匠工房秀吉 (Closed)

無無聊聊的星期一下午，仲有數小時先補習，一於到sogo逛逛。對於上次個南瓜薯餅仲回味無窮，今次點都要再黎呢度，不過就試其他味:蕃茄薯餅同雞肉薯餅。好不幸呢次時機不對。其實我已經望左薯餅d色，睇落ok先決定買，點知蕃茄薯餅都係冷冰冰既，食落得少少薯仔同茄汁味，丁點蕃茄粒/蓉都搵唔到...完全覺得被騙。雞肉薯餅就算係暖，但同樣成塊薯蓉，食唔到任何肉。

不是在這間店舖等了又等，而是朋友遲來令我地幾個等了又等。因為怕等位有排先食晚餐，加上有朋友餓到胃痛，所以入黎打底。因為極之耀眼既金黃色外表，似係新鮮炸出黎，所以叫了南瓜薯餅。如我所言，真是熱乎乎的，內裡軟而外面脆，很有南瓜味。唯一要彈的就是極之油，減肥人士一定要遠離!

下午茶時段，在崇光地庫買了隻煎釀雞翼（8元@）試試。細細隻去骨雞中翼，釀進了些菜肉（店員說是餃子餡），不但不膩，而且味道不錯，煎得香口，做得出奇的好味！過後，更多買幾隻回家，用焗爐返熱後送麵，仍然不錯。

記得中學時代來吃過，那時還要排隊購買呢。今天當然不用，付了錢就可以吃了。紅豆餅只是微暖，有點失望。餅身沒有甚麼好吃的，喜歡的就是它的紅豆餡，滑滑的，又不會太甜，份量很多，所以整個餅都好吃的。如果是熱的更好呢。吃一個也蠻飽的。

買左3拼，4粒墨魚丸+燒餅+炒麵，$32嘩，墨魚丸同燒餅好差，好似咬緊粉一樣，最好食既竟然係炒麵!! 初初我以為係咪我嘴刁，但收尾我聽到有pair情侶批評d 餅好粉，跟住就丟左半盒，我就知唔係我既問題!所以一定唔會再幫襯! 去旺角掃街算啦!

2007年12月19日，匠工房秀吉今天去了Sogo地庫買了takoyaki做午飯。要22元，賣相不差，八爪魚分量當然少，味道方面，離“好吃”還有很大的距離，如果能放一點mayoonaise可以再好些。

星期三lunch心血來潮想去銅鑼灣行下街街,行下行下唔知點解無啦啦去鬼咗sogo,一入到去就覺得有d唔對路,點解會咁多人ga,好似仲多過星期日wor...原來係唔知咩十週年誌慶之類,唉...勁後悔,無奈人在江湖身不由己,唯有繼續行啦,去到supermarket簡直係沙塵滾滾殺錯良民...比$條隊可以長到圍住個supermarket兩個圈,情況不妙,唯有撤退...撤退途中見到呢度得小猫三兩隻...哈哈買咗一個吉士餅比自己,一個紅豆餅比honey,由於番到公司先食所以只係暖暖地,個紙袋仲濕哂tim,因為焗到好多"倒汗水"^^",不過d吉士都好滑仲幾香tim,而honey既comment比咗等於無比,佢無話難食,我當佢ok ga啦...^^Ps.平時賣$6...呢幾日有9折,所以$5.5

11/11/2007 1:00pm同個朋友想食下午茶但未夠鐘~所以事但叫左d野食我地要左一個吉士判燒($6) 一個南瓜薯餅($7) 一個雞肉薯餅($7)我以前成日以為吉士就係奶皇~因為出面的食店成日都攪錯~味道都完全唔同~奶皇香口好多~靚gar奶皇係清得黎甜~而吉士只不過係普通甜味~亦唔會有奶香~判燒唔熱，唔鬆軟~南瓜薯餅又係凍的~無南瓜香味，得南瓜個色~味道都係一般~雞肉薯餅係剛剛炸起，所以好熱炸炸~不過我攪得無咩雞肉~似普通薯餅~3樣野都係$20~可接受

買左一盒大什錦, 有4粒小丸子+炒麵+煎燒餅...hohoho係sogo地庫既小食店有售.味道方面.....樣樣都麻麻地..個煎餅d粉漿好厚唔多得...小丸子都唔算好味最好咪係個炒麵啦..都係無下次

耐唔耐就會去sogo食下呢度既8爪魚丸一盒8粒的8爪魚丸都只係$22加多個鴛鴦燒餅$6味道就一時時la,多人果陣8爪魚丸燒得唔夠耐中間會一pat pat咁不過算抵呢個啦*而且尋日去食果陣見佢推出新食物eg炸番薯,炸薯波,腸仔etc.當飯前小食or下午茶間唔中食下經濟又飽肚=)唔錯!

Although the 紅豆餅is pretty good, it would be even better if the 紅豆wasn't as sweet.The octopus ball is a huge disappointment as it used to taste so much better. Last time, they would cook them bit by bit but nowadays, you are able to get it straightaway. This may save alot of time, but the taste is very different.

經過sogo見到此店既夾餅做緊promotion買4送一, 忍不住又去買5個回家食先...要左3個奶黃2個紅豆味...此終都係奶黃正d又唔會太漏太甜....紅豆此終太實好似食一個已經好漏咁...不過回家時食就無即刻食咁正啦..可以d倒汗水令到成個餅皮都濕啦.

燒餅+炒麵+章魚丸($28) - 要了三拼, 燒餅上面加左燒汁, 沙律同木魚絲, 感覺上只係食緊一團麵粉. 章魚丸又係一團麵漿, 粒章魚細到差D見唔到. 炒麵算係比較好既一個, 起碼叫入得口, 但都係硬硬地.每樣野都好難食, 但都唔知點解成日都咁多人幫襯???

要逛崇光超市，幾難唔經過秀吉，行過又多數望兩眼，但我又一直都無食過──「盼三年」，其實係咁解。無食過原因係以下其中一項或同時多項：怕油怕肥/ 好飽/ 咁啱唔想食/ 好多人/ 食物好似整定好耐/ 唔記得所以買了麵包。不過最近重複看著Omurice（オムライス）的製法，非常恨食，行過見到阿姐整omelette炒麵，明知根本是兩回事，但見枱面有兩盒未曾合蓋，似乎剛剛做起，忍唔住就買了。（燒餅雙拼B　$22）先吃底下的omelette炒麵，蛋太薄沒吃出多少蛋味，麵條只有微溫，有點失望，但猶幸無想像中多油，咬口亦不過不失。燒餅尚溫暖，但這種粉粉的口感，個人就一般。不過上面又醬汁又沙律醬又木魚，難食有限。阿姐是逐款逐款做的，要全部都熱，除了放在竹片上番蒸，否則恐怕有點難度。面對玻璃立食，看著那些大判燒，幻想自己身在日本，也是LUNCH QUEEN的一樂。填不飽肚子也沒關係，一於到印尼餐廳買甜點！

正如其他食友所講，呢度啲野係一早整好既，所以係唔夠熱。但成日都見好多人買，就好似我今日買左一盒章魚丸同吉士+紅豆燒餅。原因好簡單︰肚餓，哈﹗行sogo最近呢度，加上要醫肚時都唔會甘高要求。