HeyDay Cafe

Open Now

Now Closed

朝早返公司前黎新Café試一試，一入去老闆娘同員工都好熱情打招呼！老闆娘亦都好熱情介紹飲品同自家製曲奇同蛋糕！今次食既曲奇味道都唔錯！花生味好濃，值得一試呀！環境都有好多打卡靚位！坐窗邊位有陽光加埋更有feel

驚喜嘅新cafe。坐位不多，裝修簡潔、舒服。適合有寵物朋友，細味品嘗咖啡。一連飲咗兩杯dirty，高水準之作。紫薯roll cake加上cinnamon bagel，跟朋友過了一個chill的上午。老闆娘極之nice。

平時飲咖啡來來去去都係某大連鎖店近排出咗去深水埗之外朋友帶我去大坑行下大坑有幾間唔同嘅餐廳同咖啡店盲舂舂走咗入去一間當日唔係太多人可能閑日啦吸引我入去的係咖啡嘅香氣佢哋打開咗舖頭入邊嘅窗就係行過嘅時候覺得好香就好似通風所以感覺良好就喺呢度飲嘢啦我見佢仲有其他食物因為嗰日食飽咗所以淨係飲嘢都已經好夠雖然舖頭細細又唔覺得好迫夾好悠閒咁Hea左成個鐘老闆娘同我哋講開咗唔夠一個月所以好多嘢都好新好乾淨啱晒鍾意貓貓狗狗嘅人士帶佢哋去街街睇吓我幾時有帶隻貓落去玩下先😂⋯⋯

大坑有新cafe, 既然有勇者黎開鋪，就黎試新野， 點知。。。。。。首先睇睇餐牌價錢， 係NOC D 價黎喎， 但係點解Oat milk 加HK$8 咁貴嘅？ 俾錢個時， 我首先問有無電子支付，老闆娘話無（你地睇埋下落去就知佢有老闆娘氣勢）只收現金， 當我拿張HK$500 俾錢個時，老闆娘話唔收大紙， 問我有無細銀紙， 我話唔足以俾你杯咖啡喎， 佢個樣唔信，個勢要我證明俾佢睇， 係咁望住我個銀包， 好， 我倒曬d 錢俾佢數， 佢數完之後先信我, 我話係咪會收平d 呀， 佢話唔會喎， 咁佢先話收payme 嘩， 皇恩浩蕩呀， 我係咪要感激流涕呢😂。之後佢補咗句話一朝早做生意費事咁快無曬d 散紙，咁我一開波問你收唔收電子貨幣你又唔好拒絕我， 又要好似madam 咁檢查㗎？ 開鋪做生意只收現金都唔唱定錢， 點做生意呀？ 叫咗杯flat white, 可以講正常囉，只可以講下次幫襯要帶定碎紙啦

聽朋友講大坑有間cafe環境好靚，我就同朋友來到Heyday cafe, 店內店外都有打卡位😍我叫咗杯熱朱古力，咁岩個日天氣好凍，飲返杯熱朱古力暖下個胃，杯朱古力好好飲😋再坐向度打卡，真係好寫意😄😊

聽朋友說大坑新開了一家cafe,有我最愛的dirty，慕名而來，本想試dirty,但望見隔離枱點了Matcha latte很吸引, 又心思思想飲，而同行朋友要了mocha，雖然蛋糕選擇不多，但我們一眼睇中了牛乳roll cake,一口latte一口蛋糕，實在太幸福了！蛋糕不甜不膩，甜度適中，有濃濃的奶香，口感細膩，絕對值得一試！Matcha latte 香濃幻滑，適合不喜歡咖啡的朋友。期待下次再來一試dirty!