶紅豆慕絲。芝士雪糕奶及cream多，藍莓奶凍酸酸口感。芝士餅細細件有餅底。芒果拿破崙都幾脆。朱古力慕絲、抹茶紅豆慕絲兩款都唔會太甜～飲品揀咗士多啤梨莫希托及Jasmine Green Tea。士多啤梨莫希托賣相靚，夠多冰，好涼快！Jasmine Green Tea就可以refill熱水慢慢飲。

看到IG很多人推介HESHEEAT的afternoontea combo， 我和閨蜜當然唔執輸，一定要去打卡享受一番。先來兩杯飲料，熱情果菠蘿沙冰， 陣陣熱情果味，又混有菠蘿味，好清新。士多啤梨莫希托， 帶有氣的莫希托，帶有淡淡的士多啤梨味，好解渴。Tea Set送上來的時候店員會加上乾冰，這個時候一定要瘋狂打卡，因為只有一剎那啊!下層Finger Food巴馬火腿伴蜜瓜，鹹味的斑馬火腿配鮮甜的蜜瓜，簡直絕配啦!意式蕃茄多士，多士一定要脆才有口感，濃郁的番茄醬加芝士，很滋味。蟹肉蟹子酥皮盒，酥皮盒夠脆口，蟹肉多多，大滿足!海蝦黑蟹籽配自家製番茄汁，黑蟹籽卜卜脆，配一隻大蝦，沾小小蕃茄汁，味道不錯。上層Sweet海鹽藍莓冷凍配芝士雪糕，這款甜品很有驚喜，藍莓味濃郁，配埋芝士雪糕完全沒有違和感。迷你芝士餅， 芝士味香濃，感覺不會死實。芒果拿破崙，拿破崙口感鬆化， 中層的忌廉也不覺得膩， 甜甜的芒果很吸引。朱古力慕絲和抹茶紅豆慕絲， 兩款慕絲都夠幼滑，最重要是不漏， 不會有飽飽滯滯的飽腹感。作為tea set, 這個份量已經夠過癮了，希望之後 的飲品會有更多選擇啦～

話說相隔不足一個月就再度拜訪呢間小店，係因為我同朋友對於上次用餐感覺好滿意！我今次就食豪少少點了另一款brunch set，朋友就點了一客pasta再加兩杯飲品，大滿足了！▶️He She Eat brunch-德國鮮肉腸-意大利煙腩肉-巴馬火腿-煎蛋-薯仔沙律-慢煮蕃茄-大蘑菇-炒BB 菠菜-脆薯餅-迷你牛角包份量足夠，同樣每款食物都有水準▶️雜菌蘑菇溫泉蛋意大利麵 - 蘑菇香味濃，意大利麵口感煙韌，爽口彈牙▶️凍抹茶鮮奶 - 都係Latte鮮奶系列，抹茶味濃，反而飲落唔會太甜▶️凍紫薯鮮奶 - 較重紫薯味，沖調出嚟嘅顏色似乎啱打卡多啲！

同朋友難得敘舊，想搵個地方坐下同埋食下野。旺角就最近我哋兩個，成日去開樓上Cafe，今次就去下呢間。啱啱好平日lunch冇乜人，最啱我哋兩個暢談～因為我哋兩個今日都唔係好肚餓，又唔想食太飽，所以就叫左一個all day breakfast ～有我至愛嘅牛角包好好食😋，仲有焗蕃茄都好正，有雞蛋、蕃茄豆、腸仔、煙肉、沙律、炸薯餅同埋薯蓉，好豐富！！呢個餐已經好夠兩個人食，最後仲要食唔晒！臨尾埋單先知道原來每個人有最低消費，好彩過咗，大家嚟食得留意番～

好幾次經過銅鑼灣地帶都好想試下呢間Cafe，尤其望住街景chill 住食個tea 簡直一流！今次反而咁岩行開旺角想搵間有pancake 食嘅餐廳，一於就入黎試試佢先！🦑鮮魷魚火辣墨魚汁意粉 $➑➑ 食墨魚汁意粉一定會食到成嘴烏卒卒😝意粉好掛到啲墨汁，份量亦都好足料。魷魚片𠝹哂花而且有六七舊仲好爽口。最重要係嘅呢個價位黎講好抵食！🍯單骨蜜糖芥末雞翼 $➎➎ 單骨雞翼食起黎方便好多，外面炸到最卜卜，入面就啖啖肉😍同蜜糖芥末汁好夾食落唔會乾爭爭。又係會食唔停口嘅一款惹味小食。🥤朱古力咖啡沙冰 $➌➑Mocha 沙冰打得好匀味道都好濃🍫唔會越飲越淡，甜度都適中唔洗驚太heavy🧏🏼‍♂️🥞宇治抹茶黑芝麻梳乎厘班戟 $➊⓿➑嘆tea 都要食番個甜品開心一下😍好soft 嘅梳乎厘班戟有2大舊2個人share 都無問題！配埋抹茶醬，紅豆蓉同埋芝麻醬，口感同味道都好有層次👍🏻📍 HeSheEat 旺角白布街22號藝興大廈地下4號舖銅鑼灣記利佐治街2-10號銅鑼灣地帶2樓201號舖荃灣蕙荃路22-26號綠楊坊地下G15-16舗

平時呢啲下午茶至少要$500🥶所以揀左性價比極高，又可以打卡嘅 #hesheeat 下午茶🍰成個set‼️268蚊‼️有四款鹹點、五款甜點，同兩杯飲品。佢地既攞盤用咗好多鮮花，feel到佢地真係好用心製作。甜品又唔會太甜，超岩我口味😘最重要係‼️上下午茶嘅時候，會倒啲液化氮落去，攪到煙霧離漫咁，大家要把握呢十幾秒瘋狂打卡😍😍😍 成間舖頭嘅裝修都好有文青氣氛，我都可以好好享受我個tea set🥰超級推薦佢地既【🍍熱情果菠蘿沙冰🍧】食到係新鮮生果既甜味

HeSheEat的甜點一向出色，綠茶心太軟及檸檬忌廉班戟卷均是心水之選，是夜到訪見到有好幾款梳乎里班戟未曾試過，相片影得十分鬆軟美味。HeSheEat除了甜品外，亦有其他小食及主菜，可以一個地方叫齊鹹甜美食，十分方便。夏日水果紅茶夏日水果紅茶西柚味道清香濃郁，可以叫上少甜，更合心意。抹茶牛奶咖啡一般的抹茶牛奶沒有咖啡成份，此抹茶牛奶咖啡帶少少咖啡味，不喝咖啡的會都容易接受。火辣墨魚汁鮮魷魚意粉 鮮魷魚界花很工整，意粉經鮮墨汁加洋蔥碎包圍下，每一口都嘗到鮮墨汁味，意粉微辣，香濃惹味。紅花海鮮燴意大利飯 意大利飯加上番紅花同煮，香氣獨特，令意大利飯份外鮮香。海鮮有魷魚、鮮蝦、帶子及蜆肉，鮮甜彈牙，與番紅花意大利飯很匹配。朱古力梳乎里班戟梳乎里班戟上枱時，兩大件班戟微微震動著，非常鬆軟。切開一口班戟，沾上厚厚的朱古力醬及鮮橙塊，甜美中帶清新柑橘味，鬆軟滑溜得很。

想學下貴婦咁去酒店high tea，但價錢唔多化算，見到呢度有afternoon tea combo， 價錢又唔算太貴，即刻訂位先。環境當然比唔上酒店啦，但係餐廳乾淨企理。兩杯飲品strawberry mojito同passion fruit pineapple slush 賣相唔錯，但味道都比較淡，2款水果味都唔突出。Tea set有兩層，上層係甜點，下層就係鹹點。意式番茄多士，香脆可口，蕃茄味唔錯。海蝦黑蟹籽，蝦肉彈牙。巴馬火腿配蜜瓜， 蜜瓜爽甜，少少鹹嘅巴馬火腿，果然係下午茶常見嘅配搭。芒果拿破崙， 多層酥皮，鬆化。朱古力慕絲，抹茶紅豆慕絲，比較普通，質感滑得好比液體，味道唔太吸引。海鹽藍莓奶凍配雪糕，淺藍色奶涷，以為樣子特別，加埋藍莓醬同焦糖粒，味道同口感都唔太夾，有啲奇怪。整體黎講，鹹點比甜點出色，係呢間我以為主打甜品嘅餐廳黎講，會有少少失望。

Afternoon tea combo $268 for 2 persons 每日限量供應，記得先預訂！雙層架下午茶🌸將乾冰倒進水型造仙氣煙霧感🙋🏻‍♀️Sweet 上層架5款甜點🫐海鹽藍莓奶凍配芝士雪糕🍨🧀迷你芝士餅🍰🥭芒果拿破崙🍫朱古力慕絲🍵抹茶紅豆慕絲Hesheeat製造甜點真喺好出色！個人最鐘意🫐海鹽藍莓奶凍配芝士雪糕🍨想像中嘅奶凍喺甜，呢個當中帶有淡淡海鹽咸味，與別不同感覺，芝士雪糕感覺都好有趣😆滿滿藍莓醬又唔會太甜，恰到好處！🍵抹茶紅豆慕絲，🍫朱古力慕絲，慕絲超級幼滑，抹茶紅豆同埋朱古力味都好濃郁🥰🧀迷你芝士餅🍰芝士味道超濃郁啊！滿滿幸福感覺！Finger Food 下層架 4款鹹點🥓巴馬火腿伴蜜瓜 將蜜瓜以螺絲切割形狀連在一起，外型幾有趣～🍅意式蕃茄多士脆卜卜多士～🥐蟹肉蟹籽酥皮盒🍅海蝦黑蟹籽配自家製蕃茄醬大大隻海蝦，表面撒上粒粒黑蟹籽Drinks 🍓士多啤梨莫希拖🍸士多啤梨味唔會太過藥水味～甜甜的～🍍熱情果菠蘿沙冰🍹菠蘿味都幾濃郁～底層滿滿沙冰超級爽！夏天食一流！

今日黎到hesheeat黎潮聖下，旺角呢間分店有兩職，坐位好充足。首先點了單骨蜜糖芥末雞翼，雞翼是即炸的，配上蜜糖芥末醬好好味，好開胃。而單骨雞翼食落很方便。然後主菜點了燒烤bb豬肋骨，份量也很多，醬汁好惹味。另外也點了黑松露雜菌春雞燴意大利飯，黑松露味很濃郁，但不會太漏。雞也很juicy，很好味。食完主菜當然要食甜品，點了原味pancake。pancake很鬆軟，配上蕉糖醬為呢一餐劃上完美的句號。

依間餐廳係拍拖好選擇～環境唔錯，裝修簡約，燈飾都幾chic總共有兩層之前去過銅鑼灣嗰間，印象中食物都幾高質。睇咗餐牌，拍拖回憶即刻返晒嚟，兩個人甜甜蜜蜜食乜都好啦，呢度仲要有好多選擇，除咗一般西式飯麵，仲有一啲扒，魚等等嘅選擇，甜品亦都好多種類，真係令人花多眼亂。白汁煙腩肉溫泉蛋 with 芝士汁鮮蛋意大利麵就咁睇圖片，落單嘅時候，以為係意粉。直至上菜準備食嘅時候，先發現原來係蛋麵，又真係幾重蛋味，口感比較軟身，份量好多，而且好掛汁👍🏼👍🏼 蘑菇同煙肉份量恰到好處，整體都幾唔錯。另一半點左鮮魷魚火辣墨汁意粉我試咗一啖，覺得可以再辣少少，會更惹味😁😁食到成個咀黑咗，都係一種享受😎叫咗一杯香蕉拖肥奶昔share😋香蕉味夠突出，有一大舊cream，咁樣嘅配搭，令到舊cream好食過雪糕！30幾蚊，性價比都算高。至於甜品方面，唔小心叫錯咗士多啤梨味嘅疏乎厘，本身想叫朱古力味㗎😅😅食到蛋味👍🏼 配士多啤梨都幾fresh. 幾百蚊可以食餐多選擇嘅飯，除咗正餐之外，又有奶昔，又有甜品，拍拖一流😎

同閨密相約去旺角吹水，本身諗住叫個甜品食但見到佢個afternoon set 數量限定仲要好靚，一定要試試。Tea set 一黎到姐同朋友都嘩左一聲，乾冰效果令到成件事夢幻左！有9種食物2杯特式飲品，Highlight: 蟹肉蟹籽酥皮盒-蟹肉好重蟹味，仲要份量好多，撘埋蟹籽就好似食緊成隻蟹落肚！蕃茄多士-芝士加蕃茄呢個組合無敵！多士烤到好脆，好清新的意式味道。海蝦黑蟹籽配自家製蕃茄汁-個cocktail 汁係重點！提升左個味道，有好重蕃茄味同時微辣。-海蝦亦好厚肉爽甜。芒果拿破崙-非常酥脆！感覺到有好多好多層係入面！-芒果+吉士亦好清新朱古力mousse + 綠茶紅豆mousse -兩個mousse都好滑，紅豆大大粒好甜好夾綠茶的茶澀味！最後兩杯飲品: 士多啤梨mojito 同埋熱情果菠羅沙冰都好消暑開胃，甜甜酸酸非常好飲！