茶舍 (景福街)

Open Now

Now Closed

新蒲崗有好多嘢食，中西日，同埋茶記都有好多選擇。所以唔好成日留喺商場，食貴價連鎖嘢。一出Mikiki，以前都係見到比較草根嘅口味，今次見到一間招牌好特別嘅餐廳#茶舍 ，應該開左無耐。餐廳嘅定位係高級茶記，但定價都比Cafe低少少，夜晚主要食#意粉 🍝#蛋包飯、#焗飯，仲有各式#甜品、#小食 ，今次唔知食咩，就試下叫套餐，試最多嘅口味，甜品下次再試。二人套餐 $168餐湯 X2 原來係龍蝦湯，有應該有嘅鮮味，不過因為都好多Cream，所以易入口沙律🥗 X2生菜、粟米🌽車厘茄配上芝麻醬，開胃清新，但唔會感覺太肥。生煎豚美國斧頭扒 黑椒汁、扁意粉朋友唔食牛，好彩有得揀豬🐷好驚喜係用鐵板上菜。厚身而大塊嘅豬扒，切落好juicy。黑椒汁唔太辣，唔會搶走應有嘅肉味。配菜方面，除左扁意粉，唔係得粟米粒，而係一段粟米🌽加半條翠玉瓜🥒，份量相當足夠。一見鍾情PIZZA見到個名好吸引，即刻好想叫。上菜見到咁多料，有蘑菇🍄菠蘿🍍雞肉🐔香腸……真係未試已經一見鍾情。咬落去係薄批，每一啖都有餡，感覺好豐富。白汁芝士焗西蘭花白汁配芝士，係一個無得輸嘅組合，面頭有微焦嘅融化芝士，令人更期待。打開芝士，見到好多煙肉🥓

新蒲崗的茶舍是一家平價又美味的新餐廳，非常適合享受經濟實惠的午餐。我極力推薦他們的咖哩焗雞扒飯，這道菜讓人垂涎欲滴。咖哩的香氣濃郁，雞扒肉質嫩滑多汁，與飯一同焗製，味道更加融合。每一口都散發著咖哩的迷人風味，絕對是嗜好咖哩的人的最愛。除了咖哩焗雞扒飯，他們的熱奶茶也是一絕。這杯香滑可口的熱奶茶，散發著濃濃的茶香和順滑的奶味，喝起來令人心曠神怡。它是午餐時光的完美陪伴，為您帶來一絲放鬆和享受。一定要試試

工作黎開新蒲崗就買個外賣返屋企食行過竟然見到這一間茶舍餐廳之前食過一次九龍灣嗰間分店，都覺得款式好特別，今次有緣又見到又再叫返個返去食我揀咗南瓜野菌烤雞意大利飯朋友揀咗蒲燒鰻魚滑蛋包飯另外叫咗個白汁芝士焗西蘭花同埋上次食唔到，今次終於可以叫嘅柚子芝士蛋糕我覺得今餐真係好豐富蒲燒鰻魚滑蛋包飯鰻魚厚身而且完全冇腥味蛋包飯嘅滑蛋完全覆蓋曬成個飯底嗰啲飯都有一啲鰻魚汁，所以食落唔會太乾南瓜野菌王烤雞意大利飯最初仲怕佢太濕，但食落南瓜汁剛剛好包住啲飯， 另外裏面仲有好多蔬菜同埋雞肉我自己非常非常鍾意食呢個白汁芝士焗西蘭花好多時叫外買都淨係食到碳水化合物同埋肉好少食到菜，見到呢度有白汁芝士焗西蘭花就即刻叫一個試下之所以話覺得茶舍這間餐廳嘅口味比較特別係好多茶餐廳都淨係可能炒幾條菜，未必會有芝士焗西蘭花， 感覺好似西餐廳先有 西蘭花入面嘅白汁能包裹每一棵西蘭花 芝士仲有拉絲柚子芝士蛋糕雖然唔係好大件但係重柚子味軟硬適中重芝士香味，下次可能會再試埋朱古力味餐廳門口不斷都有人等堂食位， 下次有機會堂食再食多幾款唯一外賣要計盒錢或者下次可以帶埋個盒去買咁就更加環保

近排練完舞就在附近搵野食 見到呢間Hi tea 長期都好多人排 我都唔執輸咁要食下佢鑑於太多人等 我都係決定買外賣回家跟家人食晚餐的menu也有很多選擇！天氣咁熱 餐廳仲要好窩心咁準備左檸檬水🍋💦比排隊客人 ！值得加分😍我叫左蛋黃卡尼長意粉 老實講 呢個價錢的確好抵食^^有大量煙肉 野菌 仲有D 芫茜在面 D長意粉汁不會太濃稠 加埋D蛋黃香 整體不錯😆份量也很足夠因為跟套餐 就有杯飲品 叫左熱朱古力🍫 而家人則點了鮮硯白酒煙肉蒜香天使麵🍜有多舊硯肉 也很鮮甜 同時也有野菌 煙肉 跟蕃茄仔🍅天使麵都幾多 十分飽肚😍最後我地也share左千島海鮮pizza🍕2 個人當小食咁食岩岩好pizza多料 賣相唔錯 也焗得個pizza邊脆卜卜🥹呢間餐廳食物不錯 而且服務良好 以後也會多多支持

新蒲崗最近又開左間超高汁嘅茶記我食過好多次，不過都要再食。因為真係幾好食。價錢合理食物quality 有保證我最愛嘅焗飯，三文魚飯，同鰻魚炒飯魚籽三文魚蛋炒飯 $65仲有野飲份量十足超香嘅三文魚味，成個pantry 都聞到蒲燒鰻魚炒珍珠飯 $65鰻魚出面食唔平依間比足你又係勁香，不過小小重口味鰻魚勁juicy咖喱雞焗飯 $58價錢三個最平，不過性價比最高勁大份，勁多料又薯仔又兩塊雞扒不過勁重口味，有健康人士可以試其他新蒲崗景福街91-95號地下5-7號舖

去開Mikiki一田買嘢，又唔想係商場食飯，見到對面馬路開咗一間新嘅餐廳，裝修幾靚環境都10分舒適又乾淨，所以就過去睇吓。餐廳位於新蒲崗主打西日式菜式，附近除咗商場都冇乜靚嘅餐廳，而家香港出街食飯閒閒地都$100,但e 到只係茶餐廳價錢環境於是就試吓，由於食飯時間餐廳好多人，所以決定買外賣返屋企食。今晚我哋就叫咗吉列豬扒咖喱日式蛋包飯。蛋包飯真心唔錯，雞蛋做得非常滑溜，估唔到吉列豬扒返到屋企都仲係脆，水準做得非常好。蜆肉白酒煙肉蒜香天使麵，蜆肉份量非常多食得出係新鮮唔係急凍貨色另外份量足夠一個女仔爭啲食唔晒。蒲燒鰻魚炒珍珠飯鰻魚分量超多好足料另外炒飯亦唔係用平視呀普通泰國米係用日本珍珠米，同香港好多日本料理餐廳有得比。所有菜式都包左嘢飲，新蒲崗呢個價錢真係非常抵食，推薦大家嚟試吓。

今日同個friend响新蒲崗打波，打完波肚仔餓又係搵野食嘅時候。朋友帶我去一間新開無耐嘅茶餐廳，話食物平靚正之餘，店員服非常務好。店舖裝修得明亮整潔，座位闊落又舒適。餐牌選擇貴精不貴多，我哋用QR code 落單，10分鐘內已經上曬食物👍。穀飼安格斯牛配龍蝦湯及沙律 $150.-龍蝦湯有淡淡嘅蝦味，濃稠度適中。沙律有包心菜、粟米及蕃茄，新鮮清甜，加埋芝麻沙律醬更加好食。牛排用鐵板上，表面煎得焦香，7成熟成度剛好，易切無筋，肉色呈鮮紅色，口感軟腍帶牛香味，配埋香濃嘅黑椒汁一齊食，更加惹味好食。配菜有薯條、粟米、車厘茄及大半條翠玉瓜，翠玉瓜預先煎過，又香又多汁😋。菠蘿鮮茄三層焗豬扒飯 $58.-菠蘿清甜，蕃茄新鮮味道香甜，番茄醬汁酸酸甜甜帶芝士香味，配埋熱辣辣又軟熟嘅炒飯一齊食，醒胃又好味。豬扒啖啖肉，口感軟腍，香口又好食。凍朱古力 (跟餐加$3.-）朱古力味香濃，口感順滑，冰涼解喝。熱奶茶 (跟餐免費)奶茶茶味香濃，口感順滑無澀味，好飲。後記：店員多是年青人，服務非常勤快有禮，呢點非常讚👍。

茶舍📍新蒲崗景福街91-95號地下5-7號舖近排聽朋友講話新蒲崗新開左間港式茶餐廳，今日行開個邊就決定去食個Dinner啦～星期三夜晚6點半到，餐廳已經全Full，等左5分鐘先有位，餐廳裝修不錯，環境光猛寬敞👍餐廳係用QR CODE落單的，唔知係咪因為新開業嘅關係，顧客只要Like 茶舍嘅社交平台專頁就可以免費獲贈兩隻柚子雞中翼，不過可惜我同朋友食飽先見到，所以今次就冇食到啦，下次再有機會一定會再食☺️軟殼蟹白酒蒜香天使麵$80 上枱時好香蒜味，有原隻軟殼蟹、蜆肉同魷魚，軟殼蟹炸得好香脆，蜆食落亦冇沙，天使麵唔會好硬唔會過熟👍份量都算多☺️絕對夠飽😋燒肉汁白切肉滑蛋包飯 $58 一睇到menu就覺得呢度嘅滑蛋飯好吸引，而且有個比較特別嘅白切肉，平時係茶餐廳都好少見到，覺得呢個配搭好新穎，所以朋友就話叫一個黎試下🤣🤣白切肉有成6件，唔會太肥膩，配飯都好夾，雞蛋真係炒得好滑🥚🍳好正😆升級套餐 ( 餐湯及沙律) $12每樣食物都可以加$12升級套餐，今日嘅係龍蝦湯，沙律菜都新鮮，仲有芝麻醬增添味道👍柑橘炸雞件 $38炸雞件細細粒，一口雞粒，柑橘醬令人食落覺得好開胃😋😋凍杏霜 +$3凍朱古力+$6

最近去咗新蒲崗嘅茶舍分店，試咗佢哋嘅外賣，真係好好味！我買咗脆炸軟殼蟹芥末醬吐司配薯條同蒜蓉汁雞扒滑蛋包飯。由於係午市套餐，所以附送埋免費熱飲，但天氣真係太熱，所以我加錢換咗兩杯凍飲，分別係凍奶茶同凍檸茶。首先講講脆炸軟殼蟹芥末醬吐司，佢嘅蟹肉好新鮮，脆炸嘅外層又好鬆脆，加上芥末醬嘅微辣味道同蕃茄生菜嘅配合，真係既清新又開胃！薯條都炸得好香脆，就算外賣返屋企都唔會軟身。而蒜蓉汁雞扒滑蛋包飯亦都唔錯，雞扒煮得剛剛好，唔會太乾或太腍，食落都鮮嫩多汁，滑蛋夠滑身，蒜蓉汁又唔會太辣，配上飯都好飽肚。至於飲品方面，茶舍嘅凍奶茶同凍檸茶真係不錯。凍奶茶香濃好喝，凍檸茶清香怡人，令人在炎炎夏日都可以享受到一份涼爽。總括而言，茶舍嘅食物真係好味又實惠，而新蒲崗分店嘅環境亦都好舒適，係一個好適合返工或者放學後搵食嘅地方。如果你係新蒲崗附近，真係要嚟試下佢哋嘅食物啊！

試咗新浦崗新開既茶舍, 門口招牌清晰，地點方便容易搵, 係正Mikiki商場對面，入內裝修舒適坐位寬闊係我最愛既雲石枱面, 待應態度親切,可以掃條碼落單夠方便! 一打開餐牌已經比個濃蝦湯吸引住，食物選擇多！見好多人點了照燒汁鰻魚滑蛋飯，睇嚟好出名，下次先試，先點了濃蝦湯海鮮湯飯, 嚟到先試一啖湯底，甜甜的味道配飯一流好有鮮味, 配料十足有蝦,帶子,青口,蜆及魷魚, 再點了柑橘炸雞件, 份量十足，還有炸雞配上柑橘味道好夾, 好開胃,可解漏！重點係炸雞夠脆身, 好回味! 再點了魔鬼芝士薯條, 脆脆既薯條加上大量既芝士焗出嚟好香,好好味! 最後點了一杯紅菜頭芒果梳打，甜甜既紅菜頭加上芒果配梳打夠晒夾，整體食物質素好！值得再來幫襯!

期待開張已久，作為新蒲崗居民嘅我，快啲嚟打個靚卡先。我同屋企人4個嚟食左一個二人餐：牛扒好好食，外層煎得好靚，帶少少脆，裡面好juicy，比一般茶餐廳好好多，由於佢係鐵板上，心急嘅我掛住食忘記咗未影相，唯有下次再食先影返相😅二人餐仲有芝士薯條、pizza、胡麻醬沙律、忌廉湯、飲品，另外仲叫左一碟鰻魚蛋包飯都好食，最後又食到好飽。埋單4個人唔駛400蚊，我覺得整體都唔錯，同埋店員好忙都一樣好好禮貌，主動提返我仲未叫齊餐飲，我會再去試埋早餐、午餐。

新場係坐得舒服啲，冷氣好啲，但食物質素一般，出餐也比較慢（如趕時間返工就下次再試會合適啲）食物份量都正常，但欠缺乾淨，碗麵有發泡膠也是好奇怪🤔，早餐沙嗲牛肉公仔麵🍜冇乜沙嗲味，再加上香菇完全唔夾又冇味）但最奇怪嘅事係點餐並沒有沙嗲香菇牛肉麵㗎，但餐牌上圖片顯示就有嘅）丹多冇牛油齋包，丹多冇油嘅，因為喺自助落單度係有得選擇要唔要油或者選擇走油，但都脆有少少熱，凍檸茶冇乜茶味比較淡也沒有檸檬味，所以整體並唔吸引

今日本來打算去新蒲崗Mikiki到食個lunch .. 點知看到對面有間餐廳新開張，於是乎去睇吓…餐廳叫「茶舍」還境裝修不錯.. 而且價格也親民，於是就決定今日lunch 改這裡🥳 照燒汁鰻魚滑蛋飯，有驚喜🤩有半條鰻魚😱而且厚底肥美，滑蛋夠滑夠濃，配埋鰻魚汁一齊拌飯巧巧味🤭 龍蝦湯海鮮湯意粉，有蝦，扇貝，魷魚圈，蜆等…湯底都夠濃，味道不錯！用咗扁意，口感軟硬適中！ 凍奶茶，香滑茶味夠！ 綜合水果茶，味道不錯！

新同事通知有間新茶茶餐廳開咗，約我們一齊晏晝去食。 遠處看見茶餐廳門口已有十多人在排隊，去到餐廳原來係［茶舍］，真係有點兒驚喜，我食過幾間分店，水準都好高呀！呢間唔知水準怎樣？帶著驚喜嘅心情入去食午餐。 蒲燒鰻魚滑蛋包飯，日式嘅食法，蒲燒鰻魚好新鮮，蛋炒得好滑，配上的飯一起吃，真係好食，好真係唔錯。忌廉野菌皇烤雞扁意粉，忌廉打得好滑， 加埋啲野菌好惹，扁意粉嘅硬度都適中，加上烤雞，好食。 原條魚柳包配和風沙律，好大條的魚柳，齊條魚柳煎熟放在一個包上，好大滿足，加埋啲沙律， 更是完美的配搭 。這店水準都不錯，好食，都能夠保持其他公司的作風、口味。 咁晏晝食午餐，就唔需要咁煩惱啦。