恆河咖喱屋 (Closed)

唔好以為筲箕灣東大街淨係得安利好食, 其實仲隱藏左好多好多美食ga. 恆河咖喱屋就係其中一間令人食過返尋味的舗頭.平日lunch黎食, 唔好諗住一定有位, 其實都幾爆ga. 所以我同阿細1點半後先到, 避開人潮,叫左兩個lunch set, 一個係咖哩牛仔腩跟飯, 一個係羊腩跟油蘇餅 (要加$8). 可能因為lunch太多人黎食飯, 竟然唔夠冰 for凍飲!! 我地兩個人只可以叫到一杯凍奶茶, 另一杯已經冇冰.....唔通食咖哩飲熱野?? 好彩仲有可樂, 係凍既....先黎一個餐湯, 其實唔知佢係咩湯, 因為淨係飲到pepper味.咖哩到!! 個牛有少少"un", 但係個羊超腍, 勁好食!! 個咖哩order左小辣, 對我地黎講剛剛好. 最要讚既係油蘇餅, 點咖哩食最夾, 我真係好鍾意呀, 而家諗起都想食呢!

難得要過海, 所以約o左好朋友仔出o黎食lunch~由於我遲o左, 好朋友仔幫我叫定o的o野先~我要了 咖喱牛腩仔 (中辣)朋友仔叫了 蒜蓉烤雞件另跟了香蒜烤餅 & 香蔥烤餅先講個 蒜蓉烤雞件 , 一般般, 係烤味好濃而個 咖喱牛腩仔 就好得~ 雖然係中辣, 但都幾辣o下la~再辣o的就可能要不斷飲水了~至於 香蒜烤餅 & 香蔥烤餅 就麵粉成分比較重香蒜有芝麻香~ 香蔥就有一層蔥粒o向中間~各有特色, 個人比較喜歡 香蔥烤餅 ~lunch set $38, 跟湯凍飲+$2~凍飲好大杯, 唔知係咪因為for食辣o野lei??

平時去街都係九龍新界區居多，冇幾可去到筲簊灣，唔知有咩食，淨係知魚旦粉出名．不過星期六兩點幾，當然排到一街都係人．結果就決定試下呢間咖哩．Set lunch全部$38，有湯，有飯／烤餅，有野飲，我同友人揀左咖哩牛仔腩同蒜蓉烤雞件配咖哩汁．見個印籍廚師原本休息緊都特登出黎燒ｄ雞．首先係個雞蓉粟米忌廉湯，有少少粟米同少少雞粒，ｄ忌廉又唔係平時飲o個仲，比較稀ｄ，仲有蛋花，不過不失啦．個牛仔腩我地揀左中辣，ｄ肉質出奇地腍，完全冇渣，個咖哩香得黎又夠辣，好惹味！個烤雞一客三件用鐵板上，肉質亦係好嫩，不過就唔係好覺有蒜味，個咖哩汁另上，係微辣同甜甜地，好食到唔多夠喉．仲有三塊烤餅新鮮熱辣上台，好煙un，可惜又係唔夠喉．其實都食得幾飽，不過又真係幾好食，　所以覺得份量多少少仲好．

前題已經有了我的文章, 我有一天提議老婆去咖哩屋吃東西好不好 佢說好 ~然後便出發 我們一入去只見2個男1個女侍應坐下女侍應便給我餐前食品我們想好吃什麼,叫1個男侍應高高瘦瘦的 我們落單後便問了一句 為什麼之前那麼妹妹(女侍應)不在呀!?放假嗎? 他便說:我唔知佢呀~ 態度好不尊重 便再說: 沒做了! 果時不算多人, 但食物好耐到,果時已經好炆想走~問佢點解咁耐 ? 佢答等多陣,好快到. 之後搞自己野 == "

,我已不是第一次幫襯,但Set Lunch都係第一次食咋,.....午餐盛惠38元(包是日餐湯,咖哩主菜一碟,熱或凍飲品,飯或烤餅),唔算太貴吧咖哩牛仔腩--牛仔腩靭咗d,不過都幾入味咖哩雞件--三舊雞加一舊薯仔,份量好似少咗d喎,...興幸d雞肉都幾嫩滑印式烤鴨胸--成舊鴨胸上鐵板,感覺唔錯香蒜烤餅--新鮮即烤,內裡軟淑,外面微脆,很特別,很好吃我第一次幫襯恆河Set Lunch,.....試過後我覺得一般,肉嘅份量比較少,味道好似差dd咁,唔及晚上散叫的咁好味,但同事就話唔錯,幾好味喎,...我諗可能他們都係第一次食,所以比較唔到吧

由於我一早知道自己會黎開呢頭所以就黎OPENRICE睇定有咩好食...就揀左呢間我地食左咖喱羊肉同咖喱牛仔腩由於我地唔太食得辣, 所以只係叫左小辣勉強都仲食到....兩樣野都係同一款既辣....但羊肉比較淋, 唔知點解個牛仔腩好硬...不過整體上都算幾滿意~

Auntie一直有recommend我跟男友來這一間curry店食但, 由於覺得curry唔係好吸引, 加上附近有我的至愛"安利"及"鍋貼大王"所以, 哩幾年來一直無去食過直到有一次和朋友(她很喜歡curry的)來食=) so surprise, 真的很好味我們叫了咖喱雞+牛脯唔係好spicy, 岩岩好烤餅仲係勁好味~~~ 唯一扣分的是餐湯, 但係, 烤餅及curry真的太好味, 做得好出色!good job, keep it up!will come again

尋日一行五人去食set lunch...有兩位同事遲啲先到，所以我哋叫咗七個餐，諗住佢兩個一嚟到就可以有得食...講講我哋叫咗咩先啦..1. 印式烤豬頸肉(配咖喱汁, 鐵板上) - 豬頸肉好爽好入味，鐵板上，好正，不過個咖喱汁我個人覺得比較甜。2. 蒜茸烤雞件(配咖喱汁, 鐵板上) - 雞件肉質尚算嫩滑，不過豬頸肉有味好多，同一個咖喱汁。3. 咖喱羊肉 - 個汁好正，全餐最辣呢個汁，可以食到流汗，同行有人話好羶，不過小女子就覺得ok，啲羊肉入晒味。4. 咖喱雞件 - 個汁都唔錯，同咖喱羊唔同，顏色偏橙橙地，雞件肉質都係尚算嫩滑。5. 咖喱牛仔腩 - 呢個汁同咖喱羊肉嗰個應該一樣，牛仔腩比較靭，不過都幾入味，尚可。6. 茴香咖喱豬排 - 個汁顏色都係偏橙橙地，不過有多一股香草味，可能就係茴香啩，整體唔錯，好味。7. 白咖喱牛舌 - 個汁白色，唔辣，偏甜，牛脷好腍好入味，都幾ok。跟set個雞蓉粟米湯 - 好正，真係好重雞香味，唔似一般忌廉湯，我都飲咗兩碗，而香蔥薄餅同香蒜薄餅都好正，不過我覺得香蒜薄餅香啲，可能我係蒜味fans啦!!呢7個set 跟咗兩個飯、兩份香蔥薄餅、三份香蒜薄餅。雖

第三次光顧恆河既set lunch，個人覺得價錢同食品質素都OK！set lunch有六款選擇，我同朋友四人叫左咖哩羊腩，烤魷魚配咖哩汁，咖哩椰菜花同埋印尼炒飯。除炒飯外都可選配飯或烤餅。三種咖哩汁味道都有些少唔同，四人一致覺得羊腩既咖哩汁最好味，食得出汁同肉係一齊煮。烤魷魚以鐵板上，魷魚好爽口新鮮，但分開上既咖哩汁就普通左d，似沙嗲汁多d。咖哩椰菜花正常，無咩特別。印尼炒飯既飯炒得好乾身，幾香，味唔會太濃，但飯硬左d。烤餅好食！點埋咖哩最good! set lunch$38連湯連飲品，抵食吖！

和男朋友正式拍拖的第一天, 就係黎呢度食飯~環境潔淨程度方面:整體比較昏暗一點, 而且鋪面比較細, 可見檯同檯之間很擠逼, 尤其我地坐門口那張二人檯! 不過牆上面的裝飾都幾特色, 近門口的檯可以見到印度師傅整餅的過程, 幾特別. 地方okay乾淨啦.食品方面:我地叫左兩份set lunch share 黎食. 咖哩牛腩夠晒辣又唔怕重椰油味. 印度烤餅夠煙軔, 同夠晒熱辣辣. 不過烤青魚就同d 香料麻麻地夾味. portion 都夠晒飽. 飲品方面我地叫左乳酸特飲, 都唔錯~ (但係我男朋友話d 特飲的質素好參差, 一時好好飲, 一時好難飲)服務方面:我地叫左一杯士多啤梨一杯芒果乳酸, 個waiter落單o個陣已經講錯左一次, 我地更正返. 點知黎到都係黎左一杯藍莓. 等左好耐另一杯先黎, 呢個時候個waiter先話無晒芒果味! 問都無問過我轉唔轉就求祈俾一杯我, 有無搞錯!!! 仲要態度唔好, 唔好意思都無句, 完全無打算去改正!價錢方面:四十幾蚊一個餐, okay 啦.

食物味道ok, 推介千層酥餅!但為起價錢都唔平,而且有時多客都幾迫...

我每個月平均都會去果度一次, 因為果度既咖哩真係好好味同埋好多款式選擇.我會一去再去既原因係欣賞佢地既食物.果度既員工服務態度都唔錯, 但係老闆就好串, 之前都見識過佢點對其他客人.今次想發表既並唔係要讚佢間餐廳d野有幾好味, 而係好想將我經歷到既野分享比大家, 等大家考慮下仲會唔會幫襯佢.今日拜完山就諗住帶埋屋企人同auntie, uncle去恆河咖哩屋試下啦.咁我地其實每個人都唔算好肚餓, expect入到去係叫幾個set lunch share既.入面並無設每人最低消費既, 咁即係代表客人有權選擇叫幾多野食啦.我地7個人坐低就叫左3個set lunch, 另外再叫多份烤餅.個老闆見我地7個人霸左7個位, 先食得果3個set就眼超超咁我都算數, 佢做生意既立埸係無錯既.而我auntie, uncle係vegetarian, order左白咖哩雜菜, 咁佢地諗住問下個老闆呢個餸入面會唔會有肉類啦.個老闆帶住好串既語氣講左一句: 「呢d野唔岩你地食架喇!」果刻見到auntie唔係咁開心, 仲同uncle拿拿林食完走先, 佢地話驚霸住d位阻住人地做生意.咁我同其他屋企人就繼續食啦....

另一老爸大讚的食店~~~果然好得!! =w=+有個靚仔哥哥幾好service, 好有禮貌又靚仔喎!!! 加加分先!!! XD一坐低就有餐前小食~~~個餅鹹0左d...不過個mint sauce好好食!!!! 都幾夠辣tim 0架!!!!咖喱芒果羊肉(大辣)辣度...OK啦, 都唔算好勁~~d羊肉好腍!!! 雖然欠缺羶味...>.<不過呢...有一點奇怪0既係我食唔到有芒果味0既???? @__@""anyway, d咖喱配埋d naan食真係一絕!!!!!!!!!!!!!!!!而d naan都超好食!!!!!!!!!!!!!!一拎埋0黎勁香麵粉香!!!! 拎上手熱辣辣!!!!!!!薄的位真的很脆!!!! 厚一點的位就很鬆軟!!!!!!!total我地叫0左5客, 3塊/客, 清晒!!!!! XDDD南印椰香血鴨胸(中辣)好香0既椰子味~~~椰甜多過辣呢...早知就要埋大辣啦...鴨胸都OK 0既, 不過食落好似平時0既煙鴨胸咁啊...??? 仲以為叫做血鴨胸會有咩特別TIM...飲品就要了blueberry lassi同indian masala teaBLUEBERR

想起3月11日,我和老婆感到肚餓, 揸車去東大街睇下有咩食,唸起成2年無食過curry,就去反試下, 看見門外的餐牌, 然後有1位樣子少少似官恩娜既女仔笑容不錯,行出來同我地講:[ hello,隨便睇吓 , 有咩可以幫到你!] 我覺得她想sell我地,我就沒出聲! 然後老婆問她有什麼好介紹和特色, 個女仔就話:[ 先生,小姐,你地可以試吓店裹面最人氣既香料燴羊膝同埋大蝦!] 佢邊講邊指我地睇!佢依然笑容極佳. 老婆話想試下! 見佢很有誠意,便入去食咖喱! 佢大我地坐,之後推開椅子給我們2個,比水同小食我同老婆, 我坐係到見佢服務唔錯. 環境舒服. 個人本身因為公司燥燥地, 便好下來.. 就點左個半膝同白咖喱什菜同通菜同串燒牛同豬,仲有些忘記了什麼食.. 味道都好好.. 個女仔好nice同我地傾計.. 講d笑話..我地好開心甘食.. 佢見我地食哂係到傾計問我地有一個餐飲飲咩.. 我就飲凍奶茶,佢見到無同事係附近便入左去沖. 我就問佢叫咩名?佢話左比我聽.個名好似d法國英文名咁,所以唔記得左.有個印象叫(x安) 只知佢是新人.食飽左.佢好細心咁問我地需唔需要. 我話:佢就收起D

屈指一算，對上一次食恆河已經是數年前的事，而且是在新鋪食(太安樓對面)，但物是人非，估唔到事隔咁耐，才正式拜會正店...由於今次係同屋企人食，大家一向小食印度菜，除咖喱外便甚麼也不懂，加上已夜深，侍應又無甚表示，唯有叫了個SET DINNER及一客印度炒飯。基本上這裡的食物水準是不錯的，至少一向小食咖喱的家人不斷讚咖喱好食便知。尤其是薄餅，更是食到停唔到口^^最可惜係印度炒飯，無可否認飯粒及鑊氣都很足及賣相好好...O的印度米真係好好食，但可惜因為小黃一家都接受唔到某種味似木榶O既印度香料...結果食剩了一大窩...真可惜。所以奉勸有心O黎試菜O既網友，除非你真係印度通，否則安全起見，都係叫個SET DINNER或者索性叫客咖喱及烤餅算吧！最後，冇野食咁耐，侍應態度依夠散慢...老闆依舊細心...或者呢d 就係佢O既特色。