慶發記小食

Open Now

Now Closed

一朝早問,買六個任何貨品就可以有一個冰袋, 下晝過來買,18蚊的牛乳等等原來不計.職員話買多個就可以, 於是買七個.點知佢話要再買多個, 兩個當一個....就算當我聽唔清楚,我已經買七個,仍然要我再加再加....同佢哋講,職員仲要聲大大, 完全唔識變通, 其實今時今日仍然有啲咁嘅態度, 店長應該諗清楚如何做好服務,否則咁嘅服務態度, 幾好食都冇用你哋唔提供解決方案, 淨係識叫客人擺多個買多個再買多個, 究竟要買幾多個臨走可以鬧客人, 呢啲唔叫趕客？

台式飲品真係周街都係，想換下口味飲番啲健康滋潤嘅飲品，呢一間慶發記就係非常好嘅選擇，佢有兩樣嘢係我最鐘意既，一就係芋圓同埋二係桃膠，記得上次同朋友租酒店喺長洲過夜，食宵夜就一定買一大碗芋返酒店食。至於今次只係一日遊，所以踩單車行過經過就買返枝嘆下，介紹朋友飲，佢喺臨走之前仲買咗幾支返屋企孝敬佢啲長輩，當長洲手信🤣🤣 重點佢價錢相當經濟，桃膠仲要大大粒，識落好有口感，飲咗食咗相當滿足，不過我飲剩三份一支諗住踩完單車飲，但已經變咗熱飲😅🤣，好似飲砂糖水咁，所以凍飲即刻飲係最好嘅😆👍🏻

漫無目的係長洲大街遊盪係好當眼嘅地方發現左呢間舖頭仔以為係手信店 點知有好多選擇乾果 蜜糖 臘腸 好多種類嘅「口立濕」本來行左一圈唔敢買嘅我因為有得試食 就踩左落個氹度😂之前食其他小魚乾覺得好腥唔試唔知魚乾咁好食!!!🤤佢啲魚乾係鬆脆 帶甜味 真係好好食因為想補鈣買左倉魚乾同黃花魚穌牙帶魚酥都好食 少骨 啖啖魚肉嘅感覺唔捨得食啊每日淨係配給一塊原來可以上網訂架 不過會無左門市優惠因為個魚脆會令我再想試佢其他產品 大讚啊👍🏻

以往諗起長洲都會諗起糯米糍做手信，但其實除咗糯米糍之外，都有其他糖水可以選擇做手信嫁！呢間舖頭嘅糖水有好多選擇，例如有楊枝甘露、檸檬薏米、燉桃膠、紫米西米露同埋極尚椰青凍！我今次就試咗極尚椰青凍，飲完好飽肚，但又唔會好膩。我另外個朋友都買咗，不過就叮咗熱嚟食，原來熱食都好好食，有唔同嘅口感！不過熱食相對地會冇咁甜，但就會多咗陣椰青嘅香味！

最近去咗長洲玩臨走時朋友推薦我買呢間嘅糖水做手信佢話呢間店嘅糖水幾出色由於好多口味最後我揀咗楊枝甘露同極上揶青凍試吓楊枝甘露好香椰奶同芒果味而且好足料食到好多西柚粒同埋西米露酸酸甜甜好開胃極上椰青凍 同樣好重椰奶香味而佢嘅椰青凍有啲似啫喱好煙韌口感幾得意總括嚟講兩款都幾好飲下次嚟一定會再encore同埋試吓其他口味嘅糖水👍🏻

—某日收到嘅散水糖水 寫明長洲製造Made in Cheung Chau sooo local🤣可惜要雪落雪櫃運送如果唔係可以做香港手信 頗有特色糖水飲品好多款式揀 見有燉桃膠 楊枝甘露 紫米/芋泥西米露 白果腐竹 檸檬薏米 消暑滋潤一流自己要咗🥥極上椰青凍 飲完好飽 唔會話甜膩有同事叮熱咗嚟食 椰味更香濃原來有寄賣?!喺其他地方所以唔洗去到長洲都有機會飲到————————————————————慶發記小食長洲海傍街41號地下

每次去長洲都會買呢間小店嘅樽裝糖水，有好多款式揀，價錢又唔貴，買夠6樽仲有冰袋送，拎返出嚟都唔驚變壞▪️養顏燉雪燕 (椰汁)▪️皇牌燉桃膠 (椰汁)▪️極上椰青凍▪️紅豆雪蓮子▪️芋泥椰汁西米露▪️濃厚凍腐竹整體嚟講，每款都好足料，又唔會太甜。經過買返樽，一路行一路飲都唔錯🙆🏻‍♀️慶發記小食📍長洲昇昌里2號地舖

一路都好喜歡嘗試唔同嘅小店，希望食到自己啱味道嘅甜品。從來都冇喺長洲食過呢一間舖頭，但係見到有團購，心思思想試吓，見到佢又多款式，仲有啲特別嘅鹹點。 首先講吓鹹點，買咗一樽蟹黃飯焦，非常香口而且味道很好味😋，至於甜品，我略嫌佢甜咗少少，楊枝甘露嘅奶太多冇乜芒果味道。而個麻薯雞蛋布甸，麻薯有啲多餘左，而且亦都唔煙韌。Call布甸本身如果少少哋係好食嘅，但係呢個份量似乎太多太甜了。有興趣試買其他嘅鹹點嘅，同埋見到佢有啲士多啤梨乾都好想試下。下次有機會會再買。

🏖️有一排冇嚟長洲，原來係條巷仔開咗間主打樽仔糖水嘅舖頭。雖然舖頭細細，但糖水嘅種類都唔少，兩邊設有自助趟櫃，客人可以自己拎想要嘅糖水。而且售價亦唔貴，大概20蚊就有交易❣️樽身雖然唔高，但勝在夠肥，樽口都比較闊，糖水料都好易飲到👍🏻，倒出黎有一大碗可以share🥥椰汁椰青凍$20椰汁味好香，入面有大量椰青凍，比起芋泥西米無咁甜，雖然係椰汁但唔會好漿口，飲完即降溫好爽❄️🍠椰汁紫薯仙草凍$22有大大粒紫薯粒，食落口感好綿，仙草味比較突出，糖水似涼粉水甘甘甜甜，唔係好飲得出椰汁味，味道比較特別！💜椰汁芋泥西米露$22椰汁芋泥西米露分成兩層，芋泥份量大概係三分一樽，甜度適中，有淡淡嘅芋頭味，芋頭味再濃郁啲會更好，西米有少少咬口，整體嚟講都唔錯！

有好多不同款飲品，都是handmade的，長洲獨有。今次揀咗紫薯椰汁仙草凍：這個飲完唔使食飯，因為紫薯飽肚，還有香濃椰汁，加上有咬口的仙草。 整個很有滿足感。個肚載唔到咁多，下次再試其他款式，見到有桃膠好似幾滋潤。買滿6支附送保溫袋，可以買返屋企俾屋企人飲🫰🏻

皆因本人大愛食菇菇 但下下要煮確實唔方便🤦🏻‍♀️所以就試下呢啲菇菇脆片 用嚟代替油炸野真係幾唔錯😆.⚠️但食得多都冇益架 最好睇睇營養標籤 脂肪低於10g/100g就屬於脫油處理得好嘅果蔬脆片️⚠️.📌香菇脆脆 $55因為冇營養標籤 就靠我嘅直覺😌食落鬆化帶微微硬脆 唔算太油但都唔乾身 手指都會沾左啲油份 食完都會有啲熱氣👀佢都係冇落鹽 但個菇味唔夠濃香清甜🤫不過佢都幾有份量 好大包 去開長洲買嚟一試都可以😝

入長洲買手信🤭 除咗芒果糯米糍，長洲都有其他手信😋 呢間舖頭都屹立不倒咗好多年，佢仲做到有得網上下單🤔，唔入嚟長洲滿$400都可以送貨㗎喇👍🏻之前試過係度買茶葉，朋友知道我入嚟就特登叫我買青梨脆脆，佢話其他地方買唔到，呢度嗰啲好好食，估唔到咁都可以出名😂 佢呢度差唔多所有樽都係$60/3罐，單買一罐就$25，如果你買四罐都可以加$20繼續買上去👍🏻 自由配搭😋

慶發記在未去長洲之前已經有朋友推介去一定買黎做手信。一樽樽的糖水真係好易拎, 而且款式多又平, 好難有藉口唔買😆🛍皇牌燉桃膠 $20一樽充滿滿滿既骨膠原, 啖啖桃膠仲有銀耳, 爽口得黎又有咬口。而且仲有紅棗杞子, 真係好適合女士們, 甜度剛剛好🥺🛍芋泥椰汁西米露 $22因為實在太飽, 已經食唔落, 所以帶左返屋企第日先食, 真的變成長洲手信🤪雖然已經係隔日, 但味道依然很好。芋泥中仲有一粒粒芋頭口感, 配上椰汁西米露, 係飯後甜品之選, 亦非常之飽肚。

雖然我比較少去長洲 但每次去都唔會帶水因為想試唔同嘅飲品呢間之前上網做research已經見到好想試咁啱行過又口渴即刻同朋友揀咗兩款！♥️養顏燉雪燕 $20雪燕被譽為平民燕窩 屬於純植物膠質有豐富嘅骨膠原切到比較細碎 每啖都飲到好多又唔使咬 口感滑滑細細粒 好似飲雪梨雪耳湯咁基地應該係糖水底 係甜蜜唔會甜膩 甚至令你喉嚨好舒服感覺好清新清爽除咗雪燕仲會見到幾粒切咗半嘅紅棗 頭幾啖覺得紅棗味偏淡 反而飲到越底紅棗味越突出✨皇牌燉桃膠 (椰汁)$22桃膠被譽為女士恩物 屬於高纖高植物性蛋白質最緊要係​​滋陰潤燥 好啱食完煎炸熱氣嘢食～口感軟硬適中都有啲爽口 嚼多幾下會食到佢自帶少少甜味而且份量好多 每啖都有之餘飲到底都仲有可以揀紅湯糖水或者椰汁 朋友就揀咗後者椰味好香濃順滑 唔會好水咁因為質地更濃稠所以都會比雪燕更有飽足感材料有紅棗 杞子 雪耳同上面嗰款一樣係飲到越底紅棗味越突出好欣賞佢兩款都飲到甜蜜滋潤嘅感覺但完全唔會過甜似平時嗌半糖甚至三分糖嘅甜度 負擔唔重

喺長洲無聊周圍行，見到呢一間甜品舖唔係好養眼的，但係我就入咗去行☺️發現每一個甜品價錢都唔貴，平均都係$20左右。買咗一個腐竹糖水嚟試吓🙌🏻點知就好驚喜！每一啖都係有滿滿的腐竹，糖水都會過甜🤪係好夾！$20來講係超級值得🤩