茶舍 (儲金閣)

Open Now

Now Closed

晚飯食咗佢餐牌上面推介嘅嘅龍蝦湯海鮮飯。想講吓上面有隻在蝦，發霉到一個點，啲肉已經甩到散晒。好彩冇發臭，但肯定正常人入唔到口。其他啲海鮮冇乜特別，有魷魷魚，青口同蜆，都係一般雪藏貨，冇乜誠意。但這個叫得做廚師推介，竟然一啲都唔見香濃。總括來講，如果唔計隻蝦，都未至於好難食，但係收70幾蚊就唔多值，絕對唔會推介。餐廳好多位坐，裝修環境幾好。星期六晚飯時間都唔難搵位。如果大明里其他餐廳搵唔到位，都可以試吓。

嚟到大埔呢一間餐廳，平時見到佢都覺得環境幾靚，而且食物上都有唔少既選擇，夜晚都幾多人去食嫁，今次就嚟試一試先，睇下佢好唔好食🍀芝士汁滑蛋魚柳包飯 $58呢一個飯既賣相都幾靚，上面魚柳炸到夠哂金黃脆卜卜，滑蛋既熟度啱啱好，芝士汁份量都唔少嫁，不過食落魚柳就比較乾身，冇平時水潤既感覺，芝士汁味道一般，唔太濃芝士味，整體味道正常🍀忌廉野菌皇烤雞扁意粉 $56扁意粉分量都唔少，烤雞既質地都滑，而且野菌味道都唔錯，仲加左入芫荽調味，但味道方面就唔太夾，醬汁方面就比較少，味道上就比較淡，配料上就比較少，整體味道一般整體來講呢一間餐廳既味道正常，環境上都幾唔錯嫁好食：❤️❤️❤️🖤🖤抵食：❤️❤️❤️❤️🖤茶舍 (儲金閣) (大埔)大埔大明里20號儲金閣12-20號地下A舖

如題，安排位置混亂，員工無禮貌。叫左一個飯一個意粉，跟餐仲有兩杯野飲。飯來先，到我食哂個意粉都未到，最離譜係兩杯野飲都無來到。問佢地野，仲慘過問佢地借錢。最後杯凍飲到先，個意粉都仲係未到。追左，無答你會跟定點，再等多陣個意粉先到。個侍應仲要好無禮貌咁放係檯面，其實我係來食野，唔係受你地氣。加上我來既時候都唔係peak hour，如果撞正食飯時間，我想像唔到個情況會點樣。野食好食都無用，我唔會再來幫襯。

街坊價又多元化，親民高CP茶餐廳行過大埔舊墟，見到呢間樓面光猛，裝修企理，價錢又唔貴嘅餐廳，今次叫外賣， 返屋企嘆下先。三重芝士焗鮮茄牛脷飯毫不吝嗇而且濃郁, 拉絲的芝士鋪滿了整個飯面， 新鮮切角粒的蕃茄，配合得恰到好處，一粒粒既牛脷， 應該避免入焗爐時，太薄流失水份， 所以整個牛肉保持得非常軟淋， 當然炒飯底是標配吧，哈哈。鮮茄汁香煎豬扒滑蛋包飯金黃色的煎蛋，厚厚的鋪蓋著整個飯面， 簡單煎炸過的豬扒亦非常有肉汁， 厚薄適中， 簡單新鮮煮的茄汁， 濃濃的蛋香點上茄汁，尤其開胃。蒲燒鰻魚炒珍珠飯炒飯當然是顆粒分明， 蒲燒鰻魚所有汁都均勻地滲入珍珠飯裏，灑上鰹魚，混合起來香氣撲鼻，完全是日本正宗。綜合水果紅茶裏面是有好多好多新鮮水果，喝下一口非常開胃，必定要試!玫瑰普洱茶普洱茶屬於黑茶， 經過全發烤的茶通常最後會帶點苦澀味， 玫瑰花香剛好中和， 領取後玫瑰花留在齒頰中。冷萃咖啡冷萃咖啡淡了咖啡中的酸味和苦味，令人更直接嘗到原始的咖啡豆味，這口感非常清新。

大埔換左好多新餐廳，呢間既外表好出眾，經過見到明顯同隔離啲鋪”格格不入”😂😂 入到去發現𥚃面既裝修好打卡able，平日夜晚都好旺場，滿哂座。所以安排左坐矮身啲，平時cafe個種矮枱矮椅。張櫈好大張，好深，幾好坐，但腳長既可能會坐得辛苦小小。叫左兩樣野食，一個牛扒配意粉，一個焗豬扒飯。呢到既食飯份量真係超巨！我地見到隔離枱食雜扒餐，大份到嘩出聲，好似半個a4紙箱咁大同高😂😂牛扒叫左5成熟，煎得岩岩好，大大塊唔係薄chichi個種。意粉配黑椒汁一齊食都ok焗豬扒飯又係大大份，豬扒份量夠，男士食都ok另外牛扒餐送左餐湯同沙律，芝麻醬少啲會較好，始終都肥😂😂埋單$207，街坊食堂黎講ok ar!

放假同班friend 係大埔踩完單車，去咗Hi Tea茶。舍坐低睇吓menu 有好多款式既下午茶，我哋決定叫幾款一齊食。可以開心share 食多幾款唔同口味😆流心芝士西多士西多士有料到，內層包咗芝士同火腿，啲芝士溶溶哋夾住啲火腿同西多士又幾好食喎重重疊三文治焦點原來係個超級厚蛋食落好有層次同口感正呀！炸大雞脾田園沙律炸大雞脾真係好大隻新鮮炸起食落外層脆卜卜雞髀肉嫩滑啖啖肉😋配埋個田園沙律可以中和番。百搭自選HI+TEAHi:迷您卡邦尼意粉TEA: 香熟豬扒呢款配搭幾得意岩哂我啲大食仔😆餐茶仲可以加配（樽裝)玫瑰普洱茶又可以解膩正呀！餐廳仲有好多款靚靚蛋糕😍

💁‍♀️💁‍♂️ 3/3/2023(Fri), Dinner🍽大埔墟食肆林立，每間食一次要食勻晒都要唔少時間。今晚為食妙妙同A先生就去咗其中一間爆場店-茶舍去食晚飯。其實之前經過都見呢間餐廳既餐牌好吸引，比起一般茶餐廳既食物精緻啲，又特別啲。環境方面都好光猛，坐得都算舒服。而今晚我地order咗：🔆 濃蝦湯海鮮扁意粉🍝（$72）我地見店內都有唔少人叫呢款濃蝦湯海鮮，於是乎又叫嚟試吓先。海鮮有帶子、蝦🦐、蜆同埋魷魚🦑圈，再加少少菇，用一個好濃味既蝦湯底去煮。餐牌可以揀湯飯或者扁意粉，我地今晚就選擇咗扁意粉。上枱時先飲一啖蝦🦐湯先，蝦味濃郁得嚟又唔會好鹹。扁意粉吸收咗蝦湯既味道，配合用蝦湯煮過既海鮮一齊食，鮮味十足。海鮮全部食落都彈牙好食，唔係d雪咗好耐既貨色，性價比高之選。🔆 脆炸軟殼蟹🦀芥末醬吐司🍞（$98）A先生本身唔係十分喜歡食米飯既🍚人，所以佢就選擇咗呢個脆炸軟殼蟹🦀芥末醬吐司🍞。點餐時可以選配薯條🍟或者沙律🥗，我哋就要咗香口啲既薯條🍟。吐司🍞切開一半，入面有原隻既軟殼蟹🦀、生菜🥬同蕃茄🍅，上面加咗芥末沙律醬。份量大到唔能夠一口完整咁咬落去，唯有切開嚟食啦。軟殼蟹炸得酥脆，連埋有少少

入座後,, 因QR code 有問題, 所以向女待應說一聲：「阿姐, 麻煩幫我落單」, 女侍應大聲回應：「我唔係阿姐, 我係阿妹」, 然後一邊落單, 一邊罵我的手機有問題, 不關QR code的事. 其實不論叫阿姐或妹都只不過是一個稱呼而矣, 有必要論錯對嗎？無論QR code 或我手機有問題, 有需要向客人理論嗎？ 我向樓面主管投訴, 樓面主管說：「人哋係阿妹, 你叫人阿姐, 係你唔啱！」. 這樣同客人理論, 又是好的服務態度嗎？ 難道客人會知道侍應的年紀, 而知道怎樣去稱呼？約定俗成, 通常都叫「小姐」或「阿姐」. 又何問題呢？ 明顯是不懂什麼是待客之道.

上去朋友屋企玩之前，睇到中西餐都有嘅茶舍，即刻去試下。夜晚食飯時候好快坐無虛席，都要等幾張枱。因為好多款唔同食物，樣樣都想試下😋最後都係選左三款主食加甜品。🌟魚籽三文魚蛋炒飯非常足粒嘅炒飯，啖啖都食到魚肉，味道岩岩好，唔會過咸。🌟照燒汁饅魚滑蛋包飯饅魚大大塊又厚身，雞蛋真係好滑身👍🏼🌟濃蝦湯海鮮扁意粉個湯底好鮮味，扁意粉彈牙，同埋一碗都好多海鮮有蝦、帶子、青口、魷魚同埋菇片，好抵食食完加多件cake，非常滿足😆每個主食跟飲品，我加咗最愛嘅熱杏霜😍，三個餐+1件蛋糕合共$217，好味又抵食又多款，性價比好高👍🏼下次好想食佢扒餐😆

大埔公園仔向來以民生生活用品及速食店為主。新舊交替之下，同一條橫街引入幾間年輕品牌，吸收不少外客光顧。茶舍不是台式餐廳也並非cafe，同時供應中西食品，可說是一間fusion冰室。光鮮明亮的裝潢感覺乾淨企理，座位舒適保留空間感。餐點方面價錢很貼地，最便宜的卡邦尼晚市套餐只是$54，大多都是百元以內。套餐免費配熱飲，朱古力不用另外收費。朱古力味道濃郁，檸檬茶則是西式茶底茶味較温和。見其他人叫的牛排餐大大份，但我應該點錯平價牛排餐$88。安格斯牛排肉味濃，做到所要求的五成熟，質素有保證。配菜的沙律是新鮮的。薯條外皮有一層薄脆衣寧舍脆口，附上的黑椒汁份量可以沾埋薯條。因為係半生熟，牛排上枱時都要resting，會見到有肉汁逐漸滲出。味道比傳統茶餐當然更佳，不會有鬆肉粉，也沒有多餘的肥膏。只是份量適合女士，如果再來的話男士要點貴一級的牛排餐，目測肉量多三倍，但價錢只差幾十元。日式鰻魚炒飯餐都係$68，可鰻魚粒毫不輸蝕，每匙都有鰻魚肉。還有一大堆木魚片，上枱時不停跳舞。為求更惹味，入面也會有蔥頭及洋蔥。炒飯用珍珠米，鰻魚汁炒飯甜甜地又有菇菌，小朋友一定會喜歡。我們仲加左一碗招牌龍蝦湯，賣相雖然平

📍茶舍（大埔）同朋友收工後去食個dinner聚下～佢係附近收工 就決定去呢間餐廳 因為之前同朋友食過都覺得唔錯-咖喱牛腩焗飯呢個我之前食過覺得好好食～咖喱味香濃 醬夠多 仲有芝士😍勁正！焗飯我最like但朋友叫左我就試其他🤭-黑松露野菌蠔仔意大利飯呢個一般般 黑松露味好淡 相對其他無咁出色～-鰻魚炒飯呢個一致獲得好評～調味岩岩好！好香鰻魚味 又有啲鰻魚粒 啲木魚碎好香～真係好食🤤 我朋友仲話搵下佢翻工個頭可唔可以叫呢到送外賣😂我地本身想叫特飲但係佢已經售罄🥲最尾叫咗凍檸茶 正正常常～

今日是平日，我同朋友夜晚7點到餐廳，入面已經座無虛席，好在仲有最後一張枱。冰室的環境，播着一首首的懷舊金曲和流行金曲串燒歌，d回憶番晒黎食肆採用自助點餐，方便快捷。今次叫左一個dinner set和一個單點食物。熱朱古力難得的香濃，足料的朱古力先至好飲架軟殼蟹白酒天使面天使面大大碟，有淡淡的白酒香，好香蒜蓉味，再加上香葉，味道更多層次。軟殼蟹即叫即炸，夠新鮮。本身就醃得入味，食落好juicy又酥脆，當中以蟹腳最脆口，炸得香脆，齒頰留香。香煎波士頓龍蝦海鮮湯飯龍蝦有成隻碗咁大，龍蝦肉亦充滿肉汁，用蟹鉗一夾即刻爆汁。而龍蝦頭煎至香脆，甘香可口。最後，龍蝦湯濃郁，充滿鮮味，白飯吸收晒湯的精華。柚子芝士蛋糕（晚餐加件cake都係$16咋）蛋糕首先入口的是濃郁的清新柚子味，配上本身略滞的芝士蛋糕，又幾balance喎

新年期間，經過大埔，先醫肚才造訪親友！在大埔四方公園行逛，發現一間裝修雅致，之前未幫襯過嘅新食店，星期六下午茶選擇多，鐵板、意粉、雞髀、西多，梗有一款適合你！選擇咗香煎斧頭豬扒蛋包飯、鹹牛肉滑蛋三文治、煙三文魚火箭菜pizza 、流心芝士西多、上菜速度適中。本來侍應叫我哋五個人，加張圓櫈迫埋落一個卡位，及後想坐得舒服，見附近兩張梳化位客人走咗，於是我們分開兩張枱坐，門外亦冇客人了，侍應也沒有講什麼，也非常友善。整體水準高，價錢親善，侍應和收銀員很有禮貌，加分加分！

大埔住嘅我，一定要搵間有早餐食又可以打卡餐廳。我同好姊妹order 咗兩份美式早餐，都算多嘢食、好豐富。味道方面，正正常常。價錢又親民，所以長期都好多街坊幫襯。😂😂

今晚到大埔接老婆，之後直接喺大埔嗰頭食飯。茶舍嘅大埔分店裝修有啲走cafe風，但同啲裝修似西式餐廳，而實則係茶餐廳嘅餐廳唔同，茶舍嘅餐單提供唔少西式或日式食物，例如沙律、pizza同甜品。我哋叫左煙肉凱撒沙律、煙三文魚火箭菜薄餅、忌廉鮮菌天使麵同一杯芒果沙冰特飲。當時大概夜晚七點，正值晚膳時間，但係落左單之後五分鐘，飲品同食物陸續送上，非常有效率。首先上枱係芒果沙冰。冰都打得好好碎，而且芒果味道頗濃，可以一試。沙律方面，同傳統凱撒沙律唔同，餐廳落嘅煙肉量多，令煙肉香相對突出。薄餅餅底係港式鬆厚批底。餅底唔會焗得太乾，用料亦足。火箭菜喺pizza焗好後再放上，為成個主菜味道唔錯。天使麵係最後送上：麵質偏軟，味道喺平均之上。用餐完畢離開餐廳時，門外約六至七人等緊位。如果大家晚巿約七八點到達，堂食嘅話可能要等一等。