恆河咖喱屋

Open Now

Now Closed

平時好少嚟筲箕灣，今日放假去海防博物館嚟到呢區，食個午餐先出發😀呢間印度咖喱餐廳街坊小店見佢幾有特色，就揀左佢啦！😛睇睇佢menu,估唔到假日都有lunch set, 價錢六七十蚊， ok wo😳好多都可以配naan 或飯我地揀左咖喱雞同咖喱魚薄餅咖喱雞肉軟嫩，咖喱味香濃，薄餅同出面唔同，比較香軟有嚼勁，好食咖喱魚嘅魚塊係炸過，吸曬醬汁，好味加幾蚊有野飲，叫左個凍檸茶，好清新總的來說，呢度午市套餐六七十蚊有交易，實惠美味

平時都較少來這頭食野，因為位置較遠，所以今次黎都要物色下餐廳。因為附近餐廳全部都要等位，見呢一間唔需要等位，地方又闊落，所以就入咗去，價錢真係算平。店主非常熱情，送餐服務快，入店入面，個waiter服務好。👍叫了個魚柳同雞，配大塊薄餅，味道不錯！魚柳的咖喱會比較淡少少，就番魚肉本身冇咁搶味道。雞的咖喱會比較濃。兩隻都有配薯仔。配埋印度香料食就整體不錯。整體嚟講，又平份量又多，真係唔錯！可以再光顧！

老公十年前食過(仲喺西灣河)，話好好味仲記到今日😅😅個咖喱角皮簿好脆，好好食。點咗個咖喱魚同咖喱牛腩，都好食～最重要係配paratha同naan點咖喱🤤🤤好香好軟熟～本身唔太肚餓都食咗兩大塊😋😋

🫓 蒜蓉烤餅 $+12熱辣辣即場焗嘅naan🥰大大塊又好軟熟🤤仲好重蒜香味添🧄點埋butter chicken一齊食係絕配🥳-🥘 牛油烤雞 $102香料味好重 好足料👍🏻佢唔算好甜 偏辣🌶️ 幾香幾惹味😋質感creamy🤩點naan或者飯都好夾❤️-🍛 咖哩牛腩 $102唔會太重香料味🥳味道少少似港式咖哩牛腩🤣好啱香港人口味🤩點naan都幾夾🫓個人會鐘意butter chicken多啲🙈-好味程度：🐽🐽🐽🐽🐽餐廳環境：🐽🐽🐽🐽回頭度：🐽🐽🐽🐽價錢：🐽🐽🐽🐽💰人均消費：$100-$200

今天拍拖，行街行到攰，坐叮叮到筲箕灣，到東大街尋找美食。看到印度人經營的恆河咖哩屋，抱著嘗試心態入去。叫了咖哩雞飯及咖哩牛腩飯，估唔到咖哩雞飯給我有驚喜，外觀看來食肉大增，味道清新美味，不辣帶甜，雞肉嫩滑，下次會再來。

牛油和蒜蓉薄餅焗得很好吃.特制咖哩牛腩非常入味.用焗餅點咖哩是味蕾的好享受.烤魚酸甜適中.帶出烤魚的鮮味.咖喱角脆香可口.咖喱香口不辣.荔枝沙冰份量多.荔枝味濃.檸檬梳打可以一試.服務到位.倒瀉了水.服務員會自動自覺給紙巾給客人.服務員會自動介紹食品.可以再來晚餐呀！

過年食完咁多中菜，好想換下口味，一於去筲箕灣恆河咖喱屋食印度菜先。餐廳環境好企理，放有印度風情嘅掛畫同裝飾品。見Lunch set好抵食（$78 each)，我哋兩個人一人叫咗一個再加咗個小食。餐湯：是日餐湯係蕃茄湯。蕃茄味濃郁，酸酸maymay咁. 好開胃。瑪莎拉牛腩配烤餅：牛腩都有成10粒。牛腩炆得夠林又唔會太散。醬汁加咗好多香料，令味道好有層次。烤餅係去食印度菜必食嘅菜式。而呢度嘅烤餅，做得好出色，熱辣辣，餅底脆脆地，入邊好軟熟。配埋醬汁一齊食好夾！印度炒飯：用印度嘅長米飯，加上叉燒，雞蛋，雜菜粒同香料炒成。同我哋一般食開嘅廣東炒飯好唔同，的確係好有印度特色。蔬菜咖喱角（$48）：推薦！入邊有薯仔蓉及唔同嘅豆類！炸得脆脆嘅皮加埋軟熟同惹味嘅餡料，好好味！印度瑪莎拉茶（跟餐加$20）：職員即場喺你面前製作呢杯奶茶。拉得好高！拉茶嘅目的係令奶茶同埋空氣混合得更好. 飲嘅時候有啲薑同埋香料嘅味道. 係一個充滿印度特色嘅飲品。職員非常有禮貌，並耐心解答客人嘅查詢。抵讚！另外，恆河咖喱屋亦係入選米芝蓮指南香港澳門2011及2012嘅餐廳，唔怪得咁人客幫襯。

兩個人叫左二人餐，好多嘢食😋性價比一流🌟🌟推薦個人推介奶油咖喱雞👍🏽👍🏽👍🏽但凍檸檬茶茶底有待改善，個人感覺有啲淡。本身想飲酒，但酒類比較少選擇。

星期三下雨的晚上我和先生二人來到筲箕灣恆河咖哩餐廳晚飯，先來一碗暖心窩心的咖哩牛腩，那碗咖哩牛腩係十分好吃，好吃到我感動出來，然後再有一碗牛油咖哩雞，油而不腻。 溫熱嘅薄餅簡直令人心動，還有那個餡餅十分照顧顧客需要 ，肉不多。但很夠味，還有兩杯非常好飲的檸檬茶令我心曠神怡，這一晚上吃過恆河咖哩這一餐，什麼工作疲勞也已經消失了。咖哩牛腩是必食的煮菜，白飯餡餅，滑滑的薄荷，舒喉通鼻接著，最好吃的餡餅又來了脆脆的，使我舌尖正在舞動，還有服務態度實在賓至如歸，猶如身在酒店一樣享受五星級服務

印度味道正宗，環境乾淨，薯仔夠香，西蘭花好清新，薄餅好煙韌，脆餅好有特色，香草烤雞好食，印度香米好飽肚，職員好Nice ，咖哩味道濃郁尤其是牛肉，整體都唔錯值得來試試。

这是一个很正宗的印度菜，有正宗的印度薄饼和咖喱羊肉。听街坊介绍这家店是一家很著名的店，有一家老店开在尖沙咀，我来玩的时候搭电车到终点，刚刚好看到这家店，这家店干净卫生也听说老板在这里生活了很多年了。店面不大，但是很紧凑。厨房都是您看可以随时看到厨师操作的环境。这个APP是个很好的APP，只有认真评论餐食之后才有机会给餐厅打评分，这样可以避免很多虚假的和不认真的以及恶意刷分的情况 ，希望老板的生意越来越好。

很多年前食過幾次 恆河餐廳 已經覺得這間餐廳的印度菜式 非常之可口 但早幾年前再經過的時候已經見他結業 真係覺得有啲可惜 今晚剛探完朋友路經 東大街附近竟然見他在這裏重新開業 即時入內幫襯 味道依舊沒有失望 正宗的印度咖哩味返曬 他們的芒果沙冰及乳酪非常之好味 仲有必吃嘅芝士烤餅 所以今晚非常之開心

在太安樓對面舊址十多年前 因工作關係常常去食, 正宗印度 餐嘅味道, 因之前見他已經冇做都有啲失落, 今日行經東大街附近見他原來已經重新在這裏開店， 即時進來幫襯， 水準依舊 我的至愛芝士烤餅 同芒果乳酪非常之好食當然主角咖哩不在話下啦。

從前東大街那間銀河咖喱屋很多年以前有去食過，沒想到現在開了一間新的，雖然不知道是不是同一間，（這間名稱有多個「新」字）因為太想食咖喱，所以硬着頭皮入去試試，內裏有做一點裝修需不是太華麗，但是已經有很好的環境進餐。於是我根據午餐的餐牌點了咖喱羊肉套餐，跟薄餅再加一杯原個椰青，咖喱有濃濃的香草味道，再加上羊肉的香味整體比我預期的好，薄餅外面做得有點香脆，而內裏有啲軟糯使我在加單叫多一份。另外椰青是新鮮即開的，雖然不是特別大個但是椰汁甜度適中，整體用餐感覺很滿意，會再去。

第一次嘗試印度朋友開滴咖喱店。恆河咖喱屋 好明顯噶招牌寫出“可以不辣”，讓我這種不吃辣的人非常開心~ 味道都幾好 Lunch Set可以選擇主食 我中意米飯 所以個Lunch Set就係圖上啦​ By the wsy 個Service都幾好噶~