喜茶 (Closed)

芝芝桃桃x3,杯杯唔同樣，以橙色桃紅色為基調，配上雪白嘅奶蓋，一樣咁賞心悅目🥰我承認係香港飲喜茶真係幾貴，甚至可以食到一餐，但女仔就係鐘意甜甜嘅小心思，相比其他茶飲店，以果茶黎講喜茶嘅茶底茶味較突出，水果雖然香甜但仍然享受到茶帶來嘅清新同解渴，唔會好似飲緊果肉版嘅「果然系茶」（80-90後應該有印象，哈哈）一入口係濃厚嘅芝士，好香滑，特別欣賞呢種小口設計嘅杯蓋，一傾斜就飲到最完美比例嘅奶蓋同茶，又唔怕倒瀉同整到嘴邊有白色「鬍鬚」，特別適合貪靚又顧形象嘅女仔。 入到口，桃味好香，攪拌後嘅果肉大細唔同，有唔同口感，有d係一粒粒可以咬，慢慢咀嚼，有d係果蓉，咬起黎係一絲絲咁，份量唔少，一杯又飲又咬真係可以飲十分鐘以上，真係好足料令人好滿足！今次我加左錢轉代糖，味道一樣出色，卡路里卻低左90%，算係減少我嘅罪疚感啦我終於明點解人地話會上癮啦，真係好難忘嘅味道，仲有好多口味，定期又有新款出，又期間限定，真係好多驚喜，飲完都開心歡喜！

第一次飲HEYTEA係深圳果時飲完一試難忘呢~ 佢終於係香港開左分店即刻去朝聖下之前試左佢既金鳳茶王奶蓋 所以今次試第二款--四季春奶蓋排隊既話 真係要預反多少少時間 因為真係好多人想飲 試完發現同深圳味道差吾多甘以後就吾洗甘遠反深圳飲HEYTEA香港就有了~ 真係十分推介!!

行開沙田，突然記起有喜茶我同老公都即刻想試一試佢試吓係咪真係⋯都仲係覺得大陸好飲啲結果係真係無可比味我覺得返大陸飲喜茶最好飲就係金鳳茶王奶蓋我都唔知點解香港啲茶味咁弱奶蓋唔夠濃郁都算但係個茶膽唔可以弱到咁囉你唔話俾我聽係喜茶，我真係覺得非常非常非常比普通更普通之前喺銅鑼灣飲過一次都覺得好過沙田少少總括嚟講建議你都係返大陸飲不過如果你從來都未飲過大陸嘅話可能你覺得呢杯都唔錯因為我飲過所以我覺得好大對比🙈Sorry

柯華田真係點都無得輸，知道喜茶新出華田波波冰，有次返大陸即刻去試點知賣哂sad左好耐掛左好耐🤦🏻‍♀️有次平日經開沙田發現唔算多人排咪去睇下有無華田波波賣，點知有啊！！！超級興奮！！即刻排隊買，星期六日多人都無買過，原來就算係平日拎茶都要等成45分鐘😂 華田波波無令我失望！！好濃華田味，加上面頭有華田脆脆，下層又有沙冰，口感超豐富！！不過飲到尾有好多大粒冰容易吸上黎要咬冰有少少麻煩

今朝一早約左朋友去沙田跑步一跑就跑左兩粒鐘有朋友陪跑時間好快過夏天跑步飲極水都唔夠解渴好想去飲杯冰凍清新飲品我好想飲喜茶好耐次次見到勁多人就唔想等今日見佢比錢條隊好似好少人喎估唔到比完錢之後要等幾十杯😅佢好好有個area有得坐住等我揀左滿杯香水檸貪佢夠解渴嘛我對含有鮮奶既野都麻麻地終於等到了第一啖好清新香水檸既味道好正好fresh好適合夏天飲而且夠大杯下次過黎沙田跑完步真係可以再來飲返杯👍🏻

新城市廣場的喜茶，當然要來朝聖啦，終於唔使特登北上番深圳都有得飲喜茶lu.照舊叫番我捧場開的芝芝桃桃啦，啜落口啖啖都係果肉，超正！果味夠，芝士奶蓋的鹹香味又好正喎，配搭真係天衣無縫！不枉我排隊排左咁耐，等候時間都用左我唔多一小時！

我早到咗新城市廣場，等九龍返工的朋友匯合沙田，終於有足夠時間第一次去喜茶排隊買野飲😂適逢阿華田特飲係第一日在香港launch，真係天時地利人和呀18:50情況，條隊唔長，貌似會好快有，但其實店內都多人買完等拎，同埋有網上落單，所以最後都等咗45分鐘先有得拎阿華田波波冰：$42，好大杯，有鮮奶、黑波波、阿華田脆脆同醬、黑糖布蕾。口感好豐富，好甜好好味，有脆脆同波波就非常好咬口，味道由淡到濃，中意阿華田既人一定勁中意，唔會失望，而且飲完都少少飽👍🏻推薦呀

食物: 芝芝桃桃賣相 : 7.5/10味道 :8.5/10，第二次飲喜茶，但今次感覺比較好飲，上次那一杯太甜，今次呢杯味道啱啱好，而且果肉都好多環境:7/10價錢 :hkd30/1人性價比: 7/10

難得經過沙田，一定要買番杯喜茶飲，香港買比起大陸真係貴好多！不過真係太耐冇飲呀～大概等左半個鐘到啦，個人覺得荔枝好味過芝芝芒芒，店員都會好貼心話俾你聽入面有蘆薈，下次我要試波波冰啊！

夏天有芝芝桃桃，好開心！今日係第一次嚟到沙田光顧喜茶☀️其實應該係在香港第一次光顧呢一日係公眾假期，所以可能比較多人，我哋買咗之後等左大約20分鐘終於等到喇！開心！杯裏面充滿果肉，加埋鹹鹹香香嘅奶蓋，真係好好味！飲完之後有好飽好滿足嘅感覺！

前年，已聽聞大陸開左間瘋魔全國飲品店「喜茶」。於是約埋一班朋友北上試試，咁啱係桃季節，喜茶都推出季節限定「芝芝桃桃」，揀了少甜試試。入口清甜，甜度岩岩好，桃味十足，芝士香滑，每啖都有少少果肉，一試難忘，極力推介。等足成年，香港終於有啦，唔駛北上，滿心歡喜第一啖，腦海出現「what、已杯係咩黎架？！」只飲到成杯冰水，帶有極微桃味，其實可以講淡而無味，一個字「伏」.......

Marketing黎講，喜茶都算做得好成功，一間大陸既飲品店黎到香港開咁多分店仲有咁勁多人排隊....價錢又唔平平心而論，佢啲出品質素真係幾好，係深圳飲過幾次都覺得好正好足料！但喺香港就第一次飲，見冇乜人排先買，點知都要等成40杯....太受歡迎了吧🌟今次飲咗 芋泥波波茶之間係深圳飲過，實在太好飲，超多芋泥好濃郁，係會驚喜到我！可惜黎到香港，總係會差啲...芋泥係有既，但真係未夠多，深圳分店係多好多😭 奶都唔夠濃厚，杯野係好飲既，但總係差啲咁。不過佢有得走糖，只靠芋泥同奶既甜味，已經好夠😋

▫️阿華田波波冰 $42平時已經好中意飲阿華田 一見到喜茶出左就即刻忍唔住一定要試(⁎⁍̴̛ᴗ⁍̴̛⁎) 呢杯阿華田好濃 甜度就嗌左少糖 對於我黎講就岩岩好 唔會太甜太膩(˶‾᷄ ⁻̫ ‾᷅˵) 碌到最右就可以睇到係奶蓋上面有好多脆脆(＞人＜;) 不過啲珍珠就唔係話好煙韌個啲 中規中矩啦🤐不過整體應該係係香港飲過最好飲既阿華田🌟▫️多肉粉荔 $49朋友怕肥就走左啲芝士 嗚嗚呢個就冇乜味 可能因為走左芝士所以就咁淡 下次可以試試正常version;P 不過入面會有荔枝果肉 感覺都幾正(˶‾᷄ ⁻̫ ‾᷅˵)📍喜茶 沙田沙田正街18號新城市廣場1期4樓408號舖#eatwifcathy_茶飲 #eatwifcathy_沙田 #沙田 #沙田美食

現家喜茶係香港咁多分店，終於唔洗特登上去飲lu! 仲可以用app嗌定再去分店攞都幾方便 呢個芝士金鳳茶王係我最常嗌！我自己會揀半糖 全糖實在有啲甜 覺得個茶底幾香 清新 有少少甘甜味 係好多人揀嘅皇牌之一

雖然 #小秘書 唔知 HeyTea 喜茶 有咩咁特別，不過難得放假，又見排隊嘅人唔係太多，當然要嚟湊吓熱鬧😆本來我都唔知 沙田新城市廣場 開咗間 #喜茶 㗎，只係行去 #LEGO店 買禮物嘅途中見到👀 當時差唔多中午12:30，鋪面只有位 #服務員 企喺度，原來 #喜茶 仲未準備好，#服務員 只好叫大家13:30再返嚟😅 咁我哋就唯有去行吓先啦😏 1小時過後我哋準時返嚟，不過人龍已經出現，好在唔夠10分鐘就輪到我哋🙏🏻 第一次嚟幫襯 #喜茶，都唔知飲咩好，#服務員 見我咁 #猶豫，提議我哋可以試吓佢哋個「芝芝芒芒」... 既然大家都冇idea，就信佢一次啦😉#喜茶 設有 #等候區，環境都唔錯㗎，無無聊聊又可以玩下 #自拍🤳 等咗大概10分鐘左右，我杯「芝芝芒芒」出爐啦💕 杯上有提示大家先大啖飲 #芝士+#沙冰，之後再將 #飲管 插入杯底，啜埋啲 #芒果肉 入口，咁嘅配搭果然唔錯👍🏻 以往我都唔係太識欣賞 #奶蓋 類嘅 #飲品，但係 #喜茶 真係做到嗰種 #濃厚芝士奶味，鹹鹹地嘅口感再撈埋啲 #沙冰 入口，杯底啖啖 #芒果肉 好豐富🤤 雖然$45係貴咗啲... 不過我又幾Like佢喎🤩