茶舍 (儲金閣)

Open Now

Now Closed

大埔換左好多新餐廳，呢間既外表好出眾，經過見到明顯同隔離啲鋪”格格不入”😂😂 入到去發現𥚃面既裝修好打卡able，平日夜晚都好旺場，滿哂座。所以安排左坐矮身啲，平時cafe個種矮枱矮椅。張櫈好大張，好深，幾好坐，但腳長既可能會坐得辛苦小小。叫左兩樣野食，一個牛扒配意粉，一個焗豬扒飯。呢到既食飯份量真係超巨！我地見到隔離枱食雜扒餐，大份到嘩出聲，好似半個a4紙箱咁大同高😂😂牛扒叫左5成熟，煎得岩岩好，大大塊唔係薄chichi個種。意粉配黑椒汁一齊食都ok焗豬扒飯又係大大份，豬扒份量夠，男士食都ok另外牛扒餐送左餐湯同沙律，芝麻醬少啲會較好，始終都肥😂😂埋單$207，街坊食堂黎講ok ar!