匠工房秀吉 (Closed)

今日晏晝喺德福行街，行行下覺得有啲肚餓，決定搵吓附近有咩小食好食經過piago, 比一陣燒八爪魚丸嘅香味吸引住 四點幾呢個鐘數好多人排隊買野食，睇咗餐牌好耐，樣樣都好想食，又想食八爪魚，又想食燒餅，又想食炒麵最後決定食light 少少，所以揀咗set E 八爪魚燒餅套餐望住店員逐粒八爪魚燒出黎，外脆內軟，每粒入面都有一舊八爪魚肉🐙，醬汁配上岩岩新鮮烤出黎既八爪魚丸好好味～燒餅就一早烤好，但食落都係熱既～份量大，粉槳偏多，如果可以少啲粉槳，多啲餸就得好啦，不過整體都唔錯做下午茶一流～

今日去德福商場嘅超市shopping,見到有章魚小丸子及大板燒食，二話不說即刻買黎試一試。雖然冇得坐只可站立食但都不影響食物美味👍👍章魚小丸子烤得外面脆入邊軟加埋燒汁及沙律醬超好食👍👍而大阪燒的餸也很十分豐富😋絕對值得再回味😋

話說難得放假，所以就約左朋友行下街吹下水啦。行左幾個鐘覺得肚餓，但又未夠時間食晚飯，所以就搵下小食食住先，秀吉係成日食既一間，小丸子大大粒，又飽肚。仲有大阪燒，味道不錯👍🏻

下午茶時間去到九龍灣就諗住搵D小食醫下肚，入到超市就比依間「匠工房秀吉」吸引住，呢度只有企位，開放式廚房，可以看到店員熟練地做章魚燒、大阪燒、大判燒等。原本諗住單點章魚燒，但見到套餐價錢也差不多，便叫了一個套餐D，有六粒章魚燒及炒麵（$36），份量也算是OK的。雖然炒麵及章魚燒都不是即叫即製，係放喺爐上面㷫住，但應該都係剛剛做好的，order 完好快就有得食。炒麵：麵炒得唔算多油，亦唔會太乾，可惜唔夠熱，麵條口感及味道都是一般。章魚燒：好大粒，上面加左好多醬，燒汁、沙律醬及紫菜粉，丸子裏面有原粒章魚，雖然粉漿略為遜色，但整體味道也不錯。最後臨走前, 忍唔住再買左個吉士大判燒（$8）當甜品！吉士大判燒：皮有D淡但鬆軟，吉士唔會太甜！

每次筆者在德福廣場觀看電影後，都會習慣到二期超市內的「匠工房秀吉」快食一餐醫肚。現場所見，工房採用了開放式廚房設計，食客可以觀看到每款美食的製造過程。食品可以單點，也可以套餐形式購買（加錢會有汽水）。不過工房不設座位，客人需要立食，有可能會感到不太方便。筆者點了一個套餐D享用，分別有6粒八爪魚球和炒麵。點餐下單後，職員即時以鐵板炒製麵條。但不消一會便上餐，筆者估計職員剛才的動作只是翻熱作用而已。炒麵用日式醬料調味，再配以芽菜、洋蔥等雜菜炒起。麵條賣相欠奉，入口後味道一般，口感未見十分彈牙。「匠工房秀吉」標榜著出售大阪小吃，而大阪正正就是章魚燒的發源地。八爪魚球蘸了日式燒汁跟海苔碎（筆者要求職員走掉了沙律醬）。八爪魚球偏軟身，一口咬下感覺空心，甚重空氣感。網上查得正宗大阪章魚燒會有章魚、葱花、紅薑等作餡料（如資料有誤，請各位指正）。但筆者進食時未見有葱花和紅薑這些食材，八爪魚球的味道則不過不失。筆者曾聽到食客讚嘆食物味道和大阪的非常相似，可惜筆者未有機會到當地一探真偽。未知曾到訪大阪的各位，試食完「匠工房秀吉」後，是否會有此感覺呢？

話說好耐之前同朋友行開呢間市見到有間日食店已經好想試😍不過個時食飽同埋又冇位坐就放棄左...今次過開呢邊，特登留肚食佢👉🏿✨套餐A Hkd 30 💸📌見到佢啲set其實都幾平下！😆好似呢個有燒餅同埋炒麵都只係30蚊，絕對平食呀👍🏿佢啲麵唔會炒到乾真真，同埋入面居然係有肉粒架！好感動😭大阪燒都好足料，入面都係蔬菜多，但因為有醬汁係到都唔會好寡～同埋份量真係好足，好抵食！👉🏿✨大判燒（吉士） Hkd 8 💸📌食完個餐仲有啲口痕，忍唔住叫多個大判燒試下🤣吉士味永遠都係最正冇得輸😈食落好似奶皇餡咁，食落又唔會話好膩，掂呀！

好耐無食呢間店，原來除左沙田，德福都有一間，不過呢度就只有企位。要咗個Set B，燒餅加奄列炒麵。好多醬，好colorful，賣相ok。味道唔錯，炒麵有椰菜同洋蔥。但個人覺得醬太多，有點膩。無論如何，以呢個價位，都算係十分抵食。

今日要食個quick lunch，見人唔多，就喺度食啦。呢度只有企位，不過快食就無咩所謂啦。睇睇menu，樣樣都想食，所以要咗燒餅+炒麵+八爪魚球。燒餅好味呀，加埋d醬，好有日式風味。八爪魚球都唔錯，都算足料。炒麵都ok，不過不失。總體來說都不錯，可間中黎食下。

同friend睇完戲， 去德福搵嘢食~ 食厭咗拉麵嗰啲， 又唔係好肚餓， 個friend就話不如去食章魚丸啦~ 好呀😋好耐冇食啦😋 以前讀書嗰仔成日都食㗎~ 放咗學同學八粒八粒咁食, 好懷念嗰時嘅日子呀😭一個餐有四粒章魚燒再加一個蛋包炒麵, 三十蚊都唔使好抵食呀~ 加五蚊仲有罐嘢飲添😉好味大阪燒其實一見到佢我同個friend都覺得個款麻麻地, 好似好hea咁😅 但食落又幾好味喎😁 真係估佢唔到~ 都係三十蚊唔使， 真係小食嘅首選呀

以前喺德福附近讀書，堂與堂之間有break嘅話會自己一個去呢間匠工房秀吉食野😂🙈畢咗業之後雖然都間中有再食匠工房秀吉，但就唔會專登再嚟德福呢間分店食嘅😛所以隔左一段時間再嚟呢間食，真係有點勾起當年喺附近讀書嘅回憶.而家有一間幾出名、可以俾你自己整大阪燒嘅餐廳，係可以成百幾蚊一份大阪燒😂當然佢收得貴就係因為有得俾你自己整呢個gimmick，但其實大阪燒味道食落咪又咁🤣當年會覺得匠工房秀吉一份大阪燒20蚊都唔平，隔左幾年發現都只係加價加左2蚊。而家覺得呢到廿零蚊一塊大阪燒好抵食，而且我真係覺得無論喺邊到食，大阪燒嘅味道都係咁😂.雖然冇得自己製，但都有得睇住佢地整加蛋加椰菜加麵粉漿加肥豬肉片全部固定哂份量，店員都好熟手咁整一個個大阪燒

行過德福想飲天仁茗茶，比隔離章魚燒嘅香味吸引埋，佢有好多個set餐，我就叫左set d，6粒章魚燒加炒麵($36)。炒麵略嫌有少少淋，味道一般般，主角章魚燒就好味啲，醬汁比得足，連埋一齊食就好好味，而且做到外脆內軟，咁嘅價錢，算係平價之選，而且又飽肚！

呢一間秀吉我已經食咗無數次 從來都唔會令我失望而且佢勝在夠平＄28已經可以有一個大阪燒加一個炒麵係超級抵！店唔算大但係都有少量嘅位置可以俾你企喺度食。等到嘅時間都唔會太耐。佢所有嘅嘢食味道都好好味係我中學最鍾意去嘅一間店，充滿住好多中學時期嘅回憶。佢哋未到有時我覺得比係日本當地食緊隔閡香港大眾口味而且燒都比呢個貴好多所以我覺得我都食其實真係平價高質之選黎架。而且呢一間成咗佢等嘅時間係好短佢哋整得都好快！

啱啱去完旅行返嚟 喺屋企執完喼 咁就梗係肚餓啦 又有老有約我出街喎 我哋就去咗九龍灣呀兩個人行下行下 都唔知有咩做去到某某超級市場 入到去見到有間小丸子 二話不說 即刻叫返份嚟食先 小丸子味道好口感一流 入面嘅八爪魚 煙韌爽口 最重要小丸子嘅汁 夠曬味完全唔似街邊貨咁 同埋小丸子係新鮮做熱辣辣嘅口感一流 再配埋個炒麵就 個炒麵就麻麻地 一早炒定仲要係凍嘅 好彩佢出面有一浸新鮮煎好嘅蛋皮配埋香香嘅沙律醬 同埋茄汁 味道都還可以如果下次再食 我應該都只係食章魚小丸子咋

是日來到九龍灣Piago覓食。日式超市有趣的地方是除了超市定期登場的不同小食攤位，還有固定的食店和food court。九龍灣的 是一家特別吸引的店子，主打日式章魚小丸子、廣島燒餅、日式炒麵和大判燒。從透明櫥窗可以清楚看到店員製作和食物是否處於新鮮狀態。是日點了一個燒餅拼章魚小丸子套餐（$38）和日式炒麵（$22）各一份，從價錢和飽肚的角度出發，這裡的食物份量充足，吃後也有點飽滯感島。先說說燒餅，酸酸甜甜的燒汁和沙律醬配上多爽脆椰菜餡料的燒餅，層次豐富。燒餅中也有豚肉片和煙肉，油香的另一面是有點膩口。而且，燒餅吃起來澱粉感覺挺重，不像章魚小丸子的粉漿，調得不會杰身，吃起來不會滿口麵粉。章魚小丸子中藏了粒大章魚粒，會吃到其鮮味是令筆者感到驚喜的地方。推薦指數：4/5至於，是日的日式炒麵似乎失水準了。油麵吃起來比平是更為油膩，主要是糊口的感覺讓人感到油分糊化口腔之中。味道也有點偏咸，吃口喉嚨乾涸。推薦指數：2/5店鋪主要提供「立食」和外賣自取的服務，外賣可在Piago上一層的Food Court找地方吃。按照價錢和水準，還是可一戰的選擇。

每次經過這家都會被它的章魚丸子香味吸引，每次吃過番尋味，每隔一排就要吃下，就像鋪毒癮。這天因時間不多只可來個「快餐」，吃章魚丸子最適合了。點了 set E—燒餅+章魚丸子和一個吉士大判燒。燒餅大大塊夠厚，面頭灑上超多的沙律醬和燒汁，質感鬆軟又夾雜著脆脆的配料。章魚丸子共6粒，每粒都圓碌碌的充滿原塊章魚，配上醬料和調味非常惹味。大判燒則比較遜色，份量尚可但味道淡，即使加了吉士也不甚有甜味，太乾身且有點焦味。可觀看店員製作過程大大粒的章魚丸波波～看著它們由左邊的材料變成右邊的波波真不可思議～