匠工房秀吉 (Closed)

每次行sogo，就會好想食依到既章魚燒，以章魚燒黎講，佢既質素其實真係唔高，不過我覺得都係好食既，八爪魚球　６粒　（＄２８）新鮮整所以好熱，出面外皮好脆口，但無木魚碎依一點我就覺得好奇怪。。。章魚燒入面都無高麗菜，只有一粒章魚同一啲紅薑

早聞sogo地庫近日有多間人氣食店進駐，但因我與友人對匠工房秀吉的北海道忌廉蝦肉餅實在念念不忘，所以我們決定放棄嘗鮮而再次造訪此店。我們此行目標明確，毫不猶豫地各自買了一件北海道忌廉蝦肉餅。乍看之下，外皮炸得金黃焦香，令人食指大動。一咬下去，外皮果然如記憶般酥脆，而溫熱的內餡一湧而出。它與普通的炸薯餅並不相同；咬下去並不是粒粒薯仔，而是軟滑香濃的忌廉內餡，更似是品嚐蝦味濃郁的忌廉濃湯。熱辣辣的炸物豈有不好吃的道理？薯餅不大，我與友人只消幾口便已吃完。再次造訪果然不負所望，繼續保持高水準，令我們一再回味。難怪在多間過江龍進駐之下，此店依舊人氣高企。

返工前一晚同事突然話想食章魚小丸子，搞到我諗起呢到既熱狗麵包，於是提議第2日我返工時買返鋪頭食😳。本來一直都好想食多次，但礙於早前sogo地下裝修，所以次次都食唔到，今日終於有機會食。同事話驚太飽決定share一個Set D😳由於係銅鑼灣行返天后，搞到個麵乾得太緊要喇，食落只係有小小味道。章魚燒方面，都係因為take away搞到冇即食咁好食，而且我唔記得左講要加沙律醬！！😩熱狗棒方面，雖然冇加任何醬料，但食落就感受到外層面包既小小甜，搭埋內里既熱狗就更完美，13蚊好抵食，又大大條～～

平時sogo thankful week 行到肚餓，總會想起它，喜歡它快靚正今次我都唔例外，急急趕下場之前又想醫肚.....它是燒賣、魚蛋外的好選擇我比較推介薯餅類，香脆夠乾身，好味今次仲試左個新口味呢-芝士豚肉夠juicy

Set F 章魚燒 + 奄列炒麵 $38 呢度啲章魚燒真係好難食，一開始，章魚燒只係是但咁落左啲醬比我，無海苔粉/紫菜，連木魚花碎都無落，我追問先死死氣比左少少少少少海苔粉，但仍然無比木魚花碎，唉我都算了八爪魚小丸子好很淋身，完全不脆，似放左十世，粉漿偏厚，八爪魚粒得一小粒，幾乎無椰菜絲，無咩內外餡，太單調，只能食得出淡淡地既粉漿味👎🏻👎🏻而且又唔算平，唔應該咁差個奄列炒麵，首先，個蛋皮挑戰左我對奄列既印象，我只係見到一隻專登整穿左蛋黃既太陽蛋放左上堆炒麵上炸，都無包住啲麵😐😐😐整得好樣衰，唔吸引，不過呢，炒面都幾好食，因為超級熱騰騰新鮮炒出送上的呢～～～可惜炒麵啲配料少到哭出來，得幾條椰菜絲，而且吝嗇到連薄切豬肉片都只得2cm X 1cm 咁細既一塊而已😵😵😵但整體份量挺大份的，男孩子都足夠飽肚 ·

自從自己迷上大阪燒（即餐牌上的日式燒餅）後，就不停的尋找有大阪燒賣的餐廳……最終我找到了這一間！位於Sogo地庫的匠工房秀吉！這一間的價格比較平民，且提供好幾個set，滿足不同人的需求。就我而言，我不喜歡這一間的章魚燒，因為它實在口感一般，於是我慣常會叫Set A，即日式燒餅+炒麵（好像是$35）。炒麵很棒，奄列炒麵也不錯，上面會有蕃茄醬，吃起來酸酸甜甜的，特別過癮。因為位於sogo地庫，這間店不大，要站著吃，有時候多人還得擠進去吃（通常四五點比較多人，不少學生和上班族都在）；所以建議情況許可的人買外賣回家吃，滋味更好

我一直都勁鍾意食美式熱狗棒，去親日本一定日日走去便利店買一條黎食。但而家香港好似好少食店有呢款熱狗棒，個人唔喜歡韓式熱狗棒，因為係軟身包皮。銅鑼灣秀吉的美式熱狗棒算炸得同日本差不多，但都係有啲油膩。但包皮脆，用司華力腸做餡，係香港賣$13，質量算唔錯了。但最近發現包皮炸得有點焦，希望秀吉可以維持水準!服務態度亦比之前較遜色。

今日中午買左個燒餅抄麵餐⋯⋯自問咁大個人，大排檔好，茶記好，反大陸好⋯⋯都未試過咁既情況竟然係個大板燒內食到個一個一元硬幣。試問大板燒的製作過程中，不是用已調較好的麵粉放在鐵板上煎煮嘛？⋯居然店員也沒有發現？

自從上兩個月去完日本返黎，同友人每次傾計都講起日本既美食，仍然係回味緊日本既大板燒，返到黎香港一直好想食返，但香港都唔多地方有，經過sogo先發現呢間小食店有大板燒，平時經過都唔多覺有既...大板燒$22 估唔到係sogo入面食野都會可以咁平，而且份量都唔少喎！普通女仔應該加多個大判燒夠飽，當然我呢個黑洞就唔得啦哈哈。講返味道先，雖然佢係一早整定好多份係到，但都仲熱既，份量大但唔會話好多粉䊢咁，入面都有椰菜，所以食落都爽口唔會話漏，加埋上面既大板燒汁同埋美乃滋就無得輸啦！當然，傳統大板燒係有章魚架嘛但呢個就唔多食到有喇，一分錢一分貨，合理既！！之後見佢個吉士大判燒都係$8個，咁就梗係試埋啦，可惜呢個佢真係整定哂兼且整好左都有一段時間，已經涷哂同一啲都唔脆，完全失望咯！！！雖然個饀都算好味，但涷就扣左大半分啦我諗熱食既話應該會差好遠！希望下次可以試佢新鮮整出黎大判燒令我重溫到日本美食既感覺，下次經過一定再食呀

今日放學之後就衝去買嚟食，去到勁多人食。是緣我上次去大阪食燒餅，係堅好食，想食番隻味。由我俾錢到俾食物唔需要3分鐘。我叫左章魚燒同燒餅。仲要多醬。可能燒餅唔係即整，所以唔覺好香，同木魚碎唔曉郁!章魚燒好熱，粉漿剛熟，但材料就一粒章魚燒得一粒章魚，仲要姆指指甲咁大粒!慶幸章魚唔老，我好似食粉漿多啲。唯有食的醬汁。到食燒餅，都係粉漿多啲，材料唔多，大月少少豚肉，薑碎，生菜碎;又係無咩味。唯一最好已經係薑味有少少辣。

這家是口痕的時候必會來吃的餐廳 有很多日本小吃 包括章魚丸子 炒麵 廣島燒 可是他們的樣不是那麼特別 所以都沒有嘗試 唯獨樣貌吸引 新鮮熱炸的炸物 我早就看上了炸物選擇非常多 點了北海道牛肉薯餅 之前也曾點過北海道忌廉蟹肉餅的牛肉餅熱辣辣 脆卜卜 十分吸引雖然有 「北海道」這三個字 可是不知道味道上與北海道有什麼關係味道上充滿著薯容的味道 間中會吃到薯仔粒 薯容還有一點兒蔥味 十分惹味 由於只是$10 別期望會有很多的牛肉 可是還會間門中吃到的 全部吃上去 也是十分配合的注：曾經點過北海道忌廉蟹肉餅 忌廉-我猜是做法會跟北海道360牛奶有關係 可是吃著有點兒膩 筆者還覺得有點兒腥 可以不試

記得睇除了雞比,南瓜薯餅,雜菜薯餅無試我幾乎所有都試過我講下有咩好食炒麵,熱狗捧,洋蔥薯餅其次就係,八爪魚丸八爪魚丸最大問題係本身有紅薑,內部有又唔比走紅薑,結果紅薑將整粒八爪魚丸的味道都破壞所以我把他放次要的位置薯餅有好多種,我同時試了好多種得洋蔥薯餅叫好味一點主要係太油我以為薯餅好好食,所以試了好多種炸芝士豬扒其實唔似豬扒似豬肉片夾住d芝士,這樣食物問題在於太咸炒麵最好食,但肉得2,3片30唔洗,算抵食燒餅試了,問題在於麵粉太厚,似食麵粉咁由於唔係即整,所以....味道亦較差,似食麵包....熱狗捧其實好好,唔知點解好多人覺得一般熱狗捧最好食係層麵包皮,真係好脆不過條香腸一般貨式,假如換過另一種更高級的香腸,這熱狗捧其實無得輸我買熱狗捧13好似係非常抵食,又大件會再試,只有熱狗捧同炒麵

要在銅鑼灣轉車回家，但感到有點肚子餓。所以走到Sogo樓下的地庫找點吃的醫肚。最後買了一個 大判燒吉士口味 ($8)整個也是溫的而已。大概是一早弄起放了很久呢 >_<不過大判燒外層還是滿軟熟，配上軟滑的吉士也不會太甜~但如果可熱辣辣吃就最好了。

行超市路過便試試~日式烤章魚丸，$32有8粒，每粒外表都大大粒，醬汁有沙律醬，燒汁，紫菜，第一啖好熱好熱，內有大大粒章魚，都幾爽口彈牙，而粉醬較厚，同朋友share食，每人4粒都好好漏

行街路過，眼見多款炸物擺放在櫥窗內，決定買一件試下。北海道牛肉薯餅預先炸起的薯餅放在食物架上，薯餅外皮香脆，放進嘴裏的薯蓉雖然不是軟滑，但舌頭仍嚐到細細的牛肉碎，放涼了的薯餅，是一敗筆之處，不然的話，那就更加可口！