匠工房秀吉 (Closed)

又一喜愛大判燒岩岩同男朋友食完野又口痕想食個甜品，你知女仔係要食埋甜品先係一餐嫁啦其實我地最享受睇住人地整果個過程成個過程15~20分鐘左右咁粉漿再加吉士，再變成完成品真係好滿足，當然個吉士大判燒都好好味啦甜而不膩，一個兩份食岩岩好

呢間野個名好特別，加上我朋友極力推介，我就上左去呢到食個下午茶。呢間野ge食物應該唔會食得太飽，當tea/小食一流!叫左個有麵有燒餅有小丸子ge餐，加埋野飲都只係40蚊左右，都幾抵食。小丸子幾有口感，幾好味，雖然佢Ｄ紫菜粉倒有Ｄ唔均勻xd 個燒餅都幾足料，雖然食落去有D 太過'粉'ge感覺，但整體都幾好。至於D炒麵都好唔錯，幾彈牙同幾夠味。不過，咁樣食一次都幾肥嫁，怕肥ge朋友都係間中食一次好la !

先說8爪魚球，半個拳頭大小的球體上佈滿了海苔粉和燒汁，看罷足以令人食指大動。咬下微脆的外層，內裡是很moist 很soft, 滾燙的肉汁，令人欲罷不能。繼而再咬多口就是其他配菜和厚厚的8爪魚塊，柔韌的口感簡直不是一般路邊的8爪魚球可比擬的.可是日式燒餅就相對較一般。味道其實不錯，入面滿盈的椰菜充滿鰹魚湯底的味道，上面清爽的燒汁和沙拉dressing 也消弭了燒餅常見的粉團厚重感。可是整體麵粉的比例仍然太多，比起8爪魚球的薄脆，燒餅整體有一種厚實的質感，這是本人相對不太喜歡的。

兩個人食，一個食奄列炒面加4粒小丸子($34)，另一個係炒面加煎餅加4粒小丸子($38)。之所以講性價比高係因為食得飽之餘又平又好味。整個奄列都完完整整咁包住個炒面，漲卜卜外觀上相當秀色可餐，茄汁唔會落得太多，既唔會蓋到奄列炒面嘅味道又可以有開胃嘅作用。小丸子好大粒，連裏面嘅八爪魚都好大粒，真才實料。八爪魚亦好彈牙。而個煎餅好厚身，外面脆卜卜，裏面啖啖肉。不過建議返一定要加野飲，因為呢d野都好乾又味道偏濃。

朋友介紹來試當下午茶，好新奇，企住既堂食都係第一次試，而且一路食仲可以一路望住員工點製作食物。第一次試炒麵，單點$20份量不多，似三絲炒，有紅薑絲，但麵質較粗身，不軟不硬又無味絕對無下次。第二次試燒餅，好飽肚係一大塊椰菜餅，上面有一塊薄豬肉片，燒餅面頭煎得香脆，配以淋面既燒汁同沙律醬食，好味但煎同醬只有面頭，入面無味，椰菜餅似無醃過/無調味，唔係太入到口，要沾醬一齊食先入到口，但味道麻麻，始終無面頭咁香脆可口。而唯一既豬肉片好難食，煎得又乾又硬，完全食唔出味佢比既醬好少，所以要叫多醬，如果唔係食入面果陣已經無醬，入唔到口圖片比大家參考醬既份量：堂食紅碟係一般醬份量，外賣白碟係多醬。

今日放工後，我肚子也有點餓，口又有點癢，於是就決定到附近的超市找點小吃過過口癮。最後我選擇了在這家『秀吉』吃一客八粒的燒章魚丸。先給張相大家看看，雖然影到食物看來有點殘缺，但有，總比沒有好吧。這家店的顧客流量不大，所以包括我所買的章魚丸都是整定，放在章魚丸烤盤上，有人購買就夾起八粒上碟加汁，加紫菜粉就成，上餐非常快捷。全店沒有坐位，只有桌子，完全為立食而設，這個時間的人不多，我隨便就找到個位置站著進餐。見章魚丸都是整定，我非常淡定，打算一口吃一個，怎知道一咬開，我就知……我太大意了！！章魚丸與內裡餡料出乎意料地熱，如果不是本人機警加上敏捷的反射神經，相信舌頭早就遭殃了。於是第二粒我才開始嘗出真味道，章魚丸本身加上燒汁，調味不太重，比較明顯只有燒汁特有的香味與微酸。入口後，材料本身味道就開始發揮，輕微焦香的表層，軟軟的餡料包含著爽甜的椰菜，薑汁刺激的味道，以及沒什麼味道的章魚粒。沒錯，自小吃章魚丸，我都不能在裡面的章魚吃到什麼令人驚喜的味道，其實我甚至乎吃不到章魚本身的味道。也許是我的舌頭有問題，又或是章魚本身真的沒有味，所以對於章魚丸這種食物，我一直都沒有太大的渴望與期待。但小時候有一

依度最好就係選擇多, 可以平平哋食個午餐, 今次食燒餅加炒麵, 燒餅啲醬汁好香, 仲有豬肉片同雜菜係入面, 好豐富, 只係粉醬就差左少少, 食落有少少粉味, 不過配合醬汁黎食, 都可以接受。炒麵就唔錯, 唔會太鹹同油, 麵質好有咬口。

晚上放工行過德福PIAGO, 行過有點肚餓，見到原來有間美味既日本燒餅，早前在尖沙咀SOGO 入面也食過，以為SOGO 執左無得食了, 所以就買左個來食，需然要企係度食，但無所謂當係街頭食魚旦，我最喜歡燒餅上面的沙律醬混燒汁加木魚碎，醬料已很好味，個饀有好多椰菜，好有口感，燒餅本身感覺好似無乜肉，感覺健康，加埋醬料一齊食非常好味~得閒行過會再食~

在附近上學的我經常來吃下午茶最愛選set a $27很喜歡那舖上醬汁，木魚的椰菜餅其實不知是什麼名字😂😂不會太滯，過個餐剛剛好就這樣，吃得光光的有次想試試八爪魚丸點了set f$30-36忘記了有點重口味，八爪魚丸內有酸薑，不是我的口味還是鍾情set a好了

男友一向都好抗拒章魚小丸子呢款小食… 搞到我明明鍾意食都冇得食… ╮(╯_╰)╭ 今日行經 Piago, 適值下午茶時間個肚不停打鼓… 我決定挑戰男友, 堅持要食小丸子~ 大不了我一個人食哂其餘七粒 (迫佢試一粒)!! 點知一試, 男友即刻着迷 ^^ 佢話同當年試過嘅味道差好遠~ 記憶中呢味小食好腥, 一啲都唔吸引... 但今日一試, 感覺即刻唔同哂!! 脆脆哋嘅外皮, 包裹住熱辣辣嘅蛋漿, 蛋漿中間又夾咗粒頗大嘅章魚肉, 層次感豐富~ 配埋紫菜粉 & 燒汁一齊食, 惹味到停唔到口!! 口口聲聲話唔鍾意食嘅佢, 連續食咗我三粒, 最後有少少唔好意思咁話留返其餘嘅比我食 ^^ 哈哈, 咁好味嘅小食, 真係冇理由抗拒!! 好彩呢度嘅小丸子水準不俗, 不然我以後就冇得食喇… (≧3≦)

今日行街在這附近逛了一會兒餓了便在這間<秀吉>買個大判燒吃!紅豆味大判燒$8店員會翻熱大判燒...令它變得溫溫的!外層軟軟的很香蛋味!內層是暖暖地但又不太甜的紅豆容!配合得天衣無縫!!!!$8真的很便宜!!!!!下次會試吉士味，但如果有更多其他味道就好了!

友人已一早吃過午餐，落單一人便打算上最高吃food court了，行過秀吉，想起上次沒吃到小丸子，一於就今日食啦。叫了燒餅小丸子套餐，汽水要了廉忌。店員很好禮貌，有笑容，又講多謝，仲要見到我地兩個人即自動比兩對筷子。好快就有得食，雖然整定但仲好熱，可能係好賣唔會擺太耐。餅依然咁厚同多醬，正。第一次食呢度嘅小丸子，同出面街食嘅有啲唔同，無咁粉，硬身啲，醬料則比較酸。每一粒都有八爪魚粒，入面好燙口，要小心食。一個人食有啲漏。

大病過後，立志在假期以外的日子，以七成蔬果三成肉為小女子的新飲食習慣。今天沒準備自家制飯盒，加上天氣炎熱，於是往位於公司不遠處的PIAGO覓食，見到匠工房秀吉...這裡的廚房是開放式的，某年月日，我在此處等待朋友在附近換雪糕，站於廚房外觀看廚師姐姐們炒麵、製作鱆魚丸、煎煎餅等...定睛觀看，轉瞬間已是十五分鐘...重點在於，於整個流程見證著炒麵煎餅足料，姐姐不斷加芽菜、椰菜等配料，鱆魚丸也不欺場，廚師姐姐均於每一粒小丸子內擺放數枚大大粒鱆魚肉！多菜少肉，腦海飄境此情景，買了ＳＥＴ　Ａ，炒麵拼煎餅，$27炒麵鹹甜度適中，麵條有點似拉麵，不油膩，有咬口！ 麵條夾雜著不少爽甜椰菜絲、紅蘿蔔絲、芽菜，增添口感層次，加上帶點香口的洋蔥絲，再以$27元套餐麵來說，這是超班之選！不過，煎餅的質素就...大相逕庭了。可能因著成本問題，麵粉太多，外皮太厚，入口的感覺似是放了一團熟麵粉加椰菜落口，若不伴著燒汁吃，完全吃不到任何味道，口腔內只有麵粉味...但，燒汁味濃得很！我只得將整塊餅反轉，用筷子一口一口的夾起沒有醬汁的餅，每一啖餅伴著一點的醬汁吃，剩下佈滿醬汁的餅皮...實在太硬太濃味哩...於十年前在

一直想吃大板燒，去左好幾間食日本野嘅餐廳都無，有係餐牌上嘅又話無做好耐，今次黎到秀吉見有二話不說買了一塊來嚐嚐。單點十八元一塊都幾平，啱啱整起夠熱，餅好厚身，椰菜唔少，最好味係多醬，食每一啖都有醬料。不過友人覺得醬料太酸不喜，我個人而言就覺得好正。作為下午茶小吃剛好，下次想試小丸子呢。

吃過下午茶，卻意猶未盡，口癢癢，便到Piago逛逛。看到匠工房秀吉的大判燒，好像很美味，便買了一個。可是店員給我們的不是剛出爐的，而是上一批次的大判燒，所以不夠新鮮熱辣，只有微溫。我咬了一口，餅皮不會很硬，感到一些蛋香，而內裏的吉士則有少許失色，始終要熱騰騰才會好味道。下次我會要求店員給我剛出爐的大判燒。