Video
Opening Hours
Today
10:00 - 23:00
Mon - Sun
10:00 - 23:00
Above information is for reference only. Please check details with the restaurant.
諗住畀多次機會佢 ，第一次去食 豚肉叉燒酥入面凍， 部長替我哋取消咗呢樣， 今次朋友再点左4個打卡点心諗住打卡，点知今次义燒酥入面一樣凍，，部長又要替我們换過，拎出來才熱， 上湯金魚餃暖暖地，凍左D皮會感覺硬，部長話冷氣大風所以快凍，打卡點心得個靚樣 ， 咁再叫海鮮鴛鴦炒米，得2，3粒海鲜，装米粉隻碟一樣凍好奇怪，三層燒腩肉， 燒肉皮好脆， 中間果層豬肉好肥， 食落感覺好漏，呢個厨房品質真係好差，以後不會再來，反而侍應 好有禮貌。
continue reading
上星期已經想試但無位,今日早D去揾位先. 星期六11：00去到,唔算多人,唔使等有位.呢度D侍應服務麻麻. 茶錢仲收$18位,但無蠟燭盤慶住D茶😥點心選擇都多嘅,我點咗原隻鮑魚燒賣, 菜苗鮮蝦餃, 西班牙火腿叉燒酥, 肉鬆煎糯米雞, 上湯灌湯餃,上湯浸菜心.食物質素中規中矩. 特別係西班牙火腿叉燒酥,我覺得難食,咬咗一口,決定放棄😓. 灌湯餃好食,湯夠熱,雖然無蟹肉,有蝦,有瑤柱. 兩個人食咗接近$500. 以價錢嚟講,唔值得再去囉.
continue reading
今次去咗囍雲軒真係超級驚喜呀！😍 佢哋嘅點心真係好正，特別係個蜜汁叉燒，真係好食到癲啊！啲叉燒外皮微微焦香，咬落去又軟又juicy，個蜜汁甜度啱啱好，完全唔會膩，食完仲想encore多碟！🤤 嗌咗一大碟，一個人食咗半碟😅奶皇包真係得意到爆！🐼 個造型係熊貓樣，真係萌到唔捨得食呀😃一咬落去，啲流沙奶皇即刻湧出嚟，香濃又滑溜，個包又軟熟，真係又靚又好食，打卡一流！📸✨ 帶埋小朋友過嚟食一定好開心👶🏻炸魷魚鬚每次過嚟都係必點！炸得金黃酥脆，咬落去好有咬口，完全唔油膩，仲有其他點心都好出色，傳統嘅點心佢哋用新式嘅方法去擺盤同埋煮法，樣樣都新鮮足料，食到好滿足！ 環境舒服，服務好，佢哋嘅職員都好積極，啲點心又精緻又好味，仲要價錢合理，絕對係屋企人飲茶嘅好地方！💖我已經plan緊下次再嚟啦！
continue reading
難得老細請食飯一於去盡D食豪D，黎咗呢間酒樓，開頭以為佢得一間，寫食評時才發現原來佢有幾間分店，呢間D野都幾好食，不過人手真係唔夠，可能因為新開未請夠人啦。先來兩個小食，海哲同陳醋雲耳，兩個小食都比想像中大碟，起碼8個人都夠食，唔會太細碟搞到有人無得食。重點出撃第一度餸就係呢碟芝士焗龍蝦加伊麵底，呢個比起出面好多酒樓食到嘅好食好多，首先係D芝士真係芝士，而唔係求其落D白汁加少少芝士喺面就當係芝士。隻龍蝦D殼比較薄，好易咬得開，而且都幾多肉，連D伊麵都整得好食。重點出撃第二度餸就係呢碟魚翅撈飯，個芡汁做得幾好，有香味而且唔會一味得個杰字，個飯亦唔會好濕，魚翅就唔係食到好多，整體味道係唔錯嘅。要返碟菜清清地，魚湯浸，D菜好新鮮，呢個好食。最後梗係要食甜品啦，呢個荔枝造型嘅甜品入面係類似奶皇流心，都幾好食。
continue reading
呢間位於啟德嘅酒樓，坐落喺15樓，個view都幾靚，價錢雖然比較高，不過佢嘅點心出品味道係唔錯嘅。叫咗咁多樣點心之中蝦餃最好食，隻蝦新鮮，餃皮夠薄但係又唔會一夾就難開曬散曬，任意仲食到少少筍絲，唔係一味大大粒蝦嗰種。潮州粉果都唔錯，塊皮唔會黐埋一舊，入面啲餡料好新鮮，又唔會一pat pat。咖哩魷魚個質素都幾高，唔會因為咖哩嘅味濃而求其用啲低質素嘅魷魚，魷魚食落鮮未有彈性。咁多樣點心之中個腸粉相對比下去，有細碟味道好一般。
continue reading