喜茶 (Closed)

第一次在香港試喜茶，並不是它的飲料，而是它的雪榚，感覺雪榚的價錢不會比深圳高很多，而且跟深圳店舒適度比起都差不多。我們試了兩款，一款是波波雪榚杯，是配有黑糖珍珠的茶味雪榚；另一款是芒芒雪榚杯，𥚃面有芒果和白珍珠，定價不高。波波黑糖味濃郁厚重，仲有滿滿的黑珍珠食，甜甜地再配上茶味雪糕，清淡中帶一點甜，是豐富晚餐的最佳結尾。芒芒則清麗脫俗，芒果鮮甜，配上白珍珠夠特別，白珍珠較黑珍珠軟身，不同的口味，是炎夏午後的冰涼之選。值得一試🤤

知道喜茶在沙田開分店，我不知幾咁高興。放工的時候或者星期六日可以隨時買到、不用下下上大陸先可以買黎飲｡我向來喜愛水果類型嘅沙冰､喜茶的芝芝莓果及多肉車厘正是我杯茶｡很喜歡他們大大杯士多啤梨沙冰及車厘沙冰，感覺很健康很清新。炎熱的天氣飲番杯、 特別清凉．賞心樂事｡ 雖然等的時間偏長､但我覺得10分值得｡

入完大埔難得經過沙田~見到唔係好多人排，所以就屎忽痕買杯飲下。之前返大陸錯過左多肉粉荔，見依家香港期間限定，一於整返杯先~-☆ 多肉粉荔 HKD$49嘩！估唔到咁好飲🤗 飲到啖啖大大粒荔枝肉，加上配埋蘆薈粒，口感非常豐富。味道清香唔會好甜，飲完唔會覺得甜耶耶，正👍 芝士咸香但唔夠多，茶味亦飲唔出🤣 但如果純粹係水果沙冰飲品，可以話係我飲過最好飲嘅！-**溫馨提示排隊買5分鐘都唔洗，但排隊等就等左成個鐘啦…… 49蚊飲杯嘢嚟講，價錢算幾貴，間唔時飲下都可以嘅~

喜茶近年超高速直線開業，香港人寧願排3小時都想飲到一杯喜茶，簡單非常瘋狂😅😅😅是日來到傳說中既沙田新城市喜茶，人流並無想像中多，原本想簡單點個喜茶最新推廣「多肉荔枝」，可惜已迅速售罄，唯有點了「多肉葡萄」🍇🍇🍇喜茶之所以吸引，相信是因為品牌創辦人亦是傳統90後，了解現時香港年輕消費者喜愛五顏綠色食物作打卡拍照文化，當然味道才是王道😎「多肉葡萄」入口輕輕甜味，感覺不像茶飲系列，果汁感覺更強烈，杯底既葡萄肉🍇🍇非常多，混合杯蓋面既芝士奶蓋真係非常夾，而且好幼滑，即使$49蚊一杯亦值回票價😚😚

同一般人一樣，去得喜茶都係諗住飲芝芝芒芒、芝芝莓莓、芝芝桃桃。但係其實喜茶係有雪糕賣㗎！重要的事要講三次！難得排隊排咗咁耐，梗係要試啲新嘢！喜茶嘅茶香向來都係非一般咁出色，用黎做雪糕簡直係神來之筆！雪糕帶有喜茶香濃嘅茶味，加埋喜茶慣常高質既奶製成嘅雪糕係十分之軟滑，再加上骯髒甜甜的可可粉，唔係識咗成手都係就係成口都係！一路食落去，香脆嘅甜筒亦為軟滑嘅雪糕增添左唔少口感！甜筒唔單止香脆，仲帶有朱古力味同埋茶味。

最近聽到朋友講香港開左喜茶，唔洗等咁耐，一直心動想試下，心動不如行動！係附近放工決定去潮聖一去到沙田新城市廣場唔算難搵，一直上扶手電梯就見到大大個喜茶Logo，去既時間大約下午19:00，不過咁就大約望都巳經有15-20人排緊開左都一排一直都冇試過 一於試下新野芝芝苺果+芝芝芒芒: 全部面頭有都芝士奶蓋再加上沙冰口感都豐富講下芝芝苺果先，可能係我ORDER左少冰，所以飲落好甜，我諗都係標準冰會比較好，而佢係芝芝面，中間係冰沙，最底係苺汁，顏色係幾靚，層次分明，芝芝奶蓋面香滑，飲落有種甜芝士既味道！跟佢溫馨提示一啖芝芝一啖冰沙，芝芝溶入茶香，甜甜咸咸，比想像中既味道更夾.芝芝芒芒:真係好飲,原因係佢真係有芒果肉係入面同埋無論你擺幾耐 佢都係同一個味 唔會話啲冰溶哂無味, 所以整杯都無冰粒總結:難怪個個都咁鍾意佢既芝芝系列，果然價錢同味道成正比 另外建議要快飲因為之後會略甜。

剛剛經過，見到都超多人排隊。但聽聞超好飲，所以💩都要試下😂跟住見到門口，原來可以掃QR code 點餐，咁就方便得多喇。我們點了一杯芝芝莓莓，一杯芝芝芒芒。坐定定等電話呼叫提醒去攞餐。這間店舖方便很多，因為通常都買完飲品，要一路行一路飲，這間店舖就不同，可以坐定定嘆完杯飲品先走👍👍👍這個電話提醒攞餐功能超方便👍，等了15mins左右就可以攞飲品。首先飲左個莓莓先，完全不甜，很多打碎了的莓莓肉。而芒芒，芒果都不酸，甜甜鮮果芒。跟住就到濃濃的🐷士，飲完感覺超正，比起其它芝士奶蓋飲品，芝士更滑更濃郁環境舒服，整齊，而且枱上有紙巾和飲管供大家自取👍(緊記不要浪費哦），而且也每隔一段時間有服務員清理枱上污水。而且大家都很自律飲完飲品，掉到店舖垃圾桶👍飲完這店，終於明白為何終日都排隊了😂

下午時段，未到放工放學的時間，見到排隊買野飲的人龍消失了，諗住無咩人咪試下喜茶係咪真係咁好飲，點知就係咁，中伏了！買野飲係唔洗點等，但等野飲都要等成四、五十個！由於唔喜歡芝士的關係，點左杯雙併波波，揀左珍珠併oreo少甜口味，等到人到癲之際終於等到。飲落去有d不外如是的感覺，咪又係咁，值唔值得要人等咁耐呀？杯野飲叫左少甜都仲係咁甜，奶味太重，珍珠好甜，完全沒有茶味，仲要完全都食唔到飲唔到有oreo味！而d oreo就已經溶哂....以後都唔會再買了！

岩岩搬近左沙田，今晚又早左收工，食飽飽就出左new town plaza到行下街睇下野😆同男朋友分頭行事，因為好想食d甜野，諗起喜茶就好想去。係app到成日都話店裡繁忙唔俾我落單，其實我試左好多次都唔俾，唔知有冇人試過係work 嫁呢？不過好在去到喜茶冇咩人排隊，可能夜晚8點半左右唔係peak hour，落完單店員話等30分鐘就有。今次叫左芋波波波，鮮奶底，低卡糖喜茶真係冇得輸，飲落好濃郁嘅芋泥，仲有芋頭粒粒，唔太甜，芋圓波波好有咬口唔會太硬，有d白玉小丸子❤️

平時唔會係openrice寫食評的今次真係忍無可忍呢排冇時間返大陸又好掛住喜茶杯多肉葡萄心諗貴少少都唔緊要啦 照殺！當時已經知道星期日多人要等男朋友話既然係咁我都一齊飲啦～於是叫左一杯多肉葡萄 一杯芝芝芒芒Wechat落單一切正常同大陸一樣模式咁俾錢同等number要知道如果杯野賣晒 佢係唔會俾客人落單的如是者等左2個鐘左右終於輪到我點知原來去到連攞野飲都要排隊等左15分鐘先到我佢竟然同我講多肉葡萄賣晒 要我轉其他！但係我兩個鐘前已經落左單俾左錢！！我係為左多肉葡萄先等咁耐如果賣晒你做咩又俾我落單？仲一句道歉都冇 真係好嬲！浪費左我咁耐時間最後結果係退錢！我覺得如果網上落單有漏洞未完善就專心做walk in客先吧希望喜茶可以為呢方面不足作出改善！大家亦都可以留意返唔好以為上網俾左錢就咁老定以為一定有得飲

平時番深圳吃喝玩樂，都一定會嗌杯喜茶。而家香港有就更方便啦😋 唔洗上深圳都可以頂下癮。過左幾個月而家人龍都無咁長。飲番芝芝芒芒同莓果，味道同深圳飲都差唔多，只係芝士奶蓋味無咁濃郁，飲得過！😋

自從內地超人氣茶飲店喜茶登隆香港後，一直都礙於新聞報導那驚人的等候時間而卻步。但是去年到內地跟過喜茶後便自此念念不忘那份清新的果茶與濃厚的奶蓋。難得這天來到沙田，便決定前來一試在港首間的喜茶。幸好買的時候仍是上午，排隊的人龍不太長，大約排了5分鐘便可以到收銀處下單，不過那時收銀已經強調等候時間要30分鐘。本來還想買雪糕，但可惜沒有雪糕賣，結果只買了1杯芝芝莓莓，實在有點失望。位於沙田的喜茶店面很大，亦有很多位置供客人坐下等候，等了大約半小時，但還有10多個號碼才到我們，結果最後等了45分鐘才拿到飲品。一杯芝芝莓莓相對於其他茶飲店真的偏貴，但它的份量卻很對得起這個價錢，因為真是很大的一杯，奶蓋的份量亦較其他店厚實。真的尤其喜愛喜茶的奶蓋，稀稠程度適中，濃厚的芝士和奶茶味實在令人十分回味。中間是士多啤梨沙冰，而底部是香濃的士多啤梨果汁。芝芝莓莓的甜度適中，雖然很大杯但還是很快就喝完，因為等候時間實在會令人由不口渴變得有點口渴(笑)。縱使等候時間偏長，但還是覺得很值得，因為它是我跟過最好喝的奶蓋飲品，其他店也比不上。走的時候發現排隊買喜茶的人龍已經排到很長，真的很慶幸自己早來了一點。

HEY TEA GO新城市分店終於都可以一齊用簡直就系天大嘅喜訊連排隊嘅時間都慳返去喜茶唔飲奶蓋去喜茶真心無咩意義對於有時身痕唔想番大陸嘅沙田友新城市的確系方便嘅選擇雖然價錢偏貴 但偶然一兩次都可以接受嘅🙈今次試左香港限定冰火雞蛋仔💕配搭的確系幾唔錯但略嫌定價都系貴左D無計啦系新城市租都貴過人啦⋯⋯茶味嘅雪糕配雞蛋仔系幾MATCH 但雪糕質底比較易溶食嘅時間要爭取時間唔好淨系掛住打卡味道適中唔會過甜而且好慶幸我地個雞蛋仔系整我外脆內軟 值得讚一讚👍🏼如果整嘅時間快番少少就仲好啦🤣再黎金鳳茶王&芝芝芒芒飲品的確KEEP到水準無令人失望金鳳茶王真心無得輸芝芝芒芒就令我更加驚喜竟然可在食到芒果粒深圳嘅只會用果泥打今次完完全全加哂分值得推薦

因為要去沙田附近工作的原故，我就諗住見識下香港的喜茶，其實喜茶係大陸我都飲過兩三次，每次都要等好耐先飲到杯，仲會買埋mini喜茶返香港飲，我就比較鍾意佢個奧利奧波波茶多過芝士奶蓋。我用微訊個小程序喜茶go落單，咁樣就唔洗排隊等落order，嗰日平日都幾多人排隊買，我用電話落單後要等36張單，我行左一陣先去拎，第一次去沙田舖頭，感覺佢裝修好夢幻，都有位比人等飲品同飲野，算唔錯。呢杯芝芝芒芒係好飲既，芒果沙冰真係用芒果整，冇藥水味，仲有少少茶香，奶蓋依然好cream好濃密，其實我只是為左個奶蓋而叫，因為我覺得香港其他舖頭都做到呢個質素，特唔特登去潮聖，就自己諗下

我第一次飲喜茶係深圳飲，整體落單後都起碼要等20分鐘。香港嘅，我過了人潮熱先黎買，落單後直接問職員，「杯野大概幾耐到先整到？」職員望一望號碼，答都要等30分鐘左右，都還叫okay~ 因爲地點上都可以周圍逛一逛。時間職員果然有經驗，真的差不多30-35分鐘就到我嘅單號碼出現係電了牌上。我點的是芝芝芒芒同近排香港新上嘅芋泥波波芝芝芒芒味道fresh, 唔會酸，好過成行成市嘅芒果甜品店，奶蓋都好滑，係好飲嘅不過對比國內嘅，總覺得深圳飲嘅奶蓋係多啲～芋泥波波我係深圳未試過，香港第一次飲，真係啖啖芋泥，同時有啲類似珍珠的波波，好易咬，整體是良好的，而且挺飽肚既～