響 - Hibiki 日本燒肉 (Closed)

成日都食放題諗起日本牛肉，所以今次我就去咗依間超高CP值日燒放題放題兩個時段收費，限時2.5小時一坐低侍應會奉上燒肉拼盤及時令刺身拼盤，2位或以上送新鮮波士頓龍蝦1隻刺身拼盤有海膽、三文魚、油甘魚、八爪魚同帶子都好新鮮 可以再order食到夠本特別澳洲和牛胸腹油脂分布，軟嫩無比，另外澳洲和牛不同部位都好食天婦羅炸物有大蝦,番薯,南瓜,茄子系我大愛，另外有榴槤炸彈同芝士年糕喜歡食榴槤必試雞串 牛串 雞皮 雞軟骨 雞腎任燒任食飲品好多款揀 清酒🍶 梅酒 柚子酒 紅白酒仲有果汁汽水 🥤綠茶🍵 ，食燒肉飲清酒簡直絕配最後一定要食甜品雪糕🍦 有我最鐘意❤️movenpick 仲有Dreyer’s同Fruttato Gelato任食整體來講我覺得值得一試，食物多元化食都食唔曬咁多款嘅食物極力推介和牛燒肉

態度極差！😡個🔥太細只可以在中間燒4片牛肉，燒雞翼又係只可以4隻仲要30分鐘先熟，所以四個人以上根本就唔夠時間，我哋四個都食唔飽又唔係平！未夠鐘就已經不斷想吹人走！我不斷投訴冇人理我，最後一夠鐘就過嚟熄火收野我仲有幾片牛肉燒緊，我問佢可唔可以燒埋呢個先，他們沒有睬我收曬D野！7:30入座兩個半小時任食，晚上9:57分關火收嘢無情講！因為個火和燒爐size問題否則是夠時間的！我去過咁多間燒肉店呢間係最搵笨！

🔎佐敦白加士街101號珀軒1樓*📍 響 – Hibiki日本燒肉.太耐無食放題了,但係我心目中最好味最豐富嘅放題一定係呢間.我已經食過幾次,亦都介紹過好幾個朋友,佢哋都係大讚呢到嘅質素.同一般放題餐廳一樣,分門別類每樣食物.十分方便.一開始就有龍蝦,刺身等做凍盤.龍蝦雖然凍,但無損佢嘅鮮甜味道.啖啖肉.而幾款剌身都非常新鮮,而且仲有海膽嫁!海膽迷嘅我當然見到相當興奮啦.燒肉方面.賣相已經非常得!而且非常欣賞佢已經標埋名,燒雞肉腸唔多地方有得食,幾爽口彈牙,其次我都好欣賞佢哋嘅牛肉.牛味重,肉汁多.而成晚重點係有我最愛嘅Movenpick雪糕,其實仲有唔同牌子,我仲試埋另一有榴槤味嘅雪糕,覺得大滿足!#entryjordan

睇返啲燒肉放題相，看到又肚餓了🙈之前去咗呢間位於佐敦嘅響 Hibiki 日本燒肉放題😍平日去都好full下，晚市放題分2段特段，限時2.5小時，另有宵夜放題😉一開始店員先送上燒肉拼盤同刺身拼盤，2位或以上仲送新鮮波士頓龍蝦1客🦞龍蝦已開邊上，好放便食用！肉質彈牙又多膏😍！🐽燒肉拼盤一共包括左八款，包括美國牛肋骨、米澤三元豚腩片、米澤三元豚西冷、澳洲和牛肉眼、澳洲和牛胸腹、手羽(即雞翼）同骨付雞肉腸。全部肉質都不錯，仲好貼心擺埋佢哋個名牌喺肉隔離，咁就唔洗怕唔知食緊邊款啦，之後唔夠仲可以任添呢😋！🐟刺身拼盤刺生都有多款，除左三文魚、油甘魚、甜蝦、帶子、八爪魚，仲有海膽！全都可以encore😋，不過海膽就冇得任食啦，另外仲有日本每天空運刺身可以單點架！日日都不同款😉🌟除以上呢d，仲有好多款天婦羅及炸物、小食、沙律、椒鹽燒、蔬菜、和食，選擇十分多，飲品方面同樣選擇多多，有成10多款汽水任飲，亦有日式啤酒、梅酒、柚子酒任飲！🍨最後當然要食埋甜品，Movenpick 雪糕，Dreyer's甜筒，榴槤雪糕，Fruttato gelato都係任食呢，呢餐真係超滿足呀😝

朋友係食肉獸🤣佢生日飯我就諗到之前食過這間餐廳，完全滿足到一個食肉狂，仲有日本魚生 一小份海膽。每個人有半隻龍蝦。我一個人食晒啲海膽魚生都冇肚痛。因為平時我一定肚痛。今次一啲都冇。真係覺得唔錯 ，雖然有啲嘢自已燒到乾晒。但係環境同埋服務態度都非常之好，係值得再嚟嘅⋯⋯眼見隔離枱小朋友一個人食咗五杯雪糕 一支雪條...其他嘢真係食好少。真係覺得好厲害😝眼見佢父母仲覺得好回本😝榴槤雪糕真係唔錯，折實之後三百幾一個人 都覺得自己食到呢個價錢

朋友指定話想食燒肉，想又食刺身，又要抵食，就諗到呢間任食燒肉放題～坐足2.5小時，而且款式都算多！.▪️和牛晚市放題 $322一坐低，會送上三碟一早預備好的刺身、龍蝦以及燒肉拼盤。另外點餐紙上的就可以任叫～包括有海鮮、蔬菜、天婦羅、小食、烏冬、椒鹽燒等等每張枱都有幾款調味，海鹽胡椒等等~刺身大大份，完全唔似兩人份量！仲有個隱藏嘅紫菜，食咗一陣先發現🤣雖然整體OK，但有一兩款食落唔算好新鮮～至於龍蝦燒咗，再自己加調味，不得不讚一讚自己，又燒得幾好食wor👅店員上既燒肉拼盤，份量亦係好足，其實根本唔洗再叫肉都夠飽！澳洲和牛西冷同肉眼都超好食，厚度適中，嫩滑多汁，係咁多款最好食既top2!!-我地另外叫左款烏冬紙內既泡菜石狩鍋，黎到先知，原來係冇烏冬得湯，如果想食鳥冬，仲要叫個清湯烏冬自己加落去！唔知係咪因為坐左向風口位，燒燒下肉都有啲凍，所以有d熱湯落肚暖下胃既感覺十分好～飲品除左有平時既汽水果汁，仲有提供啤酒梅酒等等至於甜品方面，都有大家中意既movenpick、雪條～

今日放假相約朋友去食放題，見響早場有折扣我地就食5點，食2個半中，可以慢慢食。一坐底店員就送上刺身，有牡丹蝦，帆立貝，三文魚，海膽，油甘魚，八爪魚等，刺身都幾鮮味，切得厚身，海膽好creamy可以配紫菜食，牡丹蝦新鮮爽口彈牙。原隻龍蝦可以凍食可以燒一燒再食，龍蝦肉爽口仲好juicy，d膏都幾多。我最期待嘅燒肉，有唔同嘅和牛，肉味香濃，油脂分怖平均，平時出去食燒肉好唔抵呢到可以無限encore一於食番夠本。天婦羅整得幾好，炸粉漿薄薄地，我最中意芝士年糕，好煙un。食到好飽都要再食埋甜品，有唔同口味嘅雪糕可以揀。

好耐無同老公拍拖放題了，要食梗係食好啲食餐勁，就黎到喺佐敦出哂名嘅 響 日式燒肉放題！今日黎食五點鐘嘅早場，好彩book咗位，真係座無虛席坐低一陣，店員就為我哋送上一大盆刺身 及 和牛拼盤，建議我哋試完主打嘅刺身同肉類嘅味道，之後就可以按自己口味再加單！三文魚夠肥美，老公至愛，一下就KO左十幾件😂，肉類款式多，鋪滿雪花嘅澳洲和牛，油香四射，日本豚肉、雞肉，都十分嫩滑， 引到我哋不停encore😂😂，食得是福❤️另外仲有燒野菜、窩物、各款沙律、小食、天婦羅等等！仲有紅白酒任飲！movenpick 、Haagen Dazs 雪糕，gelato雪條任食❤️最近仲做緊七九折添，性價比十足！.

🏡近期工作太繁忙，好耐冇食自助餐，要食，就梗係要食好啲！😆呢度自助餐依然人氣Keep住高企～記得一定要訂位一坐低，唔使order，店員會上佢哋嘅王牌食物，而且仲好有心機，款款都貼晒名，可以食到邊款特別好食嘅，先再order！兩人會送一整隻波士頓龍蝦，我就比較鍾意熱食，所以擺喺個爐度燒一燒，夠熱就攞出嚟，就咁用筷子，已經可以將成舊龍蝦肉撩出嚟，啖啖肉，非常爽口！刺身方面，有三文魚、吞拿魚 、油甘魚、甜蝦、北海道帶子刺身 、海膽等，食落去夠新鮮、夠冰凍。和牛真係必食！和牛西冷比較嫩滑、冇乜筋和牛肉眼就肉味最重兩款 我哋都忍唔住encore咗幾輪！😆之前以為佢淨係出名和牛，點知原來連豚肉 都咁出色，每片都切得非常薄，晶瑩剔透，燒起上嚟，不費時間，容易熟，而且非常爽口！另外仲有各款嘅天婦羅、燒物、壽司等，款式多到不能盡錄， 真係要食好幾次，先食得晒啲款😆呢度環境好寬敞 ，燈光光猛，而且仲有我最愛嘅gelato雪條， 最尾再食返支低卡路里嘅雪條 ，感覺冇咁邪惡，非常良好！回頭率100%❤️❤️下次一定要再嚟🌿

上星期話要食燒肉，所以一早book左今日黎響度食，揀左個最抵既時段！星期一至四5:30入座每位$322(未加一)!! 係最多折扣既時間🤣店員會幫你準備第一批嘅食物，有刺身拼盤同原隻龍蝦！！刺身有三文魚，甜蝦，油甘魚，海膽，帶子等等，食落好新鮮，之後都叫多左一round🥰 龍蝦超級爽口彈牙，食完係超滿足，鐘意都可以燒一燒先食～店員仲準備埋一個燒肉拼盤，有澳洲和牛西冷，澳洲和牛胸腹，美國牛肋骨，手羽等等，呢度既食材係比較上盛同埋高質，肉質好嫩唔會乾，另外厚切牛舌岀面放題燒肉好少見，食左好多牛胸腹同厚切牛舌🤤另外揀咗唔同款既天婦羅，大蝦，蟹柳都好正😍 仲有芝士年糕，食完即刻飽左🤣

呢間日式燒肉店其實係好耐以前已經好出名，最近趁着疫情緩和返啲同朋友食好西，性價比高選擇多，燒肉、天婦羅、串燒、鍋物、烏冬、刺身應有盡有，大胃王嘅你哋一定唔可以錯過，餐廳亦有提供多款紙包飲品和罐裝飲品，而且係啤酒任飲👍_嚟到店員會先上頭盤，龍蝦每人有半隻，睇樣就知非常多膏，食落去肉質彈牙，想熱食嘅朋友仔都可以擺落爐邊燒_接住落嚟就會係刺身拼盤，刺身有多款選擇，包括三文魚、帶子、海膽等等，味道都非常新鮮_第一轉店員會先上肉類拼盤，餐廳非常貼心有列明每一款肉嘅名字，大家就唔使驚分唔清楚邊舊肉打邊舊肉啦，小編特別推介米澤三元豚腩片，另外澳洲和牛胸腹肉都係特別有牛味_除此之外小編亦都叫咗多款炸物試下，想食蔬菜嘅朋友仔呢度又有貼心提供多款蔬菜俾大家放入爐燒，牛油金菇、茄子、菠蘿都係一啲比較出色嘅燒物😍_食到最後唔好以為咁快結束啊，餐廳其中一個特別之處係有提供雪糕同甜品任食，雪糕仲有movenpick既士多啤梨同楓糖合桃味，食返幾杯抵番曬，餐廳任食兩個半鐘都係三百幾蚊，性價比非常高，我哋嚟嘅時候全場爆滿，大家下次不妨同朋友一齊嚟試吓

今日嚟到佐敦食日式燒肉 響 Hibiki, 佢最出名就係魚生刺身同埋和牛燒肉任食放題。魚生刺身拼盤一坐低會先嚟刺身拼盤, 呢度嘅魚生每日由日本空運抵港, 特別是海膽肥美帶海水味, 非常新鮮！波士頓龍蝦跟住就係波士頓龍蝦, 隻隻爆膏蝦味濃郁醇厚, 蝦肉爽口彈牙！燒肉拼盤主菜就梗係燒日式燒肉, 餐廳會安排燒肉拼盤, 有齊各款和牛部位和優質豚肉。我係牛魔王最鍾意牛胸腹, 脂肪較少, 肉質嫩滑鮮甜。估唔到豬腩肉都有驚喜, 油脂豐盈, 口感似煙肉卜卜脆！烤魚喜之次奉送一條喜之次烤魚, 香烤焦香撲鼻, 燶燶哋就啱曬, 魚肉嫩滑, 加啲岩鹽更加惹味！刺身和燒肉係任點任食, 仲有海鮮 燒海蝦、鯖魚、紐西蘭青口。冷盤小食和食天婦羅、炸物、串燒, 款式多羅羅！除咗汽水、啤酒, 仲有紅、白酒、清酒、梅酒任飲, 多款選擇。如果係飲得之人, 淨飲酒都已經係物超所值了！

朋友生日, 一行四人去食和牛燒肉任食放題。喺網上見到佐敦呢間燒肉店, 好有人氣, 趁佢而家做緊79折, 即刻去幫襯下先！未落單餐廳已經自動送上各式拼盤, 好有效率值得一讚！波士頓龍蝦 好有酒店冷盤feel, 肉質鮮甜爽滑彈牙清甜, 啖啖大快朵頤！刺身拼盤 有三文魚、油甘魚、帶子、八爪魚、甜蝦、海膽。三文魚肥美肉厚, 帶子嫩滑彈牙, 甜蝦鮮甜爽口, 海膽口感濃郁醇厚！燒肉拼盤 有澳洲和牛胸腹、西冷片、牛肉眼片、美國牛肋骨、豚肉西冷和豬腩片。和牛西冷紋理油脂分佈均勻, 甘香美味！美國牛肋骨肥瘦適中, 牛味濃沃, 煙韌有嚼口！雞翼、附骨雞肉腸 燒雞翼我鍾意食, 另呢度嘅雞肉腸都唔錯, 外皮香脆！點咗冷盤前菜中華沙律、味付螺肉！炸物、串燒天婦羅蝦、蟹柳、南瓜、蔬菜、芝士年糕、榴槤炸彈！即叫即炸, 熱辣辣香脆可口！串燒就點咗雞軟骨、免治雞肉串、雞皮, 不過原來要自己燒, 質素都唔錯！雪糕、甜品雪糕有Dreyer's甜筒、榴槤雪糕杯、movenpick雪糕杯, 仲有其他雪條！我就揀咗movenpick士多啤梨雪糕軟骨creamy仲有鮮果肉。甜品有迷你泡芙、芒果奶凍、cream tart和芒果蛋糕！

雖然成日周圍去食嘢，但係值得重複去食嘅餐廳唔係話好多。日式燒肉店我鍾意呢間，因為性價比好高，仲要係放題，唔使就住個荷包食，食得暢快！Order紙分門別類，食物種類好多可以慢慢揀。 出面嘅飲品有茶、紙包裝、罐裝飲品、麵豉湯、唔同種類嘅酒都有。喺出邊攞完飲品，返到嚟枱面就已經有三大個頭盤。第一個就係龍蝦，每人有半隻㗎，仲有唔少膏啖啖肉。另一個就係刺身拼盤，有六種唔同嘅刺身，最好食就係海膽，用紫菜包住嚟食會更好食。仲有一碟係肉類嘅拼盤，每款肉都標註咗名稱，樣樣都少量俾你試吓味道，邊樣好食嘅可以無限再encore。肉類無乜預先調味，調味料或醬料可以自由配搭。而我最鍾意嘅就係燒菠蘿，睇佢咁深色你就知道佢好熟，特別香甜，而且仲好開胃添。另外我推介嘅係海老，大大隻，而且質素好高，必食！今次我哋食咗兩個半鐘(5:00-7:30pm)，時間非常充足。  79折每人先三百六十幾蚊。仲可以傾吓計，慢慢出去食啲甜品仔同埋雪糕。 今次MOVENPICK有楓糖合桃味，味道幾特別架。

👀想食燒肉放題， 又想要啲高質素嘅， 佐敦嘅"響" 係不二之選😄。 喺香港， 真係好少見一間餐廳用和牛做放題， 而且食物質素非常高， 選擇亦都非常多， 真心推介💓燒肉包括：澳洲和牛西冷、澳洲和牛肉眼、牛舌片及米澤三元豚腩片等等，除左燒肉，天婦羅，拉麵等等同埋海鮮拼盤🍣(北海道帶子、大蝦同埋龍蝦), 餐廳仲👻無限量供應日本清酒，梅酒，各類汽水飲品，仲有Movepick 雪糕，鮮果雪條同埋幾款cheesecake 甜品。~~~~~~~~😋味道: 8/10📸賣相: 9/10🛋️環境：8/10💁‍♂️服務: 9/10💎性價比: 8/10💲人均：$400⏪回頭率：90%~~~~~📍響Hibiki佐敦白加士街101號珀軒1樓~~~~~